མཛད་པ། 9

ལེའུ་དགུ་པ།

སོ་ལོ་ཁོས་ཟང་སྐྱབས་མགོན་ཡེ་ཤུ་ལེ་དད་པ་བྱས་པ།

1ཡང་དུས་དེ་རྒྱ། སོ་ལོ་ཁོས་མུ་མཐུད་དེ་ཇོ་བོ་ཡེ་ཤུའི་རྗེས་འབྲང་པ་ཀྱ། དམར་གསོད་གཏོང་གྱི་ཡིན་ཟིན་འཇིགས་སྐུལ་ལི་མ་ཟད། ཁོ་རང་མཆོད་པ་འབུལ་མཁན་གཙོ་བོའི་དྲུང་དུ་ཕྱིན་ཏེ། 2སྐྱབས་མགོན་ཡེ་ཤུའི་ཐར་ལམ་ལེ་ཞུགས་མཁན་སྐྱེ་ཕོ་མོ་སུ་ཞིག་རྙེད་ནི། འཛིན་བཟུང་བྱས་ཏེ་ཡེ་རུ་ས་གླིང་རྒྱལ་ས་ལེ་འཁྲིད་འོང་རྒྱུ་ཆེད་དུ། དཱ་མེ་སེག་རྒྱལ་ས་ལེ་འོད་ཡོད་ཡ་ཧུ་དཱ་པའི་ཚོགས་ཁང་གི་འགོ་ཁྲིད་ཀྱ་ལེ་ཆོག་མཆན་གྱི་ཡི་གེ་ཞུས་པི་དིག 3དེ་ནས་སོ་ལོ་ཁོས་ཆོག་མཆན་གྱི་ཡི་གེ་དེ་ཁྱེར་ཏེ་དཱ་མེ་སེག་རྒྱལ་སའི་ཉེ་འགྲམ་ལེ་སླེབས་ལོང་མེད། དཀོན་མཆོག་གི་ཞིང་ཁམས་ནས་འོད་ཆེན་པོ་ཞིག་ཤར་ཏེ། ཁོའི་གཡས་གཡོན་ཡེ་རེ་ལེ་འོད་ཆེན་པོ་དེ་ཁྱབ་ཕེན། 4ཁོ་རང་ས་ལེ་འགྱེལ་ལི་དིག ཡང་སོ་ལོ། སོ་ལོ། ཁྱོད་ཀྱིས་ང་ལེ་ཅི་ལེ་གནོད་སྐྱེལ་ལི་ཡིན་དོ་ཟིན་གསུང་སྐད་ཞིག་ཐོས་ཕེན། 5ཁོས། ཇོ་བོ། ཁྱེད་རང་སུ་ཡིན་ཆེ་བོ་ཟིན་ཞུས་ཏེ། ཁོང་གིས་ང་ནི་ཁྱོད་ཀྱིས་ད་ལྟ་གནོད་སྐྱེལ་ས་ཡེ་ཤུ་ཟེར་མཁན་དེ་ཡིན། 6ད་ཁྱོད་རང་ཡར་ལངས་ཏེ་རྒྱལ་སའི་ནང་ལེ་རྒྱུགས་ཤིག ཁྱོད་ཀྱིས་ཅི་ཞིག་བགྱིད་དགོས་འོད་མེད་མི་གཞན་གྱིས་ཁྱོད་ལེ་སྟོན་གྱི་དིག་ཟིན་གསུངས་པི་དིག 7ཡང་སོ་ལོ་ཁོའི་ལམ་རོགས་ཀྱ་ཀྱིས་ཟང་གསུང་སྐད་དེ་པ་རྐྱང་ཐོས་པི་མ་གཏོགས་གཞན་ཅི་གང་མ་མཐོང་ཕེན། ཁོང་ཀྱ་ཀྱིས་ཅི་གང་ཟེར་མ་ནུས་ཏེ་བསྡད་དི་དིག 8དེ་ནས་སོ་ལོ་ཁོང་རང་ས་ནས་ཡར་ལངས་ཏེ་མིག་གདངས་ནའང་མིག་མཐོང་རྒྱུ་མེད་དི་བྱུང་འོད་ཕེན། ལམ་རོགས་ཀྱ་ཀྱིས་ཁོའི་ལག་ག་ནས་འཇུས་ཏེ་དཱ་མེ་སེག་རྒྱལ་ས་ལེ་ཁྲིད་དི་དིག 9དེ་ནས་ཉིན་མ་གསུམ་བར་དུ་ཁོའི་མིག་དེ་མཐོང་རྒྱུ་མེད་མེད་བྱུང་པི་མ་ཟད། ཁོས་བཟའ་འཐུང་ཟང་ཅི་གང་མ་བྱས་ཏེ་བསྡད་དི་དིག

