ལུ་ཀཱ། 22

ལེའུ་ཉི་ཤུ་རྩ་གཉིས།

ཡེ་ཤུ་དགྲའི་ལག་ལེ་གཏོད་རྒྱུ་ལེ་ཇུས་ངན་བྱས་པ།

1ཡང་དུས་དེ་རྒྱ། ཡ་ཧུ་དཱ་པའི་སྲོག་ཐར་རི་དུས་ཆེན་དིང་། སྐྱུར་རྩི་མེད་མེད་སྒོར་ཕྱེའི་དུས་ཆེན་གྱི་ཉིན་མ་དེ་སླེབས་ལྷག་འོད་ཕེན། 2མཆོད་པ་འབུལ་མཁན་ཀྱ་དིང་། ཆོས་ཁྲིམས་མཁས་པ་ཀྱ་ཀྱིས་ཡེ་ཤུ་དགྲོང་རྒྱུ་གོ་སྐབས་བཙལ་ལི་དིག ཡིན་ནའང་། ཁོང་ཀྱ་མི་ཚོགས་ཀྱ་ལེ་འཇིགས་པི་དིག 3ཡང་ཡེ་ཤུའི་སློབ་མ་བཅུ་གཉིས་ཀྱ་ནང་ནས་ཡུ་དཱ་ཨི་སི་ཀར་རེ་ཟེར་མཁན་ཁོའི་སེམས་ནང་ལེ། བདུད་པོ་སཱ་ཏན་ཞུགས་ཕེན། 4ཁོ་མཆོད་པ་འབུལ་མཁན་ཀྱ་དིང་། མཆོད་ཁང་སྲུང་མཁན་དམག་དཔོན་ཀྱ་ཀྱི་དྲུང་དུ་ཕྱིན་ཏེ། ཡེ་ཤུ་ནི་མི་དེ་ཀྱ་ཀྱི་ལག་ལེ་གཏོད་རྒྱུ་ལེ་གྲོས་སྡུར་བྱས་པི་དིག 5དེ་ནས་མི་དེ་ཀྱ་དགའ་རི་འཇུ་གུ་བྱུང་སྟེ། ཁོ་ལེ་དངུལ་གཏོད་རྒྱུ་ཁས་ལེན་བྱས་ཕེན། 6ཡུ་དཱ་ཁོས་ཟང་ཇུས་ངན་དེ་ལེ་མོས་མཐུན་བྱས་པི་མ་ཟད། མི་ཚོགས་མེད་དི་དུས་ཞིག་ལེ། ཡེ་ཤུ་མི་དེ་ཀྱ་ཀྱི་ལག་ལེ་གཏོད་རྒྱུ་གོ་སྐབས་བཙལ་ལི་དིག

