Popular Bible Verses from THUṬHENTU 6

Share

BAWIPA ih vancungmi cu Gideon hnenah a lang ih, “Nangmah cu mi ralṭha na si ih BAWIPA na hnenah a um a si,” tiah a ti.

Cutikah BAWIPA in, “Feh awla, na cahnak hmuahhmuah hmang awla Israel mi pawl cu Midian mi kut sungih sin luatter aw. Keimah in ka lo fial a si,” tiah thu a pek.

Asinain BAWIPA in, “Keimah ih ka lo umpi ruangah na tuah thei ding. Midian mi pawl cu minung pakhat neh tlukin ol zetin na neh thluh ding,” a ti.

Gideon in vancungmi hnenah cun, “Bawipa, thu pakhat ka lo sut hnik pei: BAWIPA Pathian kan hnenih a um ngaingai asile ziangah so hi bangtuk thil pawl hi kan parah a thlen? Izipt ram ihsin BAWIPA in in suahpi a si, tiih kan pupa pawl ih in simmi Pathian ih tuah mi mangbangza pawl cu atu khui-ah so an si thluh? BAWIPA cun in dungtun zo a si. Midian mi pawl ih kut sungah in hlonta a si hi,” tiah a ti.

Cule Gideon in, “Sikhalsehla BAWIPA, ziangtinso Israel cu ka luatter thei ding? Manasseh hrin lakah ka sungkhat pawl cu a ṭawnṭai bik an si ih ka sungkhat lakah kei hi farah nautabik ka si,” tiah a ti.

Cun BAWIPA ih vancungmi a ra ih Abiezer hrin Joash ih khua Ofrah an timi khua kiangih sasua kung hnuai ah a to. Cule Joash fapa Gideon cu Midian mi pawl hmuh phan ah a thup-aw ih sabitti sawrnak sungah a thupte in sangvut a ciil rero.

Cutawkah BAWIPA hnenah Gideon in biakṭheng a don ih, “BAWIPA cu daihnak a si,” tiah hmin a sak. (Biakṭheng a donmi cu Abiezer hrin pawl ih khua Ofrah ah tuihsan tiangin a um lai.)

Gideon in, “Na mithmai ṭha ka co a si ahcun ka hnenih a ṭongtu hi nangmah rori na si ti fiangternak ah thil pakhatkhat ka hnenah langter aw.

Asinain BAWIPA in, “Phang aw hlah. Hnangamtein um aw. Na thi lo ding,” tiah Gideon cu a ti.

BAWIPA ih hmaiah Israel mi pawl cu an sual lala curuangah Midian mi pawl ih kut sungah BAWIPA in kum sarih sung a umter.