Popular Bible Verses from THUṬHENTU 7

Share

Cule BAWIPA in Gideon hnenah, “Midian pawl neh dingah ka hrangih na neihmi ralkap an tamtuk. Keimah hnenih thangṭhatnak si sawn loin anmah ih thazaang ih neh bangin tluangkhawnnak ah an hmang pang ding.

Cutikah BAWIPA in, “Ka lo bawm ding ih tidai a liaktu minung zathum thawn Midian mi pawl cu nan neh ding. A dang pawl cu tlung hai seh,” tiah Gideon hnenah a ti.

Na milai pawl hnenah than awla, ṭihnak a neimi hmuahhmuah cu Gilead tlang ihsin inn ah kir hai seh,” tiah a ti. Cutikah minung thawng kul hluanhnih an kir ih minung thawng hra an taang.

Cule BAWIPA in Gideon hnenah, “Na milai an tamtuk lai thotho. Tiva ah vun fehpi awla keimah in ka lo ṭhen sak ding. Na hnenah fehseh, ka timi cu a feh pei. Na hnenah feh hlah seh, ka timi cu a feh lo pei,” tiah a ti.

Cutiin a milai pawl cu Gideon in tiva ah a vun fehpi ih, BAWIPA cun, “Uico bangtuk in a lei in tidai a liak ih a intu pawl le khukbil tahrat ih tidai a in tu pawl ṭhen aw,” tiah a ti. An sumpi in tidai a la ih a liaktu cu an zate in zathum an si. A dang pawl hmuahhmuah cu an khuk an bil ih tidai cu an in fingfing.