YouVersion Logo
Search Icon

མཛད་པ། 4

4
ལེའུ་བཞི་པ།
པེ་ཏྲོ་​དིང་​ཡོ་ཧ་ནན་​ཁོ་གཉིས་​ལེ་​དྲི་རྩད་བྱས་པ།
1ཡང་​པེ་ཏྲོ་​དིང་​ཡོ་ཧ་ནན་​ཁོ་གཉིས་​ཀྱིས་​མི་​ཀྱ་​ལེ་​གཏམ་ཤོད་རྒྱ། ཡ་ཧུ་དཱ་པའི་​མཆོད་པ་འབུལ་མཁན་​ཀྱ་​དིང་​། མཆོད་ཁང་​སྲུང་མཁན་གྱི་དམག་​དཔོན​། སཱ་ཅུ་སེ་པའི་ཕྱོགས་ཁག་ནང་ནས་མི་ཁ་ཤས་​ཁོ་​གཉིས་​འོད་​ས་ལེ་​འོངས་པི་​དིག 2ཅི་ལེ་ཟེར་ནི། པེ་ཏྲོ་​དིང་​ཡོ་ཧ་ནན་​ཁོ་གཉིས་ཀྱིས་​མི་ཚོགས་ལེ་ཆོས་​གསུངས་​པི་དིང་​། ཡེ་ཤུ་ལེ་བརྟེན་ཏེ་གཤིན་པོ་​ཀྱ་ཡང་དང་​གསོན་པོའི་དོན་དེའི་སྐོར་ལེ་ཆོས་བསྟན་ཕེན། མཆོད་པ་འབུལ་མཁན་དེ་ཀྱ་སུན་སྣང་ཆེན་པོ་བྱུང་ཕེན། 3ཁོ་​གཉིས་​ལེ་འཛིན་བཟུང་​བྱས་​ཏེ་​སྔ་རོག་​བར་དུ་བཙོན་​ལེ་​བོར་​རི་​དིག ཅི་ལེ་​ཟེར་​ནི། གནས་ཚུལ་དེ་དགོང་མོའི་དུས་ལེ་བྱུང་ཕེན་སྲོད་​རུབ་​འགྲོ་​འོད་དིག 4ཡིན་ནའང་​། ཁོ་གཉིས་ཀྱིས་བསྟན་པའི་ཆོས་​དེ་ལེ་​ཉན་​མཁན་ཀྱ་​ནང་​ནས་​མི་​མང་པོ་ཞིག་གིས་​དད་པ་​བྱས་​པི་​དིག དེ་རྒྱ་དད་པ་​བགྱིད་​མཁན་​སྐྱེས་པ་​པ་རྐྱང་​སྟོང་ཕྲག་ལྔ་​ཚོད་​སླེབས་​འོད་​དིག
5དེའི་​སྔ་དྲོ་​ཡ་ཧུ་དཱ་པའི་དཔོན་པོ་དིང་། རྒན་མི​། ཆོས་ཁྲིམས་​མཁས་པ་དིང་། 6ཡང་ཡ་ཧུ་དཱ་པའི་མཆོད་པ་འབུལ་མཁན་​གཙོ་བོ་ཨ་ནཱ་སི་​དིང་​། ཀ་ཡ་ཕཱ། ཡོ་ཧ་ནན། ཨ་ལིག་ཟན་ཊེར་​ཟེར་མཁན་​དེ་ཀྱ་དིང་​། མཆོད་པ་འབུལ་མཁན་གཙོ་བོའི་གཉེན་ཚན་གཞན་མ་​ཀྱ་​ཟང་​ཡེ་རུ་ས་གླིང་རྒྱལ་ས་ལེ་​འཛོམས་​འོངས་པི་དིག 7སྲུང་དམག་ཀྱ་ཀྱིས་པེ་ཏྲོ་དིང་ཡོ་ཧ་ནན་​ཁོ་​གཉིས་​ནི་མི་དེ་ཀྱ་ཀྱི་དགུང་​ལེ་​བསླངས་ཏེ། ཁྱེད་​གཉིས་​ཀྱིས་སུའི་ནུས་མཐུ་དིང་། སུའི་མིང་ལེ་བརྟེན་ཏེ། དོན་འདི་བགྱིད་དི་ཡིན་དོ་ཟིན་དྲིས་​པི་​དིག 