Popular Bible Verses from Romains 3

Share

Omee muetso eenda mabévani na andé amaagana na Nzambé n’ondômbee ôndé n’edi. Ivô Nzambé gô ngeba yedi atsimaméda oma te ôbiia, gô ngudi yaJésus-Christ, Mooboyi oma.

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

Nzambé amadeekeda Jésus ôgondoku ômayôhuni gôénikéa évambéda oma n’amuene. Gô ngudi yowedi, Christ asingéa kokoo gôndé ane eetsa angô mitéma miaô. Te gô éne tôena étsimama éaNzambé. Va mbeego Nzambé amabibéda mane mabévani mamayanza oma gésisédé ahngô. Ivô ndéône, géesédéô sedi gésapengana. Na dôta gô étsimama éedi, atsimaméda muetso ane eetsa Jésus mitéma miaô ti eembe ahsaba n’oési.

Môma, mbe asibévéké migemie mbe misikitsô. Gékeneo samige gésatsimaméda môma va mbene aNzambé.

Matendeo maNzambé matônigôa mbe’ Gôsaba môma, ta na môvo asaba n’oési. Gôsaba môma andé n’eodo, na ookôni. Gôsaba môma abénga Nzambé gôémôaanda. Muetso amaagana na Nzambé gôéba gôdagôda n’edi. Muetso amakea môma na môma yedi nzéa gôédimba na. Gôsaba môma pengo ta na môvo, eenda éne ényôngéô Nzambé.

Metso mane, étsinee te édué. Nzambé eena môma ti eembe asaba n’ôési kaka gôgobedangô mige na mitôma miedi, ivô te gôétsangô Jésus môtémedi wetso gétsumé Nzambé paga.

Aé. Ogie ôsangakoga. Ondé te ôbéôbéô. Nzambé asakoga. Ayanza te gô mônongoe wedi agépenganédé, buéyé mbe wa n’anyô oma muetso tôbaké asi oboe. Te gatôbeendu gô Matendeo MaNzambé mbe: Buedi mbe ôdenganô gébé n’oboe gô éne évovo éwe. Buedi mbe ôétso mitayi vangatsundédu éwe.