1 Crónicas 16
16
1Ja' jech ic'ot yu'unic li xcaxail smantal Diose; te c'ot stiq'uic ta yut carpana ti smeltsanoj xa ono'ox li Davide. Te la smilbeic, la xchic'beic smoton Dios sventa lec ch-ilatic. 2C'alal ilaj yo'nton ta smilel, ta xchic'bel smoton Dios li Davide, lic yac'be bendición scotol israeletic ta sbi li Muc'ul Diose. 3Scotol li israel vinic antsetic te oyique lic yac'anbe jujun pan, jujulec' ti'bol, xchi'uc yan jujun pan pasbil ta taqui sat ts'usub.
4Li Davide lic st'uj te ta stojol levietic boch'o xu' te chtunic o yo' bu oy li caxae, yu'un ja' te tsc'anbeic vocol, tstojbeic ta vocol, chalbeic slequilal li Muc'ul Dios yu'un Israele. 5Ja' la st'uj ta banquilal li Asafe; ja'o la st'uj Zacarías, Jeiel, Semiramot, Jehiel, Matatías, Eliab, Benaía, Obed-edom, xchi'uc Jeiel. Yich'anojic muc'tic arpa, xchi'uc bic'tal arpa. Yan li Asafe ja' tstij li sepajtic taq'uine. 6Jech noxtoc li paleetic Benaía xchi'uc Jahaziele te tsjupanic o ta stuq'uil xcaxail smantal Dios li yoq'uesique.
Sq'ueoj David c'alal la stojbe ta vocol Dios
(Sal 105.1-15; 96.1-13; 106.47-48)
7Ja'o jech sc'ac'alil laj yalbe Asaf li David ti ac'o sq'uejintaic ta stojol Muc'ul Dios xchi'uc xchi'iltac li q'ueoj li'i. Ja' sventa tstojbeic ta vocol li Diose. Ja' jech li q'ueoj laj yal Davide:
8“Tojbeic ta vocol li Muc'ul Diose.
Albeic slequilal li sbie.
Puquic batel ta lumetic li yabtele.
9Q'uejinanic sventa chavich'ic ta muc'.
Alic batel ti toj muc'tic c'usi spasoje.
10“Junuc avo'ntonic ta sventa ti toj jun yutsil li xch'ulbie.
Cuxetuc yo'ntonic li boch'otic ta sa'ic Muc'ul Diose.
11Sa'ic li Muc'ul Diose xchi'uc li svu'ele;
sa'ic scotol c'ac'al li coltael yu'une.
12Mu me xch'ay ta avo'ntonic ti toj muc'tic yabtel spasoj,
xchi'uc c'usitic lec yaloj,
13vo'oxuc li smomnich'naboxuc Israel, ja' li yajtunele,
vo'oxuc li xnich'naboxuc Jacob ti t'ujbiloxuc yu'une.
14“Li Muc'ul Diose ja' Dios cu'untic;
ja' sventainoj scotol banamil.
15Ac'o me jeloven xa jmil (1,000) ta c'ol li cristianoetique,
pero li Diose mu xch'ay o ta yo'nton li c'usi xchapanoje.
16Ja' li c'usi la xchapan xchi'uc Abrahame;#Gn 12.7; 17.8.
ja' li c'usi laj yal ta jamal stuc ta stojol Isaaque.#Gn 26.3.
17Ja' jun mantal icom o ta stojol li Jacobe;
ja' jech chapal icom o ta stojol Israel,
18ti c'alal jech laj yalbee:
‘Vo'ot chacac'bot li Canaán banamile;
ja' apuculal osil chacac'bot’,#Gn 28.13. xut.
19“C'alal mu'yuc to'ox epique,
c'alal jayibuc no'ox chanovic li' ta banamile,
20ixanovic batel ta yantic banamiletic
ta stojol yantic ajvaliletic.
21Pero li Diose me jutuc muc xac' ta uts'intael;
ja' laj yac'be svocolic li ajvaliletique:
22‘Mu xapiquic li jt'ujbil vinictaque,
mu xavuts'intaic li caj'alc'optaque’,#Gn 20.3-7. xut.
23“Jnaclumetic ta banamil, q'uejintaic li Muc'ul Diose;
alic jujun c'ac'al ti c'u x'elan chcoltavane.
24Q'uejintabeic slequilal, xchi'uc smuc'ul stsatsal
ta scotol lumetic, xchi'uc ta scotol banamiletic.
25Yu'un ja' toj ech'em smuc'ul li Muc'ul Diose.