8དེ་ནས་​པེ་ཏྲོ་​ལེ་​དཀོན་མཆོག་གི་དམ་པའི་ཐུགས་ཉིད་ཀྱིས་​ཁྱབ་​ཕེན། ཁོས་མི་འདི་ཀྱ་ལེ། ཁྱེད་དཔོན་​རིགས་​དིང་། རྒན་​མི་​ཀྱ། 9གལ་སྲིད་ནད་པ་ཞིག་ལེ་ཉེད་གཉིས་​ཀྱིས་སྙིང་རྗེ་​ངང་​ནས་​ཁོ་ནད་ནས་གསོས་པའི་​དེའི་སྐོར་ལེ། ཁྱེད་ཀྱ་ཀྱིས་ད་རིང་ཉེད་ལེ་འདྲི་གཅོད་​བགྱིད་​དི་​ཡིན་ནི། 10ཁྱེད་ཀྱ་ཀྱིས་གདུང་མ་ཀུ་རུ་ཁ་ལེ་བསད་དི་དེ་ནི། དཀོན་མཆོག་གིས་ཡང་དང་འཆི་བ་ནས་གསོན་པོ་བསླངས་པའི་ནཱ་ཙ་རེལ་​པ་སྐྱབས་མགོན་ཡེ་ཤུའི་མཚན་གྱི་བརྒྱུད་ནས་མི་འདི། ཁྱེད་ཀྱ་ཀྱི་མདུན་དུ་ན་ཚ་དྲག་པི་ཡིན་དི་ནི་ཁྱེད་ཡི་སི་ར་ཨེལ་པ་ཡེ་རེས་ཧ་གོ་​བར་གྱིས་ཤིག 11གསུང་རབ་​ཀྱི་​མདོ་ནང་ལེ།
ཁྱེད་ཀྱ་ཀྱི་རྩིག་དཔོན་​གྱིས་​མ་​ལོས་པའི་​རྡོ་​ནི། །
ཁང་​པའི་རྨང་རྡོ་​ལེ་གྱུར་བ་དེ་ཡིན་དིག །
ཟིན་​གསུངས་​པི་དེ་ནི་ཡེ་ཤུ་ཁོང་རང་ཡིན་དིག#4.11 ཚིགས་བཅད་འདི་ནི་གསུང་མགུར་མདོ་ལེའུ་ 118 ཨང་ 22 ནང་ལེ་གཟིགས་རོགས། 12ཐར་པ་དེ་ནི་ཁོང་ནས་མ་གཏོགས་གཞན་སུ་ཞིག་གི་བརྒྱུད་ནས་ཐོབ་སྲིད་རྒྱུ་མེད་དིག ཅི་ལེ་​ཟེར་​ནི། འུ་​ཀྱ་​ལེ་​ཐར་པ་དེ་​ཐོབ་རྒྱུ་​ཆེད་དུ། མི་ཀྱ་ཀྱི་ནང་ནས་ཁོང་གི་མཚན་འདི་ལེ་མ་གཏོགས། ནམ་འོག་གཞན་སུ་ཞིག་ལེ་ཟང་ཐར་པ་གནང་རྒྱུ་ནུས་པ་གནང་མེད་དིག་ཟིན་སྨྲས་པི་དིག
13དེ་རུ་འོད་ཡོད་མི་ཀྱ་​ཀྱིས་​པེ་ཏྲོ་​དིང་​ཡོ་ཧ་ནན་​ཁོ་གཉིས་​ཀྱིས་བློ་སྟོབས་ཆེན་པོས་ངང་ནས་བཤད་དི་མཐོང་​པི་མ་ཟད། ཁོང་​གཉིས་​ནི་​སློབ་སྦྱོང་​མེད་​མེད་​མི་​དཀྱུས་མ་​ཞིག་​ཡིན་​དི་ཧ་གོ་སྟེ་ཧ་ལས་ཆེན་པོ་སྐྱེས་ཕེན​། ཁོ་​གཉིས་​ནི་ཡེ་ཤུའི་སྐྱེན་འདྲ་​ཡིན་​དི་​ཧ་གོ་​པི་​དིག 