Matthaisioi Phrinzangpo 17

1Dekana jaqma trugi jukna Yeshus, Petros nang Yakobos nang khoe phono Yoannes nanyambo khride khong thonmo ri chikchigika phese khyes. 2Yang khongi dunla khoe zostao gyur yang khoe rdongpo nyimi natsoḵẖs zbrelchan song, ni, khoe gonchao od natsoḵẖs karpo song. 3Yang, misto, Moshe nang Elias kho na spera tangen yodchao khonga ngon. 4Ni, Petrosis Yeshua spera tangen jus : Kasa Ashipa, ngantang deka dukchao rgyala in, Yerang thadna dika zbra sum, yeranga chikchik, yang Moshea chikchik, yang Eliasla chikchik ngachas ltsangnuk. 5Khcs dyu zeren yodtsana, ltosang, zbrelchan mun ek yoqa babse khongika sil bas yang, misto, de munpeangna dyu molchi skadohik bing: Nga mana thade yodkhan ngi rchespa buthsao dyu in, khoe speraola khyentes nyanshik! 6Yang lzadrulbakhanunla dyu goana khong (seka) khazbuk loq, yang mana mangmo jiks. 7Yang, Yeshu shitia skyode khongika thus bas, yang mols : Langshik, jiksmajikshik (ho)! 8Ni, khongis mikpo phese ltana Yeshu tsa mene yang suang mathong.

9-10Dekana khong rikana babtsana Yeshus khonga ltsabse dyu mols : Mi-wi Buthsao shiskhanuniangna sone langslangspo khyentanga dare miklama thongskhanunis khoa dyu zere tris : Ni, chhos zbrikhanunis Elias medkhamed snanla yongnuk zere chia zered ? 11Ni, khos khonga tamlaniang mols : Chhadkika Elias (snanla) yonged, yang [zikskhanun jung] yang rchose rshtanpo bok. 12Amma, ngas khyentanga zered : Elias na yongspin yang khongunla kho ngozin masong : dobasang khongunis khoa khontanga/ samspao/ saq bas. Mi-wi Buthsang dyu zosteka khonguni laqkhas narpa hlebcha yod. 13Ni, khos chhurkyal tangkhan Yoannasi luksiang khontanga molspinsuk zere lzadrulbakhanunla rshtaḵẖspa song.

14Ni, mithsouni shitia hlebana mi chikchik khos shitia yongse phuksmo thsuks 15Yang jus : Kasa Ashipa, ngi buthsao zdikpa thsorang ju! Chiazerbana khoa namskyon yongse barmed meang, barmed chhueang phoqse naḵẖs mangmo hlebed. 16Yang, ngas kho yeri lzadrulbakhanunla khyongspin, yang khonga kho noro chha chukpa manyan. 17Ni, Yeshus tamlaniang mols : Wa chhesluks medkhan nang yuntea yodkhan mithsir! Khyentang nanyambo nga tsamtsa thsaqpa duktuk ? Ngas khyentanga tsamtsek thyaqluks bok ? Kho dir ngi shitia khyong! 18Yang, Yeshus khoa zings; yang dreo khoeangna bings, bingspi dyana bangs khurika buthsao mana noro song. 19Dekana lzadrulbakhanunis Yeshua rshkuse yongse jus : Kasa ju, ngacha do chia phingma manyan ? 20Ni, Yeshus khonga mols : khyenti chheslukspo yangmo yodpi phya, chiazerbana chhadkhika ngas khyentanga zered : taqdir khyentanga yongskari son tsek chhesluks yodna khyentes di riula dikana deka nur zesna ni do nurukpa; yang khyentang minyanmi lashik midukpat. 21Amma, de phrosni dreo laqpa zuntsana yang khastong dukchaos tsas base mene mibing.

22Yang khong Galilayeang dugen yodtsana Yeshus khonga mols : Mi-wi Buthsao nhuni laqa tangcha yod. 23Yang khongunis kho saduk; yang jaq sumi jaqa kho sone ltsangcha chhok. Yang khonga mangmo qolṯo song.

24Dekana khong Kaphernaumiang hlebana jahujaphed nyispa lenkhanunis Petrosi shitia yongs; yang zes : Khyenti ltsabkhanpos jahujaphed nyispa lchar-ba meda ? 25Khos zes : Lchared. Dekana kho khangmeang yongmana khorang basang snanla Yeshus mols : Wa, Simon, khyeranga chi samed ? Seka yodkhanun rgyalpounis shokhral hana rshmul suikana lened ? rangi buthsaunikana hana janmiunikana (lened)? 26Petrosis janmiunikana lened zerbana Yeshus khoa mols : Dekana buthsaun s̲ẖaqs̲ẖid in. 27Amma, ngantes khongunla phoqmichukcha khyerang thsoe zurika songse lchaqskyu phangse saq basang snanla yongskhan nyao phing, yang do khao pheana (deangna) rshmul chikchik thobtuk, dyao khorang khyongsena nga nang khyeri phya khongunla tong.

Currently Selected:

Matthaisioi Phrinzangpo 17: SOMA

Highlight

Copy