زکریأ ۶
۶
چأرتأ اَرأبه رویأ
1 ایتأ دِه رویأ دورون چأرتأ اَرأبه بیدِم کی جٚه دوتأ میسی کوه میأن بأمؤده بیرون. 2 اوّلی اَرأبه سورخٚ اسبأنٚ اَمرأ، دویُمی اَرأبه سیأ اسبأنٚ اَمرأ، 3 سیومی اَرأبه سیفیدٚ اسبأنٚ اَمرأ و چأرومی اَرأبه اَبلقی اسبأنٚ اَمرأ فأکشِه بوستیدی.
4 فٚرٚشته جَا وأوٚرسِم: «اَی آقأ جأن، اَشأن چییٚد؟»
5 جوأب بٚدأ: «اَشأن چأرتأ آسمأنی روح ایسٚد کی تومأمٚ زیمینٚ خوداوندٚ حوضور بٚپأ ایسٚده و اَسه اونٚ دستورٚ انجأم دٚئنٚ رِه رأ دکفتٚده. 6 سیأ اَسبأن شومألٚ ور، سیفیدٚ اَسبأن غربٚ ور و اَبلقی اَسبأن شٚده جونوبٚ ور.»
7 پور زورٚ اَسبأن کِن‌کِن کودید کی رأ دکفد و تومأمٚ زیمینٚ دورون بٚگردد. خوداوند بٚفرمأسته: «بیشید و بینأ بوکونید بٚگردید.» پٚس اوشأن رأ دکفتد و تومأمٚ زیمینَ بٚگردستده.
8 بأزون خوداوند مٚرَه دؤخأده و بٚفرمأسته: «اوشأنی کی بوشؤده شومألٚ سرزیمینٚ میأن، می دستورَ انجأم بٚدأده اویَه می غیظَ فوروز بأوٚردٚده.»
یهوشعٚ تأج نٚئنٚ مرأسیم
9 ایتأ دِه پیغأمٚ میأن خوداوند مٚرَه بٚفرمأسته: 10 «جٚه یوهودیأنٚ ور، حلدای، طوبیا و یدعیا کی تبعید بوبوستٚد بابِلٚ میأن، طلأ و نوقره جَا پیشکشأن بأوٚردٚده. اوشأنٚ جَا پیشکشأنَ فأگیر و بوشو یوشیا (صفنیا پٚسر) خأنه میأن 11 و اوشأنٚ اَمرأ ایتأ تأج چأکون. بأزون تأجَ بٚنه پیله کأهین، یهوشع (یهوصادقٚ پٚسر) سرٚ رو. 12 اونَ بوگو کی یهوه صبایوت اَطؤچی فرمأیه: "تو ایتأ نومونه جٚه او مردأی ایسی کی «دأرٚخأل» نأم دأرِه. اون جٚه او جیگأ کی ایسأ زپه زٚنِه و خوداوندٚ خأنه‌یَ ایوأردِه چأکونِه. 13 اون ایسٚه کی خوداوندٚ خأنه‌یَ چأکونِه و پأدیشأیی شوکو اونٚ شین بِه. اون کأهین و پأدیشأ موقأمٚ میأن پأدیشأیی کونِه، و اَ دوتأ موقأمٚ میأن تومأم و کمأل همدیلی نٚهأ." 14 بأزون، اَ تأجَ ایتأ پیشکشٚ مأنستَن جٚه حلدای، طوبیا، یدعیا و یوشیا ور بٚنه خوداوندٚ خأنه میأن کی ایتأ یأدگأر بٚبه.»
15 او آدمأن کی دورٚ جیگأیأنٚ میأن زٚندیگی کونٚده، اَیٚده و خوداوندٚ خأنه ایوأردِه چأکودنٚ میأن یاور دٚهٚده؛ بأزون فأمیدی کی یهوه صبایوت مٚرَه شیمی ورجأ اوسه کوده. اَن او زمأت پیش اَیِه کی شومأن شیمی خودا، یهوه جَا دوروستی اَمرأ ایطأعت بوکونید.
Currently Selected:
زکریأ ۶: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org