Mʉkpanganɨa 36

Esau ɔsɔ awolo ɨkʉmbʉ anɔ Ɛdɔmʉ

1Uduɓa ngʉwɔ Ɓafaesau, ngɨa ino kʉ ɓɔ Ɛdɔmʉ, wa ɓɔ. 2Ɨyɔ Esau, a꞉sɨka ɓoi ɓangɔ ɓuto Ɓakanana ɓɔngɔ: ya꞉ɓio Ada mwana ɔ Ɛlɔnɨ, Mʉhɨtɨ wɔngɔ, nɔ Ɔhɔlɨbama, mwana ɔ Ana ngɨa a mwana ɔ mwana wɔ Sɨbɛɔnɨ, Mʉhɨvɨ wɔngɔ, 3nɔ yɔtɛka ananɨ tɨa Ɓasɛmatɨ, mʉsaɨ ɔ Nɛbayɔtɨ, ɨɓɔ ɓana ɓɔ Ɨsɨmaɛlɨ. 4Mwana ngɨa Ada a꞉nɔtɨa Esau, a꞉ɓio ino ɓɔ Ɛlɨfajɨ. Ɓasɛmatɨ ɔ꞉tɔnɔta ɨyɔ tɨa Lɛʉɛlɨ. 5Ɔhɔlɨbama a꞉mʉnɔtɨa ɨyɔ atɨ Yɛʉsɨ, nɔ Yalamʉ nɔ Kɔla. Ɓana ɓegue ngʉɓa ɓoi ɓɔ Esau ɓa꞉mʉnɔtɨa anɔ Kanana, ɨɓɔ ʉɓɔnanɨ. 6Esau ɔ꞉sɨka ɓoi ɓangɔ, nɔ ɓana ɓegue, nɔ ɓana ɓeɓoi ngʉɓangɔ, nɔ ɓombi ɓɔ ɨkáá ngɨangɔ ta ɓaɓomu, tɨa akɔ mutunduga wɔ ɓangɔmbɛ, nɔ ɓanama ngʉɓɔmɔ ɓaɓomu, nɔ dɔ tɨa ikesi ngɨangɔ, ɨyɛ ɛ꞉nɨanɨa nayɔ anɔ Kanana, ta iɓomu ɓɔ sɛ. Kʉdɔ, ɔ꞉hoko anɨsa tɨa akɔ ɨkʉmbʉ nga yɛmɔ, ɗu nɔ manye Yakɔɓɔ. 7A꞉hoko ɓanɨ, dɔ ihoi ngɨyɛnɛnɨ, ɓa꞉wolo-ɔɔ ɨkʉmbʉ ndʉ ɓɛɛka, ya꞉kwananɔmʉ tii ɓata akɔ ɨɓɔ aɓio ɨda mɛngana, dɔ ɓanama ngʉɓeɓo, ɓa꞉ɓio tɨa ɓaja. 8Yaka ngɨyɛ Esau ngɨa ino kʉ ɓɔ Ɛdɔmʉ, a꞉sa-ɔɔ awolo ɨkʉmbʉ, akɔ ihoi yɔ lɨkpangba ngɨlɔ Sɛɨlɨ, ya꞉ɓio ɓanɨ.

Ɓanɔnɔ ɓɔ Esau

9Uduɓa ngʉwɔ Ɓafaesau, ɨsɛngʉʉ wɔ Ɓaɛdɔmʉ, inani akɔ ihoi yɔ lɨkpangba ngɨlɔ Sɛɨlɨ, wa ɓɔ. 10Mano ngʉkɔ ɓana ɓɔ Esau, ka꞉kpatanakɨa ɓɔ: Ɛlɨfajɨ, ɨya mwana ɔ Ada moi Esau, nɔ Lɛʉɛlɨ, mwana ɔ Ɓasɛmatɨ kʉ moi ɔ Esau.

11Ɓana nga ɓɔ Ɛlɨfajɨ, ya꞉ɓio atɨ Tɛmanɨ, nɔ Ɔmalɨ, nɔ Sɛfɔ, nɔ Gatamʉ, nɔ Kɨnajɨ. 12Ɛlɨfajɨ a꞉ɓio kʉ nɔ moi ngakɔmɔ, ino ɓɔ Tɨmʉna, ɨya a꞉mʉnɔtɨa Amalɛkɨ. Ɓanɔnɔ nga ɓɔ Ada moi Esau, ɨɓɔ ʉɓɔnanɨ.

13Ɓana nga ɓɔ Lɛʉɛlɨ ɓa꞉ɓio ɨɓɔ atɨ Nahatɨ, nɔ Jɛla, nɔ Sama nɔ Mɨja. Ɓanɔnɔ ngʉɓɔ Esau ɓa꞉nɔtanɨa akɔ ɓʉa ɓɔ moi angɔ, Ɓasɛmatɨ, ɨɓɔ ʉɓɔnanɨ. 14Ɓana ngʉɓa Ɔhɔlɨbama, a꞉ɓʉnɔta nɔ Esau, ya꞉ɓio atɨ Yɛʉsɨ, nɔ Yalamʉ, nɔ Kɔla. Ɨyɔ Ɔhɔlɨbama, a꞉ɓio mwana ɔ Ana, ngɨa a mwana ɔ mwana wɔ Sɨbɛɔnɨ.

