ཡོ་ཧ་ནན། 19

ལེའུ་བཅུ་དགུ།

སྤྱི་དཔོན་པི་ལ་ཏི་ཁོས་ཡེ་ཤུ་གསོད་རྒྱུ་བཀའ་བཏང་བ།

1དེ་ནས་པི་ལ་ཏི་ཁོས་ཡེ་ཤུ་ལེ་ལྕག་ཚན་གཞུ་དགོས་པའི་བཀའ་གནང་ཕེན། 2དམག་མི་ཀྱ་ཀྱིས་ཟང་ཚེར་མའི་དབུ་རྒྱན་ཞིག་བསླས་མ་བསླས་ཏེ། ཡེ་ཤུའི་དབུ་ལེ་བསྐོན་པི་མ་ཟད། རྒྱལ་པོའི་ནམ་བཟའ་ཅོག་འདྲ་ཕྱུ་པ་ཚོན་མདོག་རྒྱ་སྨུག་ཞིག་ཟང་ཁོང་ལེ་བསྐོན་པི་དིག 3དམག་མི་དེ་ཀྱ་ཁོང་གི་དྲུང་དུ་འོངས་ཏེ། ཁོང་ལེ་ཡ་ཧུ་དཱ་པའི་རྒྱལ་པོ་ཟིན་ཕྱག་འཚལ་ཏེ་འཕྱམ་ཆ་བཏང་པི་མ་ཟད། ཁོང་ལེ་འགྲམ་ལྕག་བཞུས་པི་དིག 4དེ་ནས་པི་ལ་ཏི་ཁོ་རང་ཕོ་བྲང་ནས་ཕྱི་ལེ་འོངས་ཏེ། ལྟོས་དང་། ང་ལེ་མི་འདི་ལེ་ཉེས་སྐྱོན་ཅི་གང་མ་རྙེད་བྱུང་། ཁྱེད་ཀྱ་ཀྱིས་ཟང་སྐད་ཆ་འདི་ཧ་གོ་རྒྱུ་ཆེད་དུ། ངས་མི་འདི་ཁྱེད་ཀྱ་ཀྱི་དྲུང་དུ་ཕྱི་ལེ་ཁྲིད་རྒྱུགས་སྨྲས་པི་ཡིན་ཟིན་སྨྲས་པི་དིག 5དེ་ནས་ཡེ་ཤུ་ལེ་ཚེར་མའི་དབུ་རྒྱན་དིང་ཕྱུ་པ་རྒྱ་སྨུག་ཞིག་གྱོན་ཏེ་ཕོ་བྲང་ནས་ཕྱི་ལེ་འཁྲིད་འོངས་ཕེན། པི་ལ་ཏི་ཁོས་ཁྱེད་ཀྱ་ཀྱིས་མི་འདི་ལེ་ལྟོས་དང་སྨྲས་པི་དིག 6དེ་ནས་ཡ་ཧུ་དཱ་པའི་མཆོད་པ་འབུལ་མཁན་ཀྱ་དིང་། མཆོད་ཁང་གི་སྲུང་དམག་ཀྱ་ཀྱིས་ཡེ་ཤུ་མཐོང་སྟེ། སྐད་ཆེན་པོས་ངང་ནས་མི་འདི་གདུང་མ་ཀུ་རུ་ཁ་ལེ་བརྒྱངས་ཏེ་སོད་ཅིག མི་འདི་གདུང་མ་ཀུ་རུ་ཁ་ལེ་བརྒྱངས་ཏེ་སོད་ཅིག་ཟིན་འོད་དིག