Ai Vola I Isaia, na Parofita 56
56
Ena vakavotuni sara na lewa dodonu i Jiova, o koya me ra yalodina kina na nona tamata, 1, 2. Ena tawa vinakati se cati loa e dua na tamata, era na vinakati kece era lotu dina, 3-8. O ira liatamata lotu vakailasu era na cudruvi ga, 9-12.
1SA vosa vakaoqo ko Jiova, Dou vakabauta na lewa, ka cakava nai valavala dodonu: ni sa voleka ni yaco na veivakabulai kaʼu sa ia; kei na noqu lewa dodonu sa voleka ni vakatakilai. 2Sa kalougata na tamata ena cakava o qo; kei na luve ni tamata ena taura matua, ni sa vakatabuya na siga tabu, me kakua ni vakacacana; ni sa tarova na ligana talega, me kakua ni cakava e dua na ka ca.
3Ia na kai tani sa torovi Jiova, me kakua ni vosa ko koya, ka kaya, Ena tawasei au tani sara ko Jiova maivei ira na nona tamata: me kakua talega ni kaya ko na mata, Raica, oi au kaʼu sa kau mamaca. 4Ni sa vosa vakaoqo ko Jiova vei ira na mata era na vakatabuya na noqu siga tabu, ka digitaka na ka kaʼu sa rekitaka, ka taura matua na noqu veiyalayalati; 5kaʼu na solia me nodra e na noqu vale kei na noqu lomanibai na tikina kei na yaca e vinaka ka ca me vakaluveni ka tagane ka yalewa; kaʼu na solia vei ira na yaca rogo ka tawa mudu, ena sega ni takali. 6Ia ko ira na kai tani era sa torovi Jiova, me qaravi koya, ka lomana na yaca i Jiova, me ra nona tamata, ka ra dui vakatabuya na siga tabu, me kakua ni vakacacana, ka ra taura matua na noqu veiyalayalati: 7kaʼu na kauti ira mai ki na noqu ulu-ni-vanua tabu, ka vakamarautaki ira e na noqu vale ni masu; a nodrai soro kama kei na nodrai madrali ena vakadonui e na noqui cabocabo-ni-soro; ni na vakatokai na noqu vale me nodra vale ni masu na tamata kecega. 8Sa kaya na Turaga ko Jiova, o koya sa vakasoqoni ira vata mai na Isireli era vakasevi, Kaʼu na ia tale meʼu vakasoqoni ira vei ira, me kedrai kuri era sa vakasoqoni rawa mai.
9Oi kemudou kece na manumanu ni vanua, dou mai kana, ia koi kemudou kece na manumanu ni veikau. 10O ira na nodrai vakatawa era sa mataboko kecega, era sa sega ni vuku; o ira kecega era sa koli galu, era sa sega ni kodro rawa; era tadra, era koto, era vinakata na moce. 11Ia na koli o qo era sa daukana, era sa sega ni mamau rawa; ia ko ira nai vakatawa era tawa vuku rawa; o ira kece era sa dui gole ga ki na nona sala, na tamata yadua ki na nonai yau, sa sega e vo. 12Era sa kaya, Tou ia, kaʼu na laʼki kauta mai na waini; ia me tou gunuva vakalevu sara na yaqona; ena vaka na siga edaidai na siga e na sabogibogi, ia ena vinaka vakalevu cake sara ga.
Currently Selected:
Ai Vola I Isaia, na Parofita 56: FIJ1864
Highlight
Share
Copy
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
