Phŭn Blŭng 41

Yôsep bơblang br̂ơi klơi lơpơi pơtao Pharon

1Dua thŭn dơdơi mơ̆ng anŭn, Pharon lơpơi ƀôh laĭ ñu dŏ dŏng ti hang ia kr̂ong Nil. 2Jr̂ŏng nŭn ñu ƀôh mo ña juh dr̂ơi plên-plên hiam, biă đĭ mơ̆ng ia kr̂ong Nil nao ƀŏng tr̂ang r̂ok hang ia. 3Jr̂ŏng nŭn ñu ƀôh mo ña juh dr̂ơi dŏng, lơwang-lơweh dŏ bơjap, ñu biă đĭ mơ̆ng ia kr̂ong Nil mơ̆n, jr̂ŏng nŭn dŏ dŏng ti hang ia kr̂ong Nil jĕ mo blŭng. 4Mo lơwang-lơweh dŏ bơjap nŭn, ñu ƀŏng lôi bih mo plên hiam juh dr̂ơi nŭn. Jr̂ŏng nŭn Pharon bơdih đĭ.

5Jr̂ŏng nŭn Pharon pĕt kr̂a dŏng, nŭn ñu lơpơi ƀôh ha wŏt dŏng, ñu ƀôh dai juh dong, bluh đĭ mơ̆ng phŭn ha tô̆ nŭn, săl ñu gr̂ơ̆ hiam. 6Jr̂ŏng nŭn ñu ƀôh dai juh dong pơkŏn dŏng, bo kr̂o-kr̂ĕč yua angĭn pơiă kơtang r̂ai mơ̆ng ping gah ngŏ, dai nŭn bluh r̂ai dơdơi mơ̆ng dai blŭng, 7dong dai bo nŭn lôn lôi bih dong dai săl gr̂ơ̆ hiam juh dong bluh đĭ mơ̆ng blŭng. Jr̂ŏng nŭn Pharon bơdih đĭ, nŭn ñu thâo kr̂ăn laĭ ñu lơpơi. 8Tơl đih guah, bŭt Pharon hyŏk, ñu pơđơi r̂ăng nao iâo r̂ai bih-tih môt bơjâo dăp môt lơgơi dŏ mơ̆ng čal Êjĭp, nŭn Pharon r̂ă r̂oi br̂ơi gơñu mơ̆ng klơi ñu lơpơi ƀôh nŭn, plai bĭ hmâo lơi thâo bơblang br̂ơi Pharon mơ̆ng klơi lơpơi nŭn ôh.

9Pah anŭn khua ling pai, ñu r̂ă br̂ơi Pharon: «R̂ơi ne kâo kơčăng glaĭ mơ̆ng klơi glaĭ kâo. 10Pah ih hêl môt khua ngă buă ih, nŭn ih kr̂ĭ lôi kâo dăp khua ŏm nŭmpăng tăm sang khŭk khua môt tơhan gak sang ih. 11Jr̂ŏng nŭn mơi dua r̂ăng lơpơi ƀôh hr̂ŏm ha mlăm nŭn, klơi mơi lơpơi ƀôh nŭn phar̂a-phar̂a. 12Pơ anŭn hmâo dơdăm sô̆n-sat Hêbrơ ha r̂ăng dŏ hr̂ŏm mơi, ñu hlŭn khua môt tơhan gak sang ih, nŭn mơi r̂ă r̂oi br̂ơi ñu klơi mơi lơpơi ƀôh, jr̂ŏng nŭn ñu bơblang br̂ơi klơi lơpơi mơi ha r̂ăng ha r̂ăng. 13Buă nŭn djơ̆ hla ti ñu bơblang dơdi, gah kâo ih bơdŏ glaĭ buă kâo hađăp, plai khua ŏm nŭmpăng dŏng, ih tol lôi ñu.»