སྲོག་ཐར་རི་དུས་ཆེན་གྱི་གསོལ་སྟོན་གྲ་སྒྲིག་བྱས་པ།

7དེ་ནས་སྲོག་ཐར་རི་དུས་ཆེན་གྱི་ཉིན་མ་དང་པོ་དེ་སླེབས་རྒྱ། དུས་ཆེན་དེ་ལེ་ལུ་གུ་དམར་མཆོད་ཕུལ་གྱོ་འོད་དིག 8ཡང་ཡེ་ཤུས་སློབ་མ་པེ་ཏྲོ་དིང་ཡོ་ཧ་ནན་ཁོ་གཉིས་ལེ། འོ་རང་ཀྱ་ཀྱི་ཆེད་དུ་སྲོག་ཐར་རི་དུས་ཆེན་གྱི་གསོལ་སྟོན་གྲ་སྒྲིག་གྱིས་ལེད་ཟིན་བཀའ་གནང་སྟེ་བརྫངས་པི་དིག 9དེ་ནས་ཁོ་གཉིས་ཀྱིས་ཁོང་ལེ། ཉེད་གཉིས་ཀྱིས་ག་ན་ལེ་གསོལ་སྟོན་གྲ་སྒྲིག་བགྱིད་དུ་འགྲོ་རྒྱུ་ཟིན་ཞུས་ཏེ། 10ཁོང་གིས་ཁྱེད་གཉིས་རྒྱལ་སའི་ནང་ལེ་རྒྱུགས་དང་། རྒྱལ་སའི་ནང་ལེ་སླེབས་རྒྱ། སྣོད་ནང་ལེ་ཆུ་འཁྱེར་ཏེ་འགྲོ་མཁན་སྐྱེས་པ་ཞིག་ཐུག་གྱི་དིག དེ་ནས་ཁོའི་རྗེས་ལེ་འབྲངས་ཏེ་ཁོ་འཛུལ་སའི་ཁྱིམ་དེའི་ནང་ལེ་རྒྱུགས་ཤིག#22.10 ཡ་ཧུ་དཱ་པའི་ལུགས་སྲོལ་ནང་ལེ་སྐྱེས་པ་ཀྱ་དུས་ནམ་ཞིག་ཡིན་ནའང་། ཆུ་འཁྱེར་རི་ལུགས་སྲོལ་མེད་དིག དེ་མ་ཟད། རྒྱལ་སའི་ནང་ལེ་མི་ཚོགས་མང་པོ་འོད་ཕེན། ཁོང་གཉིས་ལེ་སྐྱེས་པ་དེ་རྙེད་རྒྱུ་ལེ་ལས་སླ་མོ་འོང་རྒྱུ་ཆེད་དུ་རྟགས་བསྟན་གནང་པི་དིག 11དེ་ནས་ཁྱེད་གཉིས་ཀྱིས་ཁྱིམ་དེའི་བདག་པོ་ལེ། ཉེད་ཀྱ་ཀྱི་སློབ་དཔོན་གྱིས་ཁྱེད་ལེ། ང་སློབ་མ་ཀྱ་དིང་སྐྱེན་ལེ་སྲོག་ཐར་རི་དུས་ཆེན་གྱི་ཕོ་ལེ་གཏོང་ས་ཁང་མིག་དེ་ག་ན་འོད་དི་གོ་ཟིན་དྲིས་འདུག་ཟིན་སྨྲོས་དང་། 12དེ་ནས་མི་དེས་ཁྱེད་གཉིས་ལེ་ནང་ཆས་གྲ་སྒྲིག་བཟོས་ཏེ་བོར་རི་ཐོག་ཁང་ཆེན་པོ་ཞིག་སྟོན་གྱི་དིག འོ་དེ་རུ་ཁྱེད་གཉིས་ཀྱིས་གསོལ་སྟོན་གྲ་སྒྲིག་གྱིས་ཤིག་ཟིན་གསུངས་པི་དིག 13དེ་ནས་ཁོ་གཉིས་ཟང་རྒྱལ་ས་དེ་ལེ་ཕྱིན་ཏེ། ཁོང་གིས་གསུངས་པི་ཅོག་འདྲ་མཐོང་ཕེན། ཁོ་གཉིས་ཀྱིས་འོ་དེ་རུ་སྲོག་ཐར་རི་དུས་ཆེན་གྱི་གསོལ་སྟོན་གྲ་སྒྲིག་བྱས་ཏེ་བོར་རི་དིག