10དེའི་དུས་ལེ་དཱ་མེ་སེག་རྒྱལ་ས་དེ་རུ། མིང་ལེ་ཨ་ནན་ཡཱ་ཟེར་རི་དད་པ་བགྱིད་མཁན་ཞིག་འོད་དིག ཇོ་བོ་ཡེ་ཤུས་ཁོ་ལེ། ཨ་ནན་ཡཱ་ཟིན་རང་གི་མིང་ནས་བོས་དི་ཞལ་གཟིགས་གནང་པི་དིག དེ་ནས་ཁོས་ཇོ་བོ། ཁྱེད་ཀྱིས་གསུངས་དང་ཟིན་ཞུས་ཕེན། 11ཇོ་བོས་ཁོ་ལེ། ཁྱོད་རང་ཡར་ལངས་ཏེ། ལམ་གྲེང་ངེ་ཟེར་རི་དེ་ལེ་ཞུགས་ཏེ། ཡུ་དཱ་ཟེར་མཁན་གྱི་ཁྱིམ་ནང་ལེ། ཊར་སཱུ་རྒྱལ་ས་ནས་ཡིན་དི་མིང་ལེ་སོ་ལོ་ཟེར་མཁན་དེ་ཚོལ་ལེད་དང་། ད་ལྟ་ཁོ་རང་གསོལ་བ་སྨོན་ལམ་འདེབས་གྱོ་འོད་དི་མ་ཟད། 12ཁོས་ཨ་ནན་ཡཱ་ཟེར་མཁན་མི་ཞིག་རང་གི་རྩ་ལེ་འོངས་ཏེ། མིག་ཡང་དང་མཐོང་ཐུབ་རྒྱུ་ཆེད་དུ། རང་གི་ལུས་ལེ་ལག་ག་འབོར་རི་ཞལ་གཟིགས་གསལ་པོ་མཐོང་འོད་དིག་ཟིན་གསུངས་པི་དིག 13ཡིན་ནའང་། ཨ་ནན་ཡཱ་ཁོས་ཇོ་བོ། ངས་མི་མང་པོས་ཁ་ནས་སོ་ལོ་ཟེར་མཁན་མི་དེ་ཡེ་རུ་ས་གླིང་རྒྱལ་ས་ནས་ཁྱེད་ལེ་དད་པ་བགྱིད་མཁན་ཀྱ་ལེ་གནོད་འཚེ་སྐྱེལ་ལི་དིང་། 14ཡང་མཆོད་པ་འབུལ་མཁན་ཀྱ་ཀྱི་དྲུང་དུ་ཕྱིན་ཏེ། ཁྱེད་ཀྱི་མཚན་འབོད་མཁན་མི་ཀྱ་ནི། འཛིན་བཟུང་བགྱིད་རྒྱུ་ལེ་ཆོག་མཆན་འབྱོར་འོད་དི་གནས་ཚུལ་དེ་ནི། འདི་རུ་འོད་ཡོད་མི་ཀྱ་ཀྱིས་ཟང་ཐོས་འོད་དིག་ཟིན་ཞུས་པི་དིག 15ཡིན་ནའང་། ཇོ་བོ་ཡེ་ཤུས་ཁོ་ལེ། ད་ཁྱེད་རང་སོ་ལོ་འོད་ས་ལེ་རྒྱུགས་དང་། ཁོས་ཕྱི་མི་ཀྱ་ལེ་དིང་། ཡང་རྒྱལ་པོ་ཀྱ་དིང་། ཡི་སི་ར་ཨེལ་མི་རྒྱུད་མདུན་ལེ། ངའི་སྐོར་ཀྱི་གཏམ་བཟང་ཤོད་རྒྱུ་ཆེད་དུ། ཁོ་ནི་ངས་བདམས་པའི་སློབ་མ་ཞིག་ཡིན་དིག 16ངའི་མིང་གི་ཆེད་དུ་ཁོས་དཀའ་ངལ་ཆེན་པོ་ཅི་གི་ཞིག་མྱོང་དགོས་འོད་མེད་དི་ངས་ཁོ་ལེ་སྟོན་གྱི་ཡིན་ཟིན་གསུངས་ཕེན། 17ཨ་ནན་ཡཱ་ཁོ་རང་ཟང་། ཁྱིམ་དེའི་ནང་ལེ་འཛུལ་ལི་དིང་། སོ་ལོའི་ལུས་ལེ་ལག་ག་བོར་ཏེ། སྤུན་ཟླ་སོ་ལོ། ཁྱོད་ལམ་ལེ་འོང་རྒྱ། མངོན་སུམ་མཇལ་ལི་ཇོ་བོ་ཡེ་ཤུས་ཁྱོད་ཀྱི་མིག་ཡང་དང་མཐོང་རྒྱུ་འོད་ཡོད་བཟོས་གནང་པི་མ་ཟད། ཁྱེད་ལེ་དམ་པའི་ཐུགས་ཉིད་ཁྱབ་རྒྱུ་ཆེད་དུ། ང་འདི་རུ་བརྫངས་བྱུང་ཟིན་སྨྲས་པི་དིག 18འོ་འདི་གི་སྨྲས་ལོང་མེད། སོ་ལོ་ཁོའི་མིག་ནས་ཉའི་ལྤགས་པོ་ཅོག་འདྲ་སྲབ་པོ་ཞིག་འཛར་འོང་ཕེན། ཁོའི་མིག་མཐོང་རྒྱུ་འོད་ཡོད་བྱུང་ཕེན། ཁོ་ཡར་ལངས་ཏེ་ཁྲུས་གསོལ་བྱས་པི་མ་ཟད། 19ཟ་མ་བཟས་ཏེ་ལུས་ལེ་དབང་པོ་སྐྱེས་པི་དིག

