ཡོ་ཧ་ནན། 12

ལེའུ་བཅུ་གཉིས།

མིར་ཡམ་གྱིས་ཡེ་ཤུའི་ཞབས་ལེ་སྤོས་ཆུ་བླུགས་པ།

1དེ་ནས་ཡང་སྲོག་ཐར་རི་དུས་ཆེན་གྱི་ཉིན་མ་དྲུག་གི་སྔོན་ལེ། ཡེ་ཤུ་དིང་སློབ་མ་ཀྱ་སྐྱེན་ལེ་པེ་ཐན་ཡཱ་ཡུལ་ལེ་ཕེབས་གནང་པི་དིག ཡུལ་དེ་ནི་སྔོན་མ་ཡེ་ཤུས་དུར་ཁྲོད་ནས་ཡང་དང་གསོན་པོ་བསླངས་པའི་ལཱ་ཟར་གྱི་ཡུལ་ཡིན་དིག 2དེ་ནས་ཁོང་ཀྱ་ཀྱིས་ཡེ་ཤུའི་ཆེད་དུ་ཟ་མ་བཟོས་ཏེ། ནང་ལེ་ཡེ་ཤུ་མགྲོན་པོ་ལེ་བོད་པི་དིག ཡང་མར་ཐཱ་མོས་ཁོང་ཀྱ་ལེ་གསོལ་བཤམས་ཏེ་ཞུ་འདྲེན་བྱས་པི་མ་ཟད། ལཱ་ཟར་ཁོ་རང་ནི་ཡེ་ཤུ་དིང་མགྲོན་པོ་གཞན་མ་ཀྱ་ཀྱི་སྐྱེན་ལེ་བསྡད་འོད་དིག 3དེ་ནས་མིར་ཡམ་གྱིས་ནཱར་དཱི་ཟེར་རི་མི་ཏོག་ནས་བཟོས་པའི་ལྷད་མེད་མེད་རེན་ཐང་ཆེ་བའི་དྲི་ཞིམ་གྱི་ཆུ་རྒྱ་མ་གཅིག་ཁྱེར་འོངས་ཏེ། ཡེ་ཤུའི་ཞབས་ལེ་བླུགས་ཏེ་རང་གི་སྐྲས་ཁོང་གི་ཞབས་འཕྱིས་པི་མ་ཟད། ཁྱིམ་གྱི་ནང་ལེ་ཟང་སྤོས་ཀྱི་དྲི་མ་ཁྱབ་པི་དིག 4ཡིན་ནའང་། རྗེས་མ་ཡེ་ཤུ་དགྲའི་ལག་ལེ་གཏོད་མཁན་སློབ་མ་ཡུ་དཱ་ཨི་སི་ཀར་རེ་ཟེར་མཁན་ཁོས། 5སྤོས་ཆུ་འདི་དངུལ་གྱི་སྒོར་མོ་སུམ་བརྒྱ་ལེ་བཙོངས་ཏེ། སྤྲང་པོ་ཀྱ་ལེ་བྱིན་ནི་ཅི་གི་དགའ་འོད་དི་གོ་སྨྲས་པི་དིག#12.5 དངུལ་གྱི་སྒོར་མོ་སུམ་བརྒྱ་དེ་ནི། ཁོང་ཀྱ་ཀྱིས་ལོ་གཅིག་གི་ལས་ཀ་བྱས་པའི་གླ་ཆ་དིང་མང་ཉུང་གཅིག་པ་ཡིན་དིག 6ཡིན་ནའང་། ཁོས་སློང་མཁན་ཀྱ་ལེ་སྙིང་རྗེ་སྐྱེས་ཏེ་འོ་དེ་གི་ཟེར་རི་མ་དིག ཁོ་རང་རྐུན་མ་ཡིན་དི་མ་ཟད། སློབ་མ་ཀྱ་ཀྱི་དངུལ་ཁུག་གཉེར་མཁན་ཟང་ཡིན་ཕེན། སྤོས་ཆུ་དེ་བཙོངས་པི་ཡིན་ནི། ཨ་ལས་དེ་ནས་ནི་ཅུང་མ་ཞིག་རྐུན་མ་རྒྱག་དགོས་བསམས་པི་དིག 7དེ་ནས་ཡེ་ཤུས་མོ་ལེ་སྡུག་པོ་མ་གཏོང་ཞིག མོ་རང་གི་འདོད་པ་ལེ་བོར་དང་། དེ་ནི་ང་དུར་ཁང་ལེ་འཇུག་གི་ཉིན་མོའི་དོན་ལེ་ཡིན་དིག 8སློང་མཁན་ཀྱ་ནི་དུས་རྟག་ཏུ་ཁྱེད་ཀྱ་ཀྱི་སྐྱེན་ལེ་འོད་དིག ཡིན་ནའང་། ང་ནི་དུས་རྟག་ཏུ་ཁྱེད་ཀྱ་ཀྱི་སྐྱེན་ལེ་མེད་དིག་ཟིན་གསུངས་པི་དིག