15Ɓangama ɓɔ lɨfananja ngʉɓa ɓa꞉chwɛa ɨngbaa akɔ ʉsʉkʉa ngʉwa wɔ Esau, ya꞉ɓio ɓɔ: Ɛlɨfajɨ ngɨa a꞉ɓio tapio ngɨyɔ Esau ɨɓɔ nɔ moi angɔ Ada, ɓa꞉nɔta ɨɓɔ atɨ ngama Tɛmanɨ, nɔ ngama Ɔmalɨ, nɔ ngama Sɛfɔ, nɔ ngama Kɛnajɨ, 16nɔ ngama Kɔla, nɔ ngama Gatamʉ, nɔ ngama Amalɛkɨ. Ɓana ɓɔ Ɛlɨfajɨ ngʉɓɔnanɨ ɓaɓomu, ɓa꞉ɓio ɨkʉmbʉ ta anɔ Ɛdɔmʉ.

17Lɛʉɛlɨ mwana Esau ɔ꞉tɔnɔta ɨyɔ tɨa atɨ ngama Nahatɨ, nɔ ngama Jɛla, nɔ ngama Sama, dɔ tɨa nɔ ngama Mɨja. Ɓana ɓɔ Lɛʉɛlɨ ngʉɓɔnanɨ ɓaɓomu, ɓa꞉ɓio ta ɓangama anɔ Ɛdɔmʉ. Ɓanɔnɔ ngʉɓɔ Ɓasɨmatɨ moi Esau, ɨɓɔ ʉɓɔnanɨ.

18Ɓangama ɓɔ lɨfananja ngɨlɛ la꞉chwɛa ɨngbaa akɔ ʉsʉkʉa ngʉwɔ Ɔhɔlɨbama, mwana ɔ Ana, moi ɔ Esau, ya꞉ɓio atɨ ngama Yɛʉsɨ, nɔ ngama Yalamʉ, dɔ tɨa ngama Kɔla.

19Ɓana ngʉɓɔ Esau ngɨa ino kʉ ɓɔ Ɛdɔmʉ, ɨɓɔ ʉɓɔnanɨ. Mombi nɔ mombi ati eɓo, a꞉ɓio ta ngama akɔ ɨfananja ngɨangɔ.

20-21Ɓana ɓɔ Sɛɨlɨ ngɨa Mʉhɔlɨ wɔngɔ, ʉɓa, ɓa꞉ɓio jɛnɛ ɓamamʉkwɔ ɓɔ ɨkʉmbʉ ngɨyɔ Ɛdɔmʉ, ɓa꞉ɓio: atɨ Lɔtanɨ, nɔ Sɔbalɨ, nɔ Sɨbɛɔnɨ, nɔ Ana, nɔ Dɨsɔnɨ, nɔ Ɛsɛlɨ, dɔ tɨa Dɨsanɨ. Mombi nɔ mombi ati eɓo, a꞉ɓio ta ngama akɔ ɨfananja ngɨangɔ. 22Atɨ Lɔtanɨ ɓa꞉chwɛa nɔ manye ata moi, ino ɓɔ Tɨmʉna. Ɨyɔ Lɔtanɨ, a꞉nɔta atɨ Hɔlɨ, nɔ Hɛmanɨ. 23Ɓana nga ɓɔ Sɛbalɨ, ya꞉ɓio atɨ Alawanɨ, nɔ Manahatɨ, nɔ Ɛbalɨ, nɔ Sɛfɔ tɨa nɔ Ɔnamʉ. 24Sɨbɛɔnɨ a꞉nɔta ɓana ɓegue, atɨ Aya ɨɓɔ nɔ Ana. Ɨyɔ Ana, akɛ ɛ꞉jeyo lɨkɔ lɔ mipo kɔta nja, ngbinga ngɨa a꞉ɓio-ɔɔ apɛmakɨa ɓapunda ngʉɓɔ ɨsɛ a mukengu. 25Ɓana nga ɓɔ Ana, ya꞉ɓio Dɨsɔnɨ, nɔ gwa ata moi ɔngɔ Ɔhɔlɨbama. 26Ɓana nga ɓɔ Dɨsɔnɨ, ya꞉ɓio atɨ Hɛmʉdanɨ, nɔ Ɛsɨbanɨ, nɔ Ɨtɨlanɨ nɔ Kɛlanɨ. 27Ɓana nga ɓɔ Ɛsɛlɨ, ya꞉ɓio atɨ Bɨlɨhanɨ, nɔ Jamanɨ, nɔ Akanɨ. 28Ɓana nga ɓɔ Dɨsanɨ, ya꞉ɓio atɨ Usi, nɔ Alanɨ.

