Ai Vola I Isaia, na Parofita 55
55
Sa tukuna ko Isaia na ka vinaka vakayalo sa cokonaka ko Jiova me nodra na tamata kecega era vakabauti koya na Mesaia, 1-5. Sa vunautaka na veivutuni kei na vakabauta, me rawa kina na bula; a sa vakatakila na ka dinadina ena tubu e na loma ni tamata, e na vosa ni Kalou, kei na cakacaka ni Yalo Tabu, 6-13.
1OI kemudou vakaaduaga sa viagunu, dou lako mai ki na wai; io ko koya sa sega vua nai lavo, dou lako mai, mai volia na kemudou, ka kania; io dou lako mai, mai volia, ka sega e nai lavo se nai voli, na waini kei na wai-ni-sucu. 2A cava dou sa volitaka kina na nomudoui lavo e na ka sa sega ni kakana; kei na nomudou cakacaka e na ka dou na tawa mamau kina? dou vakarorogo sara vei au, ka kania na ka sa yaga, ia na yalomudou ena qai marautaka na ka sa uro. 3Dou vakatu daliga, ka lako mai vei au; dou rogoca, ena qai bula na yalomudou; kaʼu na ia kei kemudou na veiyalayalati e tawa mudu, io na ka sa yalataki dina vei Tevita. 4Raica, kaʼu sa soli koya me nodra dautukutuku na veimataqali, me nodra turaga ka vu-ni-vunau na veimataqali. 5Raica, na matanitu, ko a tawa kila, ko na kaciva, kei na matanitu sa tawa kilai iko, ena cici mai vei iko, e na vuku i Jiova na nomu Kalou; kei na vuku i Koya na Yalosavasava nei Isireli, ni sa vakarokorokotaki iko.
6Dou vakasaqarai Jiova ni sa kune rawa; dou masuti koya ni sa voleka tiko: 7me biuta na nona sala na tamata ca, kei na nona vakanananu na tamata daucaka cala; me saumaki ko koya vei Jiova, ena yalololoma vua, io vei koya na noda Kalou, ni na gugumatua ni lomana: 8ni sa dua tani na noqu vakanananu ka dua tani na nomudou vakanananu, a sa dua tani na noqu sala ka dua tani na nomudou sala, sa kaya ko Jiova. 9Ni sa vaka na lomalagi ni sa cecere ki vuravura, sa cecere vakakina na noqu sala ki na nomudou sala, kei na noqu vakanananu ki na nomudou vakanananu. 10Ni sa vaka ni sa lako sobu na uca, kei na uca-vulavula mai lomalagi, ka sa tawa lesu tale yani kina, ka sa vakasuasuataka mada ga na qele, ka cakava me bulabula ka vua, me vuataka kina na sila vua sa kaburaka, kei na madrai-sila vua sa kania: 11ena vaka talega kina na noqu vosa sa lako yani mai na gusuqu; ena sega ni lesu tale wale vei au, ena vakayacora mada ga na ka kaʼu sa vinakata, ka daucaka yaco e na ka kaʼu a tala kina. 12Ni dou na marau, ni dou sa lako yani; ka vakacegu, ni dou sa tuberi yani; na veiulu-ni-vanua kei na veiulu-ni-koro ena lagata mai e na matamudou na meke, ia na kau kecega ni vanua ena ia na cobo. 13Mei sosomi ni soni ena tubu mai na nokonoko, mei sosomi ni salato ena tubu mai na muriteli, ia na ka o qori ena nei Jiova me yaca rogo kina, me kenai divi tawa mudu ena sega ni takali.
Currently Selected:
Ai Vola I Isaia, na Parofita 55: FIJ1864
Highlight
Share
Copy
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
