ལུ་ཀཱ། 24

ལེའུ་ཉི་ཤུ་རྩ་བཞི།

ཡེ་ཤུ་གྲོངས་ཏེ་ཡང་དང་སྐུ་གསོན་བྱུང་བ།

1དེ་ནས་གཟའ་ཉི་མའི་སྔ་རོག་སྔ་མོ་ནས་བུ་མའ་དེ་ཀྱ་ཀྱིས་སྤོས་དྲི་མ་ཞིམ་རི་ཞིམ་ཚད་དེ་ཀྱ་ཁྱེར་ཏེ། ཁོང་གི་སྐུ་ཕུང་བོར་འོད་ཡོད་བྲག་ཕུག་ལེ་བུད་ཕེན། 2བྲག་ཕུག་གི་སྒོ་ལེ་བཀག་སྟེ་བོར་འོད་ཡོད་རྡོ་ཕོང་གན་ཆེན་པོ་དེ་ཟང་། ཕ་ལེ་འཕུལ་ཚར་ཏེ་སྒོ་གདང་ངེ་འོད་དི་མཐོང་པི་མ་ཟད། 3བུ་མའ་དེ་ཀྱ་བྲག་ཕུག་ནང་ལེ་འཛུལ་འགྲོ་རྒྱ། ཇོ་བོ་ཡེ་ཤུའི་སྐུ་ཕུང་འདི་རུ་མེད་དི་མཐོང་པི་དིག 4དེ་ནས་ཁོང་ཀྱ་ཀྱིས་ཅི་གི་ཡིན་ནི་ཟིན་ཐེ་ཚོམ་སྐྱེས་རྒྱ། ཧོབ་ཏེ་ཁ་ལེ་འོད་དངས་ཅན་གྱི་གོས་དཀར་པོ་གྱོན་པའི་མི་གཉིས་བུ་མའ་དེ་ཀྱ་ཀྱི་མདུན་ལེ་མངོན་སུམ་སླེབས་པི་དིག 5དེ་ནས་བུ་མའ་དེ་ཀྱ་འཇུ་གུ་འཁྱར་ཏེ། མགོ་མར་བསྒུར་བསྒུར་བྱས་ཕེན། མི་དེ་གཉིས་ཀྱིས་བུ་མའ་དེ་ཀྱ་ལེ། ཁྱེད་ཀྱ་ཀྱིས་ཅི་ལེ་གསོན་པོ་ཡིན་མཁན་ཁོང་། གཤིན་པོའི་ཁྲོད་དུ་འཚོལ་ལི་ཡིན་དོ། 6ཁོང་སྐུ་གསོན་པོ་ལེ་བཞེངས་ཏེ་འདི་རུ་མེད། དེ་སྔོན་ཁོང་ག་ལིལ་ལུང་པ་ལེ་བཞུགས་གནང་རྒྱ། 7ཁོང་གིས་མིའི་བི་ས་ནི་མི་སྡིག་ཅན་ཀྱ་ཀྱི་ལག་ཏུ་གཏོད་དི་མ་ཟད། མི་དེ་ཀྱ་ཀྱིས་ཁོང་རང་གདུང་མ་ཀུ་རུ་ཁ་ལེ་བརྒྱངས་ཏེ་གསོད་ཀྱི་དིག ཡིན་ནའང་། ཉིན་གསུམ་པ་ལེ་ཁོང་རང་ཡང་དང་གསོན་པོ་ལང་གྱི་དིག་ཟིན་གསུངས་པི་དེ་མི་དྲན་འདུག་གས་ཟིན་སྨྲས་པི་དིག 8དེ་ནས་བུ་མའ་དེ་ཀྱ་ཀྱིས་ཡེ་ཤུས་གསུངས་པི་དེ་དྲན་པ་སད་ཕེན། 9དུར་ཁང་ནས་ཕ་ལེ་ལོག་ཕྱིན་ཏེ། གནས་ཚུལ་དེ་སློབ་མ་བཅུ་གཅིག་ཀྱ་དིང་། རྗེས་འབྲང་པ་ཀྱ་ལེ་བཤད་དི་དིག 10གནས་ཚུལ་དེ་སྐུ་ཚབ་ཀྱ་ལེ་ཤོད་མཁན་དེ་ཀྱ་ནི། མག་དལ་གྱི་མིར་ཡམ་དིང་། ཡོ་ཨ་ནཱ། ཡ་ཀོབ་ཀྱི་ཡུམ་མིར་ཡམ་དེ་ཀྱ་ཡིན་དིག ཡང་དེ་མིན་པ་བུ་མའ་གཞན་མ་ཁ་ཤས་ཟང་འོད་དིག 11ཡིན་ནའང་། སྐུ་ཚབ་ཀྱ་ཀྱིས་ལབ་དེ་འཆོལ་གཏམ་ཞིག་ཡིན་དིག་བསམ་སྟེ་ཡིད་ཆེས་མ་བྱས་པི་དིག 12ཡིན་ནའང་། པེ་ཏྲོ་ཁོ་རང་ཡེ་ཤུའི་ཕུང་པོ་བོར་འོད་ཡོད་བྲག་ཕུག་ལེ་བརྒྱུགས་ཤར་བཏང་སྟེ་བུད་དི་དིག དེ་ནས་དེ་རུ་སླེབས་ཕེན་ཁོས་མགོ་མར་བསྒུར་བསྒུར་བྱས་ཏེ་བྲག་ཕུག་ནང་ལེ་བལྟས་ཕེན ཁོང་གི་སྐུ་ཕུང་ལེ་བཏུམས་པའི་འབུ་རས་དེ་པ་རྐྱང་མཐོང་ཕེན། ངོ་མཚར་སྐྱེས་ཏེ་རང་གི་ནང་ལེ་ལོག་པི་དིག