14ཡིན་ནའང་། དྲག་​འོད་ཡོད་ཞ་རིལ་ཁོ་​ཟང་​ཁོ་​གཉིས་​ཀྱི་​རྩ་ལེ་​ལངས་​ཏེ་​བསྡད་​འོད་དི་​མཐོང་​ཕེན། མི་​དེ་​ཀྱ་​ཀྱིས་​ཁོ་​གཉིས་​ལེ་ཅི་གང་ཟེར་​མ་​ནུས་​པི་​དིག 15དེ་ནས་​མི་དེ་ཀྱ་ཀྱིས་པེ་ཏྲོ་དིང་ཡོ་ཧ་ནན་ཁོ་​གཉིས་​ཁྲིམས་ར་​ནས་​ཕྱི་ལེ་འདོན་དགོས་པའི་བཀའ་བཏང་སྟེ། ཕན་ཚུན་​གཅིག་གིས་གཅིག་​ལེ། 16ད་འོ་རང་ཀྱ་​མི་​དེ་གཉིས་​ལེ་​ཅི་གི་​ཞིག་བགྱིད་​ཀྱི་དོ། ཁོ་​གཉིས་​ཀྱིས་​བྱས་པའི་ཡ་མཚན་གྱིས་ལས་དེ་​ནི། ཡེ་རུ་ས་གླིང་​ལེ་​འོད་​ཡོད་མི་ཀུན་གྱིས་​ཧ་གོ་​འོད་ཕེན། འུ་​ཀྱ་​ཀྱིས་​དོན་དེ་ངོ་ཐོག་​མ་དིག་​ཟེར་​ནུས་​རྒྱུ་​མེད་དིག 17ཡིན་ནའང་། དོན་འདི་མི་ཚོགས་ནང་ལེ་​སྔོན་མ་ལས་​ལྷག་​ཚོད་​ཁྱབ་མི་འགྲོ་བའི་​ཆེད་དུ། ཁོ་​གཉིས་​ལེ་​དུས་ད་​ནས་​ཕྱིན་ཆད། མི་​འདིའི་​མིང་​གི་བརྒྱུད་ནས་མི་​སུ་ལེ་​ཟང་གཏམ་གླེང་བགྱིད་​མི་ཆོག་འོད་ཟིན་​ནན་ཏན་​བྱས་​ཏེ་​ཟེར་​རོ་​ཟིན་གྲོས་​བསྡུར་བྱས་​པི་དིག 18ཡང་མི་དེ་ཀྱ་ཀྱིས་པེ་ཏྲོ་​དིང་​ཡོ་ཧ་ནན་​ཁོ་​གཉིས་​ཡང་དང་ནང་ལེ་སྐད་བཏང་སྟེ། ཡེ་ཤུའི་​སྐོར་​ལེ་​དུས་ནམ་​ཡིན་ནའང་​། མི་​གཞན་མ་​ལེ་​གཏམ་གླེང་མ་བགྱིད་ཅིག ཡང་​ཆོས་​ཟང་​སྟོན་མི་​ཆོག་​འོད་​ཟིན་​བཀའ་​བཏང་པི་དིག 19ཡིན་ནའང་། པེ་ཏྲོ་​དིང་​ཡོ་ཧ་ནན་​ཁོ་གཉིས་​ཀྱིས་​མི་དེ་ཀྱ་ལེ། ཁྱེད་​ཀྱ་​ཀྱིས་སྨྲས་པའི་གཏམ་ལེ་ཉན་རྒྱུ། ཡང་ནི། དཀོན་མཆོག་གི་བཀའ་ལེ་ཉན་རྒྱུ་དེ་གཉིས་ནང་ནས་དཀོན་མཆོག་གི་དྲུང་དུ་ཅི་བདེན་པ་ཡིན་མིན་དེ་ནི། ཁྱེད་ཀྱ་​ཀྱིས་ཐག་གཅོད་​བགྱིད་​རོགས། 