སོ་ལོ་ཁོས་དཱ་མེ་སེག་རྒྱལ་ས་ལེ་ཆོས་བསྟན་པ།

དེ་ནས་སོ་ལོ་ཁོ་རང་དཱ་མེ་སེག་རྒྱལ་སའི་ནང་ལེ་འོད་ཡོད་དད་པ་བགྱིད་མཁན་ཀྱ་ཀྱི་སྐྱེན་ལེ་ཉིན་མ་ཁ་ཤས་བསྡད་དི་དིག 20དེ་ལོང་མེད་ཁོ་རང་ཡ་ཧུ་དཱ་པའི་ཚོགས་ཁང་ཡེ་རེ་ལེ་ཇོ་བོ་ཡེ་ཤུ་ནི་དཀོན་མཆོག་གི་སྲས་ཡིན་དིག་ཟིན་བཤད་དི་དིག 21དེ་ནས་གཏམ་ཐོས་མཁན་ཡེ་རེས་ཡ་མཚན་ཆེན་པོས་ངང་ནས་མི་འདི་ནི་ཡེ་རུ་ས་གླིང་རྒྱལ་ས་ལེ་ཇོ་བོའི་མཚན་བོས་མཁན་ཀྱ་རྩ་མེད་བཏོང་མཁན་ཁོ་མ་གས། ཡང་དད་པ་བགྱིད་མཁན་ཀྱ་འཛིན་བཟུང་བྱས་ཏེ། མཆོད་པ་འབུལ་མཁན་ཀྱ་ཀྱི་དྲུང་དུ་འཁྲིད་རྒྱུ་ཆེད་དུ་འདི་རུ་འོང་མཁན་དེ་ཁོ་མ་གས་ཟིན་འོད་དིག 22ཡིན་ནའང་། སོ་ལོ་ཁོ་རང་འཛེན་སྙིང་སྟོབས་སྐྱེས་ཕེན། ཡེ་ཤུ་ནི་སྐྱབས་མགོན་ཡིན་དི་སྐོར་ལེ་ར་སྤྲོད་བྱས་པི་དེ་ལེ། དཱ་མེ་སེག་རྒྱལ་ས་ལེ་འོད་ཡོད་ཡ་ཧུ་དཱ་པའི་མི་ཀྱ་ཀྱིས་ཁོ་ལེ་ལན་བསློགས་མ་ཐུབ་པི་དིག

