ཡོ་ཧ་ནན། 13

ལེའུ་བཅུ་གསུམ།

ཡེ་ཤུས་རང་གི་སློབ་མ་ཀྱ་ཀྱི་རྐང་པ་བཀྲུས་པ།

1དེ་ནས་སྲོག་ཐར་རི་དུས་ཆེན་གྱི་སྔོན་ལེ། ཡེ་ཤུ་ཁོང་རང་འཇིག་རྟེན་འདི་ནས་ཡབ་ཀྱི་དྲུང་དུ་འགྲོ་དགོས་པའི་དུས་དེ་སླེབས་འོད་དི་མཁྱེན་གནང་ཕེན། ཁོང་གིས་རང་གི་སློབ་མ་ཀྱ་ལེ་དུས་རྟག་ཏུ་བྱམས་བརྩེ་བ་གནང་པི་མ་ཟད། མཐའ་མའི་དབུགས་ཀ་བར་དུ་བྱམས་བརྩེ་བ་གནང་གྱོ་འོད་དིག 2དེ་ནས་ཁོང་རང་གི་སློབ་མ་ཀྱ་དིང་སྐྱེན་ལེ་དགོང་མོའི་ཞལ་ལག་མཆོད་རྒྱ། བདུད་ཀྱི་རྒྱལ་པོས་ཡེ་ཤུ་དགྲའི་ལག་ལེ་གཏོད་རྒྱུ་བསམ་ཚུལ་དེ། སི་མོན་གྱི་བི་ས་ཡུ་དཱ་ཨི་སི་ཀར་རེའི་སེམས་ནང་ལེ་བོར་ཚར་འོད་དིག 3ཡབ་ཀྱིས་ཁོང་རང་ལེ་དབང་ཆ་ཡེ་རེ་གནང་འོད་དི་མཁྱེན་གནང་པི་མ་ཟད། ཁོང་རང་ནི་དཀོན་མཆོག་ནས་འོངས་པི་དིང་། ཡང་དང་དཀོན་མཆོག་གི་དྲུང་དུ་ལོག་འགྲོ་དགོས་འོད་དི་ཟང་མཁྱེན་གནང་པི་དིག 4དེ་ནས་ཡེ་ཤུས་ཞལ་ལག་མཆོད་ས་ནས་ཡར་བཞེངས་པི་མ་ཟད། རང་གི་ཕྱུ་བའི་ཕུ་ཐུང་བུད་དེ་རྐེད་པ་ལེ་བཅིངས་གནང་པི་རྗེས་ལེ། ཡང་རས་ལེབ་ཞིག་རྐེད་པ་ལེ་གཟེར་ཏེ་བོར་རི་དིག 5དེ་ནས་ཡང་གཞོང་པའི་ནང་ལེ་ཆུ་འཁྱེར་འོངས་ཏེ། སློབ་མ་ཀྱ་རེ་རེ་བྱས་ཏེ་ཁོང་ཀྱ་ཀྱི་རྐང་པ་དེ་བཀྲུས་གནང་པི་མ་ཟད། རང་གི་རྐེད་པ་ལེ་གཟེར་འོད་ཡོད་རས་ལེབ་དེའི་རྐང་པ་འཕྱིས་པི་དིག 