ལཱ་ཟར་ཁོ་ལེ་ཟང་གསོད་རྒྱུ་ཇུས་ངན་བྱས་པ།

9དེ་ནས་ཡ་ཧུ་དཱ་པའི་མི་ཚོགས་མང་པོ་ཞིག་གིས་ཡེ་ཤུ་ཟང་པེ་ཐན་ཡཱ་ཡུལ་ལེ་བཞུགས་འོད་དི་ཐོས་ཕེན། མི་ཚོགས་དེ་ཀྱ་ཡེ་ཤུ་མཇལ་དུ་འོངས་པི་མ་ཟད། ཁོང་གིས་གསོན་པོ་བསླངས་པའི་ལཱ་ཟར་ཁོ་ལེ་ཧ་ལས་ཏེ་ལྟ་རུ་འོངས་པི་དིག 10ཡིན་ནའང་། ཡ་ཧུ་དཱ་པའི་མཆོད་པ་འབུལ་མཁན་ཀྱ་ཀྱིས་ལཱ་ཟར་ཁོ་གསོད་རྒྱུ་ཆེད་དུ་ཇུས་བྱས་པི་དིག 11ཅི་ལེ་ཟེར་ནི། ལཱ་ཟར་ཁོ་རང་ནི་ཡང་དང་གསོན་པོ་བྱུང་བའི་རྐྱེན་གྱིས་ཡ་ཧུ་དཱ་པའི་མི་མང་པོ་ཞིག་གིས་ཟང་། ཡ་ཧུ་དཱ་པའི་མཆོད་པ་འབུལ་མཁན་ཀྱ་ལེ་དད་པ་མ་བྱས་ཏེ་ཡེ་ཤུ་ལེ་དད་པ་བྱས་པི་རྐྱེན་གྱི་ཡིན་དིག

ཡེ་ཤུ་ཡེ་རུ་ས་གླིང་གི་རྒྱལ་ས་ལེ་ཕེབས་པ།

12དེའི་སྔ་དྲོ་སྲོག་ཐར་རི་དུས་ཆེན་ལེ་འོང་མཁན་མི་ཚོགས་མང་པོ་ཞིག་གིས་ཡེ་ཤུ་ནི། ཡེ་རུ་ས་གླིང་རྒྱལ་ས་ལེ་ཕེབས་འགྲོ་བ་ལབ་ཐོས་ཕེན། 13མི་ཚོགས་དེ་ཀྱ་ཀྱིས་ལག་ག་ལེ་ཏ་ལའི་སྡོང་པོའི་ཡལ་ག་འཁྱེར་ཏེ། ཁྱེད་ལེ་བསྟོད་པར་ཤོག དཀོན་མཆོག་གི་མཚན་ནས་ཕེབས་མཁན་ཡི་སི་ར་ཨེལ་གྱི་རྒྱལ་པོ་ཁྱེད་ལེ་བྱིན་གྱིས་རླབས་པར་ཤོག་ཟིན་སྐད་ཆེན་པོས་ངང་ནས་ཕེབས་བསུ་ཞུས་པི་དིག#12.13 གེ་རིག་ཟེར་ལུགས་ནང་ལེ། ཧོ་ཟན་ནཱ་ཟིན་འོད་དིག དེའི་དོན་དག་ནི། ཁྱེད་ལེ་བསྟོད་པར་ཤོག་ཟེར་རི་ཡིན་དིག གསུང་མགུར་ལེའུ་ 118 ཨང་ 25-26 ནང་ལེ་གཟིགས་རོགས། 14དེ་ནས་ཡེ་ཤུ་ལེ་ལོ་གཉིས་ཚོད་ཡིན་དི་བོང་ཕྲུག་ཞིག་འབྱོར་ཕེན། ཁོང་རང་དེའི་ལྟག་ག་ལེ་བཅིབས་པི་དིག ཡང་དེའི་སྐོར་ལེ་དཀོན་མཆོག་གི་གསུང་རབ་ཀྱི་མདོ་ནང་ལེ་ཟང་།