14Jr̂ŏng nŭn Pharon pơđơi r̂ăng nao tô̆ Yôsep, nĭng nŭn yơh, r̂ăng nao tô̆ ñu ba biă tăñ mơ̆ng sang khŭk.#41:14 Sang khŭk Hêbrơ laĭ «Luh.» An Phŭn 39:20; 40:15. Nŭn ñu kuah lôi blâo kang, dăp pleh khô ao, nŭn ñu nao pơ Pharon. 15Nŭn Pharon pơhiăp hr̂ŏm Yôsep: «Kâo lơpơi ƀôh, plai bĭ hmâo lơi thâo bơblang ôh. Kâo hmĭ r̂ăng laĭ, tơl ih hmĭ klơi lơpơi, nŭn ih thâo bơblang br̂ơi.» 16Yôsep til glaĭ pơ Pharon: «Buă nŭn bĭ djơ̆ r̂ai mơ̆ng kâo ôh, Ơi Adai ti laĭ glaĭ br̂ơi ih, čiăng ih hmâo klơi nŭk-nua.» 17Nŭn yơh Pharon pơhiăp hr̂ŏm Yôsep: «Kâo lơpơi ƀôh hla ne, kâo dŏ dŏng ti hang ia kr̂ong Nil. 18Jr̂ŏng nŭn, kâo ƀôh mo ña juh dr̂ơi plên-plên hiam, biă đĭ mơ̆ng ia kr̂ong Nil nao ƀŏng tr̂ang r̂ok hang ia. 19Jr̂ŏng nŭn, kâo ƀôh mo ña juh dr̂ơi dŏng, biă đĭ dơdơi, ñu lơwang-lơweh dŏ bơjap, dŏ klĭ mơ̆ng klang, bih-tih mo mơ̆ng čal Êjĭp kâo bĭ juăt ƀôh mo set hla nŭn ôh. 20Mo lơwang-lơweh dŏ bơjap nŭn, ƀŏng lôi bih mo plên juh dr̂ơi biă đĭ mơ̆ng blŭng. 21Tơl mo lơwang-lơweh ƀŏng lôi bih mo plên-plên boih, nŭn ha luaĭ ñu bĭ ƀŏng nŏ yĕt ôh, yua ñu dŏ nŏng lơwang-lơweh hla ti hađăp mơ̆n. Jr̂ŏng nŭn kâo bơdih đĭ. 22Tơl kâo pĕt kr̂a, nŭn kâo lơpơi ƀôh ha wŏt dŏng, kâo ƀôh dai juh dong, bluh đĭ mơ̆ng phŭn ha tô̆ nŭn, săl ñu gr̂ơ̆ hiam. 23Jr̂ŏng nŭn, kâo ƀôh dai juh dong pơkŏn dŏng, kơtep-kơteo bo kr̂o-kr̂ĕč yua angĭn pơiă kơtang r̂ai mơ̆ng ping gah ngŏ, ñu bluh r̂ai dơdơi mơ̆ng dai blŭng. 24Dong dai bo nŭn lôn lôi dong dai hiam juh dong bluh đĭ mơ̆ng blŭng. Kâo r̂ă r̂oi klơi lơpơi ne br̂ơi môt bơjâo mơ̆n, plai bĭ hmâo lơi thâo bơblang br̂ơi kâo ôh.»

25Jr̂ŏng nŭn Yôsep pơhiăp hr̂ŏm Pharon: «Klơi ih lơpơi ne ha tô̆ nŭn yơh, Ơi Adai r̂ă thâo br̂ơi ih mơ̆ng buă ñu iă ti ngă. 26Mo ña hiam-hiam juh dr̂ơi nŭn, čiăng laĭ juh thŭn. Wŏt dai juh dong hiam-hiam nŭn, čiăng laĭ juh thŭn mơ̆n. Klơi lơpơi ne ha tô̆ nŭn yơh. 27Mo ña lơwang-lơweh dŏ bơjap biă đĭ dơdơi nŭn, čiăng laĭ juh thŭn. Wŏt dai juh dong kơtep-kơteo kr̂o-kr̂ĕč yua angĭn pơiă kơtang r̂ai mơ̆ng ping gah ngŏ nŭn, čiăng laĭ juh thŭn mơ̆n, juh thŭn nŭn ti hmâo klơi ĭ lơpa. 28Klơi ne yơh klơi kâo r̂ă br̂ơi ih mơ̆ng klơi: Ơi Adai pơƀôh br̂ơi ih ƀôh buă ñu iă ti ngă. 29Juh thŭn ti hmâo dai lơbeh-lơbai jŏp-jang mơ̆ng čal Êjĭp, iă ti tơl boih. 30Dơdơi mơ̆ng juh thŭn nŭn, ti hmâo klơi ĭ lơpa juh thŭn dŏng, jr̂ŏng nŭn r̂ăng ti wĕč lôi dai lơbeh-lơbai mơ̆ng čal Êjĭp ahlâo. Klơi ĭ lơpa nŭn ti ngă bơr̂ăm lôi čal Êjĭp ne dăp kơnah ñu he mơ̆n. 31Dai lơbeh-lơbai mơ̆ng čal ne, r̂ăng bĭ ƀôh dŏng tah, yua klơi ĭ lơpa r̂ai dơdơi nŭn pr̂ŏng jat. 32Klơi ih lơpơi ne, ih ƀôh dua wŏt, yua klơi Ơi Adai pơhiăp ne ti hmâo dơdi, Ơi Adai ti ngă bơjr̂ŏng lôi tăñ-tăñ. 33Nĭng nŭn yơh, br̂ơi ih sem đahkơi ha r̂ăng thâo lơgơi, jr̂ŏng nŭn bơdŏ br̂ơi ñu wai-lăng čal Êjĭp ne. 34Br̂ơi ih ngă hla ne dŏng: Bơdŏ br̂ơi môt khua wai-lăng tŏ tui ñu mơ̆ng lŏn-ia ne, čiăng gơñu tô̆ boh-tr̂oh dai kơtŏl mơ̆ng čal Êjĭp, ma kơpâo tô̆ ha kơpâo,#41:34 Ma kơpâo tô̆ ha kơpâo Khme laĭ “មួយភាគប្រាំ.” mơ̆ng juh thŭn hmâo dai lơbeh-lơbai nŭn. 35Br̂ơi gơñu yô pơƀô̆t bih-tih dai, mơ̆ng thŭn hmâo lơbeh-lơbai gah năp ne, jr̂ŏng nŭn pr̂ăp čr̂oh tăm plơi ha boh ha boh gah yô̆ ngan ih, čiăng hmâo nŏ ƀŏng gah năp kơñ. 36Dai nŭn a čr̂oh br̂ơi nă plơi lan ƀŏng, tơl hmâo klơi ĭ lơpa mơ̆ng čal Êjĭp juh thŭn gah năp kơñ, bĭ br̂ơi lŏn-ia ne r̂ăm lôi yua mơ̆ng klơi ĭ lơpa nŭn ôh.»