Ja' no'ox stuc oy ta ich'el ta muc';
ja' no'ox stuc xi'bil ta scotol li yantic diosetique.
26Li diosetic yu'un yantic lumetique loc'tabilic no'ox;
yan li Muc'ul Diose ja' la spas li vinajele.
27Toj ech'em tsots xojobal ti bu oye;
toj ep svu'el, toj jun yutsil ti bu nacale.
28“Vo'oxuc yajvaltac lumetic, tsc'an oy c'usi chavac'beic li Muc'ul Diose;
ich'beic ta muc' stsatsal svu'el li Muc'ul Diose.
29Ich'biluc ta muc' avu'unic li Muc'ul Dios jech chac c'u cha'al tsc'ane;
ac'beic smoton ti c'alal chatalic ta stojole.
Quejano, patano abaic ta stojol te ta xch'ulna.#Sal 29.1-2.
30Scotol banamil ac'o xi'icuc ta stojol li Muc'ul Diose.
Li banamile lec staoj snacleb o; mu xu' chbac'.
31Cuxetuc no'ox cha'yic li vinajel xchi'uc banamile.
Jech ac'o yalic li jujun muc'tic lumetique:
‘Ja' ajvalil stuc li Muc'ul Diose’, ac'o xiicuc.
32Ac'o bac'uc li nabetique xchi'uc c'usitic te oye.
Cuxetuc no'ox yo'nton li te'tique xchi'uc li c'usitic te oye.
33Ac'o sq'uejintaic Muc'ul Dios li muc'tic te'etic ta toyolaltique
yu'un ja' chtal xchapan li banamile.
34“Tojbeic ta vocol li Muc'ul Diose yu'un ja' toj lec,
yu'un mu xlaj o sbatel osil li c'uxubinel yu'une.#2 Cr 5.13; 7.3; Esd 3.11; Sal 100.5; 106.1; 107.1; 118.1; 136.1; Jer 33.11.
35Jech xavalic:
‘Coltauncutic Dios cu'un, yu'un vo'ot Jcoltavanejot cu'uncutic.
Ic'uncutic, coltauncutic loq'uel ta sc'ob li yantic banamile,
yu'un jech xu' ta xcalcutic batel slequilal ach'ul bi,
jech xcuxet no'ox co'nton chaquich'otcutic ta muc'’, utic.
36Ta sbatel osil ich'biluc ta muc'
li Muc'ul Dios yu'un Israele”, xi li q'ueoj laj yal Davide.
Jech laj yal scotol li israeletique: “Jechuc”, xiic. Jech ich'bil ta muc' ic'ot li Muc'ul Diose.
37Li Davide te la scomtsan o ta stuq'uil xcaxail smantal Muc'ul Dios li Asaf xchi'uc xchi'iltaque, yu'un ja' te tspasic li c'usi tsc'an pasel ta stojol Dios ta jujun c'ac'ale. 38Jech noxtoc te laj yac' comel li Obed-edom xchi'uc vaxquib xchanvinic (68) xchi'iltaque. Ja' icomic ta jchabi ti'naetic li Obed-edom xnich'on Jedutune, xchi'uc li Hosae. 39Jech noxtoc li pale Sadoc xchi'uc yantic xchi'iltac ta paleale te laj yac' comel ta stuq'uil sti' xch'ulna Muc'ul Dios te ta Gabaón. 40Yu'un ja' yabtel chac'beic smoton Muc'ul Dios scotol c'ac'al ta jujun sob, xchi'uc ta jujun bat c'ac'al,#16.40 C'ac'al - Oy boch'o chalic jtotic. xchi'uc chchic'beic smoton te ta scajleb, jech chac c'u cha'al chal ta svunal mantaletic yu'un Muc'ul Dios ti yac'ojbe li israeletique. 41Te laj yac'be comel xchi'inic li Hemán, Jedutún, xchi'uc li yantic laj yich'ic t'ujel sventa tsq'uejintabeic slequilal li Muc'ul Diose, yu'un sbatel osil mu xlaj o li c'uxubinel yu'une. 42Le'e ja' la sjupanic oq'uesetic, la stijic sepajtic taq'uin, xchi'uc yantic sonetic sventa chq'uejinic ta stojol Dios. Yan li xnich'nabtac Jedutune ja' icomic ta jchabi ti'na.
43Ts'acal isutic batel ta snaic scotol li israeletique. Jech ec li Davide isut batel ta sna sventa bat sc'anbe bendición ta stojol li yajnil xnich'nabe.#2 S 6.19-20.
Currently Selected:
1 Crónicas 16: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
