Mark 1

1Jali ja sango eyamu ya Jisus Kraist mwana ua Anyambe.

2E lěndwěngo o basaki, na,

Mbi lomango utodu muamě o boho boâvě, u ka bonguwě njeya ’vě o boho.

3Joyi j‘ umbâkâ i yamakandi o nginga, na, Kenjakěni megâmbâ mea Upangiyi, těkiděni njeya jaju de.

4Jân a ma baptaisakandi o nginga, na mâ‐a kalakiya baptisma ya iluwa ja melema o ivěngidě ja bobe. 5Bato ba ’he ya Judia, na ba Jěrusalěm, ba kěkind‘ o mâ‐a jadi, bâ běhěpi ba ma baptaisakwěndi na ju o viho Jordan, ba měměkě mabe mabu. 6Jân a ma bâtâkândi ngâi ja mevâtâ mea kaměl, n‘ utumba mua ’koto tingango; a jaka lohěnjěnjě na boyi boa ’hiki. 7A kalakiya, na, O vakand‘ Umbâkâ o mbuhw‘ ’amě, ngudi wa n‘ umba, mbi bě weyango n’ ibalama n’ umbamba njuwa ukâdi mwa makogo maju. 8Mbi baptaisango ’nyěni mbambayě na miba, ndi A ka baptaisandi ’nyěni n‘ Ilina Iyamu.

9E diyakindi o hwi tědině ka Jisus a viya oviya Nazarěth ya Galili, ka Mâ‐a baptaiswě na ju o Jordan. 10A jabwakate o kindiki, ka Mâ‐a yěně oba e jadi bwe, Ilina i hubaka o Mâ‐a jadi ona mbenga: 11ka joyi ja viya oviya oba, na, O Mwan‘ ’amě a tândâkě, a tândâkidě ‘Mba bwamu.

12Ka Ilina ja validě Mâ o nginga, o njo pâkâ. 13A diyakindi o nginga ovoně mabo ma hwi manai, A yějěkudwě na Setan: A diyakindi na tito: ka enjěl ja haya Mâ.

14O Jân a běkidi vamwěngo o meboka, ka Jisus a viya o Galili, A pakwakiya sango eyamu ya ipangiya ja Anyambě, 15na, Egombe e pândi, ipangiya ja Anyambě ja bě ndi piělě: uluakani melema, n‘ inyěni o ka kamakiděni sango eyamu.

16O Mâ‐a diyakidi a tamwaka baka na etima ya Galili, ka Mâ‐a yěně Saimân, na mwana nyangwě Andru, ba dulaka ’lâba o ’tima, ba diyaki bahombwedi. 17Ka Jisus a vâ na bâ, na, Vitanaki ’Mba ni, vâkâna Mbi ka pangandi ’nyěni bahombwedi ba bato. 18Ka bâ‐ba dika belâba beabu njo tě ya pâkâ, ka bâ‐ba vitě Mâ. 19O Mâ‐a běkidi yaviděngo kwěi, ka Mâ‐a yěně Jems mwana Zěbědi, na mwana nyangwě Jân, ba diyaki tepě o elende, ba hângâkâ belâba beabu. 20Ka Mâ‐a ndiya bâ njo tě ya pâkâ, ka bâ‐ba dika hangw‘ ’abu Zěbědi o elende na ba ma hakiya mâ, ka bâ‐ba vitě Mâ.