23ཡང་དུས་ཡུན་རིང་པོ་བུད་དི་རྗེས་ལེ། ཡ་ཧུ་དཱ་པའི་མི་ཀྱ་ཀྱིས་སོ་ལོ་གསོད་རྒྱུ་ངན་ཇུས་བྱས་པི་དིག 24ཡིན་ནའང་། སོ་ལོ་ཁོས་ངན་ཇུས་དེ་ཧ་གོ་པི་དིག མི་དེ་ཀྱ་ཀྱིས་སོ་ལོ་གསོད་རྒྱུ་དོན་ལེ་ཉིན་མཚན་མེད་རྒྱལ་སའི་རྒྱལ་སྒོ་ཡེ་རེ་བསྲུངས་པི་དིག 25ཡིན་ནའང་། སོ་ལོའི་སློབ་མ་ཀྱ་ཀྱིས་མཚན་མའི་དུས་ལེ། ཁོ་རྐོན་པའི་ནང་ལེ་བླུགས་ཏེ་གྱང་གི་མིག་ཁུང་ནས་མར་ཕབ་སྟེ་བྲོས་འགྲོ་རུ་བཅུག་པི་དིག

སོ་ལོ་ཡེ་རུ་ས་གླིང་ལེ་སླེབས་པ།

26ཁོ་རང་ཡེ་རུ་ས་གླིང་རྒྱལ་ས་ལེ་སླེབས་ཕེན། ཡེ་ཤུ་ལེ་དད་པ་བགྱིད་མཁན་གྱི་སྐྱེན་རོགས་བགྱིད་འདོད་བྱས་ནའང་། ཁོང་ཀྱ་ཀྱིས་སོ་ལོ་ཁོ་རང་ནི་དངོས་གནས་དད་པ་བགྱིད་མཁན་ཞིག་ཡིན་དི་ཡིད་ཆེས་མ་བྱས་ཏེ་ཁོ་ལེ་འཇིགས་པི་དིག 27ཡིན་ནའང་། པར་ན་པཱ་ཟེར་མཁན་ཁོས་སོ་ལོ་སྐུ་ཚབ་ཀྱ་ཀྱི་མདུན་དུ་ཁྲིད་འོངས་ཏེ། དེ་སྔོན་ཁོ་རང་ལམ་ལེ་ཅི་གི་བྱས་ཏེ་ཇོ་བོ་ཡེ་ཤུ་མཇལ་ལི་དིང་། ཁོང་གིས་ཁོ་ལེ་བཀའ་མོལ་ཅི་གསུངས་པའི་སྐོར་དིང་། ཡང་ཁོ་རང་དཱ་མེ་སེག་རྒྱལ་ས་ལེ་ཇོ་བོ་ཡེ་ཤུའི་མཚན་གྱི་བརྒྱུད་ནས་སྙིང་སྟོབས་ཆེན་པོས་ངང་ནས་ཆོས་བཤད་དི་གནས་ཚུལ་དེ་ཀྱ་བཤད་དི་དིག 28དེ་ནས་སོ་ལོ་ཁོ་རང་ཡེ་རུ་ས་གླིང་རྒྱལ་ས་ལེ་སྐུ་ཚབ་ཀྱ་ཀྱི་སྐྱེན་ལེ་མངོན་སུམ་བསྡད་དེ། ཇོ་བོ་ཡེ་ཤུའི་མཚན་གྱི་བརྒྱུད་ནས་འཇིགས་སྣང་མེད་དི་ངང་ནས་ཆོས་བཤད་དི་མ་ཟད། 29གེ་རིག་གི་སྐད་རྒྱག་མཁན་ཡ་ཧུ་དཱ་པ་ཀྱ་ལེ་ཟང་རྩོད་གླེང་བྱས་པི་དིག ཡིན་ནའང་། མི་དེ་ཀྱ་ཀྱིས་སོ་ལོ་གསོད་རྒྱུ་ཐབས་ཤེས་མང་པོ་འཚོལ་གྱོ་འོད་དིག 30གནས་ཚུལ་དེའི་སྐོར་ལེ་ཆོས་གྲོགས་ཀྱ་ཀྱིས་ཧ་གོ་ཕེན། ཁོང་ཀྱ་ཀྱིས་སོ་ལོ་ཁོ་སྨད་ཕྱོགས་ཀྱི་ཀེ་སར་ཡཱ་རྒྱལ་ས་ལེ་བསྐྱལ་ཏེ། ཁོ་རང་གི་ཕ་ཡུལ་ཊར་སཱུ་རྒྱལ་ས་ལེ་ལོག་བརྫངས་པི་དིག 31དུས་དེ་རྒྱ་ཡུ་ཧུ་དཱ་པ། ག་ལིལ། སཱ་མར་ཡཱ་དིང་ཡུལ་སོ་སོའི་ཆོས་ཚོགས་ཀྱ་ལེ་མི་གཞན་གྱིས་བརྒྱུད་ནས་དཀའ་ངལ་ཅི་གང་མེད་དི་དུས་བདེ་མོ་དིང་སེམས་ཤུགས་ཟང་བསྐྱེས་ཏེ། ཇོ་བོ་དཀོན་མཆོག་ལེ་གུས་ཞབས་བྱས་པི་མ་ཟད། དམ་པའི་ཐུགས་ཉིད་ཀྱིས་ཟང་སེམས་གསོ་གནང་སྟེ་མི་གྲངས་ཟང་མང་པོ་འཕེལ་ལི་དིག

