མཛད་པ། 6

ལེའུ་དྲུག་པ།

ཞབས་ཕྱི་རྒྱུག་རྒྱུ་ཆེད་དུ་སྐྱེས་པ་བདུན་བདམས་པ།

1ཡང་དེའི་རྗེས་ལེ། ཡེ་ཤུ་ལེ་དད་པ་བགྱིད་མཁན་མང་པོ་འཕེལ་འོད་ཕེན། གེ་རིག་གི་སྐད་རྒྱག་མཁན་ཡ་ཧུ་དཱ་པ་ཀྱ་ཀྱིས་ཡ་ཧུ་དཱ་པའི་སྐད་རྒྱག་མཁན་ཀྱ་ལེ། ཉིན་རེའི་ཟས་སྐལ་བགོ་རྒྱ། ཉེད་ཀྱ་ཀྱི་ཡུགས་མོ་ཀྱ་ལེ་སྣང་མི་བགྱིད་འདུག་ཟིན་ཁོང་ཀྱ་ཀྱི་བར་ལེ་ལྟ་བ་མ་མཐུན་པ་ཞིག་བྱུང་པི་དིག 2དེ་ནས་སྐུ་ཚབ་བཅུ་གཉིས་ཀྱ་ཀྱིས་དད་པ་བགྱིད་མཁན་ཡེ་རེ་འཛོམས་ལེད་སྨྲས་ཏེ། ཉིན་རེའི་ཟས་སྐལ་བགོ་རྒྱུ་ཆེད་དུ། ཉེད་ཀྱ་ཀྱིས་དཀོན་མཆོག་གི་བཀའ་སྟོན་རྒྱུ་དེ་གཡུག་ནི་དགའ་མོ་མི་འདུག 3ཁྱེད་སྤུན་ཟླ་ཀྱ། ཁྱེད་ཀྱ་ཀྱིས་རང་གི་ནང་ནས་མིང་སྙན་གྲགས་འོད་ཡོད་དིང་། ཐུགས་ཉིད་དིང་ཤེས་རབ་ཀྱིས་ཁྱབ་འོད་ཡོད་སྐྱེས་པ་བདུན་འདོམས་ཤིག ཉེད་ཀྱ་ཀྱིས་མི་དེ་ཀྱ་ལེ་ཉིན་རེའི་ཟས་སྐལ་གཉེར་རྒྱུ་ལས་འགན་འདི་བསྐོས་ཀྱི་ཡིན། 4ཡིན་ནའང་། ཉེད་ཀྱ་ཀྱིས་དཀོན་མཆོག་ལེ་གསོལ་བ་སྨོན་ལམ་འདེབས་རྒྱུ་དིང་། བསླབ་བྱ་སྟོན་རྒྱུ་ལས་དེ་ལེ་བརྩོན་འགྲུས་བགྱིད་ཀྱི་ཡིན་ཟིན་སྨྲས་པི་དིག 5དེ་ནས་དད་པ་བགྱིད་མཁན་ཡེ་རེས་གྲོས་དེ་ལེ་མོས་མཐུན་བྱས་པི་མ་ཟད། ཁོང་ཀྱ་ཀྱིས་ཟང་དད་པ་དིང་དམ་པའི་ཐུགས་ཉིད་ཀྱིས་ཁྱབ་འོད་ཡོད་སེ་ཏེ་ཕཱན་ཟེར་མཁན་ཁོ་དིང་། ཕི་ལིབ། པོ་རོ་ཀུ་རུ། ནི་ཀ་ནོར། ཏི་མོན། པར་མེ་ནཱ། ཡང་སྔོན་མ་ཡ་ཧུ་དཱ་པའི་ཆོས་ལུགས་ནང་ལེ་བཞུག་མཁན་ཨན་ཏི་ཡོག་ཡཱ་ཟེར་རི་རྒྱལ་ས་ནས་ཡིན་མཁན་ནི་ཀོ་ལཱ་ཟེར་མཁན་མི་དེ་ཀྱ་བདམས་པི་དིག 6མི་དེ་ཀྱ་སྐུ་ཚབ་དྲུང་དུ་འཁྲིད་འོངས་ཏེ། སྐུ་ཚབ་ཀྱ་ཀྱིས་ཁོང་ཀྱ་ལེ་ཕྱག་དབང་གནང་སྟེ། དཀོན་མཆོག་ལེ་གསོལ་བ་སྨོན་ལམ་བཏབ་པི་དིག#6.6 ཕྱག་དབང་གནང་རྒྱུ་དེའི་དོན་དེ་ནི། ལས་འགན་བསྐོས་རྒྱུ་དིང་། དད་པ་བགྱིད་མཁན་གྱིས་ལས་འགན་དེ་ལེ་མོས་མཐུན་བྱས་པའི་རྟགས་ཞིག་ཡིན་དིག 7དེ་ནས་དཀོན་མཆོག་གི་བཀའ་དེ་ཕྱོགས་ཀུན་ལེ་རིམ་བ་བཞིན་དུ་ཁྱབ་ཕེན། ཡེ་རུ་ས་གླིང་རྒྱལ་ས་ལེ་དད་པ་བགྱིད་མཁན་མང་པོ་འཕེལ་འགྲོ་བ་མ་ཟད། ཡ་ཧུ་དཱ་པའི་མཆོད་པ་འབུལ་མཁན་ཀྱ་ནང་ནས་མང་པོ་ཞིག་གིས་ཟང་སྐྱབས་མགོན་ཡེ་ཤུ་ལེ་དད་པ་བྱས་པི་དིག

