YA-SFADOCI JRNE 16

1Yolumv wiahi gi mahci kvlolalapwv, wih bur gelvwv ipan-vlofuyaqa wvhsi utvgikvhsinayaqa. 2Nihki nili msi-kvmiku ga huci luhfa-pvgilaku-wrki : hvnkv, ini yrtafvgi biaiv, wvhsi goqa-nafvgrci nfalwrqa wah sitaha yasi inv gisrcilutvwrci Mvnadoli. 3Chena yolumv wiahi nihki wah silvweki, xvga mvtv u mah’ wrkumrwrli nili Ufimrli, walr nelv mvtv. 4Pvyaqv yolumv wiahi gi mahci kvlolalapwv, wvhsi ina ud rtafvmowa-nwv biayrga, manvwvhi gelvwv mkvwalatvmaqa nili, yasi wetvmolvku. Chena ina wasgi uci mvtv yolumv wiahi gi talapwv, xvga gi pvh-wed-famalapwv. 5Pvyaqv uwa inv ni-tv wawrwenaskvwitv; macimi mvtv nakuti gelvwv ni nvtuhdrqv, Drniwa gi-tv? 6Pvyaqv xvga gi mahci kvlolalapwv yolumv wiahi, mvcilabwrwa uqihfanwi ki tahiwv. 7Pvyaqv ini dabwawa gi talapwv : Uwasfanwi ini gel-vwv si wvhsi nelv wapfaiv; xvga qahqi bur wapfaiv nelv, mvtv inv Manwitahadewanv gah bialudrkuwv; wakv qahqi nelv nhriv, gelvwv nah laskvwv inv. 8Chena inv, ina birta, mvjesilvwewa-nagi wa huci vliskvitv ini yalakuqvh-kvmigigi, chena tapvsvwela-fewa-nagi uci, macimi mahtvhkuwawa-nagi uci : 9mvjesilvwewa-nagi uci, xvga mvtv nihki dapwahsaki nelv; 10tapvsvwelafewa-nagi uci, xvga nelv inv Ufimv ni-tv, macimi gelvwv ki talrpvmi-pwv mvtv gidani; 11mahtvhkuwawa-nagi uci, xvga inv yomv yalakuqvh-kvmigigi ugimv udo-srkv naiahkv mahtvhkuwrfu. 12Gawvgi ni bonv maci wiahi wv hilalvku, pvyaqv kid rlwvtanrnr-wv gelvwv inugi. 13Pvyaqv ina inv uwa birta, inv dabwawa si Ucvjrlvhqv, inv gah si mvyrwi-walakuwv jrivhki ini dabwawa : xvga inv mvtv pasiqi welv wa huci kvlvwi; wakv goqa-nahi-grci si wia’ hinv wah nodrga, nileni inv wah kvlvwi : macimi gah muhgrtutv-mrkuwv inv nili wiahi wrsv biayrki. 14Nah wvhfrci-makufihaqv inv : xvga n’ uwelrmewa wa huci mvma inv, macimi gah muhgrtutv-mrkuwv ini. 15Jrivhki wiahi goqa-nahi-grci u bonv inv Ufimv n’ uwelrmi : waciganvhi ni taiu, wvhsi inv mvmagi n’ uwelrmewa, macimi gah muhgrtutv-mrkuwv ini gelvwv. 16Frbemahi, chena gelvwv ki ta Irpvmipwv mvtv gidani; macimi nuhgi frbemahi, chena gah nawipwv. 17Nrlatv u kvgahgimrfhi waciganvhi, Nahiwa yomv ya-lalvqa inv, Frbemahi chena gelvwv mvtv ki talrpvmipwv : macimi nuhgi frbemahi, chena gah nawip-wv : chena Xvga inv Ufimv ni-tv? hideki. 18Nahiwa yomv ya-iuci inv, Frbemahi? Mvtv ki wrkudrpa ya-iuci inv, iwvki. 19Jesise u molalatv yasi nihki mrtvwi nvtuhtvwrwrci nili, macimi inv, Hv ki ne-nvtuhdwrtipwv alagenv gelvwv yomv si, ya-iuiv, Frbemahi chena gelvwv mvtv ki ta Irpvmipwv, macimi nuhgi Frbemahi, che-na gah nawipwv? u talvhi. 20Tapilo, tapilo, gi talapwv nelv, gah wihfvqapwv, macimi gah mvwapwv, wakv inv yalakuwvh-kvmigi-gi wa husvsilapwv : gelvwv gah mvcilabwrwafipwv, pvyaqv ki mvcilabwrwa-nwv usvsilabwrwa-nagi wah si kutakunota. 21Iqawv ina inv vhqilowa-nagi ia hvpici u bonv mvcilabwrwa, xvga ud rtafvmowa uwa biaiv : pvyaqv ina inv iah neginrci nili vpaluh-fvli, mvtv gidani u mkvwalatv ini vhqvdgrwa, xvga ini usvsilab-wrwa yasi ilani si negici ini yalakuqvh-kvmigigi. 22Chena gelvwv waciganv’ hinugi ki bonrnrwv mvcilabwrwa : pvyaqv gah nvulap-wv nuhgi, macimi wa husvsilabwriv ki tahiwv, chena k’ usvsilab-wrwa-nwv mvtv wiyafv gi tvh mvmrkuwv. 23Chena ina grsagigi gah nvtuhtvwipwv mvtv-wiahi. Tapilo, tapilo, gi talapwv nelv, Qahqi gelvwv gah nvtutvmvwrwv wiahsi wiahi inv Ufimv, inv gah melakuwv ini ni wefowa-nagi. 24Yone lrqvsi mvtv wiahi ki mah’ nvtudrnrwv ni wefowa-nagi : nvtutvmuku, macimi ga hutafipwv, wvhsi k’ usvsilabwrwa-nwv manvw’ huqrwi sdodagi.