སྐུ་ཚབ་པེ་ཏྲོས་ནད་པ་དིང་གཤིན་པོ་ཀྱ་ཡང་དང་གསོན་དུ་བཅུག་པ།

32ཡང་པེ་ཏྲོ་ཡུལ་ཕྱོགས་ཀུན་ལེ་འགྲོ་རྒྱ། ལད་དཱ་ཟེར་རི་རྒྱལ་ས་ལེ་འོད་ཡོད་དད་པ་བགྱིད་མཁན་ཀྱ་འོད་ས་ལེ་བུད་དི་དིག 33རྒྱལ་ས་དེ་རུ་མིང་ལེ་ཨ་ནི་ཡཱ་ཟེར་མཁན་མི་ཞིག་འོད་དི་དིང་། ཁོ་ལེ་ན་ཚ་ཕོག་སྟེ། ལོ་བརྒྱད་རྐང་པ་ཞ་རིལ་བྱུང་སྟེ་ཉལ་ས་ལེ་ལུས་འོད་ཡོད་ཁོ་ཐུག་པི་དིག 34ཡང་པེ་ཏྲོས་ཁོ་ལེ། ཨ་ནི་ཡཱ། སྐྱབས་མགོན་ཡེ་ཤུས་ཁྱོད་ཀྱི་ན་ཚ་དྲག་ཏུ་བཅུག་པི་དིག ད་ཁྱོད་རང་ཡར་ལོངས་དང་། རང་གི་གདན་སྡུས་ཤིག་སྨྲས་ལོང་མེད་ཁོ་རང་ཡར་ལངས་པི་དིག 35ལད་དཱ་རྒྱལ་ས་དིང་ཤཱ་རོན་ལུང་པ་ལེ་སྡོད་མཁན་མི་ཡེ་རེས་ཞ་རིལ་ཁོ་དྲག་འོད་དི་མཐོང་སྟེ། ཇོ་བོ་ཡེ་ཤུའི་ཕྱོགས་ལེ་སེམས་བསྒྱུར་ཏེ་དད་པ་བྱས་པི་དིག