སེ་ཏེ་ཕཱན་འཛིན་བཟུང་བྱས་པ།

8དེ་ནས་སེ་ཏེ་ཕཱན་ལེ་དཀོན་མཆོག་གི་ཐུགས་རྗེ་གཟིགས་སྐྱོང་དིང་མཐུ་ནུས་པས་ཁྱབ་ཕེན། ཁོས་མི་ཀྱ་ནང་ནས་ངོ་མཚར་ཆེ་བོའི་རྟགས་མང་པོ་བསྟན་པི་དིག 9ཡིན་ནའང་། རང་དབང་ཅན་ཟེར་རི་ཡ་ཧུ་དཱ་པའི་ཚོགས་ཁང་ནང་ལེ་འོད་ཡོད་ཀི་རེ་ནེ་དིང་། ཨ་ལིག་ཟན་དྲི་ཡཱ་ཟེར་རི་རྒྱལ་སའི་མི་ཁ་ཤས་དིང་། ཀི་ལིག་ཡཱ་དིང་ཨེ་ཞེ་ཡཱ་ཟེར་རི་ལུང་པ་ལེ་སྡོད་མཁན་ཡ་ཧུ་དཱ་པ་ཀྱ་ཀྱིས་སེ་ཏེ་ཕཱན་ལེ་རྩོད་གླེང་བྱས་པི་དིག 10དེ་ནས་སེ་ཏེ་ཕཱན་གྱིས་བློ་ཤེས་རབ་དིང་དམ་པའི་ཐུགས་ཉིད་ཀྱི་བརྒྱུད་ནས་ལབ་སྨྲས་ཕེན། མི་དེ་ཀྱ་ཀྱིས་ཁོ་ལེ་འགེག་རྒོལ་བགྱིད་མ་ཐུབ་པི་དིག 11དེ་ནས་མི་དེ་ཀྱ་ཀྱིས་མི་འདི་ནི་ལུང་སྟོན་པ་མོ་ཤེ་དིང་དཀོན་མཆོག་ལེ་སྐུར་བ་འདེབས་གྱོ་འོད་དི་ཉེད་ཀྱ་ཀྱིས་ཐོས་བྱུང་སྨྲོས་ཟིན་མི་གཞན་ལེ་ལྐོག་ཏུ་ངན་བསྐུལ་བྱས་ཏེ་ཟེར་དུ་བཅུག་པི་དིག 12ཡང་མི་དེ་ཀྱ་ཀྱིས་ཡུལ་མི་དིང་། རྒན་མི་ཀྱ་དིང་། ཆོས་ཁྲིམས་མཁས་པའི་མི་ཀྱ་ལེ་ངན་བསྐུལ་བྱས་ཏེ། གྲོས་ཚོགས་ཀྱི་མདུན་དུ་བཙན་དབང་ངང་ནས་སེ་ཏེ་ཕཱན་ཁྲིད་དི་དིག 13དེ་ནས་མི་དེ་ཀྱ་ཀྱིས་དཔང་པོ་རྫུས་མ་བཙལ་ཏེ། མི་འདི་ནི་ནམ་ཡིན་ནའང་། འུའི་མཆོད་ཁང་རྩལ་ཆེན་དིང་། མོ་ཤེ་ལེ་དཀོན་མཆོག་གིས་གནང་བའི་ཆོས་ཁྲིམས་དེ་ལེ་སྐུར་བ་འདེབས་ཀྱི་འདུག 14ཅི་ལེ་ཟེར་ནི། དེ་སྔོན་ནཱ་ཙ་རེལ་པ་ཡེ་ཤུ་ཟེར་མཁན་ཁོས་མཆོད་ཁང་རྩལ་ཆེན་དེ་བཤིག་གྱི་ཡིན་ཟེར་རི་མ་ཟད། ལུང་སྟོན་པ་མོ་ཤེས་འུ་ཀྱ་ལེ་གནང་བའི་ཆོས་ཁྲིམས་དེ་ཟང་། སྒྱུར་བ་གཏོང་གྱི་ཡིན་ཟེར་རི་ཉེད་ཀྱ་ཀྱིས་ཐོས་བྱུང་ཟིན་སྨྲས་པི་དིག 15ཡང་གྲོས་ཚོགས་ཀྱི་དྭངས་རའི་ནང་ལེ་སྡོད་མཁན་མི་ཡེ་རེས་སེ་ཏེ་ཕཱན་གྱི་ངོ་གདོང་ལེ་མིག་བལྟས་ཕེན། ཁོའི་ངོ་གདོང་དེ་ནི། དཀོན་མཆོག་གི་ཕོ་ཉའི་ཞལ་རས་དིང་ཅོག་འདྲ་འོད་ཟེར་ཤར་འོད་དི་མཐོང་པི་དིག །

Currently Selected:

མཛད་པ། 6: DLPO

Highlight

Copy