ཡེ་ཤུས་རང་མངོན་སུམ་སློབ་མ་གཉིས་ལེ་བསྟན་པ།

13ཡང་ཉིན་མ་དེ་རང་ལེ། ཁོང་གི་རྗེས་འབྲང་པ་ཀྱ་ནང་ནས་མི་གཉིས་ཡེ་རུ་ས་གླིང་རྒྱལ་ས་ནས་རྒྱང་ཐག་ཆུ་ཚོད་གཉིས་ཚོད་འགོར་རི་ཨེ་མ་ཨུ་ཟེར་རི་ཡུལ་ལེ་འགྲོ་འོད་དིག 14ཡང་ཁོ་གཉིས་ཀྱིས་ལམ་ལེ་ཡེ་ཤུ་ལེ་དོན་ཅི་བྱུང་བ་དེའི་སྐོར་ཀྱ་ལེ་ལབ་གླེང་བགྱིད་རྒྱ། 15ཡེ་ཤུ་མངོན་སུམ་དུ་ཁོ་གཉིས་ཀྱི་སྐྱེན་ལེ་ཕེབས་པི་དིག 16ཡིན་ནའང་། ཡེ་ཤུས་རང་སུ་ཡིན་དི་ཁོ་གཉིས་ལེ་ངོ་ཤེས་རུ་མ་བཅུག་པི་དིག 17ཡང་ཡེ་ཤུས་ཁོ་གཉིས་ལེ། ཁྱེད་གཉིས་ལམ་ལེ་འགྲོ་རྒྱ། གནས་ཚུལ་ཅིའི་སྐོར་ལེ་ལབ་གླེང་བགྱིད་དི་ཡིན་དོ་ཟིན་དྲིས་ཕེན། ཁོ་གཉིས་ཀྱིས་སྐྱོ་སྣང་གི་རྣམ་འགྱུར་བསྟན་ཏེ་ལངས་བསྡད་དི་དིག 18ཡང་ཁོ་གཉིས་ནང་ནས་ཀཱ་ལོ་ཕུ་ཟེར་མཁན་ཁོས་ཁོང་ལེ། ཡེ་རུ་ས་གླིང་རྒྱལ་སའི་ནང་ལེ་གནས་ཚུལ་ཅི་བྱུང་པི་དེའི་སྐོར་ལེ་ཧ་མི་གོ་མཁན་དེ་ནི། ཁྱོད་རང་པ་རྐྱང་ཡིན་དིག་ཟིན་སྨྲས་པི་དིག 19དེ་ནས་ཡེ་ཤུས་ཁོ་གཉིས་ལེ། གནས་ཚུལ་ཅི་བྱུང་པི་གོ་ཟིན་དྲིས་ཏེ། ཁོ་གཉིས་ཀྱིས་ནཱ་ཙ་རེལ་གྱི་ཡེ་ཤུའི་སྐོར་ལེ་ཡིན་དིག ཁོང་རང་ནི་ལུང་སྟོན་པ་ཞིག་ཡིན་དི་མ་ཟད། དཀོན་མཆོག་དིང་མི་ཡེ་རེའི་མདུན་དུ་ཁོང་གིས་གསུངས་པའི་བཀའ་དིང་། ཁོང་གིས་མཛད་པའི་ཕྱག་ལས་དེ་ཀྱ་ནི་ནུས་མཐུ་ཅན་ཞིག་ཡིན་དིག 20ཡིན་ནའང་། མཆོད་པ་འབུལ་མཁན་ཀྱ་དིང་། ཉེད་ཀྱ་ཀྱི་དཔོན་རིགས་ཀྱིས་ཁོང་ལེ་སྲོག་ཁྲིམས་གཏོང་ཆེད་དུ། རོ་མཱའི་སྤྱི་དཔོན་གྱི་ལག་ལེ་གཏད་དི་རྗེས་ལེ། ཁོང་གདུང་མ་ཀུ་རུ་ཁ་ལེ་བརྒྱངས་ཏེ་བསད་དི་དིག 