Genesis 46

Jikope sa sopo la Ijipi

1Si Izireli sa tasoybaka, sa iro taba pita oye sa tungene, no sada oye sa doka Biaseba, oye sa kea vavakatu te kue Bangara te tamae oye Aisake.

2No Bangara sa ngeoro te kue Izireli te kose te luoboroa parika, no sa voy goyti oye, <<Jikope! Jikope!>>

Oye sa vatavele la, <<Aro goyti,>> sa voy.

3No oye sa voy <<Aro Bangara, Bangara te tamam, kasi isini mo zo juolo la Ijipi, aro me vaporo amo re te kieke tubi poyua boysi te ngoyni noyene. 4Aro me zo juolo una amo re te vodu ni Ijipi no me koype poka velini noypo me amo re te vodu goyti. No koyrisia Josepa me kupene keri matam re,>> sa voy.

5Sinani Jikope sa kesini Biaseba, no oyra toytulieke Izireli ka koype tamae doyra Jikope no oyra toytu doyra no oyra doyra quolekutae soy te pita zazaduku Pero sa peqani la moyra vagoye ni oye. 6No oyra ka koype oyra doyra pitapupura no taba oyra doyra aquru ka tungene te vodu ni Kenani, no Jikope no oyra sokutu arasumae oye ka sopo la Ijipi. 7Jikope sa koype la Ijipi oyra toytuleike no oyra babunu leike no oyra toytuquole no oyra babunu quole, no tabae oyra sokutu arasumae oye.

8Goyti taritongoa doyra oyra toytuleike Izireli (Jikope no oyra sokutu arasumae) ka zo la Ijipi:

Rubeni soleike puodo kinaka te Jikope.

9Oyra toytuleike Rubeni:

Anoki, Palu, Ezeroni no Kami.

10Oyra toytuleike Simioni:

Jemueli, Jamini, Ohadi, Jakini, Zoa no Saula toytuleike quole ni Kenani.

11Oyra toytuleike Livai:

Qasoni, Koati no Merari.

12Oyra toytuleike Juda:

Era, Onani, Sela, Perezi no Zera (Era no Onani kuru lei te vodu ni Kenani).

Keri toytuleike Perezi:

Ezeroni no Amuli

13Oyra toytuleike Aesaka:

Tola, Pua, Jesubi no Simironi.

14Oyra toytuleike Zebuloni:

Seredi, Eloni no Jaleli.

15Goyti oyra toytuleike Jikope sa vapuodo te kue Lia te vodu ni Paddani Aramu,#46.15 Te oyra sada rokusua ngoyni goyti ka kelikini Mesopotamia. ka ngea toringini toytuquole oye Daena. Dongae doyra oyra toytuleike no toytuquole soy sa tolongonu tulu tabae doyra.

16Oyra toytuleike Qadi:

Zeponi, Aqi, Suni, Eziboni, Eri, Arodi no Areli.

17Oyra toytuleike Asa:

Imana, Isiva, Isivi no Beria.

Vavinia doyra Sera.

Oyru toytuleike Beria:

Eba no Malikali.

18Goyti oyra toytu Jikope ka puodo te kue Zilipa: Qule sika Lebani sa koyna toytuquole oye Lia, tabae doyra sa manounomo.

19Keri toytuleike Riseli quolekutae te Jikope: Josepa no Bejimani.

20Josepa tamae doyru oyru Manasa no Eparemu kuru puodo te vodu ni Ijipi te kue Asenati, toytuquole Potipera boysi sisiama ni Ono.

21Oyra toytuleike Bejimani:

Bela, Beka, Asibeli, Qera, Namani, Ei, Rosi, Mupimi, upimi no Adi.

22Goyti manovati oyra toytuleike Jikope, ka puodo te kue Riseli.

23Toytuleike Dani:

Usimi

24Oyra toytuleike Napatalae:

Jazeli, Quni, Jeza no Silemu.

25Goyti oyra toytuleike Jikope ka puodo te kue Bila, quolesika Lebani sa koyna Riseli, vetu tabae doyra.

26Dongae doyra oyra sokutu arasumae Jikope ka la te vodu ni Ijipi, sa onomongulu, unomo oyra, ba kama ngea una doyra oyra quolekutae te oyra toytuleike. 27Keri toytuleike Josepa kuru puodo moyna te vodu ni Ijipi, dongae doyra oyra boysi te pupu te Jikope kala kuo te vodu ni Ijipi sa vetungulu tabae doyra.

28Jikope sa peqani kineke la Juda te kue Josepa me vatere vodu ni Qoseni. Sada oyra kame doka te kolabae Qoseni, 29Josepa sa vanama ona sekitulutulu sa la Qoseni me tepere tamae oye Izireli. Sada Josepa sa takabula te tarakenakae oye, Josepa sa kange tamae no sa qila vamonini.

30Sa voy goyti Izireli te kue Josepa, <<Sinani aro ko vanamani me lei, bati aro ko mia soypa amo re no ko utini re aba ko tu,>> sa voy.

31Sinani Josepa sa soynani oyra likae no oyra pupu te tamae, <<Aro me zo puka la no ngeoro te kue Pero no me soynani oye <Oyra likaqu no pupu te tamaqu ro ka kuo me te vodu ni Kenani sinani oyra kame te kue ro. 32Oyra boysi noyene ka sepati; oyra ka mia toyke oyra pitapupura, no oyra ka kinikini me oyra vaua sipi no oyra doyra pitapupura no pisipita taba oyra ka tungene,> me voy. 33Sada Pero sa keleike ram, no sa tanani ram <Ata mina jaju ne?> 34ram mam soynani oye, <Rami mo nabulu kami miatoyke oyra pita pupura pasi me te sosoa moyna me mami, sa seva ka joyjuni me oyra tamaetamae mami.> Soy me mao te kue ram mam la kuo te kolabae Qoseni, bati oyra boysi ni Ijipi sa taboyna moyra kuo koype oyra sepati,>> sa voy.

Currently Selected:

Genesis 46: BAA

Highlight

Copy