Yôsep ngă khua mơ̆ng čal Êjĭp

37Pharon bŏ bŭt mơ̆ng klơi Yôsep pơhiăp nŭn, dăp bih-tih môt khua ngă buă Pharon bŏ bŭt hr̂ŏm mơ̆n. 38Nŭn Pharon pơhiăp hr̂ŏm môt khua ngă buă ñu: «Hiư̆m, ta thâo mơ̆n, sem mơnuih pơkŏn hmâo Yang Bơngăt Ơi Adai dŏ hr̂ŏm, hla ti mơnuih ne?» 39Jr̂ŏng nŭn Pharon pơhiăp hr̂ŏm Yôsep: «Yua Ơi Adai ngă br̂ơi ih thâo dơm klơi ne, nŭn bĭ hmâo lơi thâo lơgơi hla ti ih ôh. 40Ih yơh ti wai-lăng sang kâo, dăp bih-tih nă plơi lan kâo, gơñu ti ngă tui klơi ih pơtă. Hmâo ha tô̆ gr̂e pơtao đơč, ngă br̂ơi kâo pr̂ŏng hloh mơ̆ng ih.» 41Jr̂ŏng nŭn Pharon pơhiăp hr̂ŏm Yôsep dŏng: «Nêne kâo bơdŏ br̂ơi ih wai-lăng bih-tih lŏn-ia mơ̆ng čal Êjĭp ne.» 42Pah anŭn Pharon toh bin mơ̆ng kơđeng ngan ñu buh br̂ơi mơ̆ng kơđeng ngan Yôsep, jr̂ŏng nŭn ñu buh br̂ơi Yôsep ao phyông hiam, wŏt buh br̂ơi ñŭ maih mơ̆ng tơkoi Yôsep he mơ̆n. 43Pharon br̂ơi Yôsep đĭ lơdeh seh blah-wang a čr̂oh br̂ơi khua tŏ tui ñu, jr̂ŏng nŭn hmâo mơnuih hiăp kr̂aih gah năp Yôsep, gơñu laĭ: «Br̂ơi bon wŏ!» Hla nŭn yơh Pharon bơdŏ br̂ơi Yôsep wai-lăng bih lŏn-ia mơ̆ng čal Êjĭp. 44Pharon pơhiăp hr̂ŏm Yôsep dŏng: «Kâo Pharon r̂ă hla ne, bih-tih nă plơi lan mơ̆ng čal Êjĭp ne, bĭ hmâo lơi khĭn pơpĭ le ngan ôh, jơ̆ laĭ ih bĭ pơtă br̂ơi gơñu.» 45Jr̂ŏng nŭn Pharon iâo kr̂a ƀŏ Yôsep, “Săpơnăt-phana,” jr̂ŏng nŭn br̂ơi Ahnăt ngă bơnai Yôsep, Ahnăt nŭn nă đahmơi Pôti-phêra, pô ngă yang mơ̆ng plơi Ôn. Jr̂ŏng nŭn Yôsep biă yô wai-lăng čal Êjĭp.

