THUṬHENTU 17
17
Mikah Ih Milem Pawl
1Efraim tlangpar ramah Mikah an timi mipa pakhat a um. 2Voikhat cu a nu hnenah, “Na ngun tangka thawngkhat le zakhat an ruk laiah a rutu kha na cam ciamco a si. Na cam lai rori ka lo thei a si. Zohhnik, na ngun tangka cu ka hnenah an si. Keimah in ka lak,” tiah a ti.
Cutikah a nu in, “Bawipa in lo thlawsuah hram seh, ka fapa,” tiah a ti. 3Cule a fapa in ngun tangka thawngkhat le zakhat cu a nu hnenah a pek sal. Cutikah a nu in, “Ka siatserhnak cu na parih thleng lo dingah hi tangka hi atu ihsin Bawipa hnenah ka pek ih thing ih tuah mi milem le burmi milem tuahnak ah a si pei. Curuangah hi tangka cu atu na hnenah ka lo pek sal a si,” tiah a ti. 4Mikah cun a nuih hnenah tangka cu a khirh sal. A nu in ngun tangka zahnih a lak ih ngunsertu hnenah a pek. Cule ngunsertu cun milem ah a bur ih a tuah. Cule Mikah ih inn ah an ret.
5Mikah cu amahte in biaknak inn a nei. Milem pawl a tuah ih puithiam angki ṭaangthlaih khal a tuah. Cule a fapa pawl lakah pakhat cu puithiam ah a ret. 6Culai ahcun Israel ram sungah siangpahrang an um lo ih mikip in an duhduh in an nung.
7Judah ram Bethlehem khua ah tlangval pakhat#tlangval pakhat timi hi Hebru Ca Thianghlim sungah a hmin a um lo naón Baibal hrekkhat sungah Ben Gershom tiin a um. a um. Amah cu Judah ramih a ummi Levi miphun a si. 8Voikhat cu khawdang vai dingin Bethlehem khua ihsin a suak. A feh vivo ih Efraim tlangpar ih a um mi Mikah innah cun a thleng. 9Cutikah Mikah in, “Khuitawk inso na rat?” tiah a sut.
Tlangval pa cun, “Judah ram Bethlehem khua ihsin ka ra ih Levi miphun ka si. Umhmun khuarnak ka hawl vivo a si,” tiah a ti.
10Cutikah Mikah in, “Ka hnenah hin um aw. Ka hrangah remruattu le puithiam si awla kum khatah ngun tangka fanghra ka lo pek ding. Hnipuan khal ka lo pek ding ih rawl khal ka lo cawm ding,” tiah a ti. 11Levi tlangval pa cun Mikah hnenih um cu a lung a kim ih a fapa vek rori ah a cang. 12Cule Mikah in a puithiam ah a tuah ih a inn ah a um. 13Mikah cun, “Levi mi ka puithiam ih ka neih ruangah atu cun Bawipa in i hlawhtlingter ding ti ka thei,” tiah a ti.
Currently Selected:
THUṬHENTU 17: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
