YASFADOCI LOKU 7

1Iah mahci jaiahqi lutvgi jrivhki u tayowanv nili u tvwvgr-wrgi nihki lanvwaki, u ta huttv Gahbrnivme.

2Macimi nr-nakuti kvpdenv ut vlolrkvnvli, nileni ga-su-wala-mrci, vhqilu-gali chena uwa nvhekv iqelafeli ini nabowa. 3Macimi inv iah nodrgaci Jesiseli, u ta laskvmv-wrli u gigilane-mwvhi nihki Josvki, u pami kuci-mrli nili wvhsi birlici macimi wrpvnasdr-kuci ut vlolrkvnvli. 4Chena nihki, ia hudfr-wrci Je-siseli, ulrmi u nvnvhbrci-mrwrli, Nvhekv iqa-lamakufi inv wvhsi gelv yomv ipanvtv-wvci; 5xvga ut vhqalatv inv ki tfwalowa-nanv, chena welv ni upvtanvmr-kunv ni msi-kvmiku-manv, isiwaki nihki. 6Macimi u wedamvhi Jesise. Chena ina uwa mvtv paluwi biatfa ini wegiwv uci, inv kvpdenv u ta laskvmv-wrli wihgrnhi, Dabalamiwatv, tagi patfvgi-dolu geiv; xvga ni nodqa-lamakufi wvhsi gelv birivni sebrci nit vpvhqahfa-cikv : 7yoni uci mvtv nuhgi ni dapi-lalatv neiv wvhsi nelv bia-ludolv : wakv kvlvwilu ini kvlvwewa, macimi nit vlolrkv wah gegahofu, u talrli nili. 8Xvga nahfrpi nelv ilani lamvtvpiwv sebrci wesikvtuwewa, bami bonvki sebrci nelv svmrkvnvki : macimi, Nhrla, ni talv yrmv nakuti, macimi inv nhawv; chena nuhgi kutvkv, Birlu, macimi inv biawv; chena nit vlolrkv, Yomv si lvwelu, macimi ini si lvwi inv, isiwa. 9Chena iah nodrgaci Jesise yolumv wiahi, u qvqahdrna-lamrli nili, chena nihi si kugewv mahsa-lalici na-kvlakuci macimi, Gi tala-pwv nelv, mvtv ni ma’ mkv yone yasi msrgi dapwahsawa, mvtv, mvtv-lrqv lr Iswelagi, u talvhi. 10Macimi nihki wa-wrweno-fucki pami patagi si kutaqeki ini wegiwv, u mkvwr-wrli nili vlolrkvnvli mafafeli.

11Chena ini biamikvtwi palocihi mviuhqrci, yasi udawa-nagi hrci Naine sidota; macmi u kvgahgimrfhi u weda-makuhi, chena maci mahsa-lalici. 12Huwa mrlrqvhi iah biadfaci ini udawani sqrta, wrpvmahku, ’n’tvsi biaci luhfvhofu nakuti na-pakv, nileni pahi u qihfvli u gefv, macimi inv sekvwi-iqa : chena maci ini udawa uci lanvwaki weci nili iqali. 13Macimi inv Dabalamiwatv iah nawrci nili iqali, u bonvmv-wrli gitaminrqa-ladewa, macimi Tagi wihfvqalu, u talrli. 14Chena mrlrqvhi hawv macimi u tah pah-sanv ini nabowi-rmwacikv : chena nihki yr-mwalrcki nola nepv-weki. Macimi, Mvyrni ’lani, gi tala nelv, Unsgrlu; hiwv. 15Ma-cimi inv na-pakv lamvtvpiwv, chena vlami kvlvwi. Macimi ya-hu gilici si meliwa nili. 16Macmi grwilvwawa u masanaku-nrwv jrivhki : chena u wvhfrci-makuwhr-wrli nihki Mvnadoli, Msi mrmosigesqatv pami pvfaqi alagenv gelvwv : chena naiahkv u nvuhvhi u ta lanvwa-mhi Mvnatu, iwvki. 17Chena yomv Ircimo-wa inv isi mafhega ini Cudia si wapfaiv, macimi mafhega ini gryrukv tvsi.