6ཡང་ཡེ་ཤུ་སི་མོན་པེ་ཏྲོའི་རྩ་ལེ་ཕེབས་འོངས་པི་དིག དེ་ནས་ཁོས་ཡེ་ཤུ་ལེ། ཇོ་བོ། ཁྱེད་ཀྱིས་ངའི་རྐང་པ་བཀྲུ་ཀྱི་དས་ཟིན་ཞུས་ཕེན། 7ཡེ་ཤུས་ཁོ་ལེ། ད་ལྟ་ངས་ཅི་བགྱིད་དི་ལས་འདིའི་དོན་དག་དེ་ནི། ཁྱོད་ཀྱིས་རྗེས་ལེ་མ་གཏོགས་ཧ་གོ་ཐུབ་ཀྱི་མ་དིག་ཟིན་གསུངས་པི་དིག 8དེ་ནས་ཡང་པེ་ཏྲོས་ཁོང་ལེ། ཁྱེད་ཀྱིས་ངའི་རྐང་པ་རྩ་བ་ནས་བཀྲུ་མི་ཆོག་འོད་དིག་ཟིན་ཞུས་ཕེན། ཡེ་ཤུས་ཁོ་ལེ། གལ་སྲིད་ངས་ཁྱོད་ཀྱི་རྐང་པ་མ་བཀྲུས་པི་ཡིན་ནི། ཁྱོད་ང་རིང་འབྲེལ་བ་མེད་དིག་ཟིན་གསུངས་ཕེན། 9སི་མོན་པེ་ཏྲོས་ཁོང་ལེ། ཇོ་བོ། འོ་དེ་གི་ཡིན་ནི། ངའི་རྐང་པ་པ་རྐྱང་མ་དིག ངའི་གཟུགས་པོ་ཡེ་རེ་ཟང་ཁྲུས་རོགས་གནང་ཟིན་ཞུས་ཕེན། 10ཡེ་ཤུས་ཁོ་ལེ། མི་གཟུགས་པོ་བཀྲུས་ཚར་འོད་ཡོད་ཞིག་ཡིན་ནི། རྐང་པ་མ་གཏོགས་བཀྲུ་དགོས་མེད་དིག ཁྱེད་སློབ་མ་ཀྱ་ཡེ་རེ་གཙང་མ་གཙང་རྐྱང་ཡིན། ཡིན་ནའང་། ཁྱེད་ནང་ནས་མི་ཁ་ཤས་ཞིག་གཙང་མ་མེད་དིག་ཟིན་གསུངས་པི་དིག 11མི་ཁ་ཤས་ཞིག་གཙང་མ་མེད་དིག་ཟེར་རི་དོན་ནི། ཁོང་རང་དགྲའི་ལག་ལེ་གཏོད་མཁན་དེ་སུ་ཡིན་དི་ཡེ་ཤུས་མཁྱེན་གནང་པི་དེ་ལེ་བརྟེན་ཏེ་འོ་དེ་གི་ཟིན་གསུངས་པི་དིག