20ཉེད་​གཉིས་​ཀྱིས་​ཅི་​མཐོང་​པི་དིང་​ཅི་​ཐོས་པི་དེ་ཡེ་རེ་མི་ཀྱ་ལེ་མ་བཤད་​དེ་​སྡོད་​རྒྱུ་​མན་ཟིན་སྨྲས་​པི་​དིག 21-22ཡང་​མི་དེ་ཀྱ་​ཀྱིས་​ཁོ་​གཉིས་​ལེ། ཡང་དང་​རྫིག་རྫིག་བཏང་སྟེ་ཕྱི་​ལེ་​བརྫངས་​པི་​དིག ཅི་​ལེ་ཟེར་​ནི། ངོ་མཚར་གྱི་རྟགས་ཀྱིས་དྲག་ཏུ་བཅུག་པའི་མི་དེ་ནི། ལོ་​བཞི་བཅུ་​ལྷག་ཚོད་​རྐང་པ་ཞ་རིལ་​ལེ་​ལུས་​པི་མ་ཟད། ད་ལྟ་​དྲག་པའི་དོན་​ངོ་མཚར་​འདི་​མཐོང་​མཁན་​མི་ཀྱ་ཀྱིས་​དཀོན་མཆོག་​ལེ་​བསྟོད་པ་​འབུལ་​གྱོ་​འོད་​ཕེན། ཆོས་ཀྱི་གྲོས་ཚོགས་ཀྱི་མི་ཀྱ་ཀྱིས་​དེ་རུ་འོད་ཡོད་མི་ཚོགས་ཀྱ་ལེ་འཇིགས་ཏེ། ཁོ་​གཉིས་​ལེ་​ཉེས་ཆད་གཏོང་​མ་ནུས་པི་དིག
བློ་སེམས་གཅིག་མཐུན་གྱིས་གསོལ་བ་སྨོན་ལམ་བཏབ་པ།
23དེའི་རྗེས་ལེ། ཁོ་​གཉིས་​དེ་ནས་ཐར་​ལོང་མེད་ཆོས་གྲོགས་​ཀྱ་​འོད་​ས་​ལེ་​ཕྱིན་​ཏེ། མཆོད་པ་འབུལ་མཁན་ཀྱ་དིང་​། རྒན་​མི་​ཀྱ་​ཀྱིས་​ཁོ་གཉིས་ལེ་ཅི་​སྨྲས་​པི་དེ་ཡེ་རེ་​བཤད་​དི་​དིག 24ཡང་ཁོང་​ཡེ་རེ​ས་​ཟང་​གཏམ་དེ་​ཐོས་ཕེན། བློ་​སེམས་​གཅིག་​བྱས་​ཏེ་​སྐད་​ཤུགས་​ཆེན་པོས་​ངང་ནས་གསོལ་བ་སྨོན་ལམ་བཏབ་སྟེ། ཇོ་བོ་དཀོན་མཆོག ཁྱེད་ཀྱིས་གནམ་ས་གཉིས་དིང་། རྒྱ་མཚོ། དེའི་ནང་ལེ་འོད་ཡོད་​ཡེ་རེ་​བཀོད་གནང་པི་དིག 25-26ཁྱེད་​ཀྱིས་དམ་པའི་ཐུགས་ཉིད་​ཀྱི་བརྒྱུད་ནས་ཁྱེད་ཀྱི་ཞབས་ཕྱི་ཉེད་ཀྱ་ཀྱི་​མེས་མེས་​དཱ་བིད་​ཀྱི་ངག་ནས།
ཕྱིའི་མི་རིགས་དེ་ཀྱ་ཀྱིས་​ཁོང་ལེ་ཅི་ལེ་ཞེ་སྡང་​ལང་གི་ཡིན་ནེ། །
མི་​རྒྱུད་ཀྱ་ཀྱིས་ཁོང་ལེ་དོན་​མེད་​ཅི་ལེ་ཁོང་ཁྲོ་ལང་གི་ཡིན་ནེ། །
ཇོ་བོ་​དཀོན་མཆོག་​གིས་བརྫངས་པའི་སྐྱབས་མགོན་​ཁོང་ལེ། །
