Genèse 36

Ndohi te verzi Esau

1Na haha ndohi verzi Esau – man ta baha na Edom. 2Esau a nhul ngwozi na te va dalahi Canaan. Ada, dem Elon, ndo Héth. Oholibama, dem Ana, dem Tsibeon, ndo Hévi. 3Basmath, dem Ismael, demam Nebajoth. 4Ada a nya na Eliphaz a Esau. Basmath a myu Réuel. 5Oholibama a myu Jéush, Jaelam a Koré. Na haha wudahi Esau man ta yu te kokwar Canaan. 6Esau a nhul ngwozi na, a wudahi a dalahi na, ndohi gi nengaʼa tèlèba, a skwi na, a skwi ndzham na, a skwi a gi tèlèba man a nʼngotso te kokwar Canaan, a mdo a kokwar ngiɗè dra a sam Jacob, kramam na. 7Skwi mèshèlè tengaʼa a zhè kumba, ta slaha ta nzi a sam staɗ azbai, herkeda man ta nza a pa ara mbrok a slra ta bai. 8A Esau a nʼnza a géɗ za Séir – Esau, nengaʼa Edom.

9Na haha wudahi Esau, bab ndohi Edom, a géɗ za Séir. 10Nasa nzlembaɗ wudahi Esau: Eliphaz, kra Ada, ngwoz Esau. Réul, kra Basmath, ngwoz Esau. Wudahi Eliphaz:. 11Théman, Omar, Tsepho, Gaetham a Kenaz. 12Thimna, ngwoz man a Eliphaz, kra Esau, macecèwaʼa. A nya na Amalek a Eliphaz. Nasa wudahi Ada, ngwoz Esau. 13Na haha wudahi Réul: Nahath, Zérach, Shamma a Mizza. Nasa wudahi Basmath, ngwoz Esau. 14Na haha wudahi Oholibama, dem Ana, dem Tsibeon, ngwoz Esau. A nya na Jéush, Jaelam a Koré a Esau. 15Na haha wud bihi man ta te va wudahi Esau; na haha wudahi Eliphaz, tsuvom Esau: bi Théman, bi Omar, bi Tsepho, bi Kenaz, 16bi Koré, bi Gaetham, bi Amalek. Na haha bihi man ta shkè te Eliphaz, te kokwar Edom. Na haha wudahi Ada. 17Na haha wudahi Réul, wudahi Esau: bi Nahath, bi Zérach, bi Shamma, bi Mizza. Nasa bihi man ta shkè te Réuel, te kokwar Edom. Nasa wudahi Basmath, ngwoz Esau. 18Na haha wudahi Oholibama, ngwoz Esau: bi Jéush, bi Jaelam, bi Koré. Nasa bihi man ta shkè te Oholibama, dem Ana, ngwoz Esau. 19Na haha wudahi Esau, a bihi tengaʼa. Esau, nengaʼa Edom.

Verzi Séir

20Na haha wudahi Séir, ndo Hori, ndohi man ta te kokwar sa zlèzlèa: Lothan, Shobal, Tsibeon, Ana, 21Dishon, Etser a Dishan. Nasa bihi ndohi Hori, wudahi Sèir, te kokwar Edom. 22Wudahi Lothan: Hori a Héman. Demam Lothan, nengaʼa Thimna. 23Na haha wudahi Shobal: Alvan, Manahath, Ebal, Shepho a Onam. 24Na haha wudahi Tsibeon: Ajja a Ana. Ana sa, nengaʼa man a ngots-koɗi nlèlè iyam vogwa te hèshèkèɗ, a wara ta kɗèhihai Tsibeon, bab na. 25Nta wudahi Ana: Dishon, Oholibama, dem Ana. 26Na haha wudahi Dishon: Hemdan, Eshban, Jithran a Keran. 27Na ha wudahi Etser: Bilhan, Zaavan a Akan. 28Na haha wudahi Dishan: Uts a Aran.

29Na haha bihi ndohi Hori: bi Lothan, bi Shobal, bi Tsibeon, bi Ana, 30bi Dishon, bi Etser, bi Dishan. Nasa bihi ndohi Hori, bihi te kokwar Séir. 31Na haha bihi man ta gu bai te kokwar Edom, ga Israel a nʼngots bai. 32Béla, kra Beor, a ngu bi te Edom. Nzlembaɗ kokwar na, Dinhaba. 33A Béla a mʼmets na; a Jobab, kra Zérach, te Botsra, a ngu bi te di man a na. 34A Jobab a mʼmets na; a Husham, te kokwar ndohi Thémam, a ngu bi te di man a na. 35A Husham a mʼmets na; a Hadad, kra Bedad, a ngu bi te di man a na. Nengaʼa a ntse ta ndohi Madian a dal Moab, Nzlembaɗ kokwar nengaʼa, Avith. 36A Hadad a mʼmets na; a Samla, te Masreka, a ngu bi te di man a na. 37A Samla a mʼmets na; a Saul, te Rehoboth, a ma woyam, a ngu bi te di man a na. 38A Saul a mʼmets na; a Baal-Hanan, kra Achor, a ngu bi te di man a na. 39A Baal-Hanan, kra Achor, a mʼmets na; a Hadar a ngu bi te di man a na. Nzlembaɗ kokwar nengaʼa Pau. Nzlembaɗ ngwoz na, Mehéthabeel, dem Mathred, dem Mézahab.

40Na haha bihi man ta shkè te Esau, ara verzi ta, ara kokwar bi ta, ara nzlembaɗ ta: bi Thimna, bi Alva, bi Jetheth, 41bi Oholibama, bi Ela, bi Pinon, 42bi Kenaz, bi Théman, bi Mibtsar, 43bi Magdiel, bi Iram. Na haha bihi Edom, ara gihi ta, te kokwar man ta kworaʼa. Nasa Esau, bab Edom.

Currently Selected:

Genèse 36: MOF89

Highlight

Copy