མཛད་པ། 3

ལེའུ་གསུམ་པ།

སྐུ་ཚབ་པེ་ཏྲོས་སྤྲང་པོ་ཞ་རིལ་ཞིག་དྲག་ཏུ་བཅུག་པ།

1ཉིན་མ་ཞིག་སྐུ་ཚབ་པེ་ཏྲོ་དིང་ཡོ་ཧ་ནན་ཁོ་གཉིས་ཉིན་དགུང་ཚོད་ལེ་ནམ་རྒྱུན་ཅོག་འདྲ། སྨོན་ལམ་འདེབས་རྒྱུ་ཆེད་དུ་མཆོད་ཁང་ལེ་འགྲོ་འོད་དིག 2མཆོད་ཁང་དེ་རུ་སྐྱེས་དུས་ནས་ཕེན་རྐང་པ་ཞ་རིལ་བྱུང་པི་མི་ཞིག་འོད་དིག མི་གཞན་མ་ཀྱ་ཀྱིས་ཟང་རྐང་པ་ཞ་རིལ་ཁོ་འཁྱེར་འོང་སྟེ། ཉིན་གྲངས་མཆོད་ཁང་ནང་ལེ་འགྲོ་མཁན་ཀྱ་ལེ་སློང་མོ་སློང་རྒྱུ་ཆེད་དུ་མཆོད་ཁང་གི་རྒྱས་སྒོ་མཛེས་པོ་ཟེར་རི་མདུན་དུ་འབོར་གྱོ་འོད་དིག 3སློང་མཁན་ཁོས་པེ་ཏྲོ་དིང་ཡོ་ཧ་ནན་ཁོ་གཉིས་མཆོད་ཁང་ནང་ལེ་འགྲོ་བ་མཐོང་སྟེ། ཁོས་ཁོ་གཉིས་ལེ། སློང་མོ་ཞིག་སྦྱིང་དང་སྨྲས་ཕེན། 4ཁོ་གཉིས་ཀྱིས་སློང་མཁན་ཁོ་ལེ་ཧྲིག་གེར་བལྟས་ཏེ། པེ་ཏྲོས་སློང་མཁན་ཁོ་ལེ། ཁྱོད་ཉེད་ལེ་ལྟོས་དང་སྨྲས་ཏེ། 5སློང་མཁན་ཁོས་ཟང་རང་ལེ་ཅིག་འཐོབ་རྒྱུ་རེ་བའི་ངང་ནས། ཁོ་གཉིས་ལེ་དོ་སྣང་བྱས་ཏེ་བལྟས་པི་དིག 6ཡང་པེ་ཏྲོས་སློང་མཁན་ཁོ་ལེ། ང་ལེ་གསེར་དངུལ་ནི་གཅིག་ཟང་སྟེར་རྒྱུ་མེད། ང་ལེ་ཅི་འོད་ཡོད་དེ་ཁྱོད་ལེ་སྟེར་རོ། ནཱ་ཙ་རེལ་པ་སྐྱབས་མགོན་ཡེ་ཤུའི་མཚན་གྱི་ནང་ལེ། ཁྱོད་རང་ཡར་ལོང་གོམ་པ་རྒྱོབ་སྨྲས་ཏེ། 7པེ་ཏྲོས་སློང་མཁན་གྱི་ལག་ག་གཡས་པ་ནས་འཇུས་ཏེ་ཡར་བསྐྱོར་ཏེ་ལངས་དུ་བཅུག་ལོང་མེད། ཁོའི་རྐང་པ་དྲག་སྟེ་བརྟན་པོ་བཙུག་ཐུབ་པི་དིང་། 8མཆོངས་ཏེ་འགྲོ་ཐུབ་ཕེན། པེ་ཏྲོ་དིང་ཡོ་ཧ་ནན་ཁོ་གཉིས་སྐྱེན་ལེ་གོམ་པ་བརྒྱབ་པི་མ་ཟད། དཀོན་མཆོག་ལེ་བསྟོད་པ་འབུལ་གིན་མཆོད་ཁང་ནང་ལེ་བུད་དི་དིག 9དེ་ནས་འདི་རུ་འོད་ཡོད་མི་ཡེ་རེས་ཞ་རིལ་ཁོ་རང་ནི་ཡར་ལངས་ཏེ་འགྲོ་བ་དིང་། དཀོན་མཆོག་ལེ་བསྟོད་པ་འབུལ་ལི་མཐོང་ཕེན། 10མི་དེ་ཀྱ་ཀྱིས་ཟང་སྔོན་མ་མི་ཀྱ་ལེ་སློང་རྒྱུ་ཆེད་དུ། རྒྱལ་སྒོ་མཛེས་པོའི་འགྲམ་ལེ་སྡོད་མཁན་སྤྲང་སློང་ཁོ་མ་གས་ཟིན་ཧ་ལས་དིང་ཡ་མཚན་ཆེན་པོ་སྐྱེས་པི་དིག