ཇོ་བོའི་དྲན་རྟེན་གྱི་གསོལ་སྟོན།

14དེ་ནས་གསོལ་སྟོན་བཞེས་པའི་དུས་ཚོད་དེ་སླེབས་ཕེན། ཡེ་ཤུ་དིང་སྐུ་ཚབ་ཀྱ་དུས་ཆེན་གྱི་གསོལ་སྟོན་དེ་བཞེས་རྒྱུ་ཆེད་དུ་མར་བཞུགས་པི་དིག 15ཡང་ཡེ་ཤུས་སློབ་མ་ཀྱ་ལེ། ང་དཀའ་ངལ་ཆེན་པོ་དེ་མ་མྱང་བའི་སྔོན་ལེ་སྲོག་ཐར་རི་དུས་ཆེན་གྱི་གསོལ་སྟོན་འདི་ནི། ཁྱེད་ཀྱ་ཀྱི་སྐྱེན་ལེ་གཏོང་འདོད་འཇུ་གུ་འོད་ཟིན་གསུངས་པི་དིག 16ཅི་ལེ་ཟེར་ནི། ང་ཁྱེད་ཀྱ་ལེ་ཟེར་རོ། དཀོན་མཆོག་གི་རྒྱལ་ཁབ་ནང་ལེ། དུས་ཆེན་གྱི་དོན་དེ་མ་འགྲུབ་བར་དུ། ངས་ཡང་དང་གསོལ་སྟོན་འདི་ཟ་རྒྱུ་མན་ཟིན་གསུངས་པི་དིག 17ཡང་ཁོང་གིས་རྒུན་ཆང་ཕོར་རུ་ཞིག་ཕྱག་ལེ་བསྣམས་ཏེ། དཀོན་མཆོག་ལེ་བཀའ་དྲིན་ཆེ་ཟིན་ཞུས་པི་རྗེས་ལེ། འདི་ལོངས་དང་། ཁྱེད་ཀྱ་ཀྱིས་བགོས་ཏེ་ཐུངས་ཤིག 18ང་ཁྱེད་ཀྱ་ལེ་ཟེར་རོ། དུས་ད་ནས་ཕྱིན་ཆད། དཀོན་མཆོག་གི་རྒྱལ་ཁབ་མ་སླེབས་བར་དུ། རྒུན་ཆང་འདི་ངས་འཐུང་གྱི་མན་ཟིན་གསུངས་པི་དིག 19ཡང་ཁོང་གིས་སྒོར་ཕྱེ་ཕྱག་ལེ་བསྣམས་ཏེ། དཀོན་མཆོག་ལེ་བཀའ་དྲིན་ཆེ་ཟིན་ཞུས་པི་རྗེས་ལེ། སྒོར་ཕྱེ་དེ་ཕྱེད་ཀ་བཏང་སྟེ་སློབ་མ་ཀྱ་ལེ་བགོས་ཏེ། འདི་ནི་ངའི་ལུས་པོ་ཡིན་ཕེན། ཁྱེད་ཀྱ་ཀྱི་ཆེད་དུ་བྱིན་དི་ཡིན། ང་དྲན་པའི་ཆེད་དུ་འོ་འདི་ཅོག་འདྲ་གྱིས་ཤིག་ཟིན་གསུངས་པི་དིག 20ཡང་དེ་ཅོག་འདྲ། ཞལ་ཟས་བཞེས་ཚར་རི་རྗེས་ལེ། ཁོང་གིས་ཡང་དང་ཆང་ཕོར་ཕྱག་ལེ་བསྣམས་ཏེ། ཆང་ཕོར་འདི་ནི་ངའི་ཁྲག་གིས་བཀོད་པའི་ཞལ་ཆད་གསར་པ་ཡིན་ཕེན། ཁྱེད་ཀྱ་ཀྱི་དོན་ལེ་བཏོན་པི་ཡིན། 21ལྟོས་དང་། ང་དགྲའི་ལག་ལེ་གཏོད་མཁན་གྱི་ལག་ག་དེ་ཟང་། ང་དིང་སྐྱེན་ལེ་ཅོག་ཙེའི་ལྟག་ག་ལེ་འོད་དིག 22དཀོན་མཆོག་གི་དགོངས་པ་ཅོག་འདྲ། མིའི་རིགས་ཀྱི་བི་ས་ཤི་དགོས་བྱུང་ནའང་། མིའི་བི་ས་དགྲའི་ལག་ལེ་གཏོད་མཁན་དེ་ལེ་ཆགས་སྒོ་ཆེན་པོ་འོང་གྱི་དིག་ཟིན་གསུངས་པི་དིག 23དེ་ནས་སློབ་མ་ཀྱ་ཕན་ཚུན་གཅིག་གིས་གཅིག་ལེ་འོ་དེ་གི་བགྱིད་མཁན་མི་དེ་སུ་ཡིན་ནི་ཟིན་འོད་དིག

སུ་གཙོ་ཆེ་ཤོས་ཡིན་མིན་གྱི་སྐོར།

24དེ་ནས་སློབ་མ་ཀྱ་ནང་ནས་སུ་གཙོ་ཆེ་ཤོས་ཡིན་མིན་གྱི་སྐོར་ལེ་རྩོད་གླེང་བགྱིད་རྒྱ། 25ཡེ་ཤུས་སློབ་མ་ཀྱ་ལེ། ཕྱི་མིའི་རྒྱལ་པོ་ཀྱ་ཀྱིས་མི་དེ་ཀྱ་ལེ་དབང་སྒྱུར་བྱས་ནའང་། མི་དེ་ཀྱ་ཀྱིས་དབང་སྒྱུར་བགྱིད་མཁན་དེ་ལེ་སྦྱིན་བདག་ཟིན་འོད་དིག 26ཡིན་ནའང་། ཁྱེད་ཀྱ་འོ་དེ་ཅོག་འདྲ་མ་བགྱིད་ཅིག ཁྱེད་ཀྱ་ནང་ནས་གཙོ་ཆེ་ཤོས་ཞིག་འོང་འདོད་འོད་ནི། མི་དེས་རང་ཆུང་ཤོས་བགྱིད་དགོས་འོད་དིག ཡང་འགོ་ཁྲིད་བགྱིད་འདོད་འོད་ནི། མི་དེས་གཡོག་པོ་ཅོག་འདྲ་བགྱིད་དགོས་འོད་དིག 27དཔེར་ན། གསོལ་བ་བཞེས་མཁན་དིང་གཡོག་པོ་རྒྱུག་མཁན་དེ་གཉིས་ཀ་ནང་ནས་སུ་གཙོ་ཆེ་ཤོས་ཡིན་གོ། ངོ་ཐོག་བྱས་ནི་གསོལ་བ་བཞེས་མཁན་དེ་གཙོ་ཆེ་ཤོས་མ་གས། ཡིན་ནའང་། ང་ནི་ཁྱེད་ཀྱ་ཀྱི་ནང་ལེ་གཡོག་པོ་རྒྱུགས་མཁན་ཅོག་འདྲ་ཡིན། 28ང་ལེ་ཉམས་ཚོད་ལེན་རྒྱ། ཁྱེད་ཀྱ་ཟང་ངའི་སྐྱེན་ལེ་བསྡད་འོད་དིག 29ངའི་ཡབ་ཀྱིས་ང་ལེ་རྒྱལ་ཁབ་གནང་པི་ཅོག་འདྲ། ངས་ཟང་ཁྱེད་ཀྱ་ལེ་སྟེར་གྱི་ཡིན། 30ཁྱེད་ཀྱ་ཟང་ངའི་རྒྱལ་ཁབ་ཀྱི་ནང་དུ་ངའི་སྐྱེན་ལེ་བཟའ་བཏུང་བགྱིད་དི་མ་ཟད། ཁྱེད་ཀྱ་ཀྱིས་རང་གི་བཞུགས་ཁྲི་ལྟག་ག་ལེ་བསྡད་དེ། ཡི་སི་ར་ཨེལ་གྱི་ཚོ་ཁག་བཅུ་གཉིས་ལེ་ཁྲིམས་གཅོད་བགྱིད་ཀྱི་དིག་ཟིན་གསུངས་པི་དིག

