JOB 11
11
Zofar in hiti in a sim:
1-2Hi thulolak ṭong hi zotal in
kan let lo ding maw?
Mi ṭongtam ti men in thiam an co
ding mawsi?
3Job, kan lo let thei lo ah mawsi
na ruat?
Na puarthau ṭong hin in vuakdai
dingah mawsi na zum?
4‘Ka ṭongmi le ka ruahmi hi a dik,
Pathian hmaiah ka thianghlim,’
na ti.
5Pathian in lo let ve sehla ka va
duh so!
6Fimnak ah hin thuah tampi a umzia,
Minung thluak ih theih thei lomi
thil tampi a umzia,
Na hnenah run phuang hnik sehla,
Thungaite ih ti ahcun Pathian cun
na tuar ding zat hnakih
deem deuh in a lo hrem sokhaw!
7Pathian ih natsatzia hi a ramri
na thei thei pei maw?
Ziangkimtithei ih huham maksakzia
hi a suum na tah thei pei maw?
8A huham cu van hnakin a sang,
Nang in ziangso na ti thei?
Mithi khua Sheol hnakin a thuk,
Nang in ziangso na theih thei?
9Pathian natsatnak cu leilung
pumpi hnakin a tum deuh ih,
Tipi thuanthum hnakin a kau sawn
a si.
10Pathian in lo kai tahratin
thawng ah lo thlak sehla,
Thuṭhennak zungah lo fehpi sehla,
zoso a kham thei ding?
11Mi ṭha lo pawl zo an si ti cu
Pathian in a thei ṭheh;
A ṭha lomi an hnaṭuannak tla
a hmu ṭheh.
12Mi-aa pawl an fim sal thei
pei maw?
Hramlak laak kha a ngam cia in
a suak dah pei maw?
13Job, na thinlung diktein ret aw,
Na baan pharin Pathian lam hoi aw.
14Na innih ṭhatlonak le na kutih
sualnak pawl cu hlon ṭheh aw.
15Cutiin mithmai baal loin um awla,
Ral ṭha zet le hngetkhoh zetin
nung aw.
16Cutiin na zonzaihnak cu an reh
vivo ding ih,
A luanglan mi tilik na theih nawn
lo vekin na ciing nawn lo ding.
17Cutiin na nunnak cu sun nitleu
hnakin a tleu sawn ding ih,
A thimzet na timi na nunnak cu
zing khawvang bangin a vang ding.
18Thlangam zet le nunnuam zetin
na um ding;
Pathian in a lo hum dingih colhnak
a lo pe ding.
19Na zau huahho ding ih ṭihmi
ziang hman na nei lo ding,
Mi tampi in bomnak an lo dil ding.
20Asinain miṭha lo pawl cu riahsia
in khua an cuan ding ih,
Luatnak lamzin an hmu lo ding.
A neta bik an thawthawt kha,
ruahsannak an neihsun a si ding.
Currently Selected:
JOB 11: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
