ལུ་ཀཱ། 23

ལེའུ་ཉི་ཤུ་རྩ་གསུམ།

སྤྱི་དཔོན་པི་ལ་ཏིའི་མདུན་དུ་ཡེ་ཤུ་ཁྲིད་པ།

1དེ་ནས་ཆོས་ཀྱི་གྲོས་ཚོགས་ཀྱི་མི་ཡེ་རེ་ཡར་ལངས་ཏེ། ཡེ་ཤུ་སྤྱི་དཔོན་པི་ལ་ཏིའི་མདུན་དུ་ཁྲིད་དེ། 2མི་དེ་ཀྱ་ཀྱིས་ཡེ་ཤུ་ལེ་ཉེས་སྐྱོན་བཙུགས་པི་མ་ཟད། མི་འདི་ནི་ཉེད་ཀྱི་མི་རིགས་ལེ་མགོ་སྐོར་གཏོང་གི་འདུག ཡང་ཉེད་ཀྱ་ཀྱི་རྒྱལ་པོ་སེ་བཟིར་ལེ་ཁྲལ་འཇལ་དགོས་མེད་དིག་ཟེར་རི་མ་ཟད། ཁོས་ང་ནི་སྐྱབས་མགོན་ཡིན། རྒྱལ་པོ་ཟང་ཡིན་ཟེར་རི་ཉེད་ཀྱ་ཀྱིས་ཐོས་བྱུང་ཟིན་ཞུས་པི་དིག 3འོ་དེ་ལེ་བརྟེན་ཏེ། སྤྱི་དཔོན་པི་ལ་ཏི་ཁོས་ཡེ་ཤུ་ལེ། ཁྱོད་རང་ཡ་ཧུ་དཱ་པའི་མི་རིགས་ཀྱི་རྒྱལ་པོ་ཡིན་དས་ཟིན་དྲིས་ཏེ། ཡེ་ཤུས་ཁྱེད་ཀྱིས་སྨྲས་པི་ཅོག་འདྲ་ཡིན་དིག་ཟིན་གསུངས་པི་དིག 4དེ་ནས་པི་ལ་ཏི་ཁོས་མཆོད་པ་འབུལ་མཁན་ཀྱ་དིང་། མི་ཚོགས་ཀྱ་ལེ། ངས་ལྟས་ནི་མི་འདི་ལེ་ཉེས་སྐྱོན་ཅི་གང་མི་འདུག་སྨྲས་པི་དིག 5ཡིན་ནའང་། ཁོང་ཀྱ་ཀྱིས་ཨུ་ཚུགས་ཆེན་པོས་ངང་ནས། མི་འདི་ནི་ཡ་ཧུ་དཱའི་ལུང་པ་ནས་བྱས་ཏེ། ག་ལིལ་ལུང་པ་དིང་། ད་ལྟ་ཡེ་རུ་ས་གླིང་ལུང་པ་འདི་རུ་ཆོས་བསྟན་ཏེ། མི་ཡེ་རེ་ལེ་ངན་བསྐུལ་བགྱིད་འདུག་ཟིན་ཞུས་ཕེན 6པི་ལ་ཏི་ཁོས་ལབ་དེ་ཐོས་ཏེ། མི་འདི་ནི་ག་ལིལ་ལུང་པའི་མི་མ་གས་སྨྲས་པི་དིག 7ཡེ་ཤུ་ནི་ག་ལིལ་ལུང་པའི་ས་གནས་དཔོན་པོ་ཧེ་རོ་དཱེའི་ཁོངས་ལེ་གཏོགས་པི་དེ་ཧ་གོ་པི་དིག དུས་དེ་རྒྱ་ཧེ་རོ་དཱེ་ནི་ཡེ་རུ་ས་གླིང་གི་རྒྱལ་ས་ལེ་བསྡད་འོད་ཕེན། པི་ལ་ཏི་ཁོས་ཡེ་ཤུ་ཧེ་རོ་དཱེའི་དྲུང་ལེ་ཁྲིད་དུ་བཅུག་པི་དིག 8དེ་ནས་ཧེ་རོ་དཱེ་ཁོས་ཡེ་ཤུ་མཐོང་ཕེན། དགའ་རི་འཇུ་གུ་བྱུང་པི་དིག ཅི་ལེ་ཟེར་ནི། ཁོས་སྔོན་མ་ནས་ཕེན། ཡེ་ཤུའི་སྐོར་གྱི་གནས་ཚུལ་ཐོས་པི་མ་ཟད། ངོ་མཚར་གྱི་རྟགས་ཤིག་ཟང་མཐོང་རྒྱུ་ལེ་རེ་བ་བྱས་པི་དིག 9འོ་དེ་ལེ་བརྟེན་ཏེ། ཧེ་རོ་དཱེ་ཁོས་ཡེ་ཤུ་ལེ་དྲི་བ་མང་པོ་དྲིས་ནའང་། ཁོང་གིས་ལན་ཅི་གང་མ་བརྒྱབ་པི་དིག 10ཡང་ཡ་ཧུ་དཱ་པའི་མཆོད་པ་འབུལ་མཁན་ཀྱ་དིང་ཆོས་ཁྲིམས་མཁས་པ་ཡེ་རེ་ཡར་ལངས་ཏེ། ཡེ་ཤུ་ལེ་ནག་ཉེས་མང་པོ་བཙུགས་པི་དིག 11ཧེ་རོ་དཱེ་དིང་ཁོའི་དམག་མི་ཀྱ་ཀྱིས་ཟང་ཡེ་ཤུ་ལེ་མཐོང་ཆུང་དིང་འཕྱམ་ཆ་བཏང་པི་རྗེས་ལེ། ཁོང་གི་ལུས་ལེ་རྒྱལ་པོའི་ཆས་གོས་བསྐོན་ཏེ། ཡང་དང་ཕར་སྤྱི་དཔོན་པི་ལ་ཏིའི་དྲུང་ལེ་ཁྲིད་དུ་བཅུག་པི་དིག 12དེ་སྔོན་པི་ལ་ཏི་དིང་ཧེ་རོ་དཱེ་ཁོ་རང་གཉིས་དགྲ་ཁ་གཏད་ཡིན་ནའང་། ཉིན་མ་དེ་ནས་ཕྱིན་ཆད། ཁོ་གཉིས་མཛའ་མོ་བྱུང་པི་དིག