ཡེ་ཤུས་སློབ་མ་པེ་ཏྲོའི་སྐོར་ལེ་ལུང་བསྟན་པ།

31ཡང་ཡེ་ཤུས་སི་མོན། སི་མོན། ལྟོས་དང་། བདུད་སཱ་ཏན་གྱིས་གྲོ་འུར་པོ་ལེ་འཚག་གི་ཅོག་འདྲ། ཁྱེད་ཡེ་རེ་ལེ་ཉམས་ཚོད་ལེན་རྒྱུ་ཆེད་དུ། ཁོས་དཀོན་མཆོག་ལེ་ཆོག་མཆན་ཞུས་པི་དིག 32ཡིན་ནའང་། སི་མོན། ཁྱོད་ཀྱི་དད་པ་མི་ཉམས་པའི་ཆེད་དུ། ངས་དཀོན་མཆོག་ལེ་གསོལ་བ་སྨོན་ལམ་བཏབ་པི་ཡིན། ཁྱོད་ཀྱིས་སེམས་ངའི་ཕྱོགས་ལེ་ཁུག་པའི་རྗེས་ལེ། དད་སེམས་གཅིག་པའི་སྤུན་ཟླ་ཀྱ་ཀྱི་དད་པ་དེ་བརྟན་པོ་འོང་རྒྱུ་ཆེད་དུ། ཁྱོད་ཀྱིས་རོགས་རམ་གྱིས་ཤིག་ཟིན་གསུངས་ཕེན། 33པེ་ཏྲོས། ཇོ་བོ། ང་ནི་ཁྱེད་ཀྱི་སྐྱེན་ལེ་བཙོན་ཁང་ལེ་འགྲོ་དགོས་བྱུང་ནའང་། ཡང་ནི། ཤི་དགོས་བྱུང་ནའང་ངའི་སེམས་དེ་གྲ་སྒྲིག་ཡིན་ཟིན་ཞུས་པི་དིག 34ཡིན་ནའང་། ཡེ་ཤུས། པེ་ཏྲོ། ང་ཁྱོད་ལེ་བདེན་པ་ཟེར་རོ། སྔ་དྲོ་བྱ་སྐད་མ་རྒྱག་པའི་སྔོན་ལེ། ཁྱོད་ཀྱིས་ང་སུ་ཡིན་མིན་ངོ་མི་ཤེས་འོད་ཟིན་ལན་མ་གསུམ་ཟེར་གྱི་དིག་ཟིན་གསུངས་པི་དིག 35ཡང་ཁོང་གིས་སློབ་མ་ཀྱ་ལེ། དེ་སྔོན་ངས་ཁྱེད་ཀྱ་ལེ་ངའི་སྐོར་གྱི་གཏམ་བཟང་ཤོད་དུ་རྫོངས་རྒྱ། རྐང་པ་ལེ་ཟོམ་པ་མེད་དི་མ་ཟད། ཁུ་མག་མ་འཁྱེར་ཏེ་བརྫངས་པི་ཡིན། དུས་དེ་རྒྱ་ཁྱེད་ཀྱ་ལེ་མི་ཚང་བ་དིང་མི་འདང་བ་ཅི་བྱུང་གོ་ཟིན་དྲིས་ཏེ། སློབ་མ་ཀྱ་ཀྱིས་མི་འདང་བ་ཅི་གང་མ་བྱུང་ཟིན་ཞུས་པི་དིག 36ཡང་ཁོང་གིས། ཡིན་ནའང་། ད་ལྟ་ཁུ་མག་དིང་། ཛོ་ལཱ་འོད་ནི་དེ་ཀྱ་ཁུར་ཞིག རལ་གྲི་མེད་མཁན་ཀྱ་ཀྱིས་རང་གི་གོས་ལག་བཙོངས་ཏེ་རལ་གྲི་ཉོས་ཤིག 37ང་ཁྱེད་ཀྱ་ལེ་ཟེར་རོ། དཀོན་མཆོག་གི་གསུང་རབ་ཀྱི་མདོ་ནང་ལེ། ཁོང་ནི་ནག་ཉེས་ཀྱི་ཁོངས་ལེ་བརྩིས་པི་དིག་ཟིན་བྲིས་པི་དེ་འགྲུབ་དགོས་འོད་དིག ཅི་ལེ་ཟེར་ནི། ངའི་སྐོར་ལེ་ཅི་བྲིས་འོད་ཡོད་དེ་ངའི་བརྒྱུད་ནས་འགྲུབ་ནུས་འགྲོ་འོད་དིག་ཟིན་གསུངས་པི་དིག#22.37 ལུང་སྟོན་པ་ཡེ་ཤ་ཡཱས་བྲིས་པའི་མདོ་ལེའུ་ 53 ཨང་ 12 ནང་ལེ་གཟིགས་རོགས། 38དེ་ནས་སློབ་མ་ཀྱ་ཀྱིས་ཁོང་ལེ། ཇོ་བོ། གཟིགས་དང་། འདི་རུ་རལ་གྲི་གཉིས་འདུག་ཟིན་ཞུས་ཏེ། ཁོང་གིས་འདི་ལེ་ལག་ལེན་མ་ཐོང་གཡུགས་ཤིག་ཟིན་གསུངས་པི་དིག

