शक्ति काम 8
8
येशू ख्रीष्ट मिओनला दुक्पा तेराला स्यूबाते
1थेमे थे छोमुमेकीराङ छ्ये छ्ये मिकी यरूशलेमदु जम्मा ओङकान्ते येशू ख्रीष्ट मिओनला आउदी खाईन दुक्पा तेराला स्यूसुङ। थोगी थेबाबरी यरूशलेमदुकी फ्रोकीन छरपुट्ट गाल्गीन यहूदियाताङ सामरिये अञ्चल नाङपा गाल्गीन देत्सुङ। खालि येशू ख्रीष्टकी खटे खाबाते मिओनकामा थेरूराङ देत्सुङ। 2स्तिफनस रोचेन परमेश्वरला माने खित्कान्ते मिओनगी खेरगीन दिबा ओतान। थेमे थेबा आउदी खाईन पीर खाबा ओतान। 3शावलगीचेन येशू ख्रीष्ट मि दोक्पोईलाङ बाँकी ज्य्वाबा मेङगो सिन खाम्बा खाम्बाला गाल्गीन ख्योओ मि ईन्स्यीत, फेम्मे मि ईन्स्यीत गाङेला जिन्गीन जेलला लुकीन खिताला स्यूसुङ।
फिलिपकी सामरियादु गा लाङच्येते बात लापाते
4यरूशलेमदुई छरपुट्ट गाल्गीन गालाते मिओनगी खोपरोङ गाल्सा गाल्साला मि गाङेला गा लाङच्येते बात लोपाला स्यूसुङ। 5थेबे नाङ फिलिपचेन सामरिये अञ्चलते सारज्यीक्तु गाल्गीन थेरू मिओनला परमेश्वरगी तोङगो साबाते ख्रीष्ट येशूराङ ईन सिन थे बातओन लोपाला स्यूसुङ। 6थेकी साबाते बातताङ खाबाते अचम्बते कामओन थोङगीन मि गाङेकी थेकी लोप्कीन ओताते बाततेबा आउदी लेमु खाईन ङेन्दाला स्यूसुङ। 7फिलिपकी थेङला मिओनला खोबाते ल्हन्डीकओनला थेबे नाङदुकी थेन्ला ग्युक सिन तेन्गीन ताङसुङ। थोक खाला तेन्ला तोङजीन थे ल्हन्डीकओन छेरा खिनकामा मिदुकी थेन्गीन गाल्सुङ। थोकराङ खाईन थेकी लाक्पा काम्बा चले खिता मुथुप्कान्ते मि काल्बेईला लाक्पा काम्बा चले खिता थुप्च्या जोसुङ। थेमे कुज्येतेबालाङ काल्बेईला ख्याम्बा थुप्च्या जोसुङ। 8थेरू थोक ओङनामेई थे सार खाङगी मि गाङेराङ आउदी गा खासुङ।
शिमोन सिराते मि बात
9थे सारदुराङ शिमोन सिराज्यीक मिङ ओतान। जादू तेन्गीन थेमे स्येबा खाबे काम खाईन थेकी थेरू सामरी गाङेला अचम्ब लाङा ओतान। थेचेन थे खोरोङताङ छ्येज्यीक शक्ति ओत सिराच्योक खाला आउदी छ्ये खिन ओतान। 10छ्ये टेक्टे जोराङ ईन्सीनोङ मि गाङेकी “दि मिकी चुक अचम्बते काम खिता थुप्कीका, दित्ताङ ओताते शक्तिनी परमेश्वरते छ्येते शक्ति सिराते ईन,” सिन थेला मान खिन ओतान। 11थोङलामेई थेकी जादू तेन्दाते थोङकान्ते मि गाङेराङ छक्के खाबा ओतेकी थे छ्य्वापाराङ लै खाबा ओतान। 12तर थेरू फिलिप वाकीन मिओनला परमेश्वर राज्यते गा लाङच्येते बात लोप्कीन येशू ख्रीष्ट बात लाप्नामेई मि गाङेकी फिलिप बात ङेन्दाला स्यूबा ओतान। थेमे फिलिप बात ङेन्कान्ते ख्योओ मि, फेम्मे मि गाङेकी बप्तिस्मा लासुङ। 13थे शिमोन सिरातेकीङ फिलिपकी लोप्च्येते बातराङ ङेन्गीन बप्तिस्मा लासुङ। थेमे थेङ फिलिपताङराङ देताला स्यूसुङ। फिलिपकी खाबाते छ्ये छ्येताङ अचम्बतेन्दे काम थोङजीन थे छक्क परे खासुङ।