ཡེ་ཤུ་ཡང་དང་སྤྱི་དཔོན་པི་ལ་ཏིའི་དྲུང་ལེ་ཁྲིད་འགྲོ་བ།

13-14སྤྱི་དཔོན་པི་ལ་ཏི་ཁོས་མཆོད་པ་འབུལ་མཁན་ཀྱ་དིང་། དཔོན་རིགས་དིང་། མི་ཚོགས་དེ་ཀྱ་རང་གི་མདུན་དུ་སྐད་བཏང་སྟེ། ཁྱེད་ཀྱ་ཀྱིས་སྨྲས་ནི། མི་འདིས་མི་ཀྱ་ལེ་ངན་བསྐུལ་བྱས་ཏེ། ཟིན་ཆ་སློང་གྱི་འདུག་ཟིན་ངའི་མདུན་དུ་ཁྲིད་འོངས་པི་དིག ཡང་ངས་ཟང་ཁྱེད་ཀྱ་ཀྱི་མདུན་དུ་ཁོ་ལེ་ཉེས་སྐྱོན་འོད་མེད་ཞིབ་གཅོད་བྱས་ནའང་། ཁྱེད་ཀྱ་ཀྱིས་སྨྲས་པི་ཅོག་འདྲ། མི་འདི་ལེ་ཉེས་སྐྱོན་ཅི་གང་མ་རྙེད་བྱུང་སྨྲས་པི་དིག 15ཡང་ཧེ་རོ་དཱེ་ཁོས་ཟང་ཁོང་ལེ་ཉེས་སྐྱོན་འོད་དི་མ་རྙེད་ཕེན། ཚུར་ང་འོད་ས་ལེ་བརྫངས་པི་དིག ལྟོས་དང་། མི་འདིས་སྲོག་ཐོག་གཏོང་དགོས་པའི་ཉེས་སྐྱོན་ཅི་གང་མ་བྱས་འདུག 16འོ་དེ་ལེ་བརྟེན། མི་འདི་ལེ་ལྕག་ཚན་གཞུས་རི་རྗེས་ལེ་ཕྱི་ལེ་གཏོང་གྱི་ཡིན་ཟིན་སྨྲས་པི་དིག 17#23.17 ལུ་ཀཱས་བྲིས་པའི་གཏམ་བཟང་གི་བཤུས་ཡིག་སྔ་ཤོས་དེའི་ནང་ལེ། ཨང་ 17 མེད་དིག ཡིན་ནའང་། དེ་ནས་ནམ་རྒྱུན་ཅོག་འདྲ་ཡ་ཧུ་དཱ་པའི་དུས་ཆེན་དེ་ལེ། མི་ཚོགས་ཀྱིས་པི་ལ་ཏི་ལེ་རེ་བ་ཞུ་པི་ཅོག་འདྲ་བཙོན་པ་རེ་རེ་གློད་གྲོལ་གཏོང་གི་ལུགས་སྲོལ་འོད་དིག་ཟིན་བཤུས་ཡིག་ཁ་ཤས་ནང་ལེ་བྲིས་འོད་དིག 18ཡིན་ནའང་། མི་ཚོགས་ཡེ་རེ་ཁ་གཅིག་བྱས་ཏེ་པཱ་རབ་པཱ་ཟེར་མཁན་དེ་གློད་གྲོལ་གཏོང་རོགས། ཁོའི་ཚབ་ལེ་མི་འདི་སོད་ཅིག་ཟིན་སྐད་བརྒྱབ་པི་དིག 