ངོ་ལོག་བགྱིད་རྒྱུ་ཆེད་དུ་​ས་སྟེང་གི་རྒྱལ་པོ་ཀྱ་སྐྱེན་ལེ་འཛོམས། །
ཟིན་​གསུངས་​འོད་དིག#4.25-26 ཚིགས་བཅད་འདི་ནི་གསུང་མགུར་མདོ་ལེའུ་ 2 ཨང་ 1-2 ནང་ལེ་གཟིགས་རོགས། 27དོན་དེ་ངོ་ཐོག་རྒྱལ་ས་​དེ་​ལེ་བྱུང་པི་དིག ཅི་ལེ་ཟེར་ནི། རྒྱལ་པོ་​ཧེ་རོ་དཱེ་​དིང་། སྤྱི་དཔོན་​ཕོན་ཏི་པི་ལ་ཏི། ཡང་ཕྱིའི་​མི་ཀྱ་​དིང་། ཡི་སི་ར་ཨེལ་​པའི་མི་​ཀྱ་​འཛོམས་​ཏེ། ཁྱེད་ཀྱ་​ཀྱིས་སྣུམ་བྱུགས་ཏེ་བདམས་པའི་​ཞབས་ཕྱི་​དམ་པ་​ཡེ་ཤུ་ལེ་​འགེག་རྒོལ་​བྱས་​པི་​དིག#4.27 གནའ་སྔ་མོའི་དུས་ལེ་ལུང་སྟོན་པས་རྒྱལ་པོ་ཞིག་བདམས་རྒྱ། མི་འདིའི་མགོ་ལེ་སྣུམ་བྱུགས་པའི་ལུགས་སྲོལ་འོད་དིག 28དེ་ནི་​ཁྱེད་​ཀྱི་​དབང་​དིང་​ཐུགས་དགོངས་​ཀྱིས་བརྒྱུད་ནས་​དོན་ཆེན་​དེ་​སྔོན་མའི་​དུས་​ནས་​ཕེན། འོང་​རྒྱུ་​ཡིན་དི་ཐག་བཅད་དི་ཅོག་འདྲ། མི་དེ་​ཀྱ་​ཀྱིས་ཟང་​སྒྲུབ་རྒྱུ་ཆེད་དུ་ཡིན་དིག 29ད་ལྟ་​མི་དེ་​ཀྱ་​ཀྱིས་​ཉེད་​ལེ་​འཇིག་སྐུལ་གྱི་གཏམ་ཤོད་གྱོ་འོད་དི་དེ་ནི། ཇོ་བོ་དཀོན་མཆོག་​ཁྱེད་​ཀྱིས་ཟང་​གཟིགས་གནང་གྱོ་​འོད་དིག ཁྱེད་​ཀྱི་​ཞབས་ཕྱི་​ཉེད་​ཀྱ་​ཀྱིས་​ཁྱེད་ཀྱི་བཀའ་དེ་བློ་སྟོབས་ཆེན་པོས་ངང་ནས་ཤོད་རྒྱུ་ལེ་ནུས་པ་དིང་​། 30ན་ཚ་དྲག་རྒྱུ་ཆེད་དུ་ཁྱེད་ཀྱི་ཕྱག་རྐྱོངས་དང་​། ཁྱེད་​ཀྱི་​ཞབས་ཕྱི་​དམ་པ་​ཡེ་ཤུའི་མཚན་གྱི་བརྒྱུད་ནས་རྟགས་དིང་ངོ་མཚར་ཆེ་བའི་དོན་དེ་སྒྲུབ་པར་ཤོག་ཟིན་​གསོལ་བ་སྨོན་ལམ་བཏབ་པི་དིག 31ཁོང་​ཀྱ་​ཀྱིས་གསོལ་བ་སྨོན་ལམ་བཏབ་ནུས་པའི་རྗེས་ལེ། ཁོང་ཀྱ་ཀྱི་སྡོད་སའི་​ཁང་པ་​དེ་ཟང་ཡོམ་ཡོམ་​བྱས་པི་མ་ཟད། ཁོང་ཀྱ་ལེ་ཟང་​དམ་པའི་ཐུགས་ཉིད་​ཁྱབ་​ཏེ། བློ་སྟོབས་ཆེན་པོ་སྐྱེས​་ཕེན་དཀོན་མཆོག་​གི་​བཀའ་བཤད་དི་དིག