29Ɓangama ɓɔ Ɓahɔlɨ, ya꞉ɓio atɨ ngama Lɔtanɨ, nɔ ngama Sɔbalɨ, nɔ ngama Sɨbɛɔnɨ, nɔ ngama Ana, 30nɔ ngama Dɨsɔnɨ, nɔ ngama Ɛsɛlɨ, tɨa nɔ ngama Dɨsanɨ. Inani amati ɔ ɨkʉmbʉ yɔ Sɛɨlɨ, mombi nɔ mombi ati eɓo, a꞉ɓio ngama amati ɔ anja ngɨa ɔ Ɓahɔlɨ.

31Ɓombi ngʉɓa ɓa꞉ɓio ɓangama anɔ Ɛdɔmʉ, Mʉɨsalaɛlɛ pɔ mʉngana, angɔdyenimʉ ɓʉngama, ʉɓɔ tɨa ɓɛ. Ya꞉ɓio atɨ: 32Bɛla mwana ɔ Bɛɔlɨ, a꞉dya ɓʉngama anɔ Ɛdɔmʉ. Gʉlʉ ngɨangɔ a꞉ɓio ino ɓɔ Dɨnɨhaɓa. 33Ɨyɛ ndʉ ɨyɔ Bɛla a꞉wo, kʉdɔ, Yɔbabʉ mwana ɔ Jɛla, anɨngwa akɔ Gʉlʉ ngɨangɔ ino ɓɔ Bɔsɨla, ɔ꞉tɔdya ɓʉngama akɔ ɨda ngɨyɛnɛnɨ yangɔ. 34Ɨyɔ Yɔbabʉ ɔ꞉tɔwo, nɔ Hʉsamʉ, mombi ɔ ihoi yɔ Tɨmanɨ, ɔ꞉tɔdya ɓʉngama akɔ ɨda ngɨangɔ. 35Ɨyɛ ndʉ ɨyɔ Hʉsamʉ a꞉wo, kʉdɔ, Adadɨ mwana ɔ Bɛdadɨ, ɔ꞉dya ɓʉngama akɔ ɨda ngɨangɔ. Gʉlʉ ngɨangɔ, a꞉ɓio ino ɓɔ Awɨtɨ. Ɨyɔ akɛ, a꞉ɓundo jɛnɛ ɗite ngɨlɔ Ɓamɛdɨanɨ anɔ Mɔabʉ. 36Ɨyɔ Adadɨ ɔ꞉tɔwo, kʉdɔ, Samʉla ɔ꞉dya ɓʉngama akɔ ɨda ngɨangɔ. Gʉlʉ ngɨangɔ, a꞉ɓio ino ɓɔ Masɨlɛka. 37Ɨyɛ ndʉ Samʉla a꞉wo, kʉdɔ, Saʉlɨ ɔ꞉dya ɓʉngama akɔ ɨda ngɨangɔ. Gʉlʉ ngɨangɔ, a꞉ɓio ino ɓɔ Lɛhɔbɔtɨ, tinene nɔ nesini ata mʉja. 38Ɨyɔ Saʉlɨ ɔ꞉tɔwo, kʉdɔ, Balɨ-Hananɨ mwana ɔ Akɨbɔlɨ, ɔ꞉dya ɓʉngama akɔ ɨda ngɨangɔ. 39Ɨyɛ ndʉ Balɨ-Hananɨ, mwana ɔ Akɨbɔlɨ a꞉wo, Hadalɨ ɔ꞉dya ɓʉngama akɔ ɨda ngɨangɔ. Gʉlʉ ngɨangɔ, a꞉ɓio ino ɓɔ Paʉ. Moi ɔ Akɨbɔlɨ, a꞉ɓio ino ɓɔ Mɛhɛtabɛlɨ, mwana ɔ Matɨlɛdɨ, nɔ mʉnɔnɔ ɔ Mɛjahaba.

40Ɓangama ɓɔ lɨfananja ngʉɓa ɓa꞉chwɛa ɨngbaa akɔ ʉsʉkʉa ngʉwa wɔ Ɛsaʉ, akɔkpatanakɨa nɔ ɓanja ɓɔngɔ, nɔ mafini kɔngɔ, ɓa꞉ɓio ɓɔ: Ngama Tɨmʉna, nɔ ngama Alawa, nɔ ngama Yɛtɛtɨ, 41nɔ ngama Ɔhɔlɨbama, nɔ ngama Ɛla, nɔ ngama Pɨnɔnɨ, 42nɔ ngama Kɛnajɨ, nɔ ngama Tɛmanɨ, nɔ ngama Mɨbʉsalɨ, 43nɔ ngama Magɛdɨɛlɨ, nɔ ngama Ɨlamʉ. Ɓombi ngʉɓa ɓa꞉dya ɓʉngama anɔ Ɛdɔmʉ, akpatanakɨa nɔ mafini ngʉkeɓo, amati ɔ lɨkʉmbʉ ngɨleɓo, ʉɓɔnanɨ.

Ɨyɔ Esau akɛ, a ɨsɛngʉʉ wɔ Ɛdɔmʉ.

Currently Selected:

Mʉkpanganɨa 36: buuN

Highlight

Copy