12དེ་ནས་ཡེ་ཤུས་སློབ་མ་ཀྱ་ཀྱི་རྐང་པ་བཀྲུས་ཚར་རི་རྗེས་ལེ། ཡང་དང་ཕྱུ་བའི་ཕུ་ཐུང་གྱོན་ཏེ་མར་བཞུགས་གནང་པི་དིག དེ་ནས་ཡང་ཁོང་གིས་སློབ་མ་ཀྱ་ལེ། ངས་ཁྱེད་ཀྱ་ལེ་ཅི་བྱས་པའི་དོན་འདི་ཅི་ཡིན་དི་ཧ་གོ་འདུག་གས། 13ཁྱེད་ཀྱ་ཀྱིས་ང་ལེ། ཇོ་བོ་དིང་སློབ་དཔོན་སྨྲས་པི་དེ་ཟང་བདེན་པ་ཡིན་དིག ང་ནི་ངོ་ཐོག་དེ་རང་ཡིན། 14འོ་དེ་ལེ་བརྟེན་ཏེ། ང་ཁྱེད་ཀྱ་ཀྱི་ཇོ་བོ་དིང་སློབ་དཔོན་ཡིན་ཕེན། ངས་ཁྱེད་ཀྱ་ཀྱི་རྐང་པ་བཀྲུས་པི་ཡིན། ད་ཁྱེད་ཀྱ་ཀྱིས་ཟང་གཅིག་གིས་གཅིག་ལེ་རྐང་པ་འཁྲུད་དགོས་འོད་དིག 15ཅི་ལེ་ཟེར་ནི། ངས་ཁྱེད་ཀྱ་ལེ་མིག་དཔེ་ཞིག་བསྟན་འོད། ད་ཁྱེད་ཀྱ་ཀྱིས་ཟང་ངས་ཁྱེད་ཀྱ་ལེ་ཅི་བྱས་པི་ཅོག་འདྲ་གྱིས་ཤིག 16ང་ཁྱེད་ཀྱ་ལེ་བདེན་པ་ཟེར་རོ། གཡོག་པོ་བདག་པོའི་གོང་ལེ་མི་སླེབས་འོད་དིག ཡང་བང་ཆེན་དེ་ཟང་རྫོང་མཁན་གྱི་གོང་ལེ་མི་སླེབས་འོད་དིག 17ད་ལྟ་ཁྱེད་ཀྱ་ཀྱིས་ཟང་དོན་དེ་ཀྱ་ཧ་གོ་ཕེན། འོ་དེ་གི་ཅོག་འདྲ་བྱས་ནི་དགའ་སྤྲོ་ཆེན་པོ་འོང་གྱི་དིག 18ངས་ལབ་འདི་ཁྱེད་ཡེ་རེའི་སྐོར་ལེ་ཟེར་རི་མན། ངས་བདམས་པའི་སློབ་མ་ཀྱ་ཅི་གི་ཡིན་དི་ངས་ཧ་གོ་འོད། ཡིན་ནའང་། དཀོན་མཆོག་གི་གསུང་རབ་ཀྱི་མདོ་ནང་ལེ། ང་རིང་སྐྱེན་ལེ་ཟ་མ་བཟའ་མཁན་གྱིས་ང་དགྲའི་ལག་ལེ་གཏོད་ཀྱི་དིག་ཟིན་གསུངས་པི་དེ་བདེན་པ་འགྲུབ་རྒྱུ་ཆེད་དུ་ཡིན་དིག#13.18 ཚིགས་བཅད་འདི་ནི་གསུང་མགུར་མདོ་ལེའུ་ 41 ཨང་ 9 ནང་ལེ་གཟིགས་རོགས། 19ད་ལྟ་དོན་འདི་མ་འགྲུབ་པའི་སྔོན་ལེ། ང་ཁྱེད་ཀྱ་ལེ་ཟེར་རོ། དོན་དེ་འགྲུབ་རྒྱ་ཁྱེད་ཀྱ་ཀྱིས་ང་ཁོང་རང་ཡིན་དི་དད་པ་བགྱིད་རྒྱུ་ཆེད་དུ་ཡིན་དིག 20ང་ཁྱེད་ཀྱ་ལེ་བདེན་པ་ཟེར་རོ། མི་སུ་ཞིག་གིས་ངས་བརྫངས་པའི་མི་ཞིག་ལེ་སྣེ་ལེན་བྱས་ནི། ང་ལེ་སྣེ་ལེན་བྱས་པི་ཡིན་དིག ང་ལེ་སྣེ་ལེན་བྱས་ནི། ང་རྫོང་མཁན་ཁོང་ལེ་ཟང་སྣེ་ལེན་བྱས་པི་དིག་ཟིན་གསུངས་པི་དིག