ཁོང་ཀྱ་ལེ་འོད་ཡོད་རྒྱུ་ནོར་དེ་སྤྱི་མ་བྱས་པ།
32ཡང་དད་པ་​བགྱིད་​མཁན་​ཀྱ་​ཀྱིས་བློ་སེམས་​གཅིག་མཐུན་བགྱིད་དི་མ་ཟད། ཁོང་ཀྱ་ཀྱི་ནང་ལེ་མི་སུ་ཞིག་ལེ་​རྒྱུ་ནོར་​ཅི་འོད་ནའང་། ངའི་ཡིན། ཁོའི་ཡིན་མ་སྨྲས་ཏེ་རྒྱུ་ནོར་དེ་ཡེ་རེ་​སྤྱི་མ་​བགྱིད་འོད་དིག 33སྐུ་ཚབ་​ཀྱ་​ཀྱིས་ཟང་​ནུས་མཐུ་​ཆེན་པོས་ངང་​ནས། ཇོ་བོ་​ཡེ་ཤུ་​འཆི་བ་ནས་​ཡང་དང་​སྐུ་​གསོན་མཛད་པི་​དེ་​ལེ་​དཔང་པོ་​བྱས་​པི་མ་ཟད། དད་པ་​བགྱིད་​མཁན་​ཡེ་རེ་​ལེ་​ཟང་​དཀོན་མཆོག་​གི་​ཐུགས་རྗེ་གཟིགས་སྐྱོང་དེ་​ཐོབ་པི་​དིག 34དད་པ་​བགྱིད་​མཁན་​ནང་​ནས་​སྤྲང་ཕྱུག་​གཅིག་​ཟང་​མེད་དིག ཅི་ལེ་ཟེར་ནི། ས་ཞིང་​དིང་​ཁང་པ་​འོད་ཡོད་​ཡེ་རེ་​བཙོངས་​ཏེ། 35རིན་པ་དེ་ནི་སྐུ་ཚབ་​ཀྱ་ཀྱི་ལག་ལེ་བོར་རི་མ་ཟད། ཁོང་ཀྱ་ཀྱིས་ཟང་​མི་སུ་​ལེ་​དགོས་པ་​འོད་​ནི་​འོ་དེ་​ཀྱ་​ལེ་​བགོས་ཏེ་སྟེར་གྱོ་འོད་དིག 36ཡང་ཀིབ་རུ་་གླིང་ཕྲན་​ནས་​ཡིན་དི་སྐྱེས་པ་ཡོ་སེབ་ཟེར་མཁན་ཞིག་འོད་དིག ཁོང་རང་ནི་ལེ་​ཝི་པ་ཞིག་ཡིན་དིག སྐུ་ཚབ་​ཀྱ་​ཀྱིས་ཁོའི་མིང་ལེ་​པར་ན་པཱ་​ཟིན་བཏགས་པི་དིག མིང་​དེའི་​དོན་དག་​ནི་བློ་སྟོབས་སྤེལ་མཁན་ཟེར་​རི་དིག 37ཁོ་རང་ལེ་འོད་ཡོད་​ཞིང་​ཁ་ཤས་ཞིག་བཙོངས་ཏེ། དེའི་དངུལ་དེ་​སྐུ་ཚབ་པ་​ཀྱ་​ཀྱི་​ལག་ལེ་གཏད་དི་​དིག །

Currently Selected:

མཛད་པ། 4: DLPO

Highlight

Share

Copy

None

Want to have your highlights saved across all your devices? Sign up or sign in