ཡང་པི་ལ་ཏི་ཁོས་མི་དེ་ཀྱ་ལེ། ངས་ཁོ་ལེ་གསོད་དགོས་པའི་ཉེས་སྐྱོན་ཅི་གང་མ་རྙེད་བྱུང་། ད་ཁྱེད་ཀྱ་ཀྱིས་ཁོ་ཁྲིད་དེ་གདུང་མ་ཀུ་རུ་ཁ་ལེ་བརྒྱངས་ཏེ་གསོད་ཅིག་སྨྲས་པི་དིག 7ཡང་ཡ་ཧུ་དཱ་པ་ཀྱ་ཀྱིས་མི་འདི་རང་གིས་རང་ལེ། ང་དཀོན་མཆོག་གི་སྲས་ཡིན་ཟིན་འདུག ཡང་ཉེད་ཀྱ་ཀྱི་ཆོས་ཁྲིམས་ཅོག་འདྲ་བྱས་ནི། འོ་དེ་གི་ཟེར་མཁན་མི་དེ་གསོད་དགོས་འོད་དིག་ཟིན་སྨྲས་པི་དིག 8-9དེ་ནས་པི་ལ་ཏི་ཁོས་ལབ་དེ་ཐོས་ཏེ་འཛེན་འཁྱར་ཕེན། ཁོས་ཡང་དང་ཡེ་ཤུ་ཕོ་བྲང་ནང་ལེ་འཁྲིད་དེ། ཁྱོད་རང་ག་ན་ནས་ཡིན་དོ་ཟིན་དྲིས་ནའང་། ཡེ་ཤུས་ལབ་ལན་གཅིག་ཟང་མ་ལོག་པི་དིག 10དེ་ནས་པི་ལ་ཏི་ཁོས་ཡེ་ཤུ་ལེ། ཁྱོད་ཀྱིས་ང་ལེ་ལབ་ལན་མི་ལོག་གི་ཅི་ཡིན་དོ། ཁྱོད་ལེ་གློད་བཀྲོལ་གཏོང་རྒྱུ་དིང་། ཡང་གདུང་མ་ཀུ་རུ་ཁ་ལེ་སྲོག་ཐོག་གཏོང་རྒྱུ་དབང་ཆ་དེ་ནི། ང་ལེ་འོད་དི་ཁྱོད་ལེ་ཆ་མེད་དས་ཟིན་དྲིས་ཏེ། 11ཡེ་ཤུས། གལ་སྲིད་ཁྱོད་ལེ། དཀོན་མཆོག་གིས་འོ་དེ་གི་བགྱིད་རྒྱུ་དབང་གནང་པི་ཡིན་ནི་མ་གཏོགས། ཁྱེད་ཀྱིས་ང་ལེ་འོ་དེ་གི་བགྱིད་རྒྱུ་དབང་ཆ་མེད་དིག ཁྱེད་རང་ལེ་ལྷག་ཚོད། ང་ཁྱེད་ཀྱི་ལག་ལེ་གཏོད་མཁན་མི་དེ་ཀྱ་ལེ་འཛེན་སྡིག་པ་ཆེ་བ་འོད་དིག་ཟིན་གསུངས་པི་དིག 12དེའི་རྗེས་ལེ་པི་ལ་ཏི་ཁོས་ཡེ་ཤུ་ལེ་གློད་བཀྲོལ་གཏོང་རྒྱུ་ཐབས་ལམ་བཙལ་ནའང་། ཡ་ཧུ་དཱ་པའི་མི་ཀྱ་ཀྱིས་པི་ལ་ཏི་ལེ། གལ་སྲིད་ཁྱེད་ཀྱིས་མི་འདི་གློད་བཀྲོལ་བཏང་པི་ཡིན་ནི། ཁྱེད་རང་རྒྱལ་པོ་སེ་བཟིར་གྱི་མཛའ་རོགས་མ་དིག