15ཛ་ཡོན་ཡུལ་གྱི་མི་ཀྱ། །

འཁྱར་སྣང་མ་བགྱིད་ཅིག །

ལྟོས་དང་། ཁྱེད་ཀྱ་ཀྱི་རྒྱལ་པོ་ནི། །

ད་ལྟ། མི་སུས་བཞོན་མྱོང་མེད་དི། །

བོང་ཕྲུག་ཞིག་ལེ་བཅིབས་ཏེ་ཕེབས། །

ཟིན་བྲིས་པི་ཅོག་འདྲ་གྲུབ་པི་དིག#12.15 ཛ་ཡོན་ཡུལ་མི་ཀྱ་ཟེར་རི་དོན་ནི། ཡ་ཧུ་དཱ་མི་རིགས་ཀྱ་ལེ་ཟེར་རི་ཡིན་དི་མ་ཟད། ཡང་ཡེ་རུ་ས་གླིང་རྒྱལ་སའི་མིང་གཞན་ཞིག་ཟང་ཡིན་དིག ཚིགས་བཅད་འདི་ནི་ཟ་ཀར་ཡཱ་ལེའུ་ 9 ཨང་ 9 ནང་ལེ་གཟིགས་རོགས། 16དེ་རྒྱ་ཁོང་གི་སློབ་མ་ཀྱ་ཀྱིས་དོན་འདི་ཀྱ་ཧ་མ་གོ་པི་དིག ཡིན་ནའང་། ཡེ་ཤུ་གྲོངས་ཏེ་ཡང་དང་སྐུ་གསོན་པོ་བཞེངས་པི་རྗེས་ལེ། དཀོན་མཆོག་གི་གཟི་བརྗིད་མཐོང་ཕེན། གསུང་རབ་ནང་ལེ་བྲིས་པི་དོན་དེ་ཀྱ་ནི་ཁོང་གི་སྐོར་ལེ་བྲིས་པི་དིང་། ཡང་མི་གཞན་གྱིས་ཁོང་ལེ་ཅི་བྱས་པི་དེ་ཀྱ་དྲན་པ་སད་དི་དིག 17ཡེ་ཤུས་ལཱ་ཟར་དུར་ཁྲོད་ནས་ཡང་དང་གསོན་པོ་བསླངས་པི་དེའི་སྐོར་ལེ་མཐོང་མཁན་མི་ཚོགས་ཀྱ་ཀྱིས་ཡེ་ཤུ་སྐོར་ལེ་མི་གཞན་མ་ཀྱ་ལེ་དཔང་པོ་བགྱིད་འོད་ཕེན། 18དེ་རུ་འོད་ཡོད་མི་ཚོགས་ཀྱ་ཀྱིས་ཟང་ཁོང་གིས་ཡ་མཚན་གྱི་རྟགས་བསྟན་པི་འདི་ལེ་བརྟེན་ཏེ། ཁོང་ལེ་མཇལ་དུ་འོངས་པི་དིག 19དེ་ནས་ཕཱ་རུ་ཤི་པ་ཀྱ་ཕན་ཚུན་གཅིག་གིས་གཅིག་ལེ། ལྟོས་དང་། འཇིག་རྟེན་ཀུན་ཁོའི་རྗེས་ལེ་འབྲང་འགྲོ་འདུག འུ་ཀྱ་ཀྱིས་ཅི་བྱས་པི་དེ་ཡེ་རེ་ནི་སྟོང་པ་ཡིན་དིག་ཟིན་འོད་དིག

