YA-SFADOCI JRNE 18

1Hina Jesise mah’ tuwa yolumv kvlvwewanv, wapfa gilagi u kvgahgimrfhi grmagi ini maftakunahi Gitlvne, tvhdagi mama-gincikv, becfa ini, welv macimi u kvgahgimrfhi. 2Huwa Jotvse nahfrpi, nili mviasdru-hakuci inv, u wrkutv ini tvsi : xvga rnosvgi Jesise ini yr-yawv gilagi u kvgahgimrfhi. 3Jotvse ina uwa, naiahkv nvkvia ini kvmpani svmrkvnhi utvhpanvhi, macimi nihi ugimrwi mkvtaukulviahi uci-makufewanhi chena nihi Palasihi, biawv ntvsi gilagi tapahgi-netvwrkvnhi chena lolosanikvnhi chena vhqi-vwocikvnv. 4Waciganvhi Jesise, bami wrkutvgi jrivhki nili wiahi bami utfakuci, nhawv, macimi, Nafvwa ki nvtunawhrwv? u talvhi nihi. 5Ud rpvftvwrwrli nihki, Jesise Nrsalafe uci, u talmvrli. Neiv inv, u talvhi Jesise. Chena Jotvse nahfrpi, mvias-druhakuci inv, bami weci grpvwemrci nihi. 6Hina waciganvhi, Neiv inv, ia hilrci nihi, nihki vsvhgicahfaki, macimi ini vsisgegi si rgicfaki. 7Nuhgi waciganvhi u nvtuhtvwvhi nihi, Nafvwa ki nvtunawhrwv? Chena, Jesise Nrsalafe uci, iwvki nihki. 8Hrpv-fsa Jesise, Gi wetvmolapwv, yasi Neyrwiv inv; qahqi waciganvhi gelvwv nvtunawhiyaqa nelv, welrni iuhkumv nhrwrta ya-hrwrci : 9wvhsi ini kvlvwewa manvwvhi uqrufagi ga-kvlvwici inv, Nahga mviahci melivni mvtv nakuti ni wvnhv. 10Svimvn’ Betv waci-ganvhi nvkvia u bonv gisghikv u luhfanv ini, macimi u pgitawhrli nili ut vlolrkvnvli mospi-makufewi mkvtaukulvia, chena u gisgah-satwhrli u mvyru-tvwvkv. Huwa inv vlolrgrfv Malkvse si u we-fowani. 11Jesise waciganv’, Hini bedrkvnagi si bonvnu ini gisg-hikv : hv mvtv nah mana inv taphikv, inv Ufimv mviahci melici, u talrli Betvli.

12Waciganvhi nihki kvmpani chena inv ugimrwi kvpdenv, macimi nihki uci-makufewanvki nihki Josvki, u mvwinvchr-wrli Jesiseli macimi u gjepilrwrli nili, 13chena Anvseli nhihtv u ta siwalrwrli nili; xvga nileni wa-silamrci inv Gayafase, ma-mospi-makufewi mkvtaukulvya-witv ina bami gikvhgi. 14Huwa Gaya-fase inv na-nvhimrtv nihi Josvhi, yasi ini uwasfagi wvhsi nakuti ilani udwrci napagi nihi si lanvwahi.

15Chena Svimvn’ Betv u nakvlrli Jesiseli, chena nahfrpi kutvkv nuhgi kvgahgimrfv. Huwa inv kvgahgimrfv u wrkuma-goli nili mospi-makufewi mkvtaukulvyali, macimi ini u tapuwawi-wvkhowa inv mospi-makufewi mkvtaukulvia si becfa gilagi Jesise; 16Wakv Betv bami nepvwici frgici ini sqrdagi. Waciga-nv’ hinv kutvkv kvgahgimrfv, wa-wrkumrci inv mospi-makufewi mkvtaukulvia, luhfa chena u kvlolrli iqafvli gahcitvwvhdolici ini sqrta, macimi u becfvhrli Betvli. 17Waciganv’ hinv iqafv gah-citvwvhdotv ini sqrta, Hv nahfrpi gelv nakuti u kvgahgimrfhi yrmv ilani? u talrli Betvli. Mvtv nelv, isiwa inv. 18Huwa nihki vlolrgrfvki chena nihki wiah-simakufewanvki bami ntvsi nepvwi-wrci, mahci pkvlanvmoki mkvdawvlu; xvga ini wapi; chena nihki bami vwvfuwrci : macimi Betv nahfrpi weci nihi, bami nepvwici macimi vwvfu.