མི་སུ་ཞིག་གིས་རང་གིས་རང་ལེ། ང་རྒྱལ་པོ་ཡིན་ཟེར་མཁན་མི་དེ་རྒྱལ་པོའི་དགྲ་བོ་ཡིན་དིག་ཟིན་སྐད་ཆེན་པོ་བརྒྱབ་པི་དིག#19.12 སེ་བཟིར་ཟེར་མཁན་ཁོང་རང་ནི་དུས་དེ་རྒྱ་རོ་མཱ་ལུང་པའི་རྒྱལ་པོ་ཡིན་དིག 13དེ་ནས་པི་ལ་ཏི་ཁོས་ལབ་འདི་ཐོས་ཕེན། ཡེ་ཤུ་ཕོ་བྲང་ནས་ཕྱི་ལེ་ཁྲིད་འོངས་པི་མ་ཟད། པི་ལ་ཏི་ཁོང་རང་རྡོའི་ཁྲི་ལྟག་ལེ་བསྡད་དི་དིག ཡ་ཧུ་དཱ་པ་ཀྱ་ཀྱིས་རྡོ་ཁྲི་འདིའི་མིང་ལེ་གབ་བ་ཐཱ་ཟིན་འོད་དིག#19.13 རྡོ་ཁྲི་དེ་ནི་རྒྱལ་ཁང་གི་གཡབ་ལེ་འོད་དིག ཡང་ཁྲིམས་གཅོད་བགྱིད་རྒྱ་རྡོ་ཁྲི་འདིའི་གང་ལེ་པི་ལ་ཏི་ཁོང་རང་སྡོད་གྱོ་འོད་དིག 14དུས་དེ་ནི་སྲོག་ཐར་རི་དུས་ཆེན་གྱི་སྒྲིག་བགྱིད་རྒྱུ་ཉིན་མོ་དེ་ཡིན་དི་མ་ཟད། དུས་ཚོད་དེ་ཉིན་གུང་ཚོད་ཡིན་ཕེན། པི་ལ་ཏི་ཁོས་ཡ་ཧུ་དཱ་པའི་མི་ཀྱ་ལེ། ལྟོས་དང་། མི་འདི་ནི་ཁྱེད་ཀྱ་ཀྱི་རྒྱལ་པོ་ཡིན་དིག་ཟིན་སྨྲས་པི་དིག 15དེ་ནས་མི་དེ་ཀྱ་ཀྱིས་སྐད་ཆེན་པོས་ངང་ནས ཁོ་ཕ་ལེ་ཁྲིད། ཕ་ལེ་ཁྲིད། ཁོ་གདུང་མ་ཀུ་རུ་ཁ་ལེ་བརྒྱངས་ཏེ་སོད་ཅིག་ཟིན་སྐད་ཆེན་བརྒྱབ་ཕེན། པི་ལ་ཏི་ཁོས་ཁྱེད་ཀྱ་ཀྱི་རྒྱལ་པོ་འདི་ངས་གསོད་ཆོག་གྱོ་འོད་དི་གས་ཟིན་དྲིས་ཏེ། མཆོད་པ་འབུལ་མཁན་དེ་ཀྱ་ཀྱིས། རོ་མཱའི་རྒྱལ་པོ་ཆེན་པོ་སེ་བཟིར་ཁོང་རང་མ་གཏོགས་ཉེད་ལེ་རྒྱལ་པོ་གཞན་མ་མེད་ཟིན་སྨྲས་པི་དིག 16དེ་ནས་པི་ལ་ཏི་ཁོས་ཟང་ཡེ་ཤུ་གདུང་མ་ཀུ་རུ་ཁའི་ལྟག་ག་ལེ་གསོད་རྒྱུ་ཆེད་དུ་དམག་མི་ཀྱ་ཀྱི་ལག་ལེ་གཏད་དི་དིག

