Salmos 6
6
Sc'opanel Dios c'alal oy at-o'nton
Q'ueoj yu'un David. Laj yich' q'uejintael ta sonetic ti yich'oj vaxquib yaq'uile; ja' la sventain li banquilal yu'un jq'ueojetique.
1Muc'ul Dios, mu me ta sc'ac'aluc avo'nton xataq'uiun;
mu me xa'ilin ti chavac'bun nucule.#Sal 38.1; Jer 10.24.
2Muc'ul Dios, avocoluc c'uxubinun me,
yu'un toj alubenun chca'ay.
Muc'ul Dios, ac'bun jtsatsal yan velta,
yu'un chnic scotol jbec'tal.
3Toj ch'ayem xa no'ox co'nton chca'ay.
Muc'ul Dios, ¿c'usi to ora chatal?
4Muc'ul Dios, la' me coltaun;
coltaun ta sventa slequil avo'nton.
5Li boch'otic chamenic xae, mu xa xasna'icot.
¿Boch'o to xu' chayalbot lec ac'oplal te ta yavil animaetic?#Sal 88.10-12; 115.17; Is 38.18-19.
6Lubenun xa ta oq'uel.
Jujun ac'ubal puru oq'uel ta jpas ta jvayab;
solel ach'em xa jxonjol ta ya'lel jsat.
7Ic'uxub xa jsat ta scoj li jvocole;
chmac xa jsat ta scoj chiyac'bicun jvocol li cajcontrataque.
8¡Voc'o abaic loq'uel ta jtojol, vo'oxuc ti toj chopoloxuque!,#Mt 7.23; Lc 13.27.
yu'un li Muc'ul Diose laj xa ya'ibun li jc'op ti ep chi'oq'ue.
9Laj xa ya'ay ti xivocolet ta stojole;
laj xa stsacbun li jc'ope.
10Scotol li cajcontrae chlic q'uexovicuc, chlic jinicuc o;
jmaq'uel no'ox ta satil chlic jatovicuc loq'uel ta scoj q'uexlal.
Currently Selected:
Salmos 6: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