19Hinv mospi-makufewi mkvtaukulvia waciganvhi u nv-tuhtvwrli Jesiseli u kvgahgimrfhi chena u kvgahgimiwawa. 20Ud rpvftvwrli Jesise, Ni mahci tvwrci si kvlolv inv yalakuqvh-kvmigigi; mosvtvwi ni kvgahgimiwa msi-kvmikugi, chena ini mv-mrtumawi-kvmikugi, yr-tvh jrivhki nihki Josvki mrwvtwi bir-wrci; macimi mvtv wiahi ni gemi kvlvwi. 21Gociwa nelv gi nvtuhtvwi? nvtuhtvwi nihki mviahci notvwicki, ini ya-lvki : wrpvmi, iuhkumv u wrkudrnrwv nili wiahi yaiuiv, isiwa. 22Chena iah mahtuwaci yomv, nakuti nihki wiah-simakufewanvki bami mrlr-qvhi nepvwici u pgitawhrli Jesiseli u laci, Hv yone gi tasi rpvftv-wv inv mospi-makufewi mkvtaukulvia? u talrli. 23Ud rpvftv-wrli Jesise, Qahqi ni mahci kvlvwi majrfigi, dabwami-nakulu ini majrfigi : wakv qahqi uwasv, gociwa gi pgitawhi? u talrli. 24Anvse waciganvhi Gayafaseli inv mospi-makufewi mkvtaukulvia u ta laskvmvwrli nili gjepifoli.

25Huwa Svimvn’ Betv bami nepvwici macimi vwvfu. Nihki waciganv’, Hv nahfrpi nakuti gelv u kvgahgimrf hi? u talrwrli. Gircimu inv, macimi mvtv nelv inv, isiwa. 26Nakuti nihi ut vlolrgrfhi inv mospi-makufewi mkvtaukulvia, dawvhi nahvlwa-lamrci inv Betv ga-gisgahsatwhrci, Hv mvtv gi nvula ini mama-incikv-nagi weci inv? u talrli. 27Waciganvhi nuhgi Betv gircimu : macimi walanv inv nrbaiv kvlhotvmwv.

28Nihki waciganvhi Gayafaseli uci fvginrbirlrwrli Jesiseli ini Pladolivmegi haki : chena ini kulvhwhrpvnwi; chena mvtv nihki welvwv becfaki ini Pladolivme, wvhsi manvwvhi bur myrshofuwrci, wakv manvwvhi meciwrci ini pamfrsiwawa. 29Waciganvhi Brlvde nihi si luhfa, macimi, Nahiwa si masdrmowa ki biatvwrwv yrmv ilani? iwv. 30Hrpvfsaki nihki macimi, Qahqi yrmv ilani mvtv ma-mvjesilvwetv wi hilafi, mvtv naiahkv ki tvhsi pvgfanvmolapa gelv, u talrwrli. 31Waciganvhi Brlvde, Hrmwa-lahku gelvwv, macimi tapuwrlahku ya-sfagi ki kutaladewa-nwv, u talvhi. Mvtv mvyrwvtwi kutaladewa-nagi wvhsi nelvwa ilani iqinvmowa-nagi si bonvgici, u talrwrli nihki Josvki : 32wvhsi ini u kvlvwewa Jesise manvwvhi uqrufagi, ga-kvlvwici, giginotuwa yagi iqinvmowa wv huci-naci.

33Brlvde nuhgi waciganv’ hini Pladolivme si becfa, macimi utvhpimrli Jesiseli, chena, Hv gelv nili ugimrmwrli nihki Josvki? u talrli. 34Hrpvfsa, Hv pasiqi gelv gi taiu yomv, walr tuga kutv-kvki ki wetvmrgoki nelv si? u talrli. 35Hrpvfsa Brlvde, Hv nelv Josv? Gi nahvlwrkv tfwalowa macimi nihki ugimrwi mkvtauku-lvyaki nelv ki tah pvgfanagoki : nahiwa gi mahci silvwi? 36Hrpv-fsa Jesise, N’ ugimrwewa mvtv yomv yalakuqvh-kvmigigi uciwi : qahqi n’ ugimrwewa yomv yalakuqvh-kvmigi uciwiga, ina wih nochiwaki nit vlolrkvnvki, wvhsi bur nelv nihki Josvki si pvg-fanigi : wakv uwa mvtv yociweiv n’ ugimrwewa, u talvhi. 37Waciganvhi, Hv uwa ugimv gelv? u talrli Brlvde. Jesise rpvfsa, Gi taiu gelv yasi ugimrwiv nelv. Yomv n’ uci mahci negi, macimi yomv n’ uci bir ini yalakuqvh-kvmigigi, wvhsi dabwaminakuiv ini dabwawa. Jrgi wiyafv ini dabwawa waciwitv u notv ni ta sihsimowa. 38Nahiwa dabwawa? u talrli Brlvde.

Chena inv iah mahtuwaci yomv, nuhgi nihi Josvhi si luhfa, macimi, Mvtv ni mkv mvci-lvwewa weyrgi inv. 39Pvyaqv ki bonrnrwv yr-silvwegi, wvhsi nelv pvgfanvmolvku nakuti wiyafv ini tvh pamfrsiwagi : hv waciganv’ hinv ugimrmwrli nihki Josvki wvhsi pvgfanvmolvku ki tasi tahapwv? u talvhi nihi. 40Waciganv-hi nihki wivkvhotvmoki nuhgi, Mvtv yrmv ilani, Pvlapvse wakv, iwvki. Huwa jekuniwahfi inv Pvlapvse.

Currently Selected:

YA-SFADOCI JRNE 18: SJW

Highlight

Copy