ཡེ་ཤུ་གདུང་མ་ཀུ་རུ་ཁ་ལྟག་ག་ལེ་བཀྲོངས་པ།

17དེ་ནས་དམག་མི་དེ་ཀྱ་ཀྱིས་ཡེ་ཤུ་ཁྲིད་དི་མ་ཟད། ཡེ་ཤུས་ཟང་རང་སྲོག་གཏོང་ས་གདུང་མ་ཀུ་རུ་ཁ་དེ་འཁྱེར་ཏེ། ཡེ་རུ་ས་གླིང་རྒྱལ་སའི་ཕྱི་ལེ་འོད་ཡོད་ཀ་པཱ་ལི་ཟེར་རི་ས་ཆ་དེ་ལེ་ཕེབས་པི་དིག ཡ་ཧུ་དཱ་པའི་སྐད་ལེ་ས་ཆ་དེ་ལེ་གོལ་གོ་ཐ ཱ་ཟིན་འོད་དིག 18ས་ཆ་དེ་རུ་ཡེ་ཤུ་གདུང་མ་ཀུ་རུ་ཁ་ལྟག་ག་ལེ་བརྒྱངས་པི་དིག ཡང་དམག་མི་དེ་ཀྱ་ཀྱིས་ཡེ་ཤུ་མན་པའི་མི་གཞན་མ་གཉིས་ཟང་གདུང་མ་ཀུ་རུ་ཁ་རེ་རེ་ལྟག་ག་ལེ་བརྒྱངས་ཏེ། ཡེ་ཤུའི་གཡས་གཡོན་ལེ་བོར་འོད་དིག 19ཡང་པི་ལ་ཏི་ཁོས་ཤིང་ལེབ་ཞིག་གི་ལྟག་ག་ལེ། ཡ་ཧུ་དཱ་པའི་རྒྱལ་པོ་ནི། ནཱ་ཙ་རེལ་གྱི་ཡེ་ཤུ་ཡིན་དིག་ཟིན་བྲིས་དགོས་པའི་བཀའ་བཏང་པི་དིག དེ་ནས་ཡི་གེ་བྲིས་པའི་ཤིང་ལེབ་དེ་ནི་གདུང་མ་ཀུ་རུ་ཁའི་རྩེ་ལེ་གཟེར་བརྒྱབ་ཏེ་བོར་རི་དིག 20ཡི་གེ་དེ་ནི་ཡ་ཧུ་དཱ་པའི་སྐད་ལེ་དིང་། ལཱ་ཏིན་གྱི་སྐད་ལེ་དིང་། ཡང་གེ་རིག་སྐད་དེ་གསུམ་གྱི་ནང་ལེ་བྲིས་འོད་དིག ཡེ་ཤུ་གདུང་མ་ཀུ་རུ་ཁ་ལེ་བརྒྱངས་ཏེ་བོར་ས་དེ་ནི། ཡ་ཧུ་དཱ་པའི་རྒྱལ་སའི་ཉེ་འགྲམ་ལེ་འོད་ཕེན། ཡ་ཧུ་དཱ་པའི་མི་ཡེ་རེས་ཡི་གེ་དེ་མཐོང་པི་དིག 21དེ་ནས་མཆོད་པ་འབུལ་མཁན་ཀྱ་ཀྱིས་པི་ལ་ཏི་ལེ། ཡ་ཧུ་དཱ་པའི་རྒྱལ་པོ་ཟིན་མ་འབྲི། མི་དེ་རང་གིས་རང་ལེ་ང་ཡ་ཧུ་དཱ་པའི་རྒྱལ་པོ་ཡིན་ཟིན་འདུག་ཟིན་འབྲི་རོགས་སྨྲས་ཕེན། 22པི་ལ་ཏི་ཁོས་ངས་ཅི་གི་འབྲི་འདོད་འོད་དི་ཅོག་འདྲ་བྲིས་ཚར་རི་ཡིན་ཟིན་སྨྲས་པི་དིག

23དེ་ནས་དམག་མི་དེ་ཀྱ་ཀྱིས་ཡེ་ཤུ་གདུང་མ་ཀུ་རུ་ཁ་ལེ་བརྒྱངས་པི་རྗེས་ལེ། ཁོང་གི་ནམ་བཟའ་དེ་དུམ་བུ་བཞི་ལེ་བགོས་ཕེན། ཁོང་ཀྱ་ལེ་རེ་རེ་ཐོབ་པི་མ་ཟད། ཁོང་གི་ནང་གོས་དེ་ཟང་བཤུས་པི་དིག ནང་གོས་དེ་ནི་མགོ་ནས་མཇུག་ཐུབ་འཚེམ་པོ་མེད་དི་རས་ལེབ་ཆེན་པོ་ཞིག་ཡིན་ཕེན། 24དམག་མི་དེ་ཀྱ་ཕན་ཚུན་གཅིག་གིས་གཅིག་ལེ། ནང་གོས་འདི་མི་དབྲོལ་ལོ། དེ་ལས་རྒྱན་རྒྱག་ཏེ་སུ་ལེ་ཐོབ་མི་ཐོབ་ལྟ་བོ་སྨྲས་པི་དིག ཡང་དཀོན་མཆོག་གི་གསུང་རབ་ཀྱི་མདོ་ནང་ལེ་ཟང་།