46Yôsep hmâo ayŭ klâo pluh thŭn boih,#An Phŭn 37:2. pah ñu dŏ dŏng ti năp Pharon pơtao Êjĭp, jr̂ŏng nŭn Yôsep biă mơ̆ng Pharon bat yô jŏp-jang mơ̆ng čal Êjĭp. 47Mơ̆ng juh thŭn hmâo dai lơbeh-lơbai nŭn, boh-tr̂oh dai kơtŏl mơ̆ng lŏn-ia nŭn bơboh dr̂oh r̂ai lô-lĭn. 48Jr̂ŏng nŭn Yôsep yô pơƀô̆t bih-tih dai mơ̆ng čal Êjĭp, mơ̆ng juh thŭn nŭn, ñu pr̂ăp čr̂oh dai nŭn tăm plơi phar̂a-phar̂a. Tơgr̂ư̆ plơi ñu pr̂ăp čr̂oh dai nŭn, ñu tô̆ r̂ai mơ̆ng hua môt plơi nŭn mơ̆n. 49Yôsep pr̂ăp čr̂oh dai lô jat hla ti čuah mơ̆ng ia sĭ, tơl ñu bĭ anăm yap, yua hmâo lô đơi.

50Nŭn Yôsep hmâo nă đahkơi dua r̂ăng, hlâo thŭn ti hmâo klơi ĭ lơpa. Ahnăt pơpôn nă nŭn br̂ơi Yôsep, Ahnăt nŭn nă Pôti-phêra pô ngă yang mơ̆ng plơi Ôn. 51Yôsep iâo ƀŏ nă phŭn ñu “Manasê,”#41:51 Ƀŏ Manasê tui tam Hêbrơ čiăng laĭ pô ngă br̂ơi wĕč lôi. ñu laĭ: «Yua Ơi Adai ngă br̂ơi kâo wĕč lôi bih klơi kơnap-tap kâo, dăp bih khŭl-khap sang-nŏ ma kâo mơ̆n.» 52Nă ha r̂ăng dŏng ñu iâo ƀŏ ñu “Êbraĕm,”#41:52 Ƀŏ Êbraĕm tui tam Hêbrơ čiăng laĭ «Kơnah hiam». Ha tô̆ dŏng ƀŏ Êbraĕm keng-keng boh hiăp Hêbrơ laĭ «Ngă br̂ơi bơboh r̂ai hiam» lơ ngă br̂ơi hmâo nă-bă. ñu laĭ: «Yua Ơi Adai ngă br̂ơi kâo hmâo nă-bă mơ̆ng čal r̂ăng ngă pơkơnap-tap kâo.»

53Juh thŭn hmâo dai lơbeh-lơbai mơ̆ng čal Êjĭp, kloh lôi boih. 54Jr̂ŏng nŭn klơi ĭ lơpa juh thŭn nŭn tơl r̂ai dŏng, hla ti Yôsep pơhiăp dơdi. Nŭn yơh hmâo klơi ĭ lơpa tơgr̂ư̆ čal, plai čal Êjĭp dŏng, tơgr̂ư̆ ƀon hmâo dai soh. 55Tơl nă plơi lan mơ̆ng čal Êjĭp hmâo klơi ĭ lơpa mơ̆n, nŭn gơñu dueh alôm mơ̆ng Pharon čiăng Pharon pha br̂ơi gơñu dai, nŭn Pharon pơhiăp nao pơ môt sô̆n-sat Êjĭp: «Br̂ơi gô-ih nao pơ Yôsep, nŏ yĕt ñu laĭ, br̂ơi gô-ih ngă tui ñu wŏ.» 56Tơl klơi ĭ lơpa lal yô jŏp-jang mơ̆ng čal Êjĭp, nŭn Yôsep pih tơgr̂ư̆ tông, ƀuo dai pơ môt sô̆n-sat Êjĭp, yua klơi ĭ lơpa nŭn pr̂ŏng mơ̆ng čal Êjĭp. 57Bih-tih mơnuih dŏ mơ̆ng lŏn kơnah, gơñu r̂ai pơ Yôsep mơ̆ng čal Êjĭp čiăng blơi dai, yua klơi ĭ lơpa nŭn pr̂ŏng jŏp-jang mơ̆ng lŏn kơnah.

Currently Selected:

Phŭn Blŭng 41: JKB

Highlight

Copy