लुका किताब नाल्पाका
किताब नाल्पाका
लुका ओस्रे पाइति पाका एमि बोइद्या हिघाखे (कलस्सि ४:१४)। वा एमि बोइद्या खिनिङ माको पाक्का इतिहास गेका द्याङ बुङ हिघाखे। इसुको बारेता घाटितेङ पुरा जेङका गोताङ घाटानागेलाइ बर्नन पातेङ लुका रोमि बाडाहाकिम थियोफिलसहेङ इदोइ रेम्काबानाल लेखेतेङ पिगिल्का हिघाखे। इदोइ इसुको बारेता लेखेका रेम्काबानाल एमि द्याङ कल्पना पातेङ लेखेका माको; याते एलोङ सत्य रो ऐतिहासिक बारदात दोअ्खे।
लुका इदोइ रेम्काबानालता इसु ख्रिस्ट गोताङ जात्यागेलाइहेङ बान्चेपाका प्रभु हि दोअ्तेङ नालपाका हि। वा इस्राएलिगेलाइको माझाता रेम्काबानाल पारचार पाहि रो पिरता हिकालाइहेङ उदार पाहि। कालाउ द्याङगेलाइको कुकरमको भाअ्सिङ क्रुसता सिहि रो सुम्निता सिन्हुतेङ वा सादेलता तोल्हेन्हाहि।
एसापा वा सुमिङता हिका झाराङ द्याङगेलाइको उदार पालिको भाअ्सिङ लोका हिघाहि दोअ्तेङ लुका लेखेका हि। लुका एमि ग्रिक जात्याको द्याङ हिघाखे। यहुदि द्याङगेलाइ खिनिङ माको बो द्याङगेलाइ बुङ रेम्काबानाल ग्याको दोअ्तेङ लुका इदोइ रेम्काबानाल लेखेका हिघाखे।
लुका ताइको रेम्काबानाल हिदोइ बाअ्सारता लेखेका हिघाखे दोअ्तेङ एन्साङ दोअ्लि माद्वाङ। कालाउ हेन्जाङ बाइबल बिद्वानगेलाइ लुका इदोइ रेम्काबानाल इ.सं. ६५-७० ता लेखेका हिघाहि दोअ्तेङ ठहर पाखे।
पोतोका बिसइ नामेसि
नाल्पाका १:१-४
चिभुअ्लि पिका युहन्ना, इसुको जोलोम रो जामालहिलाउ १:५-२:५२
चिभुअ्लि पिका युहन्नाको सेवा ३:१-२०
इसुको चिभुअ्लि रो जाच ३:२१-४:१३
गालिलता इसुको सेवा ४:१४-९:५०
गालिलसो यरुसलेमथिकापा ९:५१-१९:२७
यरुसलेमता न्हुअ् आथार १९:२८-२३:५६
इसु सिकासो सिन्हुतेङ सादेलता हानेका २४:१-५३
Currently Selected:
लुका किताब नाल्पाका: DHIM
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.