Popular Bible Verses from MAKU 6

Share

Yi akabatôyela ene, Nulwi mikyenu batupu ku kidi kitena bantu, nwomowi kakondo kabende. Bwalo bwakadi bantu bangi mu kulwa yi kuya, yi bakadi kabasomona kikondo isa kia kudya bidya.

Yi Yisu akabatôyela ene, Mudimuxi kasosaka yi lotumbu kutena ku mbata anci yi kudi bilungu bienci, yi ku ncibo anci.

Yi akasabuka yi akamona kimbukuma kinene kia bantu, yi akabombwela mwengo, bwalo bwakadibo luna mikwakwa yitena yi kalama. Yi akabanga kubeyesa malo mangi.

Yi akadi kabiyi kwenca dikisa dioso dia ngulu koku, kutena amabaka makaci anci kulu kwa bena mabombu babende yi amabapandisa. Akakama kama lolo bwalo bwakakwayilabo yi kwetabusa. Yi akacimba mu mala, ku bula ku bula, udi mu kweyesa eyesa bantu.

Yi akangata mampa atano yi yixi ibidi, yi akatebela lwa diulu ; akaxinga yi akanyowa mampa ; akapa lolo beyi banci ndo kuteka ku mpala yabo. Yi akababanyila bungi bwabo yixi ibidi. Yi bakadya bungi bwabo yi bakakwokuta. Yi bakakwongula bicini binyoki biakakuka bibata disangi yi bibidi tô, yi bicini bia yixi kabidi.