Salmos 5
5
Sc'anel vocol ta stojol Dios
Q'ueoj yu'un David. Laj yich' q'uejintael ta amaetic; ja' la sventain banquilal yu'un jq'ueojetic.
1-2Muc'ul Dios, vo'ot Ajvalilot, vo'ot Diosot cu'un,
a'ibun me li jc'ope;
tuc'ulanbun ti xina'et,
ti xivocolet ta atojole,
yu'un vo'ot no'ox chajc'opanot.
3Muc'ul Dios, a'ibun me li jc'op ta sobe,
yu'un ta ven sob ta jcholbot li jvocole;
ja' xa no'ox ta jmalabe stac'ubil li jc'ope.
4Vo'ot Diosot ti mu xac'upin c'usi chopole;
li boch'otic chopolique mu xu' chc'aliic ta ats'el.
5Mu'yuc yavilic te ta atojol li jtoybaetique;
mu xac'an xaq'uel li boch'otic chopol c'usi tspasique,
6Chavac'be stoj smul li j'epalc'opetique;
chajip loq'uel ta atojol li boch'otic oy c'usi tspasic ta mucule xchi'uc li jmilvanejetique
7Pero li vu'une ta slequil avo'nton xu' chi'och ta ch'ulna avu'un;
xu' chaquich'ot batel ta muc' ta scotol co'nton ta stuq'uil li ch'ulna avu'une.
8Muc'ul Dios, tojobtasun ta spasel c'usi lec tuc' chac'an, yu'un chiyilbajinicun li cajcontrataque;
ic'un batel ta lequil be avu'un.
9Yu'un li stuquique mu'yuc stu li c'usi chalique;
solel boliben o li yut yo'ntonique.
Li snuq'uique xco'laj xchi'uc ti'muquinaltic ti jamal sti'e;
li yoq'uique ja' chtun yu'unic sventa chlo'lavanic.#Ro 3.13.
10¡Dios cu'un, ac'bo stojic!
Ac'o yalicuc ta lum stuquic ta scoj li c'usi snopojique;
jipo loq'uel ta scoj ti yepal smul staojique,
yu'un toj ep stoyoj sbaic ta atojol.
11Yan li boch'otic ja' no'ox tsa'ic coltael avu'une cuxetuc no'ox yo'ntonic;
junuc no'ox yo'nton ac'o q'uejinicuc, yu'un vo'ot atuc chacolta.
Li boch'otic sc'anojicote, vo'ot no'ox ta aventa ac'o cuxetuc yo'ntonic.
12Yu'un ja' chavac'be bendición li boch'otic tuc' yo'ntonique;
li slequil avo'ntone ja' smaquic c'otem.
Currently Selected:
Salmos 5: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
