THUṬHENTU 5
5
Deborah Le Barak Ih Hla
1Cuih sunah Deborah le Abinoam ih fapa Barak in hi hla hi an sak:
2 Bawipa cu thangṭhat uh!
Israel hotu nasa zetin an ṭang,
Israel mi pawl tha tho zetin
ral an do ruangah,
Bawipa cu thangṭhat uh.
3Maw siangpahrang pawl, ngai uh;
Maw uktu pawl, theihnik uh;
Bawipa hnenah awnmawi
ka tum dingih hla ka sak ding,
Bawipa Israel Pathian hnenah.
4Maw Bawipa, Seir tlang ihsin
na pok ih,
Edom ram rawn na pal tikah,
Leilung a hnin durdo ih van ihsin
ruah a sur;
Asi, khawdur ihsin tidai an tla.
5Sinai tlang ih Bawipa hmai ahcun,
Tlang pawl an hnin aw;
Bawipa, Israel ih Pathian hmai
ahcun.
6Anath ih fapa Shamgar sanah,
Jael ih san ahcun,
Khual tlawnnak lamzin a ṭhing
reprep,
A tlawng pawl cun zinte an zawh.
7Israel khua pawl an ṭhing thluh,
Riangvai za in an dai ṭhepṭhep;
Israel ih nu a si mi Deborah
na thlen hlanah cun.
8Israel in khawzing thar pawl
a hril tikah,
Doral an khua kotka an ra thleng;
Israel mi thawng sawmli lakah,
Phaw le feipi kengtu pakhat tal
an um maw?
9Ka thinlung Israel ralbawi pawl
hnenah a caam ringring;
Thinlung tho teih ral a dotu
Israel mi hnenah cun.
Bawipa cu thangṭhat uh!
10Hi thu cu sim ciar uh,
Laak raang parih a to mi pawl;
Rang todan parih a tomi pawl le,
Ke lawngte in a fehtu pawl khal
in sim ciar uh.
11Ngai hnik uh!
Tikhur kiangih mipi au thawm cu,
Bawipa ih nehnak an aupi a si;
Israel miphun ih nehnak cu!
Bawipa ih minung pawl cu an khua ihsin an vung feh.
12Tho aw, Deborah, tho awla
hruai aw;
Tho aw, hlasak phah in hruai
hai aw.
Hmai ah, Abinoam ih fapa Barak,
Na kaih mi pawl hruai hai aw.
13Israel mi pawl cu an hotu hnenah
an rung;
Bawipa ih minung pawl raldo
dingin an ra.
14Efraim hrin pawl phairawn
an thleng,
Benjamin hrin pawl in an run thlun.
Makhir ihsin ralbawi pawl,
Zebulun in bawi pawl an rung.
15Issakhar hotu pawl cu Deborah
thawn an ra,
Asi, Issakhar a ra, Barak thawn,
Phairawn ram ahcun an vun thlun.
Reuben hrin pawl an cu ṭhen aw,
Feh ding thu an relcat thei lo.
16Ziangah so tuukhal pawl dungah
an din ringring?
An tuu kawhnak ngai dingah maw?
Asi, Reuben hrin pawl cu
an ṭhenṭhek aw;
Tel ve dingah an relsuak thei lo.
17Gad hrin pawl Jordan khatlam
ralah an um,
Dan hrin pawl cu ṭilva tlannak
ramah an um.
Asher hrin pawl cu tifinriat
kapah an um,
Tikap ahcun an um meen ringring.
18Asinain Zebulun le Naftali hrin
pawl cu,
Sa le ral lakah an nunnak pek
an ngam a si.
19Siangpahrang pawl an ra ih
ral an do,
Megiddo tiva kiang Taanak khua
ahcun;
Kanaan siangpahrang tla in an do,
Asinain sumsaw lon mi an nei lo.
20Van ih arsi pawl khal in,
Van ih an fehnak ihsin,
Sisera cu an do ciamco.
21Kishon tiva a lian ih a fen
thluh hai,
A luang kumkhua mi Kishon cun.
Cak sinsin in hmaiah ka nor ding.
22Cule rang pawl cu an tlan
ciamco,
An ketin in leilung an khawn
ciamco.
23“Meroz cu siatserh si ko seh,
Khawsung mi pawl siatserh si ko seh;
Ziangahtile Bawipa bawm
dingah an suak lo,
Bawipa ih ral an do lo,”
tiah Bawipa ih vancungmi
in a ti.
24Jael cu nunau lakah vannei bik
a si,
Ken mi Heber ih nupi cu;
Puanthlam ih a ummi nunau lakah,
Jael cu mi sunglawi bik a si.
25Sisera in tidai a dil ih
cawhnawi a pek,
Kheng mankhung in cawhnawi hlap
a pek.
26A kehlam kut in puanthlam
khennak fungzum a kai,
A vorhlam kut in hnaṭuantu-ih
sobul a thlir,
Sisera ih lu a hnakhang cu a khen,
A tlang ih a sop thluh.
27Sisera cu a sawn ih a ril,
Jael ih ke hram ahcun a ril riai;
A ke hram ahcun a sawn ih a ril,
A rilhnak hmun ahcun a thi.
28Sisera ih nu cun sangkate in
khua a cuan,
Tukvirh ong in khawza a thlir;
“Ziangah so a rangleng a thlen
dah lo?
Ziangah so a rang pawl hi an
tlai e,” a ti.
29A nunau lakih a fimbik pawl in
an sawn,
An simmi cu amah in a nolh sal
vivo.
30“An lon mi thil le sumsaw
an zem aw,
Ralkap pakhat hrangah fala
pakhat maw pahnih maw,
Sisera hrangah puan ṭelh
mankhung,
Siangpahrang nuih hngawng hrangah
coihcinmawi puan mankhung,”
an ti.
31Curuangah, Maw Bawipa,
na ral pawl cu hloral hai seh,
Asinain nangmah a lo duhdawtu cu,
Zinglam ih a suakmi ni bangtuk in
cak hai seh.
Cun ram sungah raldaihnak kum sawmli sung a um.
Currently Selected:
THUṬHENTU 5: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.