སྐྱུར་རུ་དེའུ་ལེ་གསོལ་བ་འདེབས་དུ་ཕེབས་པ།

39ཡང་ནམ་རྒྱུན་ཅོག་འདྲ། ཡེ་ཤུ་རྒྱལ་ས་ནས་ཕྱི་ལེ་ཐོན་ཏེ་སྐྱུར་རུ་དེའུ་ལེ་རང་འཇགས་ལོག་ཕེབས་པི་མ་ཟད། སློབ་མ་ཀྱ་ཟང་ཁོང་གི་རྗེས་ལེ་འབྲངས་པི་དིག 40ས་ཆ་དེ་རུ་སླེབས་ཕེན། ཁོང་གིས་སློབ་མ་ཀྱ་ལེ། ཁྱེད་ཀྱ་ཉམས་ཚོད་ནང་ལེ་མི་ཚུད་པའི་ཆེད་དུ། གསོལ་བ་སྨོན་ལམ་ཐོབ་ཅིག་ཟིན་གསུངས་པི་མ་ཟད། 41ཁོང་རང་གོམ་རྒྱང་ཉི་ཤུ་ཚོད་ས་ལེ་ཕེབས་ཏེ་པུས་མོ་ས་ལེ་བཙུགས་ཏེ། 42ངའི་ཨ་ཀྱི་ཁྱེད་ཐུགས་མཉེས་ནི། དཀའ་ངལ་ཆེན་པོའི་ཕོར་རུ་འདི་ང་ནས་ཕ་ལེ་ལེན་རོགས། ཡིན་ནའང་། ངའི་འདོད་པ་ཅོག་འདྲ་མན། ཁྱེད་ཀྱི་དགོངས་པ་ཅོག་འདྲ་གྲུབ་པར་ཤོག་ཟིན་གསོལ་བ་བཏབ་པི་དིག#22.42 གེ་རིག་ཟེར་ལུགས་ནང་ལེ་ང་ལེ་ཕོར་རུ་འདི་འཐུང་དུ་མ་འཇུག་རོགས་ཀྱི་ཟིན་བྲིས་འོད་དིག 43དུས་དེ་རྒྱ་ནམ་མཁའི་ཞིང་ཁམས་ནས་དཀོན་མཆོག་གི་ཕོ་ཉ་ཞིག་ཁོང་གི་དྲུང་དུ་ཕེབས་འོངས་ཏེ། ཁོང་ལེ་མཐུ་སྟོབས་ཆེ་རུ་སྤར་གནང་པི་དིག#22.43 ལུ་ཀཱས་བྲིས་པའི་གཏམ་བཟང་གི་བཤུས་ཡིག་སྔ་ཤོས་ཁ་ཤས་དེའི་ནང་ལེ། ཨང་ 43 དིང་ 44 མེད་དིག 44ཡང་ཁོང་རང་ཐུགས་སྐྱོ་པོ་འཇུ་གུ་བྱུང་སྟེ། གསོལ་བ་སྨོན་ལམ་བཏབ་སྟེ་ཁོང་གི་ལུས་ནས་རྔུལ་ཆུ་དེ་ནི། ཁྲག་གི་ཐིགས་པ་ཅོག་འདྲ་ས་ལེ་ཐིགས་འོང་འོད་དིག 45དེ་ནས་ཁོང་གིས་གསོལ་བ་སྨོན་ལམ་བཏབ་ནུས་པའི་རྗེས་ལེ། ཁོང་སློབ་མ་ཀྱ་འོད་ས་ལེ་ཕེབས་འོངས་པི་དིག ཡིན་ནའང་། སློབ་མ་ཀྱ་ཀྱིས་ཁོང་ལེ་ཅི་ཞིག་བྱུང་འོང་བསམ་སྟེ། སེམས་ཁྲལ་བྱུང་བའི་རྐྱེན་གྱི་ཐང་ཆད་དེ་གཉིད་ཤོར་རི་དིག 46ཁོང་གིས་སློབ་མ་ཀྱ་ལེ། ཁྱེད་ཀྱ་ཅི་ལེ་གཉིད་ཉལ་ལི་ཡིན་དོ། ཁྱེད་ཀྱ་ཉམས་ཚོད་ནང་ལེ་མི་ཚུད་པའི་ཆེད་དུ། ཡར་ལངས་ཏེ་གསོལ་བ་སྨོན་ལམ་ཐོབ་ཅིག་ཟིན་གསུངས་པི་དིག