21ཡིན་ནའང་། ཉེད་ཀྱ་སྔོན་མ་ནས་ཕེན་ཁོང་རང་ནི། ཡི་སི་ར་ཨེལ་གྱི་སྐྱོབ་གནང་མཁན་དེ་ཡིན་དི་རེ་བ་བྱས་པི་ཡིན། ཡང་གནས་ཚུལ་དེ་ཡེ་རེ་བྱུང་སྟེ་ཉིན་མ་གསུམ་འགྲོ་འོད་དིག 22ཉེད་ཀྱ་ཀྱི་སྐྱེན་ལེ་འོད་ཡོད་བུ་མའ་ཁ་ཤས་ཞིག་གིས་སྔ་རོག་སྔ་མོ་ནས་ཁོང་གི་སྐུ་ཕུང་བོར་ས་ལེ་འགྲོ་རྒྱ། 23ཁོང་གི་སྐུ་ཕུང་བྲག་ཕུག་དེའི་ནང་ལེ་མེད་དི་མཐོང་པི་མ་ཟད། ཁོང་ཀྱ་ལེ་དཀོན་མཆོག་གི་ཕོ་ཉ་མངོན་སུམ་མཇལ་ཏེ། ཁོང་སྐུ་གསོན་པོ་བཞེངས་ཏེ་འདི་རུ་མེད་དིག་ཟིན་གསུངས་བྱུང་ཟིན་ཉེད་ཀྱ་ལེ་སྨྲས་བྱུང་། དེ་ནས་ཉེད་ཀྱ་ཀྱིས་ཟང་གནས་ཚུལ་དེ་ལེ་ངོ་མཚར་སྐྱེས་པི་མ་ཟད། 24ཡང་ཉེད་ཀྱ་ཀྱི་ནང་ནས་མི་ཁ་ཤས་ཞིག་གིས་བྲག་ཕུག་དེའི་ནང་ལེ་ཕྱིན་ཕེན། བུ་མའ་དེ་ཀྱ་ཀྱིས་ཉེད་ཀྱ་ལེ་སྨྲས་པི་ཅོག་འདྲ། ཁོང་ཀྱ་ཀྱིས་ཟང་ཁོང་གི་སྐུ་ཕུང་དེ་རུ་མི་འདུག་ཟིན་ཉེད་ཀྱ་ལེ་བཤད་བྱུང་ཟིན་སྨྲས་པི་དིག 25དེ་ནས་ཡེ་ཤུས་ཁོ་གཉིས་ལེ། ལུང་སྟོན་པ་ཀྱ་ཀྱིས་གསུངས་པི་དེ་ཡེ་རེ་ལེ་ཡིད་ཆེས་མི་བགྱིད་མཁན་གླེན་པ་ཁྱེད་གཉིས། 26སྐྱབས་མགོན་གྱིས་དཀའ་སྡུག་འོ་དེ་ཅོག་འདྲ་མྱངས་ཏེ། ཁོང་རང་གཟི་བརྗིད་ངང་ལེ་ཞུགས་དགོས་འོད་དི་ཧ་མི་གོ་འདུག་གས་ཟིན་གསུངས་པི་དིག 27དེ་ནས་ལུང་སྟོན་པ་མོ་ཤེའི་མདོ་ནས་བྱས་ཏེ། ལུང་སྟོན་པ་གཞན་མ་ཀྱ་ཀྱིས་བྲིས་པའི་མདོ་རེ་རེ་བྱས་ཏེ། གསུང་རབ་ཡེ་རེའི་ནང་ལེ་རང་གི་སྐོར་ལེ་བྲིས་པའི་ནང་དོན་དེ་ཀྱ། ཁོང་གིས་ཁོ་གཉིས་ལེ་གསལ་པོར་བྱས་ཏེ་གསུངས་པི་དིག