ཐཱ་པི་ཐཱ་ཟེར་རི་བུ་མའ་དེ་ཡང་དང་གསོན་དུ་བཅུག་པ།

36དེ་ནས་ཡོ་ཕཱ་ཟེར་རི་རྒྱལ་ས་ལེ་སྡོད་མཁན་མིང་ལེ་ཐཱ་པི་ཐཱ་ཟིན་འོད་དི་མ་ཟད། མོ་རང་ནི་དད་པ་བགྱིད་མཁན་ཞིག་ཡིན་དིག ཐཱ་པི་ཐཱ་ཟེར་རི་མིང་དེ་གེ་རིག་གི་སྐད་ལེ་བསྒྱུར་ནི། དོར་ཀེ་ཟིན་འོད་དིག མོ་རང་དུས་རྟག་ཏུ་ལས་བཟང་པོ་བགྱིད་དི་མ་ཟད། མི་ཀྱ་ལེ་སྦྱིན་པ་ཟང་མང་པོ་བཏང་པི་དིག#9.36 དོར་ཀེ་ཟེར་རི་དོན་དེ་ནི་བོད་སྐད་ལེ་བསྒྱུར་ནི། གཅོད་ཟེར་རི་དོན་ཡིན་དིག 37ཡིན་ནའང་། དུས་དེ་རྒྱ་མོ་རང་ལེ་ན་ཚ་ཕོག་སྟེ་ཤི་ཕེན། མི་ཀྱ་ཀྱིས་མོའི་རོ་བཀྲུས་ཏེ་སྟེང་ཐོག་ཞིག་གི་ནང་ལེ་བོར་འོད་དིག 38ཡོ་ཕཱ་རྒྱལ་ས་དིང་ལད་དཱ་རྒྱལ་ས་དེ་གཉིས་ཀྱི་ཉེ་འགྲམ་ལེ་པེ་ཏྲོ་བསྡད་འོད་དི་དད་པ་བགྱིད་མཁན་ཀྱ་ཀྱིས་ཐོས་ཏེ། མི་གཉིས་པེ་ཏྲོ་འོད་ས་ལེ་བརྫངས་པི་དིག དེ་ནས་མི་དེ་གཉིས་ཀྱིས་པེ་ཏྲོ་ལེ། ཁྱེད་རང་དུས་ཡུན་མ་འགོར་རི་ཉེད་འོད་ས་ལེ་ཤོག་དང་ཟིན་ནན་ཏན་བྱས་ཏེ་ཞུ་བ་ཕུལ་ཕེན། 39པེ་ཏྲོ་ཁོ་རང་ལམ་སང་མི་དེ་གཉིས་ཀྱི་སྐྱེན་ལེ་ཕྱིན་ཏེ། ཡོ་ཕཱ་རྒྱལ་ས་ལེ་སླེབས་པི་དིག ཡང་མི་ཀྱ་ཀྱིས་ཁོང་རང་ཁྱིམ་སྟེང་ཐོག་ལེ་ཁྲིད་དི་དིག དེ་རུ་འོད་ཡོད་ཡུགས་མོ་ཀྱ་ཀྱིས་པེ་ཏྲོའི་མདུན་དུ་ལངས་ཏེ་ངུས་སྐད་ཆེན་པོས་ངང་ནས། དོར་ཀེ་མོ་རང་ཉེད་ཀྱ་ཀྱི་སྐྱེན་ལེ་སྡོད་རྒྱ། མོས་ཁོང་ཀྱ་ལེ་བཟོས་ཏེ་བྱིན་དི་གོས་ལག་ཡེ་རེ་ཟང་པེ་ཏྲོ་ལེ་བསྟན་པི་དིག 40དེ་ནས་པེ་ཏྲོས་ངུས་སྐད་རྒྱག་མཁན་བུ་མའ་ཡེ་རེ་ཕྱི་ལེ་བརྫངས་པི་དིག དེ་ནས་པེ་ཏྲོས་པུས་མོ་ས་ལེ་བཙུགས་ཏེ། དཀོན་མཆོག་ལེ་གསོལ་བ་བཏབ་པི་རྗེས་ལེ། རོའི་ཕྱོགས་ལེ་ཁ་བསྐོར་ཏེ། ཐཱ་པི་ཐཱ། ཡར་ལོངས་དང་སྨྲས་ལོང་མེད། བུ་མའ་དེ་མིག་གདངས་ཕེན། མོས་པེ་ཏྲོ་མཐོང་སྟེ་ཙོག་ཙོག་བྱས་ཏེ་བསྡད་དི་དིག 41དེ་ནས་པེ་ཏྲོས་མོའི་ལག་ག་ནས་འཇུས་ཏེ་ཡར་བསྐྱོར་ཏེ་བསླངས་པི་མ་ཟད། ཡང་དད་པ་བགྱིད་མཁན་དིང་ཡུགས་མོ་ཀྱ་ནང་ལེ་ཤོག་སྨྲས་ཏེ། མོ་ཤི་རེ་ཡང་དང་གསོན་པོ་བྱུང་པི་དིག་ཟིན་ཁོང་ཀྱ་ལེ་བསྟན་པི་དིག 42དེ་ནས་གནས་ཚུལ་དེ་ཡོ་ཕཱ་རྒྱལ་ས་ཡེ་རེ་ལེ་ཁྱབ་ཕེན། མི་མང་པོས་ཇོ་བོ་ཡེ་ཤུ་ལེ་དད་པ་བྱས་པི་དིག 43ཡང་དེའི་རྗེས་ལེ་པེ་ཏྲོ་ཁོ་རང་ཡོ་ཕཱ་རྒྱལ་སའི་ནང་ལེ་འོད་ཡོད་ཀོ་བ་བཟོ་མཁན་སི་མོན་ཟེར་མཁན་ཁོའི་ཁྱིམ་ལེ་ཡུན་རིང་པོ་སྐྱེན་ལེ་བསྡད་དི་དིག །

Currently Selected:

མཛད་པ། 9: DLPO

Highlight

Copy