ཡེ་ཤུ་འཛིན་བཟུང་བྱས་པ།

47ཁོང་གིས་འོ་དེ་གི་གསུང་གནང་རྒྱ། དེ་ལོང་མེད་མི་ཚོགས་ཁ་ཤས་ཞིག་ཁོང་འོད་ས་སླེབས་ཕེན། ཁོང་གི་སློབ་མ་བཅུ་གཉིས་ཀྱ་ནང་ནས་ཡུ་དཱ་ཨི་སི་ཀར་རེ་ཁོས་མི་ཚོགས་དེ་ཀྱ་ཁྲིད་འོངས་པི་མ་ཟད། ཁོས་ཡེ་ཤུ་ལེ་དབུ་གཏུག་བགྱིད་རྒྱུ་ཆེད་དུ་ཁོང་གི་དྲུང་དུ་འོངས་པི་དིག 48ཡིན་ནའང་། ཡེ་ཤུས་ཁོ་ལེ། ཡུ་དཱ། ཁྱོད་ཀྱིས་ང་ལེ་དབུ་གཏུགས་བྱས་ཏེ། མིའི་བི་ས་དགྲའི་ལག་ལེ་གཏོད་དི་ཡིན་དས་ཟིན་གསུངས་པི་དིག 49དེ་ནས་ཁོང་གི་ཉེ་འཁོར་ལེ་འོད་ཡོད་སློབ་མ་ཀྱ་ཀྱིས་གནས་ཚུལ་གདུག་ཅག་ཞིག་འོང་རྒྱུ་ཡིན་དི་མཐོང་ཕེན། ཇོ་བོ། ཉེད་ཀྱ་ཀྱིས་མི་འདི་ཀྱ་ལེ་རལ་གྲི་རྒྱག་རྒྱུ་ཟིན་དྲིས་པི་དིག 50དེ་ནས་སློབ་མ་ཀྱ་ནང་ནས་གཅིག་གིས་དེ་ལོང་མེད་ཡ་ཧུ་དཱ་པའི་མཆོད་པ་འབུལ་མཁན་གཙོ་བོའི་གཡོག་པོ་ལེ་རལ་གྲི་བརྒྱབ་སྟེ། ཁོའི་རྣ་མཆོག་གཡས་པ་བཅད་དི་དིག 51ཡིན་ནའང་། ཡེ་ཤུས་ཁོ་ལེ། འོ་དེ་གི་མ་བགྱིད་དང་ཟིན་གསུངས་ཏེ། མི་དེའི་རྣ་མཆོག་ལེ་ཕྱག་འབོར་ཏེ་དྲག་ཏུ་བཅུག་པི་དིག 52ཡང་ཡེ་ཤུས་རང་ལེ་འཛིན་བཟུང་བགྱིད་དུ་འོང་མཁན་ཡ་ཧུ་དཱ་པའི་མཆོད་པ་འབུལ་མཁན་ཀྱ་དིང་། མཆོད་ཁང་ཆེན་མོའི་སྲུང་དམག་གི་དཔོན་པོ་དིང་། རྒན་མི་ཀྱ་ལེ། ཁྱེད་ཀྱ་ཀྱིས་རལ་གྲི་དིང་རྒྱུག་པ་ཁྱེར་ཏེ། ཇག་པ་འཛིན་བཟུང་བགྱིད་དི་ཅོག་འདྲ་བྱས་ཏེ་ང་ལེ་འཛིན་བཟུང་བགྱིད་དུ་འོངས་པི་ཡིན་དས། 53ང་ཉིན་གྲངས་མཆོད་ཁང་གི་དྭངས་རའི་ནང་ལེ་ཁྱེད་ཀྱ་དིང་སྐྱེན་ལེ་སྡོད་རྒྱ། ཅི་ལེ་ང་ལེ་འཛིན་བཟུང་མི་བགྱིད་དི་ཡིན་དོ། ཡིན་ནའང་། ད་ལྟ་འདི་ནི་ཁྱེད་ཀྱ་ཀྱི་དུས་ཚོད་དིང་། མུན་ནག་དབང་གིས་བྱུང་པི་དིག་ཟིན་གསུངས་པི་དིག

