Salmos 4
4
Ja' no'ox smuc'ul co'ntontic li Diose
Q'ueoj yu'un David. Laj yich' tijel ta sonetic ti oy yaq'uiltaque; ja' la sventain li banquilal yu'un jq'ueojetique.
1Dios cu'un, tuq'uil jchapanvanej cu'un,
tac'bun me jc'op ti c'alal chajc'opanote.
C'alal ja'o oy ep jvocole, vo'ot laj amuq'uibtasbun co'nton.
C'uxubinun, a'ibun me li jc'ope.
2Vo'oxuc ti chacontrainicune,
¿baq'uin to chlaj avo'ntonic ta soquesel li jc'oplale?
¿Baq'uin to chlaj avo'ntonic ta snopilanel
li c'usi mu'yuc stue,
ti ja' no'ox puru epalc'ope?
3Na'ic me, li Muc'ul Diose ja' lec chil li boch'o tuc' yo'nton ta stojole.
Na'ic me ti chiya'ibun jc'op c'alal ta jc'opan li Muc'ul Diose.
4Xi'anic me, mu me xasa' amulic.#Ef 4.26.
C'alal jun avo'nton mocholoxuc ta avayabique,
nopo lec ava'yic c'u x'elan li avo'ntonique.
5Aq'uic milbil matanaletic ta slequil avo'ntonic;
ja' no'ox pato avo'ntonic o yu'un li Muc'ul Diose.
6Muc'ul Dios, ep li boch'otic jech chayalboxuque: “Ac'buncutic li alequilale;
lec me xaviluncutic”, xiic.
7Pero li vo'ote laj xa avac'bun ep xcuxetel co'nton;
xjelov to jech chac c'u cha'al li boch'o oy ep strigo xchi'uc ya'lel sts'usube.
8Jun co'nton chivay, ta ora no'ox ch-och jvayel,
yu'un vo'ot no'ox ta aventa, Muc'ul Dios, ti jun co'nton cuxulun ta banamile.#Sal 3.5; Pr 3.24.
Currently Selected:
Salmos 4: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.