ཡེ་ཤུས་རང་དགྲོང་རྒྱུ་ཡིན་དི་སྐོར་ལེ་ལུང་བསྟན་པ།

20ཡང་ས་ཆ་དེ་རུ་སྲོག་ཐར་རི་དུས་ཆེན་ལེ་འོངས་པའི་མི་ཚོགས་ཀྱ་ནང་ནས། གེ་རིག་པ་ཁ་ཤས་ཞིག་ཟང་འོད་དིག#12.20 གེ་རིག་ཟེར་རི་དོན་དེ་ནི། མི་དེ་ཀྱ་ཡ་ཧུ་དཱ་པའི་མི་རིགས་མ་དིག མི་དེ་ནི་ཡ་ཧུ་དཱ་པའི་ཆོས་ལེ་དད་པ་བགྱིད་མཁན་ཡིན་དི་མ་ཟད། དཀོན་མཆོག་ལེ་གསོལ་བ་སྨོན་ལམ་འདེབས་གྱོ་འོད་དིག 21ཡང་མི་དེ་ཀྱ་ཀྱིས་ག་ལིལ་ལུང་པའི་ཁོངས་གཏོགས་ལེ་འོད་ཡོད་པེ་སད་དཱ་ཟེར་རི་ཡུལ་ནས་ཡིན་མཁན་མིང་ལེ་ཕི་ལིབ་ཟེར་མཁན་ཁོའི་དྲུང་དུ་བཅར་ཏེ། ཕི་ལིབ། ཉེད་ཀྱ་ཡེ་ཤུ་མཇལ་འདོད་འདུག་ཟིན་ཞུས་པི་དིག 22དེ་ནས་ཕི་ལིབ་ཀྱིས་ཨན་དྲི་ཡཱ་ཟེར་མཁན་ཁོ་འོད་ས་ལེ་ཕྱིན་ཏེ་ལབ་དེ་སྨྲས་པི་དིག དེ་ནས་ཨན་དྲི་ཡཱ་དིང་ཕི་ལིབ་ཁོ་གཉིས་ཟང་ཡེ་ཤུའི་དྲུང་དུ་ཕྱིན་ཏེ། མི་འདི་ཀྱ་ཀྱིས་ཅི་སྨྲས་པི་དེ་ཁོང་ལེ་ཞུས་པི་དིག 23དེ་ནས་ཡེ་ཤུས་ཁོང་གཉིས་ལེ། ད་མིའི་བི་སའི་གཟི་བརྗིད་མངོན་པར་འགྱུར་བའི་དུས་དེ་སླེབས་པི་དིག 24ང་ཁྱེད་ཀྱ་ལེ་བདེན་ཟེར་རོ། གྲོའི་འབྲུ་རྡོག་སའི་ནང་ལེ་ཐིམ་སྟེ་མ་ཤི་པི་ཡིན་ནི། འབྲུ་རྡོག་དེ་གཅིག་རང་ལེ་ལུས་ཀྱི་དིག ཡིན་ནའང་། འབྲུ་རྡོག་དེ་སའི་ནང་ལེ་ཐིམ་སྟེ་ཤི་པི་ཡིན་ནི། འབྲས་བུ་མང་པོ་སྐྱེ་ཀྱི་དིག 25ཡང་འཇིག་རྟེན་འདིའི་ནང་ལེ་མི་སུ་ཞིག་གིས་རང་གི་སྲོག་ལེ་གཅེས་པོ་བགྱིད་མཁན་དེ། རང་གི་སྲོག་ཤོར་གྱི་དིག ཡང་མི་སུ་ཞིག་གིས་ངའི་ཆེད་དུ། རང་གི་སྲོག་བློས་གཏོང་མཁན་དེ་ལེ། མཐའ་མེད་པའི་ཚེ་སྲོག་འཐོབ་རྒྱུ་ཆེད་དུ་རང་སྲོག་སྐྱོབ་ཀྱི་དིག 26ཡང་མི་སུ་ཞིག་གིས་ངའི་སློབ་མ་བགྱིད་འདོད་འོད་ནི། ང་ག་འགྲོའི་ས་ལེ་འབྲངས་དགོས་འོད་དི་མ་ཟད། ཡང་ང་ལེ་ཞབས་ཕྱི་རྒྱུགས་མཁན་ཀྱ་ལེ། ངའི་ཨ་ཀྱིས་ཟང་མི་དེ་ལེ་བརྩི་བཀུར་གནང་གྱི་དིག་ཟིན་གསུངས་པི་དིག

