Zaburi 47
47
Uhoraho ni Umwami w'ikirenga
1Zaburi y'umuyobozi w'abaririmbyi, ni iy'abaririmbyi bakomoka kuri Kōra#Kōra: reba Kuv 6.16-24; 1 Amateka 6.22; Zab 42.1..
2Mwa bantu bo mu mahanga yose mwe, nimwishime!
Nimukome mu mashyi muvugirize Imana impundu!
3Koko Uhoraho Usumbabyose akwiye kubahwa,
ni Umwami w'ikirenga ugenga isi yose.
4Ashyira agahato ku mahanga akatuyoboka,
amoko yayo akaduhakwaho.
5Twebwe abakomoka kuri Yakobo, Uhoraho yaradukunze,
yadutoranyirije igihugu akiduha ho umunani udutera ishema.
Kuruhuka.
6Imana yazamutse i Siyoni bayivugiriza impundu,
Uhoraho azamuka bamuvugiriza amakondera.
7Nimuririmbire Imana, koko nimuyiririmbire!
Nimuririmbire Umwami wacu, koko nimumuririmbire!
8Koko Imana ni yo Mwami ugenga isi yose,
nimumuririmbire indirimbo yo kumusingiza.
9Imana ni yo igenga amahanga,
Imana iganje ku ntebe yayo nziranenge.
10Abategeka amahanga barikunganyije,
baba ubwoko#baba ubwoko: cg bifatanya n'ubwoko. bw'Imana ya Aburahamu,
ni yo ishyiraho abategetsi ngo barengere abo ku isi.
Koko Imana isumba byose!
Currently Selected:
Zaburi 47: BIR
Highlight
Share
Copy
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001