ངའི་ཁ་གྱོན་ཁོང་ཀྱ་ཀྱིས་བགོས་ཏེ་ཁྱེར། །

ངའི་ནང་གོས་དེ་ལེ་ཟང་རྒྱན་རྒྱག །

ཟིན་བྲིས་པི་དེ་འགྲུབ་རྒྱུ་ཆེད་དུ་དམག་མི་ཀྱ་ཀྱིས་འོ་དེ་གི་བྱས་པི་དིག#19.24 ཚིགས་བཅད་འདི་ནི་གསུང་མགུར་22 ཨང་ 18 ནང་ལེ་གཟིགས་རོགས། 25ཡེ་ཤུ་གདུང་མ་ཀུ་རུ་ཁ་ལེ་བརྒྱངས་ཏེ་བོར་སའི་ཉེ་འགྲམ་རུ་ཁོང་གི་ཡུམ་དིང་ཨ་ནེ། ཡང་ཀ་ལོ་ཕཱ་ཟེར་མཁན་གྱི་བུད་མེད་མིར་ཡམ་དིང་། མག་དལ་གྱི་མིར་ཡམ་ཟེར་མཁན་བུ་མའ་དེ་ཀྱ་ལངས་ཏེ་བསྡད་འོད་དིག 26ཡང་ཡེ་ཤུས་རང་གི་ཨ་མ་དིང་། རང་གིས་གཅེས་ཤོས་བགྱིད་ས་སློབ་མ་ཁོ་དེ་རུ་ལངས་ཏེ་བསྡད་འོད་དི་གཟིགས་ཏེ། ཁོང་གིས་ཨ་མ་ལེ། བོ་མའོ། ལྟོས་དང་། མི་འདི་ནི་ཁྱེད་རང་གི་བི་ས་ཡིན་དི་རྩིས་ཤིག་ཟིན་གསུངས་པི་དིག 27ཡང་ཁོང་གིས་སློབ་མ་ཁོ་ལེ། ལྟོས་དང་། ད་མོ་ནི་ཁྱེད་ཀྱི་ཨ་མ་དིང་ཅོག་འདྲ་ཡིན་དིག་ཟིན་གསུངས་པི་དིག དུས་དེ་ནས་ཕྱིན་ཆད་ཁོས་མོ་རང་གི་ཁྱིམ་ནང་ལེ་ཁྲིད་དེ་མོ་ལེ་བྱམས་བསྐྱོངས་བྱས་པི་དིག

ཡེ་ཤུ་སྐུ་གྲོངས་པ།

28དེ་ནས་དེའི་རྗེས་ལེ། ཡེ་ཤུས་གསུང་རབ་ཀྱི་མདོ་ནང་ལེ་བྲིས་པི་ཅོག་འདྲ། རང་གི་ལས་དོན་ཡེ་རེ་འགྲུབ་པི་མཁྱེན་གནང་ཕེན། ཁོང་གིས་ད་ང་ཁ་སྐོམ་གྱི་འདུག་ཟིན་གསུངས་ཕེན།#19.28 ཚིགས་བཅད་འདི་ནི་གསུང་མགུར་69 ཨང་ 21 དིང་། གསུང་མགུར་ 22 ཨང་ 15 ནང་ལེ་གཟིགས་རོགས། 29རྒུན་ཆང་སྐྱུར་མོ་བཀང་འོད་ཡོད་སྣོད་ཞིག་དེ་རུ་བོར་འོད་དིག མི་ཞིག་གིས་རྒུན་ཆང་སྐྱུར་མོ་དེ་ལེ་བལ་སྦངས་ཏེ། ཧི་སོབ་ཟེར་རི་ཤིང་རྒྱུག་ཞིག་གི་རྩེ་ལེ་བསྐོན་ཏེ་ཁོང་གི་ཁ་ལེ་འབྱར་ཏེ་བོར་རི་དིག 30དེ་ནས་ཡེ་ཤུས་རྒུན་ཆང་སྐྱུར་མོ་དེ་བཏུངས་པི་རྗེས་ལེ། ད་དོན་ཡེ་རེ་གྲུབ་སོང་ཟིན་གསུངས་ཏེ། ཁོང་གི་དབུ་མར་ལེ་བསྒུར་ཏེ་སྐུ་གྲོངས་པི་དིག