པེ་ཏྲོས་ཡེ་ཤུ་ལེ་ཁས་ལེན་མ་བྱས་པ།

54ཡེ་ཤུ་ལེ་འཛིན་བཟུང་བྱས་ཏེ་ཡ་ཧུ་དཱ་པའི་མཆོད་པ་འབུལ་མཁན་གཙོ་བོའི་ཁང་པ་ལེ་འཁྲིད་འགྲོ་རྒྱ། པེ་ཏྲོ་ཟང་རྒྱང་རིང་པོ་ནས་ཡེ་ཤུའི་རྗེས་ལེ་འབྲངས་པི་དིག 55དེ་ནས་དྭངས་རའི་ནང་ལེ་མི་ཀྱ་ཀྱིས་མེ་བསྲོས་ཏེ་བསྡད་འོད་ཕེན། པེ་ཏྲོ་ཟང་མི་དེ་ཀྱ་ཀྱི་སྐྱེན་ལེ་མེ་བསྲོས་ཏེ་སྡོད་རྒྱ། 56གཡོག་མོ་ཞིག་གིས་པེ་ཏྲོ་མེ་བསྲོས་ཏེ་བསྡད་འོད་དི་མཐོང་ཕེན། ཁོ་ལེ་དགའ་མོ་བལྟས་ཏེ། ཁོ་རང་ཟང་མི་ཁོའི་སྐྱེན་འདྲ་ཡིན་དིག་སྨྲས་ཕེན། 57པེ་ཏྲོས་མོ་ལེ། ཁྱོད་ཀྱིས་མི་སུའི་སྐོར་ལེ་ཟེར་རི་ཡིན་དོ། ངས་མི་འདི་ངོ་མི་ཤེས་འོད་ཟིན་ཁས་ལེན་མ་བྱས་པི་དིག 58དེ་ནས་ཡང་ཅུང་མ་རྗེས་ལེ། མི་གཞན་མ་ཞིག་གིས་ཟང་པེ་ཏྲོ་མཐོང་ཕེན། ཁྱོད་ཟང་མི་ཁོའི་སྐྱེན་འདྲ་ནང་ནས་ཞིག་ཡིན་དིག་སྨྲས་ཕེན། པེ་ཏྲོས་ང་ཁོའི་སྐྱེན་འདྲ་མན་སྨྲས་པི་དིག 59ཡང་ཆུ་ཚོད་གཅིག་གི་རྗེས་ལེ། མི་གཞན་མ་ཞིག་གིས་ཟང་མི་འདི་ནི་ག་ལིལ་ལུང་པའི་མི་ཞིག་ཡིན་ཕེན། ཁྱོད་རང་ཟང་དངོས་གནས་མི་ཁོའི་སྐྱེན་འདྲ་ཡིན་དིག་ཟིན་ནན་ཏན་བྱས་ཏེ་སྨྲས་ནའང་། 60པེ་ཏྲོས་ཁྱོད་ཀྱིས་ལབ་ཅི་ཟེར་རི་ཡིན་དོ། ངས་ཧ་མི་གོ་འདུག་སྨྲས་ལོང་མེད་བྱ་སྐད་བརྒྱབ་པི་དིག 61དེ་རྒྱ་ཇོ་བོ་ཡེ་ཤུས་ཞལ་ཚུར་འཁོར་ཏེ་པེ་ཏྲོ་ལེ་གཟིགས་གནང་ཕེན། པེ་ཏྲོས་དེ་ལོང་མེད་ཡེ་ཤུས་སྔ་རོགས་བྱ་སྐད་མ་བརྒྱབ་པའི་སྔོན་ལེ། ཁྱོད་ཀྱིས་ང་སུ་ཡིན་མིན་ངོ་མི་ཤེས་འོད་ཟིན་ལན་མ་གསུམ་ཟེར་གྱི་དིག་ཟིན་གསུངས་པི་དེ་དྲན་ཕེན། 62ཁོ་རང་བློ་ཕམ་ཆེན་པོ་བྱུང་སྟེ་སྒོའི་ཕྱི་ལེ་ཕྱིན་ཏེ་འཇུ་གུ་ངུས་པི་དིག