18Chena nihi u kvgahgimrfhi Jrne u wetvmr-kuhi jrivhki yolumv wiahi. 19Macimi utvhpi-mvhi neswi u kvgahgimrfhi Jrne nili Dabalamiwalici u tah wrwe-nvhi nihi, Hv gelv inv wvh birtv, walr tuga nih nvtvwrpv-mrpa kutvkv? isiwa. 20Chena nihki ilaneki ia hudfr-wrci nili, Jrne inv Fvfvhqi-ulalhiwanv ni tah wrwenakunv gelv, Hv gelv inv wvh birtv, walr tuga nih nvtv-wrpv-mrpa kutvkv? hiwv, isiwaki nihki. 21Hina ini yr-tafvgi maci u gegahvhi silugawanv uci macimi ipanawanv chena mvci-lahfihi uci; chena maci ga-gabe-qalici u tah bonv tapinvmowa. 22Chena rpvfsa macimi, Nhrkuna macimi wetvmv-wahku Jrne nili wiahi gelvwv mviahci nama-yaqa macimi notv-maqa; nihki ga-gabe-qacki utfaku-nrwv u tapinvmowa-nwv, nihki ma-myrlvkv-tuwi-grdacki pamfaki, nihki wasgilhvga-magicki fvfvyrgho-foki, macimi nihki ga-gabsaki no-drgaki, nihki na-pagiki unsgrno-foki, nihki gitamr-fvki u bonrnrwv uwasi-biadrcimowanv nvnvhimo-foki. 23Macimi gisrda-lama-kufi cahi inv, goqa-nafv-grci mvtv wa mkv wv huci neyrgi utvgi-kvhsigi, u talvhi nihi.

24Chena ina nihi Jrne u mesvmrga-mhi iah wapfalici, ut vlami ilvhi nihi mahsa-lalici Jrneli isi, Nahiwa gelvwv ki mv’ wrpvdr-nrwv waci ini si luhfr-yaqa belasgi? hv mfvsqvlwi nrno-mi-luhvnwi? 25Wakv nahiwa ki mv’ wrpvdr-nrwv waci luhfr-yaqa? hv ilani betaniga skvnofi betanikv? Wrpvmahku, nihki wa-wrwasi-wvsacki, macimi na-nrswi lanvwa-wicki, vbeki betiga msi-ugimrki u wvghowigr-nwv. 26Pvyaqv nahiwa ki mv’ wrpvdr-nrwv waci luhfr-yaqa? hv mrmosigesqatv? Hrnkv, gi tala-pwv nelv, macimi msi vlikv si mrmosigesqatv. 27Henv yrmv, mviah-tvwi-gagi ini, Wrpvmi, ni ta laskvwv ni mesrmv ya-lvhfvme-qaivni, Henv wah nvnvhih-fatu gi myawi ya-lvhfvme-ivni.

28Gi tala-pwv nelv, Alagenv nihki iqahi na-negina-kucki mvtv wiyafv ’n’tvsi vlikv ya-lafitv Jrneli : pvyaqv inv ma-cilofitv betiga mi ugimrwi-drmkumi Mvnatu vlikv ilafi notv inv. 29Chena nihki jrivhki lanvwaki macimi nihki daxewi-mrwvtu-nigah-feki iah nodrga-wrci, u tapvsvuhr-wrli Mvnadoli, dawvhi mahci fvfvh-qi-ulalho-foki ini u fvfvhqi-ulalhiwawa Jrne. 30Wakv nihki Pa-laseki macimi nihki lvivki welvwv si ud rlvwinr-nrwv ini u kv-gahgimowa Mvnatu, dawvhi mvtv u fvfvhqi-ulalhaku-wrli nili. 31Drniwa uwa nah si ilvwahrki nihki yomv inugi-sqewa uci ’laneki, macimi nahiwa nihki u talrnrwv? 32Brsi vpaluhfvki ilafeki nih-ki la-mvtvpicki ini yr-tvh wedgegi, macimi wr-wihkuma-deki; Ki papiqahdo-lapa, chena mvtv ki manya-lapwv; ni mvwawvho-drpa, macimi mvtv ki wihfvqa-pwv, yr-deki. 33Xvga Jrne inv Fvfvhqi-ulalhlwanv biawv mvtv u pami meci tvkuwhv mvtv pami manwv wveni; macimi geivwv U bonrli wvninah-feli, ki taiu-pwv. 34Hinv u Qihfvli ilani biawv pami wihfani macimi pami manwv; macimi geivwv, Wrpvmahku, pkvmafiwi ’lani, chena mvci-wanafu, daxewi-mrwvtu-nigahfeki macimi ma-jelaficki wihgrn-wrli; ki taiu-pwv. 35Macimi laburwa u tapvsvuha-kuhi jrivhki ut vpaluhfa-mhi.

