یوحنا 15
15
مِه دار انگویر حخیخیِم
1«مِه دار انگویر حخیخیِم ئو باوَه‌م باخاوُنَ. 2هَر پَلی گه اِنوم مِه ثمر ناری، او مُئرِتی ئو هر پَلی گه ثمر باری، هرسَ مِهِیتی تاگَه ویشتِر ثمر باری. 3هُمَه هَراِسگَه وَه خاطر قصه‌ی گه وِتِمَسَ بینتو پاکینو. 4اِنوم مِه بِمینِن، ئو مِن‌یش اِنومتونَ مَمینِم. هُنَ گه پَل، اَرّ وَه قِ دار انگویرا نَمینی نِمَتونی اژ ووژ ثمر باری، هُمِه‌یش اَرّ اِنوم مِه نَمینینو، نِمَتونینو ثمر بارینو.
5«مِه دار انگویرِم ئو هُمَه پَلَل اَوَه. کسی گه مَمینی اِنوم مِه ئو مِن اِنوم او، ثمر فِرِه‌ی ماری؛ اَرِیَگه جیا اژ مِه، هُیچ نِمَتونینو بِهِینو. 6اَرّ کسی نَمینی اِنوم مِه، اِجور پَل داری‌‌کَ گه هُوَ میَنی ئو حُشگا ماو. پَلَل حُشگا‌بیئی جیَمَ مَهَن ئو ماوژِن اِنوم آگِر، ئو مَسُزِنِنو. 7اَرّ اِنوم مِه بِمینینو، ئو کَلومِم اِنوم هُمَه بِمینی هر چَتونی مِ، بِتو گه اَرِنتو اَنجومَ ماو. 8جِلال باوَه‌م ها نوم یَگه هُمَه ثمر فِرِه‌ی بارینو؛ ئو هُنَ ثابتَ مِهِینو گه شاگرد مِنینو.
9«هَرهُنَ گه باوَه‌م مِه دوس داشدیَسی، مِن‌یش هُمَه‌م دوس داشدیَ؛ بِمینِن اِنوم مِحبت مِه. 10اَرّ حکمَل مِه بارینونَ جا، مَمینینون اِنوم مِحبت مِنا؛ هَرهُنَ گه مِه حکمَل باوَه ووژِم آوِردِمَس جا ئو مَمینِم اِنوم مِحبت او. 11ایی قصه‌لمَ وِتَ بینتو تاگَه خَوشی مِه اِنوم هُمِه‌یش بو ئو خَوشی هُمَه کامل بو.
12«حکِم مِه یَسَ گه مِحبت بِهَن اَر یَکتِری، هُنَ گه مِه مِحبتِم کِردیَس اَر هُمَه. 13مِحبتی کَلِنگتِر اژ یَه نیَ گه کسی گیو ووژ بِهِئَه خِر رِقیفَلی. 14رِقیفَل مِه هُمِه‌ینو، اَرّ اَ چیئَه گه حکمَ مَهَم اَرینتو، اَنجوم بِینو. 15دیَر هُمَه وَه خُلُم هِنا نِمَهَم، اَرِیَگه خُلُم اژ کارَل اَرباو ووژ خَوَر نِری. بلکِم هُمَه رِقیف ووژِم هِناءَ مَهَم، اَرِیَگه هر چَمی گه اژ باوَه شنَفتیَ، هُمَه‌م اَژینی خَوَردارا کِردیَ. 16هُمَه نوئینو گه مِنتو اِنتخاو کِرد، بلکِم مِه بیم گه هُمَه‌م اِنتخاو کِرد ئو هُمَه‌م مَیِّن کِرد تاگَه بِچینو ئو ثمر بارینو ئو ثمر هُمَه بِمینی، تاگَه هر چَتونی اژ باوَه وَه نُم مِه بِ، بیَ بینتو. 17حکِم مِن اَرِه هُمَه یَسَ گه مِحبت بِهِینون اَر یَکتِری.
دنیا اژ مِریدَل عیسی بیزارَ
18«اَرّ دنیا اژ هُمَه بیزارَ، بِمینیَ ویرتو گه وِر اژ هُمَه اژ مِه بیزار بیَ. 19اَرّ هِن دنیا بوئیاینو، دنیا هُمَه اِجور کسِ‌کار ووژ دوس داشدی. مِنتائای اَرِیَگه هِن دنیا نیئینو، بلکِم مِه هُمَه‌م اژ دنیا اِنتخاو کِردیَ، اِسَه دنیا اژ هُمَه بیزارَ. 20کلومی گه وِتمَ بینتو، بِمینیَ ویرتو: ”خُلُم اژ اَرباو ووژ کَلِنگتِر نیَ.“ اَرّ مِنو آزار دا، وَه‌گَرد هُمِه‌یش هُنَ مَهَن؛ ئو اَرّ کلوم مِنو آوِردَ جا، کلوم هُمِه‌یشَ مارِنَ جا. 21مِنتائای یوئنَ کُل وَه خاطر نُم مِنَ مارِنَ سرتو، اَرِیَگه اَ کسَ گه مِه کِل‌کِردیَسی نِمَشتاسِن. 22اَرّ نِهاتوئیم ئو وَه‌گَرد اونَل قصَه‌م نَهَردوئی، گنائونی ناآشد، مِنتائای اِسگَه دیَر دَسپیچی اَرِه گنائو نِرِن. 23کسی گه اژ مِه بیزارَ، اژ باوَه مِن‌یش بیزارَ. 24اَرّ اِنوم اونَل کارَلمی نَهَردوئی گه بِخِر اژ مِه هُیچ‌کس نَهَردیِ، گنائونی ناآشد؛ مِنتائای اِسگَه، وَه‌یاآگه اَ کارَلونَ دیَ، هم اژ مِه ئو هم اژ باوَه‌م بیزار بینَ. 25هُنَ، کلومی گه اِنوم تورات ووژو هاتیَ، باس اَنجوم بِگِری گه: ”اژ ایی وِلِ‌بی‌جهتَ اژ مِه بیزار بین.“
26«مِنتائای وخدی گه اَ هِنارَسَ گه اژ جونِم باوَه اَرِه هُمَه کِلَ‌مَهَم بای، یانی روحِ حخیخت گه اژ جونِم باوَه مای، او ووژ اِبارَه مِه شاتیَ مِ، 27ئو هُمِه‌یش باس شاتی بِینو، اَرِیَگه اژ اَ اولَ وَه‌گَرد مِه بینونَ.
Currently Selected:
یوحنا 15: LBT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