28དེ་ནས་ཁོ་གཉིས་འགྲོ་སའི་ཡུལ་གྱི་ཉེ་འགྲམ་ལེ་སླེབས་ཕེན། ཡེ་ཤུས་ད་རུང་ཕར་ཚོད་ཕེབས་མདོག་མདོག་བྱས་པི་དིག 29ཡིན་ནའང་། ཁོ་གཉིས་ཀྱིས་ད་དུས་ཚོད་ཕྱི་མོ་ཡིན་དི་མ་ཟད། ཉི་མ་ནུབ་ལྷག་འདུག ཁྱེད་རང་ཉེད་གཉིས་སྐྱེན་ལེ་བཞུགས་དང་ཟིན་ཨུ་ཚུགས་བྱས་ཏེ་ཞུས་ཕེན། ཡེ་ཤུ་ཁོ་གཉིས་སྐྱེན་ལེ་མི་ཚང་ཞིག་གི་ནང་ལེ་བཞུགས་པི་དིག 30དེ་ནས་ཁོང་ཀྱ་སྐྱེན་ལེ་ཟ་མ་བཟའ་རྒྱ། ཡེ་ཤུས་སྒོར་ཕྱེ་ཕྱག་ལེ་བསྣམས་ཏེ། དཀོན་མཆོག་ལེ་བཀའ་དྲིན་ཆེ་ཟིན་ཞུས་པི་རྗེས་ལེ། སྒོར་ཕྱེ་དེ་ཕྱེད་ཀ་བཏང་སྟེ་ཁོང་ཀྱ་ལེ་བགོས་ཏེ་གནང་པི་དི་དིག 31དེ་ནས་ཡེ་ཤུས་རང་སུ་ཡིན་མིན་དི་ཁོ་གཉིས་ལེ་ངོ་ཤེས་དུ་འཇུག་ལོང་མེད། ཁོང་རང་མིག་མཐོང་ས་མེད་མེད་བྱུང་པི་དིག 32ཡང་ཁོ་གཉིས་གཅིག་གིས་གཅིག་ལེ། འུ་གཉིས་ལམ་ལེ་འགྲོ་རྒྱ། ཁོང་གིས་འུ་གཉིས་ལེ་བཀའ་མོལ་གནང་སྟེ། དཀོན་མཆོག་གི་གསུང་རབ་ཀྱི་ནང་དོན་གསལ་བཤད་གནང་ཕེན། འུ་གཉིས་ཀྱི་སེམས་པ་ཅི་གི་དགའ་རི་ཆེན་པོ་བྱུང་ངོ་ཨད་ཟིན་འོད་དིག 33དེའི་རྗེས་ལེ་ཁོ་གཉིས་མགྱོགས་པོ་ཡར་ལངས་ཏེ། ཡེ་རུ་ས་གླིང་རྒྱལ་ས་ལེ་ལོག་སྟེ། སློབ་མ་བཅུ་གཅིག་ཀྱ་དིང་། ཡང་དེ་རུ་འཛོམས་འོད་ཡོད་མི་གཞན་མ་ཀྱ་ཀྱི་སྐྱེན་ལེ་བསྡད་དེ། 34ཁོ་གཉིས་ཀྱིས་ཁོང་ཀྱ་ལེ་བདེན་པ་ངོ་ཐོག་ཇོ་བོ་སྐུ་གསོན་པོ་བཞེངས་ཏེ། སི་མོན་ལེ་ཁོང་རང་མངོན་གསུམ་བསྟན་གནང་པི་དིག་ཟིན་སྨྲས་པི་མ་ཟད། 35ཁོ་གཉིས་ཀྱིས་ལམ་ལེ་ཅི་བྱུང་བའི་གནས་ཚུལ་དིང་། ཡེ་ཤུས་སྒོར་ཕྱེ་ཕྱེད་ཀ་བཏང་སྟེ་བགོས་གནང་རྒྱ། ཁོང་རང་ཡིན་དེ་ངོ་ཤེས་པའི་གནས་ཚུལ་དེ་ཟང་ཁོང་ཀྱ་ལེ་སྨྲས་པི་དིག