སྲུང་དམག་གིས་ཡེ་ཤུ་ལེ་འཕྱམ་ཆ་བཏང་བ།

63ཡང་ཡེ་ཤུ་འཛིན་བཟུང་བགྱིད་མཁན་མི་ཀྱ་ཀྱིས་ཁོང་ལེ་བརྡུངས་ཏེ་འཕྱམ་ཆ་བཏང་པི་མ་ཟད། 64ཁོང་གི་སྤྱན་ལེ་རས་བཏུམས་ཏེ། ཁྱོད་ཀྱིས་མངོན་ཤེས་མཁྱེན་གྱོ་འོད་ནི། ད་ལྟ་ཁྱོད་རང་ལེ་གཞུ་མཁན་འདི་སུ་ཡིན་མིན་ཉེད་ཀྱ་ལེ་སྨྲོས་དང་སྨྲས་པི་དིག 65ཡང་དེ་མ་ཟད། མི་འདི་ཀྱ་ཀྱིས་ཁོང་ལེ་ཚིག་ངན་དིང་དམའ་འབེབས་མང་པོ་བཏང་པི་དིག

ཆོས་ཀྱི་གྲོས་ཚོགས་ཁང་ལེ་ཡེ་ཤུ་ཁྲིད་པ།

66དེ་ནས་ནམ་ལངས་ལོང་མེད། ཡ་ཧུ་དཱ་པའི་མཆོད་པ་འབུལ་མཁན་ཀྱ་དིང་། ཆོས་ཁྲིམས་མཁས་པ་ཀྱ་དིང་། ཡང་ཡུལ་གྱི་རྒན་མི་ཀྱ་ནི། ཆོས་ཀྱི་གྲོས་ཚོགས་ཁང་ལེ་འཛོམས་འོང་ཕེན། ཡེ་ཤུ་ཟང་མི་དེ་ཀྱ་ཀྱི་མདུན་དུ་ཁྲིད་དུ་བཅུག་པི་དིག 67དེ་ནས་མི་དེ་ཀྱ་ཀྱིས་ཡེ་ཤུ་ལེ། ཁྱོད་རང་སྐྱབས་མགོན་ཟེར་མཁན་དེ་ཡིན་དས། ཉེད་ཀྱ་ལེ་སྨྲོས་དང་སྨྲས་ཕེན། ཡེ་ཤུས་མི་དེ་ཀྱ་ལེ། གལ་སྲིད་ངས་ཁྱེད་ལེ་སྨྲས་ནའང་། ཁྱེད་ཀྱ་ཀྱིས་ཡིད་ཆེས་མི་བགྱིད་འོད་དི་མ་ཟད། 68ཡང་ངས་ཁྱེད་ཀྱ་ལེ་དྲི་བ་ཞིག་དྲིས་ནའང་འདི་ལེ་ལན་མི་རྒྱག་འོད་དིག 69ཡིན་ནའང་། དུས་ད་ནས་ཕྱིད་ཆད། མིའི་བི་ས་ནི་ཀུན་དབང་དཀོན་མཆོག་གི་གཡས་ཕྱོགས་ལེ་སྡོད་ཀྱི་དིག་ཟིན་གསུངས་ཕེན། 70མི་དེ་ཀྱ་ཀྱིས་ཡེ་ཤུ་ལེ། འོ་ནེ། ཁྱོད་རང་དཀོན་མཆོག་གི་སྲས་ཡིན་དས་ཟིན་དྲིས་ཏེ། ཁོང་གིས་ཁྱེད་ཀྱ་ཀྱིས་སྨྲས་པི་ཅོག་འདྲ་ཡིན་ཟིན་གསུངས་པི་དིག 71དེ་ནས་མི་དེ་ཀྱ་ཀྱིས་གཅིག་གིས་གཅིག་ལེ། ཁོའི་ཁ་ནས་ང་རང་དཀོན་མཆོག་གི་སྲས་ཡིན་ཟེར་རི་ལབ་དེ་ཐོས་ཕེན། ད་འོང་རང་ཀྱ་ལེ་དཔང་པོ་གཞན་མ་ཅི་དགོས་པ་འོད་དི་གོ་སྨྲས་པི་དིག །

Currently Selected:

ལུ་ཀཱ། 22: DLPO

Highlight

Copy