THUṬHENTU 6

Gideon

1 Bawipa ih hmaiah Israel mi pawl cu an sual lala curuangah Midian mi pawl ih kut sungah Bawipa in kum sarih sung a umter. 2Midian mi in Israel mi cu nasa zetih an neh-nen hai ruangah Israel mi cu tlang parih lungpuk, leikua le himnak hmun kipah an relh. 3Israel mi in lo an rih tikah Midian mi, Amalek mi le nelrawn miphun pawl an ra ih an ra do ṭheu. 4Cu lawng si loin Israel ram sungah buk an sam ih an thlaikho hmuahhmuah cu thlanglam ih a um mi Gaza khua kiangkap tiangin an siatsuah thluh ṭheu. Israel mi pawl cawm awknak hrangah tuu, caw le laak pakhatte hman zuah loin an lonsak thluh ṭheu. 5Minung lawng si loin an ṭilva le an puanthlam pawl thawn an ra cer ih an tamzia cu kharbok zat#kharbok zat ti tikah culai san ahcun kharbok a burpi in an suak ih lorawl tla an ei thluh ṭheu. An zam tikah ni tla an phen thei a si. an si. Anmah le an kalauk pawl cu siar cawk an si lo. Israel ram cu an siatsuah ngaingai. 6Asinain Israel mi pawl cun tuah theimi ziang hman an nei lo ih an caang thei lo.

7Midian mi pawl in an hrem ruangah Israel mi pawl in Bawipa an ko ih, 8Bawipa in an hnenah profet pakhat a run thlah. A cuih profet in Israel ih Bawipa Pathian ih thu cu hiti in an hnenah a sim, “Sal nan tannak Izipt ram ihsin keimah in ka lo suah a si. 9Izipt mi pawl le hi ram ih a lo dotu pawl kut sung ihsin ka lo run a si. Nan hmai ihsin nan ral pawl cu ka dawi ih an ram pawl nanmah ka lo pek. 10Keimah cu Bawipa nan Pathian ka si ih an ram sungih nan umnak Amor mi ih khawzing pawl nan biak lo pei tiah fiangtein ka lo sim zo. Asinain ka thu nan ngai duh lo,” tiah a ti.

11Cun Bawipa ih vancungmi a ra ih Abiezer hrin Joash ih khua Ofrah an timi khua kiangih sasua kung hnuai ah a to. Cule Joash fapa Gideon cu Midian mi pawl hmuh phan ah a thup-aw ih sabitti sawrnak sungah a thupte in sangvut a ciil rero. 12Bawipa ih vancungmi cu Gideon hnenah a lang ih, “Nangmah cu mi ralṭha na si ih Bawipa na hnenah a um a si,” tiah a ti.

13Gideon in vancungmi hnenah cun, “Bawipa, thu pakhat ka lo sut hnik pei: Bawipa Pathian kan hnenih a um ngaingai asile ziangah so hi bangtuk thil pawl hi kan parah a thlen? Izipt ram ihsin Bawipa in in suahpi a si, tiih kan pupa pawl ih in simmi Pathian ih tuah mi mangbangza pawl cu atu khui-ah so an si thluh? Bawipa cun in dungtun zo a si. Midian mi pawl ih kut sungah in hlonta a si hi,” tiah a ti.

14Cutikah Bawipa in, “Feh awla, na cahnak hmuahhmuah hmang awla Israel mi pawl cu Midian mi kut sungih sin luatter aw. Keimah in ka lo fial a si,” tiah thu a pek. 15Cule Gideon in, “Sikhalsehla Bawipa, ziangtinso Israel cu ka luatter thei ding? Manasseh hrin lakah ka sungkhat pawl cu a ṭawnṭai bik an si ih ka sungkhat lakah kei hi farah nautabik ka si,” tiah a ti.

16Asinain Bawipa in, “Keimah ih ka lo umpi ruangah na tuah thei ding. Midian mi pawl cu minung pakhat neh tlukin ol zetin na neh thluh ding,” a ti.

17Gideon in, “Na mithmai ṭha ka co a si ahcun ka hnenih a ṭongtu hi nangmah rori na si ti fiangternak ah thil pakhatkhat ka hnenah langter aw. 18Cule na hnenih pek ding laksawng thawinak ka rak ken lai hlan lo hitawk hmun ihsin rak ṭhawn hram hlah aw,” tiah a dil.

Cun vancungmi cun, “Na ra kir sal hlan lo ka um ko ding,” tiah a ti.

19Curuangah Gideon cu a feh ih me thuangte a suang ih bawm sungih sangphut ihsin thilnu tello sang a tuah. A suanmi sa cu a bawm sungah a san, tihang beel in a kengih sasua kung hnuai ih vancungmi hnenah cun a fehpi ih a va pek. 20Cutikah vancungmi in, “Sa le sang cu hi lungto parah hin ret awla na kenmi tihang cu a parah toih aw,” tiah a fial. A fial vek cun Gideon in a tuah ṭheh. 21Cule Bawipa ih vancungmi in a vun dawh ih a kut in a kenmi funghreu zim in sa le sang cu a vun tawh. Cu vete in lungto ihsin meisa a suak ih sa le sang pawl cu a kang thluh. Cule vancungmi cu a hlo.