ཡེ་ཤུས་རང་མངོན་སུམ་སློབ་མ་ཀྱ་ལེ་བསྟན་གནང་བ།

36འོ་དེ་གི་ཟིན་ཁོང་ཀྱ་ཀྱིས་གནས་ཚུལ་དེ་ཤོད་རྒྱ། ཧོབ་ཏེ་ཁ་ལེ་ཁོང་ཀྱ་ཀྱི་དཀྱིལ་ལེ་ཡེ་ཤུ་ཕེབས་ཏེ། ཁྱེད་ཀྱ་ལེ་ཞི་བདེ་འོང་བར་ཤོག་ཟིན་གསུངས་པི་དིག 37ཡིན་ནའང་། ཁོང་ཀྱ་ཀྱིས་འོ་དེ་གི་མཐོང་སྟེ། དེ་ནི་གདོན་འདྲེ་ཞིག་ཡིན་དིག་བསམས་ཏེ་འཇུ་གུ་འཁྱར་རི་དིག 38ཡང་ཡེ་ཤུས་ཁོང་ཀྱ་ལེ། ཁྱེད་ཀྱ་ཅི་ལེ་འཁྱར་སྣང་བགྱིད་དི་ཡིན་དོ། ཅི་ལེ་ཐེ་ཚོམ་བགྱིད་དི་ཡིན་དོ། 39ཁྱེད་ཀྱ་ཀྱིས་ངའི་རྐང་ལག་ག་ལེ་ལྟོས་དང་། ངོ་ཐོག་ང་རང་ཡིན། ངའི་གཟུགས་པོ་ལེ་ལག་ག་འཇུས་དང་། གདོན་འདྲེ་ལེ་ཤ་རུས་མེད་དིག་ཟིན་གསུངས་པི་རྗེས་ལེ། 40ཁོང་གིས་རང་གི་རྐང་ལག་ལེ་གཟེར་བརྒྱབ་པའི་རྨ་རྗེས་དེ་ཁོང་ཀྱ་ལེ་སྟོན་པི་དིག 41དེ་ནས་ཁོང་ཀྱ་དགའ་རི་ཆེན་པོ་བྱུང་པི་རྐྱེན་གྱིས་ད་རུང་ཡིད་མ་ཆེས་ཏེ་ཡ་མཚན་ཆེན་པོ་སྐྱེས་རྒྱ། ཡེ་ཤུས་ཁོང་ཀྱ་ལེ། ཁྱེད་ཀྱ་ལེ་ཟ་མ་ཅི་འོད་དོ་ཟིན་གསུངས་ཕེན། 42ཁོང་ཀྱ་ཀྱིས་ཁོང་ལེ། མེ་ལེ་བསྲེག་པའི་ཉ་ཤ་ནས་དུམ་བུ་ཞིག་ཁོང་ལེ་ཕུལ་ཕེན། 43ཁོང་གིས་ཟང་ཉ་ཤ་དེ་ཕྱག་ལེ་བསྣམས་ཏེ། ཁོང་ཀྱ་ཀྱི་མིག་མཐོང་ས་ལེ་བཞེས་པི་དིག

