Matteyo 28
28
Ebuhuna ono Yesu
Mk 16:1-8; Lk 24:1-12; Yn 20:1-10
1Ihalu oloŋ sabato al afaŋ amotye ofwonni Maria Madalena iko Maria obo imijyere nelume. 2Ikikiro dwo afau bebe nyo isuru anjelo olo Hobu t’edou itaboruniere amorwo to hutuk ilume addi ette itoŋo ihide honyi. 3Opipyak ahwan honyi ihwa ahilai bwo obwor aboŋo honyi bebe. 4Abaŋi oseŋer anjelo bebe ette isi ikikiro ette kwaharo ifau ihwa ayak. 5Ojo ati anjelo jyo aŋorwo, Hebaŋata. Amijak ni jo ittifyati tai Yesu oŋole isihoni ikruce. 6Abeŋ tene nyo ibuhu dwo inyi ihwa ikyana nya inyi. Ifwanna, imijyere amaji oŋole itaferehinierek inyi. 7Bwo fe ifwatta kokwak iramaniere leyiyanak honyi jo, Ibuhu dwo inyi to ye ette kyomoro jihatai Galilea. Ifwatta adi itai igonyuna inyi teyya. Ihwania atuhuno, eramak ni itai. 8Ofwoi isi kokwak t’elume addi ta nabaŋi iko namuno on obolo ette isi ŋyoron iramaniere leyiyanak honyi. 9Ati orwaŋanie Yesu ikosi ette fonyo, Moŋ, ogoto. Ihutuni isi jihonyi ette rigoŋi ittiryere ejek honyi ette isi itahabuyo inyi. 10Attati Yesu jaran jihosi jo, Hebaŋata, ifwatta iramaniere illarak hoŋ jo oŋida isi ofwoi lifau Galilea bwo fe teyya igonyuni adi isi ani.
Agesemi ono Oseŋer
11Hofwoi aŋorwo, ofwoi bwo fe oseŋer imiji iramaniere ehumak eleittaha erre daŋ hun idwoŋi’to. 12Ottubanie isi iko amarwak iwwahari eram ania ette isi isyarana agurusi arryai jyo oseŋer, 13ette jaran jihosi, Iramana laati jo ofwonni dwo leyiyanak honyi ta arwe lejoto hohoi ette isi hahalaro ahwan honyi. 14Bwo fe kuyya itaniŋu mandir eram ana, etilik adi hohoi inyi jo oŋida inyi obeŋ abak itai. 15Iyarai isi agurusi ette iramana laati ihwa ifahini jihosi. Tania many iko ahana ikyanai laati Yudea ihwo nya.
Efahina Yesu Leyiyanak Honyi Ittiyeniere
Mk 16:14-18; Lk 24:36-49; Yn 20:19-23
16Ofwoi leyiyanak ’tomon habotye Galilea jyo adoŋe ninya itahutak Yesu jihosi. 17Al igonyuni isi inyi origoŋi isi jihonyi itahabuyere inyi. Ati ikuyyai omuk. 18Ihutu Yesu ikyanari jihosi ojo, Isyori adwaran daŋ ono edou iko ono afau jihoŋ. 19Tania ifwatta ituruhyere aati hutta fauhyen daŋ bwo fe ibatisyete isi ta afure Monye iko Lonyi bwo Oloyiri ol Olibo. 20Ittiyeniete isi ihaniere erre daŋ hunya efak ni jihatai. Bwo fe imijyete, awon ni ikatai oŋitek daŋ many isidi fau.
Currently Selected:
Matteyo 28: LOT1969
Highlight
Share
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