25Yolumv wiahi gi mahci kvlolalapwv papagici iyowa-nagi : ini rtafvgi biaiv, ina mvtv gidani gah kvlolalapwv papagici iyowa-nagi, wakv gah tapi wetvmolapwv inv Ufimv. 26Hina grsagigi gah nvtuhtvmapwv ni wefowa-nagi : macimi mvtv wvhsi gah kucitvmolapwv inv Ufimv gi talapwv; 27xvga inv Ufimv git vhqalamakuwv welv, xvga ki mahci gelvwv vhqalamipwv, macimi ki mahci dapwahsapwv yasi inv Ufimv uci biriv. 28Hinv Ufimv n’ uci biaci luhfv, macimi ini yalakuqvh-kvmigigi ni tah bir : nuh-gi, ni nvkvtv ini yalakuqvh-kvmigigi, macimi inv Ufimv ni-tv. 29Hu kvgahgimrfhi iuhi, Scih, huwa tapinvlaqi kvlvwilu gelv, maci-mi tagi kvlvwilu papagici iyowa. 30Ni wrkudrqa uwa yasi gelv wrkutvmvni jrivhki wiahi, macimi bur vgrwrtvmvni wvhsi wiya-fv ilani nvtuhtvwahgi : yomv uci ni dapwahsapa yasi gelv Mvnatu uci birivni. 31Jesise ud rpvftvwvhi nihi, Hv uwa ki dapwahsap-wv? 32Wrpvtvmuku, ini yrtafvgi biaiv, hvnkv, biaiv uwa, wvhsi gelvwv lfwasgryaqa, jrgi ilani u nhvlwrfewa hawv, macimi nah nvkvlagopi nrnsihkv : chena mvtv waghi ni nrnsigrwi, xvga inv Ufimv weci nelv. 33Yolumv wiahi gi mahci kvlolalapwv, wvhsi neyrgi manvwvhi gelvwv bonvmaqa grmrnelafewa. Hini yala-kuqvh-kvmigigi gelvwv ki bonrnrwv gesanrci-nvmowa : pvyaqv gilvgi-tahawafiku; ni mahci vliskv ini yalakuqvh-kvmigigi.

Currently Selected:

YA-SFADOCI JRNE 16: SJW

Highlight

Copy