Matthaisioi Phrinzangpo 16

1Dekana Pharisiapaun nang Saddokpaun shitia yongse khoa thiks chad base rshnamikana rshtaḵẖsnek khontanga ston zere khoa jus. 2Amma, khos tamlaniang khongunla mols : Rgongstsana khyentes zered : namthang chhok, chiazerbana rshnampo marpo songsed. 3Yang sngamo tsana (khyentes) diring hlung langsuk (zered) chiazerbana rshnempoa sil tangsc chharpa yonged. Khyontanga rshnami zostao barphes ba shesed, amma namzauni rshtaḵẖsnauni (barphes ba) nyanmamed. 4Nganrtsoq nang loli bakhan mithsirchigis rshtaḵẖsna tsaled; Yonas khyenkhani rshtaḵẖsnao mene doa yang rshtaḵẖsnek stancha michha. Yang khos khongun phangse bingse skyods.

5Yang lzadrulbakhanun pharkâ hlebse khonga ṯaki nyambo khyongchao rdjedpin. 6Ni, Yeshus khongunla mols : snangachan dukshik! Pharisyapoun nang Saddokpauni skyuri baqzanpoa ltase zurshik! 7Dekana khontang chikchigis spradsprad ben zes : Ngantes ṯaki makhyongspi phya (dyu zered). 8Ni, Yeshus do shese mols : Wahunik! Chhesluks yangmo yodkhanun khyentes ṯaki nayambo makhyongspi phya khyentang chikchigis spradsprad chia bed ? 9Darang khyentanga rshtaḵẖspa meda hana de ṯaki qao mingga stong qa (chhoqse) tsepo tsamtsek gangse lenspoang khyontanga itu meda ? 10Hana de ṯaki rdunpo mingga stong zbjina (bos songse) tsepo tsamtsek khyontes lenspoang itu meda ? 11Ngas khyentanga Pharisiapaun nang Saddokpauni skyur tangskhan baqzanpoa zurshik zere zespao ṯakî rshmangeang mazespao khyentanga/chia/ rshtaḵẖspa chhamed ? 12Dekana khongunla ṯaki skyuri baqzanpoa zurshik zere mamolspin dobasang Pharisiapaun nang Saddokpauni/chhospoa/zurchik molcha baspin suk zere rshtaḵẖspa song.

13Dekana Yeshu Qesarya Philipyeang yodkhan thayuluniang hlebana khos rangi lzadrulbakhanunla tris : Miunis nga Mi-wi Buthsa rangi rshmangeang chi zered. ? 14Ni, khongis jus: khachigis chhurkyal tangkhan Yoannas yang khachigis Elias, yang khachigis Yeremias, hana khyenkhanun-iang-na chikchik in zere zered. 15Khos khonga mols : Amma, khyentes nga su in zere chi zered ? 16Ni, Simon Petrosis tamlaniang jus : Yorang sone dukkhan Ashipi Rshraspo Masih in. 17Yang Yeshus tamlaniang khoa mols : Wa Yonasi buthsa Simon, khyerang rgamochan in; chiazerbana sha nang khraqpos khyeranga dyu ngon machuks dobasang rshnamuniang yodkhan ngi Ataos (ngonchuksed). 18Yang ngasang khyeranga zered, khyerang Petros na in, yang dyana braqpoeka (Potra) ngas ngari grikskhorpo rtsiktuk, yang : shikhanuni malsi zgoun khoeka milo. 19Yang ngas rshnamuni rgyastridpoe kuligun khyeri laqa tangnuk; yang khyeres seka chingskhanun jung rshnamuniangang chingcha chhok; yang khyores soka krolskhanun jung rslmamuniangang krolcha chhok. 20Dekana khos lzadrul bakhanunla khorang Masih in zere sua mazershik zere mols.

21-22Do thoekana Yeshus rangi lzadrul bakhanunla kho Yerusalomiang medkhamod chhacha songse chhimiun nang kohenuni gowaun nang chhos zbrikhanuni shitia narpha mangmo khooka hlebse sadcha songsena jaq sumi jaqa kho sono langsha chhok zerchi speraun shadpa ryaḵẖs yang Petrosis kho khyongse khathsiks ba ryaḵẖsen zes : Ashipi phaqreang, kasa Ashipa, do yerika mana mahlebshik ju! 23Amma, khos Petrosi rolla loqse mols : Ngi shitiana eltek songa snganpa! Khyerang ngâ ḵẖade rgyabchukcha in; chiazerbana khyeranga Ashipi laspo sambeang khorba med, dobasang miuni laspo sambeang khored. 24Dekana Yeshus lzadrul bakhanunla mols : Taqdir suga katos ngi jukna yongnulc samedna khores khorang medkhani rtsisiang tangchuk, yang rangi kaṯo shingpo khurchuk, yang ngi lzâ yongchuk. 25Chiazerbana gasus rangi stroqpo strungse jaqtuk samana khoa do storuk, amma, gasus ngi phya rangi stroqpo storchuks narek khoa do thobtuk. 26Chiazerbana, taqdir michiga rangi stroqpo store miyulpo saq laqa yongsna doa chi phankyek ? Hana michigis rangi stroqpo stroqskinla chia tangnuk ? 27Chiazerbana Mi-wi Buthsao rangi Ati chhoeluksiang rangi kalotangskhanun nadrese yongcha yod; detsana khos rere nang rerea rangi lasun nazomse zde tangnuk. 28Chhadkhika ngas khyentanga zered : dir langse yodkhanuniangna khachiga Mi-wi Buthsao rangi rgyastridpeang yongma thongthongpo shiluks mibaq.

Currently Selected:

Matthaisioi Phrinzangpo 16: SOMA

Highlight

Copy