Luka 14

Etaŋidaryo Yesu Atulo Abalaco

1To oloŋ sabato olo Yesu iŋiyere aŋirya lihaji obo eleittok olo Farisei, attati laati ikikorihina jihonyi. 2Owon nya bwo fe lobo latulo dia ol owon iko obo aŋwai ono abalaco. 3Attati Yesu ifiyo aŋotok hirre iko Farisei ojo, ?Odwa itaŋidaryere atulo to noloŋ sabato? 4Attati isi dwahino ette Yesu iyaro atulo alya ette itaŋida ette ifahina inyi hetelo. 5Inyyak inyi ikyana jihosi ojo, ?Ŋai obo alatai ol okwahino asigirya honyi kuyya eteŋ litwa hirre bwo inyi obeŋ ipihu inyi addi to noloŋ sabato? 6Bwo isi obeŋi itarraŋi jihonyi ta nerre hunia.

Eloŋuna Monye Haji Atamonok Honyi

7Attati inyi ikyana arryamara jyo hya hinya iloŋuni iŋiyere, nyo igonyu inyi isi onyimuni amasik hun oyiji itoŋori. Ojo jihosi, 8Al iloŋo obo alatai jyo alomone, hetoŋo jyo amaji ono eleittok ara bwo hottu obo atulo al ara eleittok jihoi. 9Ojo adi latulo al iloŋuno’to iye ojo, Isyarak olo amaji hoi. Tania ilo adi iye ta ariri jyo amaji obo. 10Ati al iloŋoro iye, ilo, itoŋoi jyo amaji on ofyaha’to. Bwo al ottu leloŋoni wati, ottu adi jaran jihoi ojo, Illa, waŋ, itoŋoi imaji on oyyu’to ana, tania iwon adi iye iko nolohwo ihosyere hul oŋiye’to. 11Nyo lya al itahabworo’to ahwan honyi, itiloririji adi, bwo lya ol omyana’to ahwan honyi itahabuhini adi.

12Tania ojo Yesu jyo lya al iloŋu inyi ojo, Al ihuhum iye aŋiyo on obolo heloŋ illarak hoi kuyya bu orryahat hoi, kuyya aati hutta haŋ hatai, kuyya aati hatai hul abarai’to, ŋadi isi iloŋuni iye obo oloŋ iŋiyere ikosi. 13Ati al ihuhumyo iye akarama iloŋu alocaŋak, arrohojak, aŋurak, iko aŋodok. 14Bwo ifwotu adi iye namuno nyo obeŋi isi oremehini inienuna iye iŋiyere bwo ifwotu adi iye edumit hoi iholoŋ an ibuhunierek aati hul oyiji’to.

Narryamara ono Akarama on Obolo’to

15Ati litaniŋu lobo ol oŋiye’to ikosi neram ana, ette jaran jyo Yesu ojo, Hotomunoi atulo ol oŋiyo’to aŋirya ilobye Hollum. 16Ati ojo Yesu jihonyi ojo, Ihuhumyo nya obo atulo naŋiyo on obolo bebe ette iloŋuna aati aaryai. 17Al ara asaa ono aŋiyo, ifak inyi apit honyi hetelo iloŋuno aati nyo attubai nerre daŋ. 18Bwo isi daŋ ababo ette ikyana elyati hosi. Ojo ebotye jihonyi ojo, Enyyaŋu ŋole ni nobo amana tania awak ni leten mijo. Ajo ni jihoi, ilo iramak inyi. 19Bwo fe lobo ette jaran, Enyyaŋu ŋole ni attamoti husuŋ miet, ajo ni alo mijo. Ajo ni jihoi, ilo iramak inyi. 20Bwo lobo ojo, Ayama ŋole ni aŋotte, tania abeŋ ni aremik leten. 21Attati lapit cohuno ette ramana eleittok eram ana. Tania ijorya eleittok bebe ette jaran jyo lapit honyi ojo, Ilo lilofirihi miji kokwak bwo iloŋunie dini alocaŋak, arrohojak, aŋurak bwo aŋodok. 22Attati lapit jaran jihonyi ojo, Leittok, ehanio ni ihwa ikyana iye ati harasa amaji. 23Attati eleittok jaran jyo lapit ojo, Ilo ikota daŋ orrosunie omuk oŋida ofwonni daŋ dini jo oŋida aji hoŋ ifut hiny hiny. 24Nyo ajo ni jihatai jo, Obeŋ adi obo jyo hya hul iloŋuni ahosyere iniŋ aŋiyo hoŋ.

Ijara Ejifani Ihum Igigilo

25Attati eluluŋ wati arryai fwatan iko Yesu bwo inyi ette jaran jihosi, 26Al ottu obo atulo jihoŋ ol obeŋ oliwari monyonyi iko honyonyi, ŋorwoi, onyirok, hutta haŋ honyi, haniarak honyi iko nesu honyi luŋa, obeŋ inyi oremik ratan aheyiyanani hoŋ. 27Bwo fe ol obeŋ’to olororo akruce honyi ette jifaro ani obeŋ oremik ratan aheyiyanani hoŋ. 28Kuyya awak obo alatai duho aji on ohodo’to, itoŋo inyi ahosyere do lifau ette ihen arobia honyi imijyere kuyya oremehini isi ituhoniere egyama honyi. 29Nyo ŋadi al ihanak inyi etawoni haji do bwo labeŋ inyi otuhonio, osuhotyerek adi aati inyi. 30Ojori adi isi, Itteryo nya inyi aduho haji ati obeŋ oremik tuhonia. 31Kuyya awak obo hobu arrem iko obo, ahosyere do igigilo inyi jo kuyya oremik inyi iko aati honyi alif ’tomon ’rem iko aati alif atomwana arrihai. 32Kuyya obeŋi isi oremehini, halamaji hya, ifak inyi atulo itimwaraniere isi. 33Ihwo nya, lya ol obeŋ’to obusak nerre honyi daŋ obeŋ oremik ratan aheyiyanani hoŋ.

Amile an Ilik

Mt 5:13; Mk 9:50

34Oyyu amile, ati al ilik amile, ?aŋai adi inyyahini eŋolito honyi? 35Obeŋ bwo fe inyi oremik itayyu obo ariŋ, oŋida ibiro inyi addi. Lya ol owon’to iko ayyaha ijara inyi hetaniŋu.

Currently Selected:

Luka 14: LOT1969

Highlight

Copy