27དེ་ནས་ཁོང་གིས། ང་ཅི་ཟེར་རྒྱུ། ངའི་སེམས་ལེ་དཀའ་ངལ་ཆེན་པོ་འདུག ངའི་ཨ་ཀྱི་ཁྱེད་ཀྱིས་ང་དཀའ་ངལ་གྱི་དུས་འདི་ནས་སྐྱོབ་རོགས་ཟེར་རྒྱུ། དེ་འོང་མི་སྲིད། ཅི་ལེ་ཟེར་ནི། ང་དོན་འདིའི་ཆེད་དུ་འཇིག་རྟེན་ལེ་འོངས་པི་ཡིན་ཟིན་གསུངས་པི་དིག 28ངའི་ཨ་ཀྱི་ཁྱེད་ཀྱི་མཚན་གཟི་བརྗིད་འོང་བར་ཤོག་ཟིན་གསུངས་ཕེན། དེ་ལོང་མེད་ནམ་མཁའ་ནས་གསུང་སྐད་ཞིག་གིས་ངས་གཟི་བརྗིད་བསྟན་ཚར་རི་མ་ཟད། ཡང་དང་དེ་ཅོག་འདྲ་གཟི་བརྗིད་སྟོན་གྱི་ཡིན་ཟེར་རི་ཐོས་པི་དིག 29ཡང་དེ་རྒྱ་གཡས་གཡོན་ལེ་ལངས་བསྡད་འོད་ཡོད་མི་ཀྱ་ཀྱིས་སྐད་དེ་ཐོས་ཕེན། མི་ལ་ལས་དེ་འབྲུག་སྐད་བརྒྱབ་པི་དིག་ཟེར་རི་དིང་། ཡང་མི་ལ་ལས་དཀོན་མཆོག་གི་ཕོ་ཉ་ཞིག་གིས་ཁོང་ལེ་གསུངས་པི་ཡིན་དིག་ཟིན་འོད་དིག 30དེ་ནས་ཡེ་ཤུས་མི་དེ་ཀྱ་ལེ། སྐད་འདི་ངའི་ཆེད་དུ་མ་དིག ཁྱེད་ཀྱ་ཀྱི་ཆེད་དུ་ཡིན་དིག 31ད་འཇིག་རྟེན་འདི་ལེ་ཁྲིམས་གཅོད་བགྱིད་དི་དུས་དེ་སླེབས་འདུག འཇིག་རྟེན་འདིའི་དབང་འཛིན་མཁན་གྱི་ལག་ལེ་གཏོད་རྒྱུ་དུས་དེ་སླེབས་འདུག#12.31འཇིག་རྟེན་ལེ་དབང་འཛིན་མཁན་ཟེར་རི་དོན་དེ་ནི། བདུད་ཀྱི་རྒྱལ་པོ་ལེ་ཟེར་རི་ཡིན་དིག 32ཡང་ང་རང་ནི་ས་ནས་གྱེན་ལེ་སློང་རྒྱ། མི་ཡེ་རེ་ངའི་དྲུང་དུ་གདན་འདྲེན་གྱི་ཡིན་ཟིན་གསུངས་པི་དིག 33གསུངས་འདིའི་དོན་དག་དེ་ནི། ཡེ་ཤུ་ཅི་གི་བྱས་ཏེ་གྲོངས་རྒྱུ་ཡིན་དི་སྐོར་ལེ་གསུངས་གནང་པི་དིག 34འོ་དེ་ལེ་བརྟེན་ཏེ། མི་ཚོགས་ཀྱ་ཀྱིས་ཁོང་ལེ། ཉེད་ཀྱ་ཀྱིས་དཀོན་མཆོག་གི་གསུང་རབ་ནང་ལེ། སྐྱབས་མགོན་ཁོང་ནི་དུས་རྟག་ཏུ་བཞུགས་འོད་ཟིན་ཐོས་བྱུང་། ཡིན་ནའང་། ཁྱེད་ཀྱིས་མིའི་བི་ས་ནི་ས་ནས་གྱེན་ལེ་བསླང་དགོས་འོད་དིག་ཟེར་རི་རྒྱུ་མཚན་དེ་ཅི་ཡིན་གོ། མིའི་བི་ས་ཟེར་མཁན་དེ་སུ་ཡིན་གོ་ཟིན་དྲིས་པི་དིག 35དེ་ནས་ཡེ་ཤུས་མི་དེ་ཀྱ་ལེ། དུས་ཚོད་ཐུང་མ་ཞིག་གི་རིང་ལེ། འོད་ཟེར་དེ་ནི་ཁྱེད་ཀྱ་ཀྱི་སྐྱེན་ལེ་བཞུགས་འོད་དིག ཁྱེད་རང་ཀྱ་མུན་ནག་གི་དབང་འོག་ལེ་མི་ཚུད་པའི་ཆེད་དུ་། ད་ལྟ་འོད་ཟེར་བཞུགས་པའི་དུས་ལེ་རྒྱུགས་ཤིག མུན་ནག་ནང་ལེ་འགྲོ་མཁན་དེ་ག་ན་འགྲོ་དགོས་འོད་མེད་ཧ་མི་གོ་འོད་དིག 36འོད་ཟེར་བཞུགས་པའི་དུས་ལེ། འོད་ཟེར་ལེ་དད་པ་གྱིས་ཤིག དེ་ནས་འོད་ཀྱི་སྲས་དིང་སྲས་མོ་འོང་གྱི་དིག་ཟིན་གསུངས་པི་རྗེས་ལེ། ཡེ་ཤུ་མི་དེ་ཀྱ་དིང་ཁ་འབྲལ་ཏེ། ཁོང་རང་མི་དེ་ཀྱ་ལེ་ཡིབས་ཏེ་བཞུགས་པི་དིག