14थेमे यरूशलेमदु ओताते येशू ख्रीष्टकी खटे खाबाते मिओनगी सामरियादु ओताते मिओनगीङ परमेश्वर बात ङेन्दुक्लो सिरा थोसुङ। थोगी थेबेकी खोपरोङ नाङदुई पत्रुसताङ यूहन्नाला सामरियापा तार ताङसुङ। 15थेमे पत्रुसताङ यूहन्नेकी थेपा लेप्कीन थेरू ओताते येशूला विश्वास खित्कान्ते मिओनगीङ परमेश्वर आत्मा ङेत्स्यीत सिन प्रार्थना खासुङ। 16च्यिला सासीन थेबाला प्रभु येशू मिनगी छ्य्वापेई बप्तिस्माचेन बिन्दा ओतान। ईन्सीनोङ थेजीनसाक थेबा सुङगीङ परमेश्वर आत्मा ङेता मेतान। 17थोक खाईन थेबा ङिबोकी थेबे लाक्तु लाक्पा ज्यागीन प्रार्थना खानामेई थेबेकी परमेश्वर आत्मा ङेत्सुङ।
18-19थेबा ङिबोकी मिओन लाक्तु लाक्पा ज्याक्नामेई मिओनगी परमेश्वर आत्मा ङेताते शिमोनगीङ थोङसुङ। थेमे थेकी थेबा ङिबोला “ङालाङ ख्योकोनगी च्योक खाला मि लाक लाक्पा ज्य्वाजीन मिओनला परमेश्वर आत्मा तेरा थुप्च्येते शक्ति नाङ। थेमे ङे जो मि लाक्तु लाक्पा ज्याक्सीनोङ थेकी परमेश्वर आत्मा ङेत्स्यीत,” सिन थेबाला पैसा तेरा चाल्सुङ। 20थेकी थोक खित्जीन पत्रुसकी थेला “परमेश्वरगी मिओनला छ्याःङ मिलिन्दा खाला तेरच्येते परमेश्वर आत्मा पैसा च्याल्ला ङेत्कीतासीन सिन साबाप? खो चुकस्यिक ओता ईन्दाका। खुई पैसा खोत्ताङराङ स्योक। खोनी स्यिला नरककुण्डमा डोरस्यीत। 21खोनी थोरूमोङ परमेश्वर छ्य्वापा लै खाबा मेताक्वा। खुई सेम लेमु मेताक्वा। खुईचेन परमेश्वर आत्मा तेरा थुप्च्येते शक्ति मेङेदो, ङ्योकोनगी खाबा च्योकराङ खित्च्येते खुईते छ्याःङ हकोङ मेत। 22खुई दोक मेलेबा विचार खाबेकी प्रभु परमेश्वरला प्रार्थना खाला माफ नाङ खि। थोक खासीन ना थेकी खुई पाप माफ तेरगीता। 23खोनी आउदी डारेज्यीक ओताक्वा। खुई सेमचेन पापताङ लोभकीकामा खाङा ओताक्वा,” सिन सिदुक। 24पत्रुसकी थोक सानामेकी थेकी ज्यीबा खिन पत्रुसताङ यूहन्नाला “हजूरवे, ङाला थोक मेलेबा छ्याःङ मेङस्यीत सिन बरू ख्योकोनगीराङ प्रभु परमेश्वरताङ ङे लाईदु प्रार्थना खाला नाङ,” सिन सिदुक।
25थेरूकी पत्रुसताङ यूहन्नेकी थेबा खोपरोङगी थोङातेताङ थोबाते प्रभु येशू बात गाङे थे सारगी मिओनला लेमु खाईन लाप्कीन बिन्सुङ। थोक खाईन सिन्नामेकी तिरी थेबा ङिबो यरूशलेमपा ग्युरगीन गाल्सुङ। थेपा लामला डोजीनोङ थेबेकी सामरीओन देता ओताते युल काल्बेईला गा लाङच्येते बात लोप्कीन गाल्सुङ।
फिलिपताङ एथियोपिये मि बात
26थेमे फिलिपला प्रभु परमेश्वर दूतज्यीगी “लो खो था दक्षिण छ्य्वामा ग्युक। थेमा यरूशलेमदुकी गाजामा डोच्येते लामनापा खाला ग्युक। थे लामला खाम्बा युल खापाङ छ्याःङ मेत सिन खोल्ला छ्या ओत,” सिन बात खासुङ। 27परमेश्वर दूतकी साबा च्योकराङ खाईन फिलिप थेमाला गाल्सुङ। डुइन डुइन थे लामदु थेकी एथियोपिये मिज्यीकला ठेत्सुङ। थे मि एथियोपिये लुङबे कन्दाकी सिराते गेल्मुते आउदी छ्येते मि ओतान। थेचेन थे गेल्मुते सेर नोरताङ सम्पत्ति स्युङकान्ते मि ओतान। थे मि फेम्मे मित्ताङ ङ्योम्बु देता मुथुप्च्या जोबाते मि ओतान। थे परमेश्वरला माने खिताला यरूशलेमपा गाल्गीन प्रार्थना खाईन च्याकीन 28बग्गीला जेला खाम्बापा ग्युरला डुइन ओतान। थोक खाला डोजीन थेकी परमेश्वर बात खित्कान्ते यशैयेकी टिबाते किताब पढे खिन ओतान। 