MAKU 6

1YI akancuka koku yi akalwa ku mbata anci, yi beyi banci bakamulandudila. 2Yi pakalwa Sabado pakabangayi kweyesa mu kixingidilu, yi bantu bangi bakakwombwa bakakama ene, You amangata bintu bebi kupai ? Yi bwinu bwamamupebwa budi bwa beci ? Yi makisa aa noku a ngulu amakwencebwa ku makaci anci ? 3Ki yei ndo musongi a mici, mwana a Mali, mukulu a Yakobo yi Yosese yi Yudaxi yi Ximono ? Bangasananci lolo kabena badi yinecu kunu ? Yi bakaponexebwa ku bwalo bwanci. 4Yi Yisu akabatôyela ene, Mudimuxi kasosaka yi lotumbu kutena ku mbata anci yi kudi bilungu bienci, yi ku ncibo anci. 5Yi akadi kabiyi kwenca dikisa dioso dia ngulu koku, kutena amabaka makaci anci kulu kwa bena mabombu babende yi amabapandisa. 6Akakama kama lolo bwalo bwakakwayilabo yi kwetabusa. Yi akacimba mu mala, ku bula ku bula, udi mu kweyesa eyesa bantu.

7Yi akabikila beyi disangi yi babidi kudiyi ; akabanga kubatuma ku babidi ku babidi, yi akabapa bumanya kulu kwa bidimu bia mbindu ; 8yi akabatôyela ene, kabacwadi kintu kioso bwalo bwa lwendo, kitena mulangala mutupu ; kumoni bidya, kumoni mwosokye, kumoni mpalata mu ndengi yabo ; 9mo balati sabato yi kabalaci binkutu bibidi. 10Yi akabatôyela ene, Kwoso kununabwela mu ncibo, nusali koku binunancuka ku bula bobu. 11Yi kidi kioso kinakala kakisonwangata, yi kabasonwombwa, pa kuncuka koku nukupululi yimbwi idi muxi mwa makasa enu ndo kubatôbôlela ntôbô. 12Yi bobo bakancuka yi bakakwambila ene, Bantu badibeli. 13Yi bakatenyeka bidimu bibi bingi, yi bakaxinga bena mabombu bangi manyi, yi bakabapandisa.

14Yi fumu Elodo akakwombwa, bwalo bwakatumba dina dienci, yi akatôya ene, Yoano Munumeyi amabika kudi bafu, yi ku mucwe ou kwamakisañana makisa aa a ngulu munda mwanci. 15Banga pako bakatôya ene, Udi Eliya. Yi banga bakatôya ene, Udi mudimuxi, luna banga badimuxi. 16Mo pakakwombwa Elodo, yei akatôya ene, Yoano unakaxaka mucwe ănci, kayou amabika kudi bafu. 17Bwalo bwakatuma Elodo mikyenci yi akakwata Yoano, yi akamusuka mu ncibo a nkanu bwalo bwa Elodiasa, mukaxi a Filipi mwakunyenci, bwalo bwakamwangatayi dibakwa. 18Yoano lolo akatôyela Elodo ene, Kakusolelekyela yi bwadi owe kwakala yi mukaxi a mwakunyebe. 19Yi Elodiasa akamutekyela mwoxingi, yi akakyeba kumuxipa, yi akadi kabiyi, 20bwalo bwakacina Elodo Yoano, akalubukwa ene, udi muna nkwami yi muna babala, yi akamubumba loko. Yi pakadi amamwombwa akakwenca bintu bingi, yi akamwombwa yi kiango. 21Yi pakalwa dituku dia kipoma, diakakwelabo kulelebwa kwa Elodo lukanyi, yei akalungikila bena bikupu banci kidyaki, yi baKiliaka, yi bantu banene ba ku Ngalili. 22Yi pakadi mwana a Elodiasa a babakaxi amabwela, akasa masa yi akaxekyelesa Elodo yi bantu bakadi yinanci ku bidya. Yi fumu akatôyela muxika ene, Ungulombi kintu kioso kiananga, yi meme nakukupakio. 23Yi akamuteyela kiteyi ene, Kintu kioso kinangulomba nakukupakio, isanga bufumu bwamene pakacikaci. 24Yi akabatuka, akatôyela mamanci ene, Ndombi kai ? Yei ene, Mucwe ă Yoano Munumeyi. 25Yi akabwela nkyekyu nkyekyu kudi fumu mangwoso, yi akalomba ene, Ngwananga unampa mangwoso mucwe ă Yoano Munumeyi mu dilonga. 26Yi fumu akadi yi buxitu bungi, kaninga bwalo bwa kiteyi kienci, yi bwa bantu bakaxikama ku bidya yinanci, akadi kasoli kumunyafiana. 27Yi fumu akatuma disalai mangwoso dia banami banci, yi akatôya ene, mucwe ănci ucwadibwi. Yei lolo akabatuka yi akaxaka mucwe ănci mu ncibo a nkanu ; 28yi akacwala mucwe ănci mu dilonga, yi akapa muxika ; yi muxika akapa mamanci. 29Yi pakakwombwa beyi banci, bakalwa ombulula mumbidi ănci, yi bakauladika mu lukita.