19པཱ་རབ་པཱ་ཟེར་མཁན་དེས་སྔོན་མ་རྒྱལ་ས་ལེ་ཟིང་འཁྲུག་བསླངས་པི་མ་ཟད། ཁོས་མི་བསད་དི་རྐྱེན་གྱིས་བཙོན་ལེ་བཅུག་འོད་དིག 20ཡང་པི་ལ་ཏི་ཁོས་ཡེ་ཤུ་གློད་གྲོལ་གཏོང་འདོད་བྱུང་ཕེན། ཡང་དང་མི་ཚོགས་དེ་ཀྱ་ལེ་སྐད་ཆ་དྲིས་ལས་བྱས་པི་དིག 21ཡིན་ནའང་། མི་ཚོགས་དེ་ཀྱ་ཀྱིས་སྐད་ཆེན་པོས་ངང་ནས། ཁོ་གདུང་མ་ཀུ་རུ་ཁའི་ལྟག་ག་ལེ་བརྒྱངས་ཏེ་སོད་ཅིག་ཟིན་འུར་སྒྲ་མང་པོ་བརྒྱབ་པི་དིག 22ཡང་དང་པི་ལ་ཏི་ཁོས། ཅི་ལེ། ཁོས་ཉེས་སྐྱོན་ཅི་བྱས་འདུག་གོ། ངས་ལྟས་ནི་ཁོ་སྲོག་ཁྲིམས་གཏོང་དགོས་པོའི་ཉེས་སྐྱོན་ཅི་གང་མ་བྱས་འདུག འོ་དེ་ལེ་བརྟེན་ཏེ། ངས་ཁོ་ལེ་ལྕག་ཚན་གཞུ་དུ་བཅུག་སྟེ་གློད་གྲོལ་གཏོང་གྱི་ཡིན་ཟིན་ལན་མ་གསུམ་པ་སྨྲས་པི་དིག 23ཡིན་ནའང་། མི་ཚོགས་ཀྱ་ཀྱིས་འུར་སྒྲ་ཆེན་པོས་ངང་ནས། ཁོ་གདུང་མ་ཀུ་རུ་ཁ་ལེ་བརྒྱངས་ཏེ་སོད་ཅིག་ཟིན་ཨུ་ཚུགས་མང་པོ་བརྒྱབ་ཕེན། མཇུག་མཐའ་མ་མི་ཚོགས་དེ་ཀྱ་ཀྱི་འདོད་པ་ཅོག་འདྲ་བགྱིད་དགོས་བྱུང་པི་དིག 24དེ་ནས་པི་ལ་ཏི་ཁོས་མི་ཚོགས་ཀྱ་ཀྱིས་རེ་བ་བྱས་པི་ཅོག་འདྲ་བགྱིད་དགོས་པའི་བཀའ་གནང་པི་དིག 25དུས་དེ་རྒྱ་ཟིང་འཁྲུག་བསླངས་པི་མ་ཟད། མི་བསད་དི་རྐྱེན་གྱིས་བཙོན་ཁང་ལེ་འོད་ཡོད་པཱ་རབ་པཱ་ཁོ་ལེ། ཉེས་སྐྱོན་མེད་དི་བརྩིས་ཏེ་མི་ཚོགས་ཀྱི་འདོད་པ་ཅོག་འདྲ། ཁོ་བཙོན་ཁང་ནས་གློད་གྲོལ་བཏང་པི་དིག ཡང་ཡེ་ཤུ་ལེ་མི་དེ་ཀྱ་ཀྱི་འདོད་པ་ཅོག་འདྲ་བགྱིད་དུ་བཅུག་པི་དིག

