Ai Vola I Isaia, na Parofita 54
54
Ni ra sa qai lotu mai na lewe ni veimatanitu ena lewe vuqa kina nai vavakoso lewe ni soro, 1-10. Ni sa takali nai valavala ni lotu makawa, ena qai vinaka sara na lotu e na gauna ni Mesaia, 11-17.
1MO ia na meke, ko iko na yava, sa sega ni vakasucu; lagata mai na meke, ka kaila, ko iko sa sega ni taratara: ni ra sa lewe vuqa na luve i koya sa biu, ka lewe lailai na luve i koya sa vakawati, sa kaya ko Jiova. 2Vakalalagataka na tikina ni nomu vale malo, ia na kena malo ni nomui tikotiko me dre ga yani; kakua ni ko maninitaka; vakababalavutaka na nomu dali, ka vakadeitaka na nomui vako; 3ni ko na tete yani ki nai matau kei nai mawi: ia na nomu kawa ena taukena na veimatanitu, ka vakatawa na veikoro rusa. 4Mo kakua ni rere, ni ko na sega ni madua; ia mo kakua ni taqaya, ni ko na sega ni vakamaduataki: ni ko na guilecava na ka veivakamaduataki ni ko a cauravou, ia na ka ko rogorogo vakaca kina ni ko sa dawai ko na sega ni nanuma tale. 5Ni sa watimu ko koya ka Buli iko, o Jiova ni lewe vuqa na yacana; sai koya na nomui Vakabula na Yalosavasava nei Isireli; na Kalou ni vuravura kecega ena vakatokai ko koya, 6ni sa vaka na alewa biu ka rarawa na lomana ni sa kacivi iko ko Jiova, ka vaka na watina e dua sa cauravou; ni ka kaya na nomu Kalou, Ena sa biu ga. 7Au a biuti iko ka dede na sauriva; ia e na loloma levu kaʼu na vakasoqoni iko. 8Ni sa tau mai na cudru, kaʼu a tabonaka na mataqu maivei iko ka dede vakalailai sara ga; ia e na loloma tawa mudu kaʼu na lomani iko kina, sa kaya na nomui Vakabula ko Jiova. 9Ni sa vaka na wai i Noa vei au na ka o qo: kaʼu a vosavavakini me kakua ni luvuci vuravura tale na wai i Noa; kaʼu sa vosavavakini vakakina meʼu kakua ni cudruvi iko, se vunauci iko. 10Ni na takali na veiulu-ni-vanua, ka yavavala na veiulu-ni-koro; ia na noqu yalololoma ena sega ni takali vei iko, kei na noqu veiyalayalati ni sautu ena sega ni yavavala, sa kaya ko Jiova, o koya sa lomani iko.
11O iko na daurarawa, na daucagina e na cava, na luveniyali, raica, kaʼu na viritaka na nomu veivatu e na dregai qumu, ka tauyavutaki iko e na safairi: 12kaʼu na cakava na nomu bai ni valu e na rupi, kei na nomu matamata-ni-koro e na vatu lumilumisa, kei na nomui yalayala e na vatu daudomoni. 13A luvemu kecega ena vakavulici ira ko Jiova, ena ka levu talega na nodra vakacegu na luvemu. 14Ni sa tu mai na ka dodonu ko na vakataudeitaki kina; ena yawa ga vei iko na veivakararawataki, ni na sega na ka mo rerevaka; kei na veivakarusai, ni na sega ni torovi iko mai. 15Raica, era na soqoni dina mai, ka sega ni maivei au; o koya ena soqoni vakaivalu mai vei iko, ena vuki ga mai ko koya. 16Raica, oi au kaʼu a bulia na matai sa iriva na qilaiso ni buka waqa, ka sa cakava mai nai yaragi e na nona cakacaka; oi au talega kaʼu a buli koya na dauvakacaca me ia na veivakacacani: 17nai yaragi kecega sa caka me kemu ena sega ga ni yaco; kei na yame kecega ena mai veilewai kei iko ko na vakacala ga. O qo na nodrai votavota na tamata i Jiova, kei na nodra veivakadonui maivei au, sa kaya ko Jiova.
Currently Selected:
Ai Vola I Isaia, na Parofita 54: FIJ1864
Highlight
Share
Copy
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