ཡེ་ཤུས་ཁོང་རང་དགྲའི་ལག་ལེ་གཏོད་མཁན་དེ་སུ་ཡིན་དི་སྐོར་ལེ་གསུངས་པ།

21དེ་ནས་ཡེ་ཤུས་དེ་གསུངས་ནུས་པའི་རྗེས་ལེ་ཁོང་རང་ཐུགས་སྐྱོ་རེ། ང་ཁྱེད་ཀྱ་ལེ་བདེན་པ་ཟེར་རོ། ཁྱེད་ཀྱ་ཀྱི་ནང་ནས་མི་གཅིག་གིས་ང་དགྲའི་ལག་ལེ་གཏོད་ཀྱི་དིག་ཟིན་གསུངས་པི་དིག 22དེ་ནས་སློབ་མ་ཀྱ་ཀྱིས་ཁོང་གིས་གསུངས་པའི་མི་དེ་སུ་ཞིག་ཡིན་མིན་ཧ་མ་གོ་ཕེན་ཕར་ཚུར་བལྟས་པི་དིག 23དེ་ནས་ཡེ་ཤུས་བྱམས་བརྩེ་བ་གནང་ས་སློབ་མ་དེ་ཞལ་ལག་མཆོད་རྒྱ། ཡེ་ཤུའི་རྩ་ལེ་ཁོང་གི་གཟུགས་པོ་བསྙེས་ཏེ་བསྡད་འོད་ཕེན། 24སི་མོན་པེ་ཏྲོས་ཁོ་ལེ་མགོ་གཡུག་གཡུག་བྱས་ཏེ། སུའི་སྐོར་ལེ་ཟེར་རི་ཡིན་མིན་དེ་དྲིས་དང་སྨྲས་པི་དིག 25དེ་ནས་ཁོས་ཟང་རང་གི་མགོ་ཡེ་ཤུའི་བྲང་ཁ་ལེ་བསྙེས་ཏེ། ཇོ་བོ། མི་དེ་སུ་ཡིན་གོ་ཟིན་ཞུས་ཕེན། 26ཡེ་ཤུས་ཁོ་ལེ། ངས་སྒོར་ཕྱེ་དེ་ཕྱེད་ཀ་བཏང་སྟེ་ཁུ་བ་ནང་ལེ་སྦངས་ཏེ་སུ་ལེ་བྱིན་ནི་འོ་དེ་རང་ཡིན་དིག་ཟིན་གསུངས་ཏེ། ཁོང་གིས་སྒོར་ཕྱེ་ཕྱེད་ཀ་དེ་ཁུ་བ་ནང་ལེ་སྦངས་ཏེ་སི་མོན་ཨི་སི་ཀར་རེའི་བི་ས་ཡུ་དཱ་ཁོ་ལེ་བྱིན་དི་དིག 27དེ་ནས་ཁོས་ཟང་སྒོར་ཕྱེ་དེ་བླངས་ཏེ་ཟས་ལོང་མེད། བདུད་ཀྱི་རྒྱལ་པོ་དེ་ཟང་ཁོའི་སེམས་ནང་ལེ་ཞུགས་པི་དིག དེ་ནས་ཡེ་ཤུས་ཁོ་ལེ། ཁྱོད་ཀྱིས་བགྱིད་འདོད་འོད་ཡོད་ལས་དེ་མགྱོགས་པོ་གྱིས་ཤིག་ཟིན་གསུངས་པི་དིག 28ཡིན་ནའང་། ཁོང་དིང་སྐྱེན་ལེ་ཟ་མ་བཟའ་མཁན་མི་སུ་ཞིག་གིས་ཟང་ཁོང་གིས་ཅིའི་ཆེད་དུ་དོན་དེ་གསུངས་གནང་པི་དེ་ཧ་མ་གོ་པི་དིག 29ཅི་ལེ་ཟེར་ནི། ཡུ་དཱའི་ལག་ག་ལེ་དངུལ་ཁུག་འཁྱེར་འོད་ཕེན། ཡེ་ཤུས་ཁོ་དུས་ཆེན་ལེ་དགོས་པ་འོད་ཡོད་ཅ་ལག་ཉོ་རུ་བརྫངས་པི་ཡིན་གྱི་དིག ཡང་ནི། སློང་མཁན་ཀྱ་ལེ་ཅིག་སྟེར་དུ་བརྫངས་པི་ཡིན་གྱི་དིག་བསམས་པི་དིག 30དེ་ནས་ཡུ་དཱས་ཁུ་བ་ནང་ལེ་སྦངས་པའི་སྒོར་ཕྱེ་དེ་བླངས་ལོང་མེད་ཕྱི་ལེ་བུད་དི་དིག དུས་དེ་ནི་མཚན་མོ་ཡིན་དིག

