Popular Bible Verses from Ai Vola I Isaia, na Parofita 54

Share

nai yaragi kecega sa caka me kemu ena sega ga ni yaco; kei na yame kecega ena mai veilewai kei iko ko na vakacala ga. O qo na nodrai votavota na tamata i Jiova, kei na nodra veivakadonui maivei au, sa kaya ko Jiova.

Ni na takali na veiulu-ni-vanua, ka yavavala na veiulu-ni-koro; ia na noqu yalololoma ena sega ni takali vei iko, kei na noqu veiyalayalati ni sautu ena sega ni yavavala, sa kaya ko Jiova, o koya sa lomani iko.

Mo kakua ni rere, ni ko na sega ni madua; ia mo kakua ni taqaya, ni ko na sega ni vakamaduataki: ni ko na guilecava na ka veivakamaduataki ni ko a cauravou, ia na ka ko rogorogo vakaca kina ni ko sa dawai ko na sega ni nanuma tale.

Ni sa watimu ko koya ka Buli iko, o Jiova ni lewe vuqa na yacana; sai koya na nomui Vakabula na Yalosavasava nei Isireli; na Kalou ni vuravura kecega ena vakatokai ko koya

Vakalalagataka na tikina ni nomu vale malo, ia na kena malo ni nomui tikotiko me dre ga yani; kakua ni ko maninitaka; vakababalavutaka na nomu dali, ka vakadeitaka na nomui vako

A luvemu kecega ena vakavulici ira ko Jiova, ena ka levu talega na nodra vakacegu na luvemu.

Ni sa tau mai na cudru, kaʼu a tabonaka na mataqu maivei iko ka dede vakalailai sara ga; ia e na loloma tawa mudu kaʼu na lomani iko kina, sa kaya na nomui Vakabula ko Jiova.

Au a biuti iko ka dede na sauriva; ia e na loloma levu kaʼu na vakasoqoni iko.

Ni sa vaka na wai i Noa vei au na ka o qo: kaʼu a vosavavakini me kakua ni luvuci vuravura tale na wai i Noa; kaʼu sa vosavavakini vakakina meʼu kakua ni cudruvi iko, se vunauci iko.

kaʼu na cakava na nomu bai ni valu e na rupi, kei na nomu matamata-ni-koro e na vatu lumilumisa, kei na nomui yalayala e na vatu daudomoni.