22Cutikah Bawipa ih vancungmi ngaingai a si ti kha Gideon in a thei fiang ih, “Ailaw! Cungnungbik Pathian! Bawipa Pathian ih vancungmi hmaitontein ka hmu ual,” tiah khur phah in a ti.

23Asinain Bawipa in, “Phang aw hlah. Hnangamtein um aw. Na thi lo ding,” tiah Gideon cu a ti. 24Cutawkah Bawipa hnenah Gideon in biakṭheng a don ih, “Bawipa cu daihnak a si,”#Bawipa cu daihnak a si ti cu Yahweh Shalom Hebru ṭong in ti a si. tiah hmin a sak. (Biakṭheng a donmi cu Abiezer hrin pawl ih khua Ofrah ah tuihsan tiangin a um lai.)

25Cuih zanah Bawipa in Gideon cu, “Na pa ih cawcang le a dang cawcang kum sarih ti lak aw; Baal khawzing hrangih a donmi na pa ih biakṭheng cu bal awla a kiangih a phunmi thingih tuahmi milem Asherah hi hau aw. 26Cule hi tlangmual ahhin Bawipa na Pathian hrangah fekzet le ṭhazet in biakṭheng don aw. Cun a pahnihnak cawcang cu that awla a parah mei-ur thawinakah pek aw; a urnak ah na haumi milem Asherah zanthing kha hmang aw,” tiah a ti. 27Gideon in hnen-um pahra a hruai ih Bawipa ih a sim bangtuk in a tuah thluh. A sungkhat pawl le khawsung mi ih hmuh a phan ruangah sunah tuah ngam loin zanah a tuah.

28A thaizing zingpitah khawsung mi pawl an tho ih Baal hrangih biakṭheng le milem Asherah pawl balsiat thluh ih a um kha an hmu. Cuih tlunah cutawkih donmi biakṭheng parih cawcang meisa in urmi tla an hmu fawn. 29Cutikah, “Zoso hiti in a tuah?” tiah pakhat le pakhat an sut aw. A thuhla an zingzoi vivo ih a neta bikah Joash ih fapa Gideon in a tuah a si, ti kha an thei. 30Cule Joash hnenah khawsung mi pawl in, “Na fapa rak suah awla kan that ding. Baal biakṭheng a bal ih a kiangih milem Asherah a hau a si,” tiah an ti.

31Cutikah a rak fuktu mi senpi hnenah Joash in, “Baal lam ṭang in maw nan tong? Baal cu nan run ding maw si? Baal a ṭantu hmuahhmuah cu zingthlapit ah thah thluh nan si ding. Baal cu pathian a si ngaingai ahcun a biakṭheng an bal ruangah a mahte in ṭan-aw seh,” tiah a ti. 32Cuih thok ihsin Gideon cu Jerub-baal#Jerub-baal ti cu Baal cu amahte in ṭan-aw seh tican a si. tiah an ti, ziangahtile Joash in, “Baal cu amahte in ṭan-aw seh; amah ih biakṭheng a sisi an bal,” a ti ruangah a si.

33Cule Midian mi, Amalek mi le nelrawn mi pawl hmuahhmuah an khawm-aw ih Jordan Tiva an tan hnuah Jezreel phairawn ah an riak. 34Bawipa ih thlarau cu Gideon parah nasa zetin a rung thleng. Tuucang ki tawtawrawt a phawt ih Abiezer hrin pawl cu amah thlun dingin a ko. 35Manasseh hrin pawl ih ramsung hmuahhmuah ah mi a thlah ih amah thlun dingin a ko ṭheh. Asher hrin, Zebulun hrin le Naftali hrin pawl hnen khalah mi a thlah ih amah thlun dingin an pan ciamco.

36Cutikah Gideon in Pathian hnenah, “Israel runtu dingah ka lo hmang duh a si, i ti. 37I hmang duh ngaingai asile sangvut kan ciilnak hmunah tuuhmul ka ret. Thaizing ah tuuhmul par lawnglawng ah daitla a um ih a hnuai leilung a ro a si ahcun Israel mi runtu dingah i hmang duh ngaingai a si, ti ka thei ding,” a ti. 38A ti vek cun a cang ngaingai. A thaizing zingpitte-ah Gideon cu a tho ih tuuhmul a sawr tikah daitla cu kheng khat a sawr. 39Cule Gideon in Pathian hnenah, “Bawipa, na thin heng hram hlah aw. Voikhat tein na hnenah ka ṭong hrih ko pei. Zaangfah tein tuuhmul in hniksaknak ka tuah hrih pei. Tuih ṭum cu tuuhmul sawn hul in leilung ah dai tla sawnseh,” tiah a ti 40Cuih zanah a ti vek cun Bawipa in a tuah thluh. Tuuhmul lawng a hul ih a hnuai ih leilung cu daitla in a ciar ṭheh.

Currently Selected:

THUṬHENTU 6: FCL

Highlight

Copy