29थेमे परमेश्वर आत्मेकी फिलिपला “लो खो थे बग्गी खादु गाल्ला थेत्ताङराङ ख्योम,” सिन कोत्सुङ। 30थोक सानामेकी थे छ्य्वाकीन गाल्गीन बग्गी खानापा लेप्सुङ। थेमे थेरू थे मिकी परमेश्वर बात खित्कान्ते यशैयेकी टिबाते बात पढे खिता थोकीन थेकी थेला “हजूर, च्यि खुई थाल्ला पढे खिन ओताते बातकी अर्थ खोकीदुक?” सिन ठिसुङ। 31थेमे थे मिकी “अहँ, ङेनी मोखोदुक। सुइँदेकी लाप्कीन बिन्दा ईन्सीन खोच्या ओतान,” साकीन फिलिपलाङ थे खादुराङ स्योक सिन बग्गी लाक जेत्सुङ। 32थेकी पढे खिन ओताते परमेश्वर बातलाचेन दोक सिन टिबा ओतान। चुक सासीन
“सेताला टीबाते लुक सेत्सापा खेरजीन सरासर गालाच्योक खाईन सेत खेरजीन थेङ खाराक्पाराङ गाल्सुङ।
थेमे फाल ठेक्पाला ठाकीन रिलाते लुई रीउकी छ्याःङ खिता मुथुपा च्योकराङ खाईन दुक्पा तेरजीन गाङे दुक्पा भोगे खाईन थेकीङ खानामा ङोरोज्यीगोङ मातेन्सुङ।
33मिओनगी थेला खितासम्म बेइज्जत खासुङ। थेकी न्याय निसाफ सिराते छ्याःङ माङेत्सुङ।
थोक खाईन थेला सेत्सुङ। थोगी था थे सखा सन्तान बात सुई खितेरो?” सिन टिबा ओतान।#यशैया ५३:७-८
34थेमे थे मिकी फिलिपला “हजूर, परमेश्वर बात खित्कान्ते मिकी दि बात थे खोरोङ विषयला साबाते ईन्दाना ज्येन मि विषयला साबाते ईन्दे? ङाला दि बात लाप्ला नाङ,” सिन सिदुक। 35थेमे फिलिपकी थे मिकी पढे खाबाते बातचेन येशूकी दुक्पा ङेत्च्येतेताङ स्यिच्येते बात सिराला खाबाते ईन सिन थे बातदुकीराङ येशू गा लाङच्येते बात गाङे लेमु खाईन थेला लाप्कीन बिन्सुङ। 36थेबा ङिबो थोक खाला लामला डुइन डुइनला छ्यु ओत्सादु ख्योल्सुङ। थेमे थे मिकी “लो तो, दुरू छ्यु ओताक्वा। ङाला छ्युला लुक्ला बप्तिस्मा नाङ, ना दोक खिताला थोरूमोङ ङे खइँदा खिता फाप्कीते?” सिन सिरजीन 37फिलिपकी थेला “खुई येशूला परमेश्वर फुज्युङ ईन सिन विश्वास खिताला स्यूनामेकी दोक खिता च्यिला मेङतेरो, दाक ओङगो,” सिन सिदुक। थेमे थे मिकीङ “ईन, ङा येशूला विश्वास खिओ। येशू ख्रीष्टचेन परमेश्वर फुज्युङराङ ईन,” सिन सिदुक। 38थेमे थे मिकी थेरूराङ बग्गी रोके खित च्युत्सुङ। थेरूई थेबा ङिबो बग्गीदुकी फाप्कीन छ्युनामा गाल्सुङ। थेरू फिलिपकी थेला छ्युला लुगीन बप्तिस्मा बिन्सुङ। 39छ्युदुकी पाङला थेन्नामेकी प्रभु परमेश्वर आत्मेकी फिलिपला थेरूकी ज्येननापा खेरसुङ। थोगी थे मिकी थेला माथोङसुङ। ईन्सीनोङ थेचेन आउदी गा खिन थे खोरोङ लामला गाल्सुङ। 40फिलिपकीचेन थे खोरोङ अश्दोद सिरसादु ख्योलातेकामा थाहा छ्येत्सुङ। थेमे थे थेरूकी सिजरिये सारनापा डोजीन लामला फाप्च्येते सार सारला गा लाङच्येते बात लोप्कीन गाल्सुङ।
Currently Selected:
शक्ति काम 8: JUL
Highlight
Share
Copy
Want to have your highlights saved across all your devices? Sign up or sign in
© 1992 Wycliffe Bible Translators Inc. All rights reserved.