ཡེ་ཤུ་གདུང་མ་ཀུ་རུ་ཁའི་ལྟག་ག་ལེ་བཀྲོངས་པ།

26དེ་ནས་དམག་མི་ཀྱ་ཀྱིས་ཡེ་ཤུ་ཕ་ལེ་ཁྲིད་འགྲོ་རྒྱ། ཀི་རེ་ནེ་ཟེར་རི་ལུང་པ་ནས་ཡིན་དི་མིང་ལེ་སི་མོན་ཟེར་མཁན་མི་ཞིག་ཞིང་ལམ་བརྒྱུད་ནས་ཡེ་རུ་ས་གླིང་རྒྱལ་སའི་ཕྱོགས་ལེ་འོང་འོད་དིག ཡང་དམག་མི་ཀྱ་ཀྱིས་མི་དེ་ཟིན་ཏེ། ཡེ་ཤུ་སྲོག་ཐོག་གཏོང་ས་གདུང་མ་ཀུ་རུ་ཁ་དེ་ཁོ་ལེ་འཁྱེར་དུ་བཅུག་པི་དིག 27ཡང་མི་ཚོགས་མང་པོ་ཞིག་ཟང་ཁོང་གི་རྗེས་ལེ་འབྲང་འགྲོ་འོད་དི་མ་ཟད། མི་ཚོགས་དེའི་ནང་ལེ་བུ་མའ་ཁ་ཤས་ཟང་འོད་དིག བུ་མའ་དེ་ཀྱ་ཡེ་ཤུའི་དོན་ལེ་སེམས་སྡུག་ཆེན་པོས་ངང་ནས་འཇུ་གུ་ངུ་འོད་དིག 28ཡིན་ནའང་། ཡེ་ཤུས་ཞལ་ཚུར་འཁོར་ཏེ་བུ་མའ་འདི་ཀྱ་ལེ། ཡེ་རུ་ས་གླིང་གི་བུ་མའ་ཁྱེད་ཀྱ། ངའི་དོན་ལེ་མ་ངུ་ཞིག ཁྱེད་ཀྱ་རང་སོ་སོའི་དོན་ལེ་དིང་། རང་གི་ཕྲུ་གུ་ཀྱ་ཀྱི་དོན་ལེ་ངུས་ཤིག་ཟིན་གསུངས་པི་དིག 29ཅི་ལེ་ཟེར་ནི། རབས་ཆད་མ་ཀྱ་དིང་། ཕྲུ་གུ་སྐྱེས་མྱོང་མེད་མེད། ནུ་མ་སྟེར་མྱོང་མེད་མེད་བུ་མའ་ཀྱ་བདེ་བ་ཆེའོ་ཟེར་རི་དུས་ཞིག་སླེབས་ཀྱི་དིག 30ཅི་ལེ་ཟེར་ནི། དུས་དེ་རྒྱ་མི་ཀྱ་ཀྱིས་བྲག་རི་མཐོན་པོ་ཀྱ་ལེ་བལྟས་ཏེ། བྲག་རི་འདི་འུ་ཀྱ་ཀྱི་ལྟག་ག་ལེ་འཛར་ཏེ་འུ་ཀྱ་ཤི་ནི་དགའ་ཤོས་ཡིན་དིག་ཟེར་རི་དིང་། ཡང་ནི་བྲག་རི་འདི་འུ་ཀྱ་ཀྱི་ལྟག་ལེ་ཁོབས་ལེད་དང་ཟེར་རི་དུས་ཞིག་སླེབས་ཀྱི་དིག 31ཅི་ལེ་ཟེར་ནི། མི་ཀྱ་ཀྱིས་སྡོང་པོ་ལྗང་པ་ཡིན་དི་དུས་ལེ་འདི་གི་བྱས་པི་ཡིན་ནི། སྡོང་པོ་སྐམ་པའི་དུས་ལེ་ཅི་བྱས་འོང་ཟིན་གསུངས་པི་དིག 32ཡང་མི་དེ་ཀྱ་ཀྱིས་ཉེས་སྐྱོན་འོད་ཡོད་མི་གཉིས་ཟང་ཡེ་ཤུ་དིང་སྐྱེན་ལེ་སྲོག་ཐོག་གཏོང་རྒྱུ་ཆེད་དུ་ཁྲིད་དེ། 33ཀ་པཱ་ལི་ཟེར་རི་ས་ཆ་རུ་སླེབས་ཕེན། ཡེ་ཤུ་གདུང་མ་ཀུ་རུ་ཁའི་ལྟག་ག་ལེ་རྐང་ལག་ལེ་གཟེར་བརྒྱབ་སྟེ་བོར་རི་མ་ཟད། ཡང་ཉེས་སྐྱོན་འོད་ཡོད་མི་གཉིས་པོ་དེ་ཟང་། ཁོང་གིས་གཡས་གཡོན་ལེ་གདུང་མ་ཀུ་རུ་ཁ་རེ་རེའི་ལྟག་ག་ལེ་རྐང་ལག་ལེ་གཟེར་བརྒྱབ་སྟེ་བོར་རི་དིག 