Romains 3
3
1?Omenya mbe ôngadiia sôma, tsangô mbe ôndé Môjuif? ?Gégeetéô sesôga éAjuif géndé na tsoongô-a? 2Ii, na gô pie gômabôtu éwe gô éongo éAjuif, ôndé n’ebégô. Ogi aNzambé ômapanga ébuéa te gôndé Ajuif. 3Na gô pie avo va gatse aô amatsuma Nzambé paga. ?Ivô pagaye yaô dingakoa ôgi aNzambé mbe ôsaba na ngudi-a? 4Aé. Ogie ôsangakoga. Ondé te ôbéôbéô. Nzambé asakoga. Ayanza te gô mônongoe wedi agépenganédé, buéyé mbe wa n’anyô oma muetso tôbaké asi oboe. Te gatôbeendu gô Matendeo MaNzambé mbe:
Buedi mbe ôdenganô gébé n’oboe gô éne évovo éwe.
Buedi mbe ôétso mitayi vangatsundédu éwe.
5Me Paul nangavovo gavovo avo oma. Ahngô mbe: Mbeka mbe we oma tôyanza mane mabévani, étsimama éaNzambé mbe ésangamenyanganô. ?Tambô Nzambé asiséda we gôndé? Nzambé asaba na mitayi vasasa ôpisee wedi. Te gavovo avo. 6Ivô me nanôbeenda mbe, kaka nane. Nzambé mbe asaba na mitayi ?nayee angoongôa étsundéda oma muetso ava tsina-a?
7Okô ôboe wami ôtubéda na gô pie étsimama éaNzambé ône asapatani, ôboe wami ôkuméda Nzambé. ?Neesédu mbe môma môbévani gôndé? 8Gô étasee éne, avo avovo mbe: Tôéndékéni mabégô mabévani gômbe ényepa éaNzambé éngeenanô. Na avo apatéa me mbe: Paul abeendi we te nane. Omee ane angasisédu, na tsôgôône yaô ésangapengana na éne émeendahngô.
Gôsaba ta na môma môvô asaba n’oési
9Ovénga. ?Tambô wa n’anyô Ajuif tôôtéa ényepa n’akasô-a? Gôsaba. Me Paul namani énônigôa mbe Ajuif, n’oma muetso tôndé te mônongovo. Na tôndé muetso gô tsina otômu amabégô mabévani. 10Matendeo maNzambé matônigôa mbe’
Gôsaba môma, ta na môvo asaba n’oési.
11Gôsaba môma andé n’eodo, na ookôni.
Gôsaba môma abénga Nzambé gôémôaanda.
12Muetso amaagana na Nzambé gôéba gôdagôda n’edi.
Muetso amakea môma na môma yedi nzéa gôédimba na.
Gôsaba môma pengo ta na môvo, eenda éne ényôngéô Nzambé.
13Miônya miaô mindé na mbônga ga ngii ékukuyiôni.
Dimeni yaô te yadiboe gôébômédu akaô.
Mavovia makusa gô miônya miaô mandé ga miangaga mianyogo.
14MiĂ´nya miaĂ´ mimayĂ´a na mikokou midagani.
15AhngĂ´ aseena panda gĂ´Ă©yĂ´ha mĂ´ma, amĂ´yĂ´ha ti eembe nyama.
16Tungu yetso diĂ´ta ahngĂ´ atsika mindĂ´nga na maguga va ngimaĂ´.
17Ahngô agônga nzéane éagétabé gékee gô yangô.
18Pitsi yaô yava tsina ahsamenya gomo aNzambé.
19Tôsabômu mbe migemie mimakitsôni mindé te gôndé ane adigaa gô tsina amiangô. Gô mitôma na mige miaNzambé gôsaba môma angayuuéga gô miangô. Na vane oma muetso ava tsina tôésédu te gô miangô. 20Môma, mbe asibévéké migemie mbe misikitsô. Gékeneo samige gésatsimaméda môma va mbene aNzambé.
Nzambé ayuua oma gô ébévee éaô
21Ivô ndéône, Nzambé andé gôékoa we tôka n’etsimama va mbene edi, ti eembe tôsaba n’oési, kaka gô ngudi yagékeneo samige miedi. Va mbeego apandôédi amatasa maNzambé na mitôma miedi ahmanigôa mbe: 22Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé. 23Omee muetso eenda mabévani na andé amaagana na Nzambé n’ondômbee ôndé n’edi. 24Ivô Nzambé gô ngeba yedi atsimaméda oma te ôbiia, gô ngudi yaJésus-Christ, Mooboyi oma. 25-26Nzambé amadeekeda Jésus ôgondoku ômayôhuni gôénikéa évambéda oma n’amuene. Gô ngudi yowedi, Christ asingéa kokoo gôndé ane eetsa angô mitéma miaô. Te gô éne tôena étsimama éaNzambé. Va mbeego Nzambé amabibéda mane mabévani mamayanza oma gésisédé ahngô. Ivô ndéône, géesédéô sedi gésapengana. Na dôta gô étsimama éedi, atsimaméda muetso ane eetsa Jésus mitéma miaô ti eembe ahsaba n’oési.
27?Gôndé wa n’anyô oma tôndé na mitayi gôényemôga mbe nandé kuanakue, môma amavôma-a? Aé, tôsoongôa évovo nane. ?Gôndé? ?Te gôgobeda we mige na mitôma miaNzambé-a? Aé, ébégôe ésaba gô mayanza na gô mige. Endé te gôétsa môma Jésus môtémedi wetso. 28Metso mane, étsinee te édué. Nzambé eena môma ti eembe asaba n’ôési kaka gôgobedangô mige na mitôma miedi, ivô te gôétsangô Jésus môtémedi wetso gétsumé Nzambé paga. 29Me Paul, nanôévôa mbe: ?Nzambé, te Nzambé éAjuif atévo-a? ?Tambô asaba Nzambé éoma muetso-a? Te na gô pie andé te Nzambé éoma muetso. 30Gôébégô Nzambéne te épo na koo. Nzambé eena Ajuif ti eembe asaba n’oési te veetsahngô Jésus mitéma miaô gémôtsumé paga. Gôndé ane asaba Ajuif te mônongovo. Nzambé eena ahngô ti eembe asaba n’oési te veetsahngô Jésus mitéma miaô gémôtsumé paga. 31Tambô veetsa môma Jésus môtémedi wetso gébé na paga ?éndé te mbe migemie na mitômamie miaNzambé misabadô na tsoongo-a? Aé, kaka nane. Migemie na mitômamie mindé na nyene tsoongo éapie.
Currently Selected:
Romains 3: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