44དེ་ནས་ཁོང་གིས་ཁོང་ཀྱ་ལེ། དེ་སྔོན་ང་ཁྱེད་ཀྱ་ཀྱི་སྐྱེན་ལེ་སྡོད་རྒྱ། མོ་ཤེས་བྲིས་པའི་ཆོས་ཁྲིམས་དིང་། ལུང་སྟོན་པའི་མདོ། གསུང་མགུར་ཟེར་རི་མདོ་ནང་ལེ། ངའི་སྐོར་ལེ་བྲིས་པི་ཡེ་རེ་འགྲུབ་གྱི་དིག་ཟིན་སྨྲས་པི་དེ་ནི། ད་ལྟ་འགྲུབ་པི་དིག་ཟིན་གསུང་པི་དིག 45དེ་ནས་ཁོང་གིས་དཀོན་མཆོག་གི་གསུང་རབ་ཀྱི་མདོ་ཡེ་རེའི་དོན་དག་རྟོགས་ཐུབ་རྒྱུ་ཆེད་དུ། ཁོང་ཀྱ་ལེ་ཤེས་རྟོགས་ཀྱི་ནུས་པ་གནང་པི་དིག 46ཡང་ཁོང་གིས་དཀོན་མཆོག་གི་གསུང་རབ་ཀྱི་མདོ་ནང་ལེ། སྐྱབས་མགོན་གྱིས་དཀའ་སྡུག་མྱངས་ཏེ། ཉིན་གསུམ་པ་དེ་ལེ་ཡང་དང་སྐུ་གསོན་པོ་བཞེངས་ཀྱི་དིག་ཟིན་བྲིས་འོད་དི་མ་ཟད། 47ཡེ་རུ་ས་གླིང་རྒྱལ་ས་ནས་བྱས་ཏེ། ཁོང་གི་མཚན་གྱི་ནང་ལེ་ཕྱོགས་བཞི་ཀུན་གྱི་མི་རིགས་ལེ། རང་གི་སྡིག་ཉེས་སེལ་རྒྱུ་ཆེད་དུ། སྤྱོད་པ་ངན་པ་དེ་ཀྱ་སྤངས་ཏེ། སེམས་ཁུག་རྒྱུ་དོན་ལེ་ཆོས་གསུང་དགོས་འོད་དིག་ཟིན་བྲིས་འདུག 48དོན་དེ་ཀྱ་ལེ་དཔང་པོ་བགྱིད་མཁན་དེ་ནི་ཁྱེད་ཀྱ་ཡིན་དིག 49ཡང་ལྟོས་དང་། ངའི་ཨ་ཀྱིས་ཁས་ལེན་བྱས་པའི་ཅོག་འདྲ། ཁོང་གི་ཐུགས་ཉིད་དེ་ངས་ཁྱེད་ཀྱ་ལེ་ཁྱབ་ཏུ་འཇུག་གྱི་ཡིན། ཁྱེད་ཀྱ་ལེ་ནུས་པ་དེ་མ་ཁྱབ་བར་དུ། ཁྱེད་ཀྱ་ཡེ་རུ་ས་གླིང་རྒྱལ་ས་ལེ་སྒུག་སྟེ་སྡོད་ཅིག་ཟིན་གསུངས་པི་དིག

ཡེ་ཤུ་ཞིང་ཁམས་ལེ་གདན་དྲངས་པ།

50-51དེའི་རྗེས་ལེ་ཡེ་ཤུས་ཁོང་ཀྱ་པེ་ཐན་ཡཱ་ཟེར་རི་ཡུལ་ལེ་ཁྲིད་གནང་སྟེ། རང་གི་ཕྱག་ཡར་བཏེག་སྟེ། ཁོང་ཀྱ་ལེ་བྱིན་གྱིས་རླབས་པའི་རྗེས་ལེ། ཁོང་རང་ཁོང་ཀྱ་དིང་ཁ་བྲལ་ཏེ། དཀོན་མཆོག་གི་ཞིང་ཁམས་ལེ་གདན་དྲངས་གནང་པི་དིག 52དེ་ནས་ཁོང་ཀྱ་ཀྱིས་ཡེ་ཤུ་ལེ་བསྟོད་པ་ཕུལ་ལི་རྗེས་ལེ། དགའ་རི་ཆེན་པོས་ངང་ནས་ཕར་ཡེ་རུ་ས་གླིང་རྒྱལ་ས་ལེ་རང་འཇགས་ལོག་སྟེ། 53མཆོད་ཁང་གི་དྭངས་རའི་ནང་ལེ་དུས་རྒྱུན་དུ་འཛོམས་ཏེ་དཀོན་མཆོག་ལེ་བསྟོད་པ་ཕུལ་ལི་དིག ། ། །

Currently Selected:

ལུ་ཀཱ། 24: DLPO

Highlight

Copy