སྐུ་ཚབ་པེ་ཏྲོས་མཆོད་ཁང་ནང་ལེ་ཆོས་གསུངས་པ།

11དེ་ནས་སློང་མཁན་ཁོས་པེ་ཏྲོ་དིང་ཡོ་ཧ་ནན་ཁོ་གཉིས་ལེ་འཐམས་ཏེ། སོ་ལོ་མོན་ཟེར་རི་དྭངས་རའི་ནང་དུ་སྐྱེན་ལེ་འགྲོ་རྒྱ། མི་ཡེ་རེ་ཧ་ལས་འཇུ་གུ་བྱུང་ཕེན། ཁོ་འོད་ས་ལེ་བལྟ་རུ་འོངས་པི་དིག 12པེ་ཏྲོས་མི་དེ་ཀྱ་ཀྱིས་ཧ་ལས་བགྱིད་དི་མཐོང་ཕེན། ཁྱེད་ཡི་སི་ར་ཨེལ་པ་ཀྱ་ཧ་ལས་སྣང་དིང་། ཅི་ལེ་ཉེད་ཀྱ་ལེ་ནན་ཏན་བྱས་ཏེ་ལྟ་ཡིན་དོ། ཉེད་གཉིས་ཀྱིས་ཆོས་སེམས་དིང་། ཡང་ནི་མཐུ་ནུས་ལེ་བརྟེན་ཏེ། ཁོ་འགྲོ་ཐུབ་རྒྱུ་འོད་ཡོད་བྱུང་པི་ཡིན་དིག་བསམ་གྱི་གས། 13ཨབ་ར་ཧམ་དིང་ཨི་སཱག ཡ་ཀོབ་ཀྱི་དཀོན་མཆོག་ནི། འུ་ཀྱ་ཀྱི་མེས་མེས་ཀྱི་དཀོན་མཆོག་ཡིན་དི་མ་ཟད། དཀོན་མཆོག་གིས་རང་གི་ཞབས་ཕྱི་ཡེ་ཤུ་ལེ་གཟི་བརྗིད་ཐོབ་རྒྱུ་ཆེད་དུ་འོ་དེ་གི་མཛད་པི་དིག ཡང་དེ་སྔོན་སྤྱི་དཔོན་པི་ལ་ཏི་ཁོས་ཡེ་ཤུ་ལེ་གློད་རྒྱུ་ཐག་གཅོད་བྱས་ནའང་། པི་ལ་ཏིའི་མདུན་དུ་ཁྱེད་ཀྱ་ཀྱིས་ཡེ་ཤུ་ལེ་ངོ་ལོག་བྱས་པི་དིག 14ཁྱེད་ཀྱ་ཀྱིས་སྐྱེས་བུ་དམ་པ་དིང་རྣམ་པར་དག་པ་ཁོང་ལེ་རྒྱབ་ལོག་བྱས་ཏེ། མི་སོད་མཁན་ཁོ་བཙོན་ནས་གློད་རོགས་གྱིས་ཟིན་ཞུ་བ་ཕུལ་ལི་མ་ཟད།#3.14 སྐྱེས་བུ་དམ་པ་དིང་རྣམ་པར་དག་པ་ཟེར་རི་དེ་ནི། ཇོ་བོ་ཡེ་ཤུའི་མཚན་གཞན་ཞིག་ཡིན་དིག 15ཚེ་སྲོག་གནང་མཁན་ཁོང་བསད་དི་དིག ཡིན་ནའང་། དཀོན་མཆོག་གིས་ཁོང་འཆི་བ་ནས་ཡང་དང་གསོན་པོ་མཛད་པི་དི་ལེ་ཉེད་ཀྱ་ཟང་དཔང་པོ་ཡིན། 16ཡེ་ཤུའི་མཚན་ནང་ལེ་དད་པ་བྱས་པའི་བརྒྱུད་ནས་ཁྱེད་ཀྱ་ཀྱིས་མཐོང་ས་ལེ་འོད་ཡོད་སློང་མཁན་ཞ་རིལ་འདི་ནི། ཁོང་གི་བརྒྱུད་ནས་བྱུང་བའི་དད་པ་དེས་སློང་མཁན་ཞ་རིལ་འདི་དྲག་ཏུ་བཅུག་པི་དིག་སྨྲས་པི་དིག