ཡེ་ཤུས་སློབ་མ་ཀྱ་ལེ་བཀའ་གསར་པ་གནང་བ།

31དེ་ནས་ཡུ་དཱ་བུད་དེ་རྗེས་ལེ་ཡེ་ཤུས། ད་མིའི་བི་སའི་གཟི་བརྗིད་མངོན་པི་དིང་། ཡང་ཁོང་གི་བརྒྱུད་ནས་དཀོན་མཆོག་གི་གཟི་བརྗིད་དེ་མངོན་གྱི་དིག 32དཀོན་མཆོག་གི་གཟི་བརྗིད་ཁོང་གི་བརྒྱུད་ནས་མངོན་ཕེན། དཀོན་མཆོག་གིས་རང་གི་བརྒྱུད་ནས་མིའི་བི་སའི་གཟི་བརྗིད་དེ་ཟང་གང་མྱུར་མངོན་པར་གནང་གྱི་དིག 33ཁྱེད་གཅེས་ཕྲུག་ཀྱ། ད་ལྟ་ང་ཁྱེད་ཀྱ་ཀྱི་སྐྱེན་ལེ་སྡོད་རྒྱུ་དུས་ཚོད་ཐུང་མ་ཞིག་འོད། དེ་སྔོན་ངས་ཡ་ཧུ་དཱ་པའི་ཆོས་དཔོན་ཀྱ་ལེ་ཅི་སྨྲས་པི་ཅོག་འདྲ། ད་ངས་ཁྱེད་ཀྱ་ལེ་ཟང་ཟེར་རོ། ཁྱེད་ཀྱ་ཀྱིས་ང་ལེ་འཚོལ་གྱི་དིག ཡིན་ནའང་། ང་འགྲོ་ས་ལེ་ཁྱེད་ཀྱ་འགྲོ་ནུས་ཀྱི་མ་དིག 34ད་ངས་ཁྱེད་ཀྱ་ལེ་བཀའ་གསར་པ་ཞིག་སྟེར་རོ། བཀའ་དེ་ནི་ཁྱེད་ཀྱ་ཕན་ཚུན་གཅིག་གིས་གཅིག་ལེ་བྱམས་བརྩེ་བ་བགྱིད་དགོས་པི་དིང་། ཡང་ངས་ཁྱེད་ཀྱ་ལེ་བྱམས་བརྩེ་བ་བྱས་པི་ཅོག་འདྲ་ཁྱེད་ཀྱ་ཀྱིས་ཟང་། ཁྱེད་ཕན་ཚུན་གཅིག་གིས་གཅིག་ལེ་བྱམས་བརྩེ་བ་བགྱིད་དགོས་འོད་དིག 35ཁྱེད་ཕན་ཚུན་བར་ལེ་བྱམས་བརྩེ་བ་བྱས་ནི། མི་ཡེ་རེས་ཁྱེད་ཀྱ་ནི་ངའི་སློབ་མ་ཡིན་དི་ཧ་གོ་ཐུབ་ཀྱི་དིག་ཟིན་གསུངས་པི་དིག

པེ་ཏྲོའི་སྐོར་ལེ་ལུང་བསྟན་པ།

36དེ་ནས་སི་མོན་པེ་ཏྲོས། ཇོ་བོ། ཁྱེད་རང་ག་ན་ལེ་ཕེབས་གནང་གྱི་དོ་ཟིན་ཞུས་ཕེན། ཡེ་ཤུས་ཁོ་ལེ། ཁྱོད་ད་ལྟ་ང་འགྲོ་ས་ལེ་འགྲོ་ནུས་ཀྱི་མ་དིག ཡིན་ནའང་། རྗེས་ལེ་ཁྱོད་ཀྱིས་ངའི་རྗེས་ལེ་འབྲང་གྱི་དིག་ཟིན་གསུངས་ཕེན། 37པེ་ཏྲོས་ཁོང་ལེ། ཇོ་བོ། ཅིའི་དོན་ལེ་ང་ད་ལྟ་ཁྱེད་ཀྱི་རྗེས་ལེ་འབྲང་མི་ཐུབ་འོད་དི་གོ། ཁྱེད་ཀྱི་ཆེད་དུ་ངའི་རང་གི་སྲོག་བློས་གཏོང་རྒྱུ་ལེ་སེམས་གྲ་སྒྲིག་འོད་ཟིན་ཞུས་ཕེན། 38ཡེ་ཤུས་ཁོ་ལེ། ཁྱོད་ཀྱིས་ངའི་དོན་ལེ་སྲོག་བློས་གཏོང་ཐུབ་གྱོ་འོད་དས། ང་ཁྱོད་ལེ་བདེན་པ་ཟེར་རོ། བྱ་ཕོས་བྱ་སྐད་མ་རྒྱག་པའི་སྔོན་ལེ། ཁྱོད་ཀྱིས་ང་སུ་ཡིན་དི་ངོ་མི་ཤེས་འོད་ཟིན་ལན་མ་གསུམ་ཟེར་གྱི་དིག་ཟིན་གསུངས་པི་དིག །

Currently Selected:

ཡོ་ཧ་ནན། 13: DLPO

Highlight

Copy