34དེ་རྒྱ་ཡེ་ཤུས། ཨ་ཀྱེ། མི་འདི་ཀྱ་ཀྱིས་ཅི་བགྱིད་འོད་མེད་ཧ་མི་གོ་འོད་དིག མི་དེ་ཀྱ་ཀྱིས་བྱས་པའི་ཉེས་སྐྱོན་དེ་ལེ། ཁྱེད་ཀྱིས་དགོངས་ཡངས་གནང་རོགས་ཟིན་གསུངས་པི་རྗེས་ལེ། དམག་མི་ཀྱ་ཀྱིས་ཟང་ཁོང་གི་ནམ་བཟའ་ལེ་རྒྱན་བརྒྱབ་སྟེ་བགོས་པི་དིག 35ཡང་མི་ཚོགས་ཀྱ་ཟང་ས་ཆ་དེ་རུ་བལྟས་ཏེ་བསྡད་འོད་དི་མ་ཟད། ཡ་ཧུ་དཱ་པའི་དཔོན་པོ་ཀྱ་ཀྱིས་ཟང་ཁོས་མི་གཞན་ལེ་བསྐྱབས་པི་དིག ཡིན་ནའང་། ཁོ་རང་དཀོན་མཆོག་གིས་བདམས་པའི་སྐྱབས་མགོན་དེ་ཡིན་ནི། རང་གིས་རང་ལེ་ལོས་སྐྱོབ་ཐུབ་ཟིན་འཕྱམ་ཆ་བཏང་པི་དིག 36-38དམག་མི་ཀྱ་ཀྱིས་ཟང་ཁོང་ལེ་འཕྱམ་ཆ་གཏོང་གི་མ་ཟད། ཁོང་གི་དྲུང་དུ་འོངས་ཏེ། རྒུན་ཆང་སྐྱུར་མོ་དེ་འཐུང་དུ་བཅུག་སྟེ། གལ་སྲིད་ཁྱོད་རང་ཡ་ཧུ་དཱ་པའི་རྒྱལ་པོ་ཡིན་ནི། ད་རང་གིས་རང་ལེ་སྐྱོབས་དང་སྨྲས་པི་དིག ཡང་ཡེ་ཤུ་བརྒྱངས་ཏེ་བོར་རི་གདུང་མ་ཀུ་རུ་ཁའི་རྩེ་ལེ་ཤིང་ལེབ་ཞིག་ལེ། མི་འདི་ནི་ཡ་ཧུ་དཱ་པའི་རྒྱལ་པོ་ཡིན་དིག་ཟིན་བྲིས་ཏེ་བོར་འོད་དིག 39དེ་ནས་གདུང་མ་ཀུ་རུ་ཁ་ལེ་བརྒྱངས་ཏེ་བོར་འོད་ཡོད་མི་གཉིས་པོ་དེའི་ནང་ནས་མི་གཅིག་གིས་ཡེ་ཤུ་ལེ། ཁྱོད་རང་སྐྱབས་མགོན་ཡིན་ནི། ཁྱོད་ཀྱིས་རང་གིས་རང་ལེ་སྐྱོབས་ཤིག དེ་ནས་ཉེད་གཉིས་ཟང་སྐྱོབས་ཤིག་ཟིན་འཕྱམ་ཆ་བཏང་པི་དིག 40ཡིན་ནའང་། ཉེས་སྐྱོན་འོད་ཡོད་མི་གཅིག་གིས་ཁོ་ལེ་འཁྲུག་པ་བཙལ་ཏེ། ཁྱོད་རང་ལེ་ཟང་ཁོང་ལེ་ཕོག་པི་ཅོག་འདྲ་ཉེས་ཆད་ཕོག་འོད་ནའང་། ད་རུང་ཟང་ཁྱོད་རང་དཀོན་མཆོག་ལེ་མི་འཇིགས་འདུག་གས། 41འུ་གཉིས་ཀྱིས་ཉེས་སྐྱོན་བྱས་འོད་ཕེན། ཉེས་ཆད་འདི་ཕོག་འོས་པ་ཞིག་ཡིན་དིག ཡིན་ནའང་། མི་འདིས་ཉེས་སྐྱེན་ཅི་གང་མ་བྱས་འོད་དིག་ཟིན་སྨྲས་པི་དིག 42ཡང་མི་ཁོས་ཡེ་ཤུ་ལེ། ཁྱེད་རང་རྒྱལ་པོ་བྱུང་སྟེ་ཕེབས་གནང་རྒྱ། ཁྱེད་ཀྱིས་ང་ལེ་དྲན་གསོལ་གནང་རོགས་ཟིན་ཞུས་ཕེན། 43ཡེ་ཤུས་ཁོ་ལེ། ང་ཁྱོད་ལེ་བདེན་པ་ཟེར་རོ། ཉིན་མ་འདི་རང་ལེ་ཁྱོད་ངའི་སྐྱེན་ལེ་ནམ་མཁའི་ཞིང་ཁམས་ལེ་འོད་དིག་ཟིན་གསུངས་པི་དིག