31དེ་ནས་ཡང་ཉིན་མ་དེ་ནི་སྲོག་ཐར་རི་དུས་ཆེན་གྱི་གྲ་སྒྲིག་བགྱིད་རྒྱུ་ཉིན་མ་ཡིན་དི་མ་ཟད། ངལ་གསོ་བའི་ཉིན་མོ་ཟང་ཡིན་ཕེན། ཡ་ཧུ་དཱ་པའི་ཆོས་དཔོན་དེ་ཀྱ་ཀྱིས་ངལ་གསོ་བའི་ཉིན་ལེ། གདུང་མ་ཀུ་རུ་ཁའི་ལྟག་ག་ལེ་བརྒྱངས་ཏེ་བོར་ནི་དགའ་མོ་མི་འདུག་བསམ་ཕེན། སྤྱི་དཔོན་པི་ལ་ཏིའི་དྲུང་དུ་འོངས་ཏེ། མི་དེ་ཀྱ་ཀྱི་རྐང་པ་བཅག་སྟེ་རོ་དེ་འཁྱེར་དགོས་འོད་དིག་ཟིན་ཞུས་པི་དིག 32དེ་ནས་དམག་མི་དེ་ཀྱ་འོངས་ཏེ། ཡེ་ཤུའི་གཡས་གཡོན་ལེ་གདུང་མ་ཀུ་རུ་ཁ་ལེ་བརྒྱངས་ཏེ་བོར་འོད་ཡོད་མི་དེ་གཉིས་ཀྱི་རྐང་པ་བཅག་པི་དིག 33ཡིན་ནའང་། དམག་མི་དེ་ཀྱ་ཡེ་ཤུ་བརྒྱངས་ཏེ་བོར་ས་གདུང་མ་ཀུ་རུ་ཁ་དེའི་རྩ་ལེ་སླེབས་རྒྱ། ཡེ་ཤུ་གྲོངས་ཚར་འོད་དི་མཐོང་ཕེན། ཁོང་གི་རྐང་པ་མ་བཅག་པི་དིག 34དེ་ནས་དམག་མི་དེ་ཀྱ་ནང་ནས་མི་གཅིག་གིས་ཁོང་ནི་ངོ་ཐོག་ཤི་ཚར་འོད་མེད་ལྟ་རྒྱུ་ཆེད་དུ། ཁོང་གི་རྩིབ་གཞོགས་ལེ་མདའ་མདུང་བཙུགས་ཕེན། དེ་ལོང་མེད་ཁྲག་དིང་ཆུ་ཐོན་འོངས་པི་དིག (ཁྲག་དིང་ཆུ་ཐོན་འོང་རྒྱུ་དེ་ནི། བདེན་པ་ངོ་ཐོག་ཤི་ཚར་རི་འོད་དི་དཔང་རྟགས་ཞིག་ཡིན་དིག) 35དོན་དེ་མཐོང་མཁན་མི་ཁོས་ཟང་གནས་ཚུལ་དེའི་སྐོར་ལེ་བདེན་པ་ཡིན་དི་དཔང་པོ་བྱས་པི་དིག ཡང་དཔང་པོ་དེ་ནི་བདེན་པ་ཡིན་དིག མི་ཁོས་རང་གིས་སྨྲས་པི་དེ་བདེན་པ་ཡིན་དི་ཧ་གོ་པི་མ་ཟད། ཁྱེད་ཀྱ་ཀྱིས་ཟང་ཁོང་ལེ་དད་པ་བགྱིད་རྒྱུ་ཆེད་དུ་ཡིན་དིག 36-37དོན་དེ་ཀྱ་ནི་གསུང་རབ་ཀྱི་མདོ་ནང་ལེ། ཁོང་གི་རུས་པ་གཅིག་ཟང་གཅོག་གྱི་མ་དིག་ཟིན་བྲིས་པི་ཅོག་འདྲ་དིང་། ཡང་མདོ་གཞན་མ་ཞིག་གི་ནང་ལེ། མི་དེ་ཀྱ་ཀྱིས་མི་སུ་ལེ་མདའ་མདུང་བཙུགས་པི་ཡིན་ནི། མི་དེ་ལེ་བལྟ་གྱི་དིག་ཟིན་གསུངས་པི་དེ་ཟང་བདེན་པ་འགྲུབ་རྒྱུ་ཆེད་དུ་འོ་དེ་གི་བྱུང་པི་དིག#19.36-37 ཚིགས་བཅད་འདི་ནི་ཐེགས་པ་ལེའུ་ 12 ཨང་ 46 དིང་། གྲངས་ཀ་ལེའུ་ 9 ཨང་ 12 དིང་། གསུང་མགུར་ 34 ཨང་ 20 དིང་། ཟ་ཀར་ཡཱ་ལེའུ་ 12 ཨང་ 10 ནང་ལེ་གཟིགས་རོགས།