30Yi batumibwi bakasangila kudi Yisu. Yi bakamwambila bintu bioso, isanga kintu kioso kiakakwencabo, yi kintu kioso kiakakweyesabo. 31Yi akabatôyela ene, Nulwi mikyenu batupu ku kidi kitena bantu, nwomowi kakondo kabende. Bwalo bwakadi bantu bangi mu kulwa yi kuya, yi bakadi kabasomona kikondo isa kia kudya bidya. 32Yi bakancuka mu kibusu kuya ku kidi kitena bantu, mikyeabo batupu. 33Yi bantu bangi bakabamona badi mu kuya, yi bakabalembetela, bakaya mbilu mbilu lwa mukidi ku mala moso, yi bakafika koku buxi bwabo. 34Yi akasabuka yi akamona kimbukuma kinene kia bantu, yi akabombwela mwengo, bwalo bwakadibo luna mikwakwa yitena yi kalama. Yi akabanga kubeyesa malo mangi.

35Yi pakaxekaxeka munyinya, pakalwa beyi banci kudiyi yi bakatôya ene, Kidi kieki kakina bantu, yi munyinya ămadika kuxekaxeka ; 36ubanculi bayi ku mbata yi ku mala adi pepe, badiodili bidya bia kudya. 37Mo yei akabapingasa ene, Nonu nubapi, badi. Bakamutôyela ene, Tuxeya lolo kuya ola mampa lwedi lwa denalio nkama ibidi, tubapi, badi ? 38Yei akabatôyela ene, Nudi yi mampa anga ? Nuyi mona. Pakalubukwabo bakatôya ene, Atano, yi yixi ibidi. 39Yi akabalanga ene, babaxikiki paxi pa maxindi, bibumbu bibumbu. 40Yi bakaxikama ku loici ku loici, bantu nkama nkama, yi bantu masangi atano masangi atano. 41Yi akangata mampa atano yi yixi ibidi, yi akatebela lwa diulu ; akaxinga yi akanyowa mampa ; akapa lolo beyi banci ndo kuteka ku mpala yabo. Yi akababanyila bungi bwabo yixi ibidi. 42Yi bakadya bungi bwabo yi bakakwokuta. 43Yi bakakwongula bicini binyoki biakakuka bibata disangi yi bibidi tô, yi bicini bia yixi kabidi. 44Bobo lolo bakadya mampa bakadi babalumi nkone itano.

45Yi akabamba beyi banci dibambu mangwoso dia kukondela mu kibusu, bayi ku buxi pôi ku Betesaida ku dixia, pakala yei mikyenci udi mu kuncula kimbukuma. 46Yi pakadi amabalayisa, akaya ku lupongo kuya lomba. 47Yi pakakwela butuku, kibusu kiakadi pakacikaci pa mai, yi yei akadi mikyenci ku mbata. 48Yi akabamona batanakamba kamba yi kufuba bwalo bwakapupuya lupepele ku mpala yabo ; yi akalwa kudibo ku kilo kiamunai kia butuku, udi mu kwenda pelu pa mai, yi uxebadika. 49Mo bobo, pakamumonabo udi mu kwenda pelu pa mai, bakakwenca ene, Ud muncengi ; yi bakakwamena, 50bwalo bwakamumonabo bungi bwabo, yi bakatepa ku micima yabo. Mo yei akatôya yinabo mangwoso, akabambila ene, Nukolesi micima ; meme kayou ; kanucini. 51Yi akabanda kudibo mu kibusu yi lupepele Iwakalekyela. Yi bakakama kama kukama kungi munda mwabo ; 52bwalo butalembetelabo bwalo bwa mampa aa ; bwalo bwakasubixibwa mucima ăbo.

53Yi pakadi bamasabuka bakalwa ku mbata a Ngenesalete, yi bakabaka kibusu. 54Yi pakadi bamancuka mu kibusu, bantu bakamulembetela mangwoso ; 55yi bakatanga mbata muncimancima, bakabanga kucwala ku malelo batati boso ba masama, kwoso kwakakwombwabo ene, Yei udiko. 56Yi kwoso kwakabwelayi, ndo mu tula tubende ndo ku mala manene ndo ku mbata, bakaladika bena masama mu mabanca a bisalu, yi bakamulomba ene, babaki isa mwombangi ă kifunda kienci bianca ; yi bungi bwa bantu bakamubaka bianca bakapandixibwa masama.

Currently Selected:

MAKU 6: Luna_NT

Highlight

Copy