Mattayo 16
16
1Mafarisayo ni Masadukayo wajisile kwalinga, wasachile wonesye ishara kwiunde. 2Wajanjile, wasalile, niwaga ligulu, mkusala, tiwe kumialala, liunde lie chejeu; 3ni ku ndawi liunde lie chejeu ni kumetanda, lelo tiwe kulindina. Umwe wa kulamba, mkumanyilila kusala pa ujo kwa kulola liunde, nambo dalili sia makati nganimsimanya? 4Kuweleka kwangalumbana ni kwa chikululu kukusaka ishara; nambo ngakupewa ishara, nambo ishara ya nabii Yona. Walesile, ajawile kumangwao.
5Ni wa kwajiganya wao pe waiche pesi pawili waliji waliwalile kwisa najo mikate. 6Isa wasalile mlolechesye, mlilinde kwa chasuka cha Mafarisayoni Masadukayo. 7Waganisisye mmtima wasasile, ni kwa ligongo nganitujisa najo mikate. 8Amanyilile Isa, wasalile, mkuganisya chichi mmtima, umwe wa imani inandi, kwa ligongo nganimjisa najo mikate? 9Nganimpate kumanyilila, na muno ngamkukumbuchila mikate msano kwa magana likumi msano, ni ngalala silingwa mwalokwete? 10Na muno mikate msano na jiwili kwa magana likumi mcheche ni ngalala silingwa mwalokwete? 11Kwa chichi nganimmanyilila uneji nganisala kwa mikate, mlolechesye chasuka cha Mafarisayo ni Masadukayo? 12Ni pelepo wamanyilile nganasala welewo mlolechesye chasuka cha mikate, nambo kujiganya kwa Mafarisayo ni Masadukayo.
13Achisaga Isa upande wa Kaisaraya ya Filipo, wausisye wa kwajiganya wao, wandu wakusala wani uneji Mwana wa Adam? 14Wasalile, wane Yohana mbatizaji, wane Eliza, wane Yeremya, ao nabii jumo. 15Wasalile, mweji mkusala wani? 16Siman Petro wajanjile, wasasile, mweji u Masiya, mwana wao Mulungu wali wajumi. 17Wajanjile Isa wasalile, Heri mweji Siman bar Yona, ligongo nyama ni miasi nganasiunulila agaga, nambo Atati wangu wali kwiunde, none ngwasalila, 18ni mwe Petro, ni mwetumbi mwenemu, tinalitawe kanisa liangu, namuno milango ja wauile ngalimlema. 19Tinape soni mbungulo sia uchimwene wa kwiunde, nalio liose litimtawe mchilambo titawilwe kwiunde, nalio liose litimliugule mchilambo tiliugulilwe kwiunde. 20Walosisye wa kwajiganya wao akasalila mundu yati ni welewo Isa wali Masiya.
21Kutanda apo watandite Isa kwaunukulila wa kwajiganya wao yati yawajile kwenda Yerusalemi, ni kulaga mnope ni achekulu ni wakohani wakulungwa ni wa kulemba, ni kuulagwa ni liua lia tatu kuuka. 22Petro watosile watandite kwawelecheta, wasasile, nganiwa, ambuje, ngampata elee. 23Agaluiche, wasalile Petro, mbuje pa nyuma pangu, Shetani, mweji kuchimwa kwangu; mbaga nganonyela malowe ga Mulungu, nambo gegala ga waana Adam.
24Isa wasalile wakwajiganya wao, wataiche wose pa nyuma pangu, alikane, alitweche msalaba wao, angagule. 25Ligongo wewala watasacheo kwalamya mtima wao, tausochelesye; ni wewala wa kusochelesya mtima wao kwa ligongo liangu taipate; 26tiwanonyele wandu chichi, kupata chilambo pe, mtima wao uchasochelelaga, ao chichi tatole wandu wa kutindanya mtima wao? 27Ligongo Mwana wa Adam tajise mkulusywa mwa Atati wao ni masoka gao, ni pelepo tiwalipile wandu wose kwa matendo gao.
28Amin ngwasalila, pana wandu wakwima apa, wangapata kuua, mpika patiwaonepo Mwana wa Adam achisaga muchimwene mwao.
Currently Selected:
Mattayo 16: YAO1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