ཡེ་ཤུ་སྐུ་གྲོངས་པ།

44དེ་ནས་ཉིན་གུང་གི་ཆུ་ཚོད་བཅུ་གཉིས་ཚོད་ཡིན་རྒྱ། ཉི་མ་བསྒྲིབས་ཏེ་ཆུ་ཚོད་གསུམ་བར་དུ་ལུང་པ་ཡེ་རེ་མུན་ནག་བྱུང་པི་དིག 45དེ་རྒྱ་མཆོད་ཁང་ཆེན་མོའི་ནང་གི་སྒོ་ཡོལ་དེ་ཟང་། དུམ་བུ་གཉིས་ལེ་རལ་བུད་དི་དིག 46དེ་ནས་ཡེ་ཤུས་གསུང་སྐད་ཆེན་པོས་ངང་ནས། ཨ་ཀྱེ། ངའི་རྣམ་ཤེས་ཁྱེད་ཀྱི་ཕྱག་ལེ་བཅོལ་ལི་ཡིན་ཟིན་གསུངས་ཏེ་སྐུ་གྲོངས་པི་དིག 47དེ་རྒྱ་ས་ཆ་འདི་རུ་ལངས་ཏེ་བསྡད་འོད་ཡོད་དམག་མི་བརྒྱ་དཔོན་ཞིག་གིས་དོན་འདི་ཡེ་རེ་མཐོང་ཕེན། ཁོས་དཀོན་མཆོག་ལེ་བསྟོད་པ་ཕུལ་ལི་མ་ཟད། མི་འདི་ནི་ངོ་ཐོག་ཉེས་སྐྱོན་མེད་མེད་ཞིག་ཡིན་དིག་ཟིན་སྨྲས་པི་དིག 48ཡང་ས་ཆ་འདི་རུ་ལྟ་རུ་འོང་མཁན་མི་ཚོགས་ཀྱ་ཀྱིས་ཟང་དོན་འདི་མཐོང་སྟེ། སེམས་སྡུག་ཆེན་པོ་བྱུང་ཕེན། རང་གི་བྲང་ཀ་ལེ་རང་གིས་གཞུས་ཏེ། རང་སོ་སོའི་ནང་ལེ་ལོག་བུད་དི་དིག 49ཡིན་ནའང་། ཁོང་གི་ངོ་ཤེས་པ་ཀྱ་དིང་། ཡང་ག་ལིལ་ལུང་པ་ནས་ཁོང་གི་རྗེས་ལེ་འབྲང་མཁན་བུ་མའ་དེ་ཀྱ་ནི། རྒྱང་རིང་པོ་ནས་དོན་དེ་ཀྱ་ལེ་བལྟས་ཏེ་བསྡད་འོད་དིག