ཡ་ཧུ་དཱ་པ་ཀྱ་ཀྱིས་ཡེ་ཤུ་ལེ་དད་པ་མ་བྱས་པ།

37དེ་ནས་ཡང་ཡེ་ཤུས་མི་དེ་ཀྱ་ཀྱི་མིག་མཐོང་ས་ལེ་ཡ་མཚན་གྱི་རྟགས་མང་པོ་བསྟན་ནའང་། མི་དེ་ཀྱིས་ཁོང་ལེ་དད་པ་མ་བྱས་པི་དིག 38འདི་ནི་ལུང་སྟོན་པ་ཡེ་ཤ་ཡཱའི་ལུང་བསྟན་འགྲུབ་རྒྱུ་ཆེད་དུ་ཡིན་དིག ཅི་ལེ་ཟེར་ནི། ཁོང་གིས།

ཇོ་བོ། འུའི་གཏམ་བཟང་འདི་ལེ་མི་སུས་ཡིད་ཆེས་རྒྱུ། །

ཇོ་བོས་རང་གི་ནུས་མཐུ་དེ་སུ་ལེ་མངོན་པར་མཛད། །

ཟིན་བྲིས་འོད་དིག#12.38 ཚིགས་བཅད་འདི་ནི་ལུང་སྟོན་པ་ཡེ་ཤ་ཡཱས་བྲིས་པའི་མདོ་ལེའུ་ 53 ཨང་ 1 ནང་ལེ་གཟིགས་རོགས། 39ཡང་མི་དེ་ཀྱ་ཀྱིས་དད་པ་བགྱིད་མི་ནུས་པའི་རྒྱུ་མཚན་དེ་ནི། ལུང་སྟོན་པ་ཡེ་ཤ་ཡཱའི་མདོ་ནང་ལེ།