21Ka bâ‐ba vala o Kapěrnaum; o buhwa boa Iyâjâ, ka Mâ‐â ngiya o tyâtyi ’abu, A ka yokwakidě. 22Ba mamakindi iyokwanidi viaju, ’kabojana A yokwakidi bâ bwěsě ona moto a di na ipangiya, ndi hanga ka balěndi. 23Momo a diyakindi o tyâtyi ’abu n‘ ilina ibe; ka mâ‐a yama, 24na, Dikaka hwě mbwe, ho lě na nâvě nande, Âvě Jisus ya Nazarěth? O ma viyi ka weya hwě? Mbi yowudět’ Âvě, Âvě ndi Umbâkâ ua Anyambě ua Hole. 25Ka Jisus a kandidě mâ, na, Diyaka dâ, na nâvě wa puma o mâ‐a jadi. 26O ilina ibe i njimi mâ, ka jâ‐ja yama na joyi oba, ka jâ‐ja puma o mâ‐a jadi. 27Ka bâ běhěpi ba mama imama i pangaki bâ uwanaka bâ mětě na bâ mětě, na, Ekae e lě nja ’lombo ě? Vi lě nj‘ iyokwanidě via kya ekavi? ’kabojana n‘ ipangiya a sombiyakěndi tombete malina mabe na mâma yokiyate mâ. 28Ka kuma ’aju ya hungana o hamana wâwâ o hanganě tě ya Galili ně yěhěpi.

29O bâ‐ba pumakidi o tyâtyi, ka bâ‐ba ngiya o ndabo ya Saimân na Andru; na Jems na Jân ba diyakind‘ omě. 30Ndi nyangwě ya mwad‘ ’a Saimân a diyaki na mehiyo mea ivěvu bya; kwěi ka bâ‐ba languwa Mâ o pěl‘ ’aju. 31Ka Mâ‐a viya ka bweya mâ o ’nâ, ka Mâ‐a ’mudě mâ; elěngiaha tepě ka ivěvu ja dika mâ, a ka hakiya bâ.

32O joba i kweyakiyedi, na kolo, ba vanakindi mebědi meěhěpi o Mâ‐a jadi, na ba diyaki na děvil. 33Ka mboka yěhěpi ya yolaně o ubiyâ. 34Ka Mâ‐a yongě baitě ba diyaki na bebědi bea mangâ maitě, ka Mâ‐a pumě děvil iitě, Au tândâkâ děvil i kalaka; ’kabojana ba yowakidi Mâ.

35Ka Mâ‐a ’muwa n‘ ubwa n‘ ubwa, buhwa bo t‘ o bumuwa, ka Mâ‐a vala o iboko via ikutakuta; A ka kalakiya. 36Saimân na ba diyaki na ju ba vitakidi Mâ. 37O bâ‐ba běki Mâ duwango, ka bâ‐ba vâ na Mâ, na, Bato běhěpi ba vahakand‘ Âvě. 38Ka Mâ‐a vâ na bâ, na, Ho kěkeni o mboka ipâkwě, ovaně nd‘ Umbambi ka kaliy‘ ovoně tepě, ’kabojana tina ’amě e vanakidi ndi yâně. 39Ka Mâ‐a kaliya o tyâtyi jabu o Galili yěhěpi, na Mâ‐a věngěkidě děvil.

40Egâlani e vakindi o Mâ‐a jadi, ka yâ‐ya balama, e ka hâhâlâkidě Mâ, na, Oningě wa panga o te na ngudi e yongakě ’mba. 41Ka Jisus a yěně mâ ngěbě, ka Mâ‐a hambid‘ enâ, ka Mâ‐a kupaně mâ, na, Mbi pangindi; yongaka. 42Elěngiaha A kala, tepě egâlani e věngěměkě, ka mâ‐a yongwě. 43Ka Mâ‐a kelevidě mâ, ka Mâ‐a timbě mâ. 44Ka Mâ‐a vâ na mâ, na, Bandamakidě o langwake moto, ndi kěkě, ka levakidě nyolo ’âvě prist, na nâvě wa vě o pělě ya iyongwě jâvě belombo bea Mosěs be vâkidi, ka tali o bâ‐ba jadi. 45Ka Mâ‐a vala, a ka kenakě yâ n‘ iněně mětě, e pangaka Jisus a diye na ngudi e pâkě o mboka o bwebwe, nd‘ A ka diyaka kabo o loboko la nginga; bato ba ma vakandi o Mâ‐a jadi oviya hanganě yěhěpi.

Currently Selected:

Mark 1: BNG1895

Highlight

Copy