ཡེ་ཤུའི་སྐུ་ཕུང་བྲག་ཕུག་ནང་ལེ་སྦས་པ།

50དེ་ནས་སེམས་པ་བཟང་པོ་དིང་ཆོས་སེམས་ཆེན་པོ་འོད་ཡོད་མིང་ལེ་ཡོ་སེབ་ཟེར་མཁན་ཞིག་འོད་དིག ཁོ་རང་ནི་ཆོས་ཀྱི་གྲོས་ཚོགས་ཀྱི་ཁོངས་མི་ཞིག་ཟང་ཡིན་དིག 51ཡིན་ནའང་། གྲོས་ཚོགས་ཀྱི་ཁོངས་མི་ཀྱ་ཀྱིས་བཀོད་པའི་འཆར་གཞི་དིང་། ལས་ཇུས་དེ་ལེ་ཁོས་མོས་མཐུན་མ་བྱས་པི་དིག ཁོ་རང་ནི་ཡ་ཧུ་དཱའི་རྒྱལ་ས་ཨ་རི་མ་ཐཱ་ནས་ཡིན་དི་མ་ཟད། དཀོན་མཆོག་གི་རྒྱལ་ཁབ་ལེ་སྒུག་སྡོད་མཁན་ཞིག་ཟང་ཡིན་དིག 52དེ་ནས་ཁོས་པི་ལ་ཏིའི་དྲུང་དུ་ཕྱིན་ཏེ། ཡེ་ཤུའི་སྐུ་ཕུང་ང་ལེ་གནང་རོགས་ཟིན་ཞུས་པི་དིག 53དེ་ནས་ཁོས་ཡེ་ཤུའི་སྐུ་ཕུང་དེ་གདུང་མ་ཀུ་རུ་ཁ་ནས་མར་ལེ་བླངས་ཏེ། འབུ་རས་ཞིག་ལེ་བཏུམས་ཏེ། བྲག་ལེ་བརྐོས་པའི་བྲག་ཕུག་ཞིག་གི་ནང་ལེ་ཁོང་གི་སྐུ་ཕུང་འབོར་རི་དིག བྲག་ཕུག་དེའི་ནང་ལེ་རོ་རྩ་བ་ནས་བོར་མྱོང་མེད་དིག 54ཉིན་མ་དེ་ནི་གཟའ་པ་སངས་ཀྱི་དགོང་མོ་ཡིན་དིག ཡང་ཉི་མ་མ་གབ་པའི་སྔོན་ལེ། ངལ་གསོ་བའི་ཉིན་མ་ལེ་ཅི་དགོས་པ་འོད་ཡོད་ཡེ་རེ་གྲ་སྒྲིག་བགྱིད་དགོས་འོད་དིག ཅི་ལེ་ཟེར་ནི། སྔ་དྲོ་གཟའ་སྤེན་པ་ཡིན་དི་མ་ཟད། ངལ་གསོ་བའི་ཉིན་མ་ཟང་ཡིན་དིག 55ཡང་ག་ལིལ་ལུང་པ་ནས་ཡེ་ཤུའི་སྐྱེན་ལེ་འོང་མཁན་བུ་མའ་དེ་ཀྱ་ནི། ཡོ་སེབ་ཀྱི་རྗེས་ལེ་འབྲང་འོངས་ཕེན། ཡེ་ཤུའི་སྐུ་ཕུང་སྦས་ས་དེ་མཐོང་པི་དིག 56དེ་ནས་བུ་མའ་དེ་ཀྱ་ཕ་ལེ་རང་གི་ནང་ལེ་ལོག་སྟེ། ཡེ་ཤུའི་སྐུ་ཕུང་ལེ་བྱུགས་རྒྱུ་ཆེད་དུ། སྤོས་དྲི་མ་ཞིམ་རི་ཞིམ་ཚད་དེ་ཀྱ་གྲ་སྒྲིག་བྱས་ཏེ་བོར་རི་དིག ཅི་ལེ་ཟེར་ནི། ངལ་གསོ་བའི་ཉིན་མ་ལེ་ཡ་ཧུ་དཱ་པའི་ཆོས་ཁྲིམས་ཅོག་འདྲ་ངལ་གསོ་དགོས་འོད་དིག །

Currently Selected:

ལུ་ཀཱ། 23: DLPO

Highlight

Copy