40ཇོ་བོས་མི་དེ་ཀྱ་ཀྱི་མིག་ཞར་དུ་བཅུག །

མི་དེ་ཀྱ་ཀྱི་སེམས་པ་ཟང་གྱོང་པོ་བཟོས། །

མི་དེ་ཀྱ་ཀྱི་མིག་གིས་མ་མཐོང་པི་དིག །

ཡང་སེམས་ཀྱིས་ཟང་ཧ་མ་གོ་པི་དིག །

གལ་སྲིད་མི་དེ་ཀྱ་ངའི་དྲུང་དུ་འོང་ནི། །

ངས་མི་དེ་ཀྱ་ལེ་དྲག་ཏུ་འཇུག་གྱི་ཡིན། །

ཟིན་བྲིས་པི་དེ་ཅོག་འདྲ་གྲུབ་པི་དིག#12.40 ལུང་སྟོན་པ་ཡེ་ཤ་ཡཱས་བྲིས་པའི་མདོ་ལེའུ་ 6 ཨང་ 10 ནང་ལེ་གཟིགས་རོགས། 41ཅི་ལེ་ཟེར་ནི། ལུང་སྟོན་པ་ཡེ་ཤ་ཡཱས་ཡེ་ཤུའི་གཟི་བརྗིད་དེ་མཐོང་ཕེན། ཁོང་གི་སྐོར་ལེ་འོ་དེ་གི་སྨྲས་པི་དིག 42དེ་ནས་ཡང་ཡ་ཧུ་དཱ་པའི་དཔོན་རིགས་ཀྱ་ནང་ནས་མི་མང་པོ་ཞིག་ཡེ་ཤུ་ལེ་དད་པ་བྱས་པི་དིག ཡིན་ནའང་། ཕཱ་རུ་ཤི་པ་ཀྱ་ཀྱིས་ཡ་ཧུ་དཱ་པའི་ཚོགས་ཁང་ནས་ཕྱི་ལེ་འབུད་འོང་བསམས་ཏེ་འཇིགས་གྱོ་འོད་ཕེན། མངོན་སུམ་དུ་ལབ་གླེང་བགྱིད་མ་ནུས་པི་དིག 43ཅི་ལེ་ཟེར་ནི། མི་དེ་ཀྱ་དཀོན་མཆོག་གི་བསྟོད་པ་ལས་ལྷག་ཚོད་མིས་བསྟོད་པ་བཏང་པི་དེ་ལེ་དགའ་རི་བགྱིད་འོད་དིག

ཡེ་ཤུས་དཀོན་མཆོག་གི་བཀའ་གསུངས་པ།

44དེ་ནས་ཡེ་ཤུས་གསུངས་སྐད་ཆེན་པོས་ངང་ནས། མི་སུ་ཞིག་གིས་ང་ལེ་དད་པ་བྱས་ནི། ང་རྫོང་མཁན་དཀོན་མཆོག་ལས་ཟང་དད་པ་བྱས་པི་དིག 45ཡང་མི་སུ་ཞིག་གིས་ང་མཐོང་པི་ཡིན་ནི། ང་རྫོང་མཁན་ཁོང་ཟང་མཐོང་པི་དིག 46ང་ལེ་དད་པ་བགྱིད་མཁན་ཡེ་རེ་མུན་ནག་ནང་ལེ་མི་ལུས་པའི་ཆེད་དུ། ང་ནི་འཇིག་རྟེན་མུན་ནག་འདི་རུ་འོད་ཟེར་ཅོག་འདྲ་འོངས་པི་ཡིན། 47ཡང་མི་སུ་ཞིག་གིས་ངའི་བཤད་པའི་བཀའ་ཐོས་ཏེ་མཉན་ནི། ངས་མི་དེ་ལེ་ཁྲིམས་གཅོད་རྒྱུ་མན། ཅི་ལེ་ཟེར་ནི། ང་མི་ཡེ་རེ་སྐྱོབ་དུ་འོངས་པི་མ་གཏོགས་ཞིག་ལེ། ང་འཇིག་རྟེན་ལེ་ཁྲིམས་གཅོད་བགྱིད་དུ་འོངས་པི་མན། 48ཡང་ང་རིང་ངའི་བཀའ་ལེ་མི་ཉན་མཁན་ལེ་ཁྲིམས་གཅོད་བགྱིད་མཁན་ཞིག་འོད་དིག ངས་བཤད་པའི་བཀའ་དེ་རང་གིས་དུས་ཀྱི་མཐའ་མའི་ཉིན་མོ་ལེ་ཁྲིམས་གཅོད་བགྱིད་ཀྱི་དིག 49ཅི་ལེ་ཟེར་ནི། ངས་ང་རང་ལེ་བརྟེན་ཏེ་གཏམ་བཤད་དི་མན། ང་རྫོང་མཁན་ཨ་ཀྱིས་ང་ལེ་ཅི་ཟེར་དགོས་པའི་བཀའ་གནང་བྱུང་། 50ངའི་ཨ་ཀྱིས་གནང་བའི་བཀའ་དེ་ལེ་མཐའ་མེད་པའི་ཚེ་སྲོག་གནང་ཐུབ་པའི་ནུས་མཐུ་འོད་དི་ངས་ཧ་གོ་འོད། ངས་ཅི་བཤད་དི་དེ་ནི། ངའི་ཨ་ཀྱིས་ང་ལེ་གསུངས་པི་ཅོག་འདྲ་ཤོད་གྱོ་འོད་ཟིན་གསུངས་པི་དིག །

Currently Selected:

ཡོ་ཧ་ནན། 12: DLPO

Highlight

Copy