ཡེ་ཤུའི་སྐུ་ཕུང་བྲག་ཕུག་ནང་ལེ་བཅུག་པ།

38དོན་དེ་ཀྱ་རྗེས་ལེ། ཡུལ་ཨ་རི་མ་ཐཱ་ནས་ཡིན་དི་མིང་ལེ་ཡོ་སེབ་ཟེར་མཁན་མི་ཞིག་འོད་དིག ཁོ་རང་ཡ་ཧུ་དཱ་པའི་ཆོས་དཔོན་ཀྱ་ལེ་འཁྱར་ཕེན། གསང་བའི་ངང་ནས་ཡེ་ཤུའི་རྗེས་ལེ་འབྲང་མཁན་ཞིག་ཡིན་དིག ཁོ་རང་སྤྱི་དཔོན་པི་ལ་ཏིའི་དྲུང་དུ་འོངས་ཏེ། ཡེ་ཤུའི་ཕུང་པོ་འཁྱེར་རྒྱུ་ལེ་ཆོག་མཆན་ཞུས་ཕེན། པི་ལ་ཏི་ཁོས་ཟང་ཡོ་སེབ་ལེ་ཆོག་མཆན་གནང་པི་དིག དེ་ནས་ཁོས་ཡེ་ཤུའི་སྐུ་ཕུང་གདུང་མ་ཀུ་རུ་ཁ་ནས་མར་ལེ་བླངས་ཏེ་ཁྱེར་རི་དིག 39ཡང་དེ་སྔོན་མཚེན་མོའི་དུས་ལེ་ཡེ་ཤུ་ལེ་མཇལ་དུ་འོང་མཁན་ནཱི་ཀོ་དེམ་ཟེར་མཁན་ཁོས་ཟང་། ཡེ་ཤུའི་སྐུ་ཕུང་ལེ་བྱུགས་རྒྱུ་ཆེད་དུ། དྲི་ཞིམ་གྱི་བསྲེས་པའི་སྤོས་རྒྱ་མ་སུམ་ཅུ་སོ་ལྔ་ཚོད་ཁྱེར་འོངས་པི་མ་ཟད། 40ཁོ་གཉིས་ཀྱིས་ཡེ་ཤུའི་སྐུ་ཕུང་དེ་ཁྱེར་ཏེ། ཡ་ཧུ་དཱ་པའི་མི་རིགས་ཀྱ་ཀྱི་རོ་དུར་ལེ་འཇུག་གི་ལུགས་སྲོལ་ཅོག་འདྲ་བྱས་ཏེ། དྲི་ཞིམ་གྱི་སྤོས་བྱུགས་པའི་འབུ་རས་དེ་ཁོང་གི་ཕུང་པོ་ལེ་བཏུམས་པི་དིག 41ཡེ་ཤུ་གདུང་མ་ཀུ་རུ་ཁའི་ལྟག་ག་ལེ་བརྒྱངས་ཏེ་བོར་སའི་ཉེ་གྲམས་ལེ་མེ་ཏོག་ལྡུམ་ར་ཞིག་འོད་དིག ལྡུམ་ར་དེའི་ནང་ལེ་རྩ་བ་ནས་རོ་བོར་མྱོང་མེད་མེད་དུར་ཁང་བགྱིད་ས་བྲག་ཕུག་གསར་པ་ཞིག་ཡོད་དིག 42ཉིན་མ་དེ་ནི་ཡ་ཧུ་དཱ་པའི་སྲོག་ཐར་རི་དུས་ཆེན་གྱི་གྲ་སྒྲིག་བགྱིད་རྒྱུ་ཉིན་མ་དེ་ཡིན་དི་མ་ཟད། དུར་ཁང་གི་བྲག་ཕུག་དེ་ནི་ཐག་རིང་པོ་མེད་ཕེན། ཁོ་གཉིས་ཀྱིས་བྲག་ཕུག་དེའི་ནང་ལེ་ཡེ་ཤུའི་སྐུ་ཕུང་བོར་ཏེ། ཕོང་གན་ཆེན་པོ་ཞིག་གིས་བྲག་ཕུག་དེའི་ཁ་བཀག་སྟེ་བོར་རི་དིག །

Currently Selected:

ཡོ་ཧ་ནན། 19: DLPO

Highlight

Copy