Popular Bible Verses from 1 Crónicas 16

Share

Sa'ic li Muc'ul Diose xchi'uc li svu'ele; sa'ic scotol c'ac'al li coltael yu'une.

“Tojbeic ta vocol li Muc'ul Diose yu'un ja' toj lec, yu'un mu xlaj o sbatel osil li c'uxubinel yu'une.

“Tojbeic ta vocol li Muc'ul Diose. Albeic slequilal li sbie. Puquic batel ta lumetic li yabtele.

“Junuc avo'ntonic ta sventa ti toj jun yutsil li xch'ulbie. Cuxetuc yo'ntonic li boch'otic ta sa'ic Muc'ul Diose.

Mu me xch'ay ta avo'ntonic ti toj muc'tic yabtel spasoj, xchi'uc c'usitic lec yaloj

Q'uejinanic sventa chavich'ic ta muc'. Alic batel ti toj muc'tic c'usi spasoje.

Yu'un ja' toj ech'em smuc'ul li Muc'ul Diose. Ja' no'ox stuc oy ta ich'el ta muc'; ja' no'ox stuc xi'bil ta scotol li yantic diosetique.

Ich'biluc ta muc' avu'unic li Muc'ul Dios jech chac c'u cha'al tsc'ane; ac'beic smoton ti c'alal chatalic ta stojole. Quejano, patano abaic ta stojol te ta xch'ulna.

Toj ech'em tsots xojobal ti bu oye; toj ep svu'el, toj jun yutsil ti bu nacale.

“Jnaclumetic ta banamil, q'uejintaic li Muc'ul Diose; alic jujun c'ac'al ti c'u x'elan chcoltavane.

Q'uejintabeic slequilal, xchi'uc smuc'ul stsatsal ta scotol lumetic, xchi'uc ta scotol banamiletic.

‘Mu xapiquic li jt'ujbil vinictaque, mu xavuts'intaic li caj'alc'optaque’, xut.

Li diosetic yu'un yantic lumetique loc'tabilic no'ox; yan li Muc'ul Diose ja' la spas li vinajele.

Ac'o me jeloven xa jmil (1,000) ta c'ol li cristianoetique, pero li Diose mu xch'ay o ta yo'nton li c'usi xchapanoje.

Cuxetuc no'ox cha'yic li vinajel xchi'uc banamile. Jech ac'o yalic li jujun muc'tic lumetique: ‘Ja' ajvalil stuc li Muc'ul Diose’, ac'o xiicuc.

Ta sbatel osil ich'biluc ta muc' li Muc'ul Dios yu'un Israele”, xi li q'ueoj laj yal Davide. Jech laj yal scotol li israeletique: “Jechuc”, xiic. Jech ich'bil ta muc' ic'ot li Muc'ul Diose.

“Vo'oxuc yajvaltac lumetic, tsc'an oy c'usi chavac'beic li Muc'ul Diose; ich'beic ta muc' stsatsal svu'el li Muc'ul Diose.