کارَل رسولَل 1
1
وَدَه روح‌القدس
1اِاِ تِئوفیلوس، مِه کلوم اول ووژِم، اِبارَه کُل چیئَلمی نُیسو گه عیسی بِنیا نا اَر اَنجوم دائِن ئو تیَلیم دائِنو 2تا روژی گه وَه‌سونگَ روح‌القدس، فِربونَلی داتیَ رسولَلی گه ووژ دیاری کِردوئینی ئو اَسَه ویرِ بِلِنگ بَریا. 3عیسی دُما عذاو کیشینی، ووژ اَر رسولَل ظاهر کِردی ئو وَه دلیلَل فِرِه ثابت کِردِنی‌ئون گه زِنیا بیَ. اَسَه تا چِل روژ ظاهرَ موئیا اَرینو ئو اِبارَه پاتِشائی خدا قصه‌ئونَ گَردَ مَهَردی. 4وخدی عیسی هَنیَ گَردو بی فِربو دائونو گه اژ شیَر اورشلیم نَچنَ دِریر بلکِم چیَمَ‌رئی اَ وَدَه باوَه بوئنَ ئو وِتی‌ئونو: «هُمَه اژ مِنتو شنَفت، 5یحییِ پِخَمَر وَه آو خُسِل تیَمیدَ ماتی، مِنتائای چَن روژ ویشتِر نَمَنیَ گه هُمَه وَه روح‌القدس تیَمید بِگِرینو.»
6اَسَه وخدی جیَم بین اَر دور یَکا، پِرسیون اَژی: «اِاِ خداون، یانی اِ ایی زمونَسَ گه اِدوارَه پاتِشائی گِلامِینَ اسرائیل؟»
7عیسی وِتی‌ئونو: «هُمَه نِمِیتی وخد ئو زمونَلی گه ها قدِرت‌واختیار باوَه آسمونی‌اِر ئو هُیشتیَسی اَرتَک ووژ بِذانینو؛ 8مِنتائای وخدی روح‌القدس با اَررُی هُمَه، قویَتَ مَگِرینو ئو موئینونَ شاتَل مِن اِ شیَر اورشلیم ئو کُل هیالَل یهودیَه ئو سامرَه ئو تاگَه دویرتِرین جائَل دنیا.»
9دُما یَگه عیسی ایی قصه‌لَ وِتی، هَرهُنَ گه اونَل سِیلونَ مَهَرد، ویرِ بِلِنگ بَریا ئو اَر وَر چیَمَلو اُری او گِرتی اِنوم ووژا. 10هُنَ گه ویرِ بِلِنگَ مَچیا ئو اونَل گِزو کِردوئی اَر آسمو، وَه‌یِگِل دو پیا کِراس اِسبی اِوَر، هوسیان اَر لِفو 11ئو وِتو: «اِاِ پیال جلیلی، اَرّا هوسیاینونَ ئو گِزتو کِردیَس اَر آسمو؟ هَر ایی عیسیَ گه اژ تک هُمَه ویرِ آسمو بَریا، هَرهُنَ گه دیتو چی اَر آسمو اِدوارَه گِلامیریِ دُما.»
مَتّیاس اِجال یهودا اِنتخاوَ ماو
12اَسَه شاگردَل اژ کوی گه مَشور بی وَه زِتو، گِلوناهُارد اِرَه اورشلیم. اژ اَ کویَ تا اورشلیم ویشتِر اژ یِه روژ شَمَه مقدّس رئی نوئی. 13حِنی گه رَسین اَر شیَر، چِنَ طَوَقَه‌سر مالی گه اَر اورَه جاگیر بوئین. اونَل پطرس ئو یوحنا، یعقوب ئو آندریاس، فیلیپُس ئو توما، بَرتولْما ئو مَتّی، یعقوب کُر حَلْفای ئو شَمعونِ غیور ئو یهودا کُر یعقوب بین. 14چورِّمَ گَرد ژِنَل ئو هَمیش مریم دا عیسی ئو بِرالی، یِه دل، کُل وَخدو وَخمِ دوعاءَ مَهَرد.
15یَکی اژ اَ روژِلَ، پطرس هوسیا اِنوم بِرال، گه کُل اَرسر یَک نزیک اَر صد ئو بیس نفر بین. 16اَسَه وِتی: «اِاِ بِرال، اَ نُسَخ مقدّسَ باس اَنجومَ موئیا گه روح‌القدس وِرِکار وَه زوئو داوودِ پاتِشا اِبارَه یهودا وِتی، هَر اَوَه گه رَنِما اونَلی بی گه عیسی‌ئو گِرت. 17اَرِیَگه او، یَکی اژ ایمَه وَه حساوَ ماهات ئو بیَری اژ ایی خِلمتَ داشدی.»
18(یهودا وَه مِزگانا شرَباری ووژ گُلِه‌ی زَمی خِریتی ئو اَر نومی وَه سِرا کَت اَر زَمی، ئو اِنومجا شیقا بِرد ئو کُل لَخَروئَل رِشیاتیِ در. 19کُل مردِمی گه اِنوم اورشلیم زِنِه‌یونَ مَهَرد، اژ ایی اتفاقَ خَوَردارا بین ئو نُم اَ زمینونَ وَه زوئو ووژو نا اَر ’حَقِلْ‌دَما‘، یانی زَمی خوین.)
20«اَرِیَگه اِنوم کِتاو زبور داوود نُیسیاءَ:
«”مال چول بِمینتی
ئو کس لیز اِنوم نَگِرتی،“
ئو هَمیش هاتیَ:
«”بِیلِن یَکی‌تِر جا او بِگِری.“
21اِسگَه باس اِنوم کسَلی گه اِ تموم مِدتی گه عیسیِ خداون اِنوم ایمَه ماهات ئو مَچیا، وَه‌گَردمو بینَ، 22یانی اژ زمونی گه یحییِ پِخَمَر عیسی تیَمید داتی تاگَه روژی گه عیسی اژ تک ایمَه ویرِ بِلِنگ بَریا، یَکی اَژینو وَه‌گَرد ایمَه بوءَ شات زِنیابیئِن عیسی.»
23اَسَه دو پیائو آوِردِ وَر: یَکی یوسف گه موئِتون‌ئون بَرسابا ئو هَمیش اوُنَ نُم یوستوس‌َ مَشتاسیا ئو یَکی‌تِرِک مَتّیاس. 24اَسَه هُنَ دوعائو کِرد: «اِاِ خداون، تو گه اژ دل کُل کس خَوَر دیرین. تو ووژِت نشونمو دَ گه اَژی دوءَ، کُماینِت اِنتخاو کِردیَ 25تاگَه ایی خِلمت ئو رسالتَ بِگِریِ مِل، خِلمَتی گه یهودا هُیشتَ جا ئو چیَ جاگَه ووژ.» 26اَسَه تیروپِشکو آوشد ئو قُرَ کَت اَر نُم مَتّیاس. اُهُنَ اوءَ گَرد اَ یازَه نفرَ، رسول وَه حساو یِهات.
Currently Selected:
کارَل رسولَل 1: LBT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