36Chena nakuti nihki Palaseki skvtv u ta la-lamrli nili wvhsi weci wihfane-makuci. Macimi nili Palaseli ya-drlici wegiwv si becfa inv, chena masvhga wvhsi wihfanici. 37Macimi wrpv-mahku, iqawv ini udawa-nagi, ma-jelafitv; chena inv iah wr-kutvgi yasi bamvh gapilici nili tvh wihfanigi inv Palase ya-drci wegiwr-pagi, u biatu alabasdrwi wihfvkvkgo-fagi lumgowa, 38chena udrnrgi nepvwi nvhekv u fitvli Jesise, wihfvqa, ufagikv-weqa-wanv uci vlami skvhudr-goli u fitvli, chena nili welahfv uci kvfhrnv nili, macimi u pvckvdrnv u fitvli Jesise, chena ini lumgo-wa uci luminrnv nili. 39Huwa inv Palasi mviahci vlvnrtv nili iah namagi ini, kvlvwi Irmagi weiv, Yrmv ilani, qahqi mrmosige-sqa-wita, naiahkv wih mola-latv si wiyafvli macimi yasi-wafilici yolumv iqali ba-pahsa-nakuci, ma-jelafitv inv, iwvpi. 40Chena Jesise pami rpvfsa, Svimvne, ni bonv takvwi wv hilalv gelv, u talrli. Macimi Kvlvwilu, Ga-gahgimiwa, u tairli inv. 41Nr-na-kuti yr-ivuhiwatv u bonvhi neswi mosinahikvnhi : inv nakuti mo-sina-higa nyrlvna tabawa salani, chena inv kutvkv nyrlvn-wrpitv-gi. 42Iah bur nihki bonvmu-wrci wv huci taphiga-wrci, u pvgfa-latvmv-wvhi inv nayeswi. Drniliwa waciganvhi wa gci vlikv si vhqa-lamagoli nihi? 43Macimi rpvfsa Svimvne, Hinv wanvhqi, nili ini vlikv laghi ba-pvgfa-latvmv-wrci, isiwa. Naiahkv gi mvyrwvh-kuwrtv, u talrli. 44Macimi nili iqali si pami kugewv, Hv gi nawv yrmv iqawv? u talrli Svimvneli. Ni uttv wegiwv ya-drivni, mvtv ni fitvli gi tasi meli napi : wakv inv u fagikvweqa-wanv uci mahci skvhudonv ni fitvli, macimi welahfv uci kvfhrnv nili. 45Mvtv gi meli pvckvmadewa : wakv inv ini ya-lrqv becfriv uci, mvtv u mah’ tfwihkv wvhsi pvckvkv-tvgi ni fitvli. 46Nesi mvtv gi lumgonv lumgowa : wakv inv lumgowa uci mahci luminrnv ni fitvli. 47Heni-uci gi tala nelv, Hinv u mvjelafewanv, maci nili, pvgfaladota; xvga inv vhqalamiwa ulrmi : wakv mrlacihi yasi melo-futv, henv inv mrlacihi si vhqalamiwa. 48Macimi nili iqali, Gi mvjelafewanv pvgfa-ladota, u talrli. 49Chena nihki wa-wetvbe-makuci tvh wihfanigi, Nafvwa yrmv ba-pvgfa-nvkv weginrqi mvjelafewanv? vlami iwvki Irmagi welvwv. 50Macimi Gi dapwahsawa gi mahci vcrpvnashaku; grmrni si wapfalu, u talrli nili iqali.

Currently Selected:

YASFADOCI LOKU 7: SJW

Highlight

Copy