YA-SFADOCI JRNE 17

1Yolumv wiahi kvlvwi Jesise; macimi spamagi Irpi u sgesa-ku manqvtugi, chena, Ufimv, ini yrtafvgi biaiv; wvhfrci-maku-feuhi gi Qihfv, wvhsi inv Uqihfimv manvwvhi wvhfrci-maku-fihabgi gelv : 2datapilvhi yasi inv melvci gelv simakufewa wvhsi makufihtvgi jrivhki wivufi, wvhsi jrivhki nihi mviahci melvci, melrci goqalrqvsi lanvwawewa. 3Chena vlv-yomv ini lanv-wawcwa goqalrqvsi, wvhsi nihki wrkumahgi gelv inv pahi mvyrwi Mvnatu, macimi nili gelv svpkvhi wa-wrwenaskvwvtv, datapilvhi desks’ Klvisde. 4Gi wvhfrci-makufihala gelv ini usgi-drmqa, ni mahci-lvwi ini pakvtafewa mviahci gelv melivni wvh silvweiv. 5Chena uwa, Ufimv, wvhfrci-makufihilu nhvlwrkv geiv gilagi ini wvhfrci-makufewa ba-bonvmv weci gelv wihsi-bur vhdagi ini yalakuqvh-kvmigigi. 6Ni tapinvukufatv-wrki gi wefowa nihki ilaneki mviahci gelv ini yalakuqvh-kvmigigi uci melivni : gelv iu nihki, macimi nihki gelv iu gi meli; chena naiahkv u gjetunrnrwv gi kvlvwewa. 7Huwa u wrkudrnrwv nihki jrivhki wiahi goqa-nahi-grci gi mahci meli yasi gelv uci-wiki : 8xvga nili kvlvwewanv ma-melivni ni mahci melrki nihki; macimi utvhpanrnrwv nili, chena u wrkudrnrwv dabwawani yasi nelv geiv uci biriv, chena dapwahsaki yasi gelv svpkvhi wrwenaskvwivni. 9Nihki ni kucimvwrki : mvtv ni kucimvwv inv yalakuqvh-kvmigigi, wakv nahga gelv mviahci melivni; xvga nihgeni gelv : 10chena jrivhki wiahi wa-welrmiv g’ uwelrmi, macimi nili gelv nelv nili : chena ni wvhfrci-makufihagopi srpwi nili. 11Chena mvtv gidani ini yalakuqvh-kvmigigi nit vpi, chena iuhkumv vbeki ini yalakuqvh-kvmigigi, macimi gi bialudola nelv. Ufapi Ufimv, gjetuni nihki gi wefowa-nagi mviahci gelv melivni, wvhsi manvwvhi nihki nakudefiwrci, datapilvhi yasi wivqa gelvwa. 12Iahaiahi weci-wiv nihki, ni gjetunrki gi wefowa-nagi gelv mviahci melivni : macimi ni gcitvwvhrki nihki, chena mvtv nakuti nihki iqinvmwv, inv wakv u qihfvli myrsinvmowa; wvhsi ini tapilo awigrdagi manv-wvhi uqrufagi. 13Pvyaqv uwa gi bialudola; macimi yolumv wiahi ni kvlvwi ini yalakuqvh-kvmigigi, wvhsi manvwvhi nihki bonvmuwrci n’ usvsilabwrwa uqrwi sdota u weyrwrgi. 14Ni mahci melrki gi kvlvwewa; macimi inv yalakuqvh-kvmigigi u segalamvhi nihi, xvga nihki mvtv inv yalakuqvh-kvmigigi uci-weki, datapilvhi yasi bur nelv inv yalakuqvh-kvmigigi uci-wiv.

15Mvtv ni kucigamu wvhsi ini yalakuqvh-kvmigigi uci luhfanvci nihki, wakv wvhsi nili mvci wiyafvli uci tabrna si gjetunvci nihki.

16Mvtv nihki inv yalakuqvh-kvmigigi uci-weki, datapilvhi yasi bur nelv inv yalakuqvh-kvmigigi uci-wiv. 17Fvfvyrghi nihki ini dabwawa-nagi : gi kvlvwewa dabwawa. 18Yasi gelv svpkv’ hini yalakuqvh-kvmigigi si wrwenaskvwivni, datapilvhi yone ini yala-kuqvh-kvmigigi ni tasi wrwenaskvwrki nihki. 19Chena nihgeni uci ni fvfvyrgdo neiv, wvhsi manvwvhi nihki nahfrpi fvfvyrgho-fuwrci dabwawa-nagi. 20Mvtv nuhgi iuhkumv pahi ni kucigamv-wrki, wakv nahfrpi nihi dadapwahsalici nelv srpwi u kvlvwewa-nwv iuhkumv; 21wvhsi manvwvhi nihki jrivhki nakude-f iwrci; datapilvhi yasi gelv, Ufimv, vpivni neyrgi, macimi nelv geyrgi, wvhsi nihki nahfrpi manvwvhi vpiwrci geyrnanrgi : wvhsi manv-wv’ hinv yalakuqvh-kvmigigi dapwahsaci yasi gelv svpkvhi wrwenaskvwivni. 22Chena ini wvhfrci-makufewa mviahci gelv melivni ni mahei melrki nihki; wvhsi manvwvhi nakude-fiwrci, datapilvhi yasi gelvwa nakude-f ivqa; 23nelv weyrwrgi, macimi gelv neyrgi, wvhsi manvwvhi nihki nakuti si mafaf iho-fuwrci; wvhsi inv yalakuqvh-kvmigigi wrkutvgi yasi gelv svpkvhi wrwen-askvwivni, macimi vhqalamvci nihki, datapilvhi yasi gelv vhqala-mivnio 24Ufimv, nihki mviahci melivni gelv, skvtv ni tasi taha wvhsi tv hvpiv, nihki nahfrpi manvwvhi weci vpimiwrci, wvhsi nihki manvwv’ hilrpvtvmuwrci ni wvhfrci-makufewa, mviahci gelv melivni : xvga git vhqalami wihsi-bur ini uskvh-kvmigigi ini yalakuqvh-kvmigigi. 25O tapvsvwi Ufimv, mvtv gi wrkumaqv inv yalakuqvh-kvmigigi, wakv gi wrkumala nelv; macimi iuhkumv u wrkudrnrwv yasi svpkvhi gelv wrwenaskvwivni; 26macimi ni wrkutafi-hrki gi wefowa, macimi wah wrkutafihiwaki ini; wvhsi ini vhqaladewa waci gelv vhqalamivni manvwvhi vhdagi weyr-wrgi nihki, macimi nelv weyrwrgi, iwv.

Currently Selected:

YA-SFADOCI JRNE 17: SJW

Highlight

Copy