17ཡང་པེ་ཏྲོས་ཁྱེད་སྤུན་ཟླ་ཀྱ། ཁྱེད་ཀྱ་དིང་ཁྱེད་ཀྱ་ཀྱི་དཔོན་པོ་ཀྱ་ཀྱིས་དོན་དེ་ཅི་ཡིན་མིན་ཧ་མ་གོ་སྟེ་བྱས་པི་ཡིན་དི་ངས་ཧ་གོ་བྱུང་། 18ཡིན་ནའང་། དཀོན་མཆོག་གིས་སྔར་ལུང་སྟོན་པ་ཡེ་རེའི་ངག་བརྒྱུད་ནས། དཀོན་མཆོག་གིས་བརྫངས་པའི་སྐྱབས་མགོན་ཁོང་ལེ་དཀའ་ངལ་མྱོང་དགོས་འོད་དིག་ཟིན་གསུངས་པི་ཅོག་འདྲ་ཁོང་གིས་བསྒྲུབས་གནང་པི་དིག 19འོ་དེ་ལེ་བརྟེན་ཏེ། ཁྱེད་ཀྱ་ཀྱིས་བྱས་པི་སྡིག་པ་དེ་དཀོན་མཆོག་གིས་སྡིག་སེལ་གནང་རྒྱུ་ཆེད་དུ། སེམས་ཁུག་སྟེ་འགྱོག་བཤགས་གྱིས་ཤིག 20དཀོན་མཆོག་གི་མདུན་དུ་ཞི་བདེ་སེམས་གསོ་གནང་རྒྱུ་ཆེད་དུ། ཁོང་གིས་ཁྱེད་ཀྱ་ཀྱི་དོན་དུ་སྐྱབས་མགོན་ཡེ་ཤུ་ཁོང་ཡང་དང་འཇིག་རྟེན་ལེ་རྫོངས་གནང་གྱི་དིག 21དཀོན་མཆོག་གིས་གནའ་སྔ་མོའི་དུས་ནས་ལུང་སྟོན་པ་དམ་པ་ཀྱ་ཀྱི་ངག་ནས་གསུངས་གནང་པི་ཅོག་འདྲ། འཇིག་རྟེན་གྱི་དངོས་པོ་ཡེ་རེ་ཡང་དང་གསར་དུ་བཀོད་པའི་དུས་དེ་མ་སླེབས་བར་དུ། ཡེ་ཤུ་ནམ་མཁའི་ཞིང་ཁམས་ལེ་བཞུགས་དགོས་འོད་དིག 22ལུང་སྟོན་པ་མོ་ཤེས་ཇོ་བོ་དཀོན་མཆོག་གིས་ང་ནི་ཁྱེད་ཀྱ་ཀྱི་དོན་དུ་བརྫངས་པི་ཅོག་འདྲ། ཁྱེད་ཀྱ་ཀྱི་སྤུན་ནང་ནས་གཅིག་ལུང་སྟོན་པ་ལེ་བསྐོ་གནང་གྱི་དིག ཁྱེད་ཀྱ་ཀྱིས་ལུང་སྟོན་པ་ཁོང་གིས་ཅི་གསུང་ཡེ་རེ་ལེ་དགའ་མོ་བྱས་ཏེ་ཉོན་ཅིག 23ལུང་སྟོན་པ་དེའི་བཀའ་ལེ་མི་ཉན་མཁན་ཡེ་རེ་ནི། དཀོན་མཆོག་གིས་རང་གི་མི་རིགས་ནང་ནས་བཏོན་ཏེ་རྩ་མེད་གཏོང་གྱི་དིག་ཟིན་གསུངས་འོད་དིག#3.23 ཚིགས་བཅད་འདི་ནི་ལུང་སྟོན་པ་མོ་ཤེས་བྲིས་པའི་མདོ་ལྔ་པ་བཀའ་ལུང་ལེའུ་ 18 ཨང་ 15-19 ནང་ལེ་གཟིགས་རོགས། 24ཡང་སཱ་མུ་ཨེལ་དིང་། ཁོང་གི་རྒྱུད་པའི་རྗེས་ལེ་ཕེབས་པའི་ལུང་སྟོན་པ་ཡེ་རེས་དུས་འདིའི་སྐོར་ལེ་ལུང་བསྟན་མྱོང་འོད་དིག 25ཁྱེད་ཀྱ་ནི་ལུང་སྟོན་པ་ཀྱ་ཀྱི་བུ་རྒྱུད་ཡིན་དི་མ་ཟད། དཀོན་མཆོག་གིས་འུའི་མེས་མེས་ལེ་བོར་གནང་བའི་ཞལ་ཆད་དེ་འཐོབ་མཁན་ཟང་ཡིན་དིག དཀོན་མཆོག་གིས་ཨབ་ར་ཧམ་ལེ་ཁྱོད་ཀྱི་རྒྱུད་པ་ནས་ས་སྟེང་གི་མི་རིགས་ཡེ་རེ་ལེ་བྱིན་རླབས་འཐོབ་ཀྱི་དིག་ཟིན་གསུངས་འོད་དིག#3.25 ཚིགས་བཅད་འདི་ནི་ལུང་སྟོན་པ་མོ་ཤེས་བྲིས་པའི་མདོ་དང་པོ་བཀོད་པ་ལེའུ་ 22 ཨང་ 18 དིང་། ལེའུ་ 26 ཨང་ 4 ནང་ལེ་གཟིགས་རོགས། 26དཀོན་མཆོག་གིས་རང་གི་ཞབས་ཕྱི་ཡེ་ཤུ་ཁོང་བརྫངས་ཏེ། ཁྱེད་ཀྱ་རང་སོ་སོའི་སྤྱོད་ངན་ཀྱ་སྤངས་ཏེ་སེམས་ཁུག་ཏུ་འཇུག་རྒྱུ་དིང་། ཁྱེད་ཀྱ་ལེ་སྔོན་དང་ཤོས་བྱིན་གྱིས་རླབས་པའི་ཆེད་དུ་ཡིན་དིག །

Currently Selected:

མཛད་པ། 3: DLPO

Highlight

Copy