Mareko 16
16
1Sabati lare oailiakei’inave, Maria Magadala, Maria, Iakobo, Salome ane, enu mei, orere mera muri iri aw inaeali’inave, orere anea’ane‐iai Iesu unu kape mera muri kikiai.
2Ebedoma anu pinai lare, pani merea miki, lare enu ina pani ai orere lauoi ai pai’inave.
3Orere erau voa veve’eimakei’inave, Rawre kikau mere koama‐laiawkamau enere eiai?
4Orere inamu‐ekiaka’ane orere inamu‐oinave rawre kikau mere lai‐awkavakei’inave: rawre ovara‐mai kei’inave.
5Lauoi ikirimakei’inave orere inamu‐oinave roropaea eve miki mekai pa’amakei’inave, urupu kapua va’au luki‐awmiakei’inave; orere kore‐ekavakei’inave.
6U erau voa kuruenave, Kore pa liai: norere Iesu voromakina, U ane iri keoa upa mere avakei’inave: U imua mere la’ane euna; U eu ai peo, eu ai oro i’inave.
7Enara, Una aivara, Petero ane, ekira U noro paku ai Galilaia enana: orau U kurunainave iou ai noro inamu‐oiakana.
8Orere elenave, lauoi mere orere ema area‐enanave; uku orere kape varuvaruli’inave, varuavakei’inave ane: orere voa eria a’a e kurunave: uku orere kore?-?kei’inave.
9Ebedoma anu pinai lare, merea pani ai, U imua mere la’avakei’inave, Maria Magadala anu paku ai U pinai erenave, ei a’e mere avaea lipi 7 U laeiaka.
10Ei a’e enanave oro ai oro U kiripai pokoiaka; oro vikirimakei’inave a’e ekinave.
11Oro viriaka’ane U uarokoakei’inave, U inamu‐oiake?-?iaka ane, oro a‐pirimaroakoanavea.
12Neko mere ai paku e U erenave omo kaupu a’a rere enu paku ai, orere are rokoamakei’inave avari ai.
13Orere vairunave orere enu kaupu a’a e ekiai: orere enu voa awku oro a‐pirimaroakoanavea.
14Neko mere ai aivara 11 pei navai papa’amakei’inave U omo paku ai erenave; omo peroro e’ea eiai, omo umu unu kane eiai ane, U voa momou‐momou kuruenave, uku oro a‐pirimaroakoanavea ione a’a anu voa oro ekiaka oro Iesu inamu‐oiaka’ane U imua mere la’avaka’ane.
15U erau voa ekinave, Pani va’au iki noro enara, a’a uriria anu paku ai Iva voa omoro kurura.
16A’a ane u pirimaroakona, bapatiso‐awkavakeina ane, u iawkavakeiakana; a kurua a’a u pirimaroakoapea u mua‐awkavakeiakana.
17Pirimaroakoa a’a anu vupu eire; i Na nawi avaea‐lipi oro laeiakana; voa e e nawawrea oro kuruakana;
18Oro paiko a’akiakana; oro ivave muramura na’ane, oro imuapea; omo eve maia a’a upa mere oro aiakana, maia a’a aukariekavakeia?-?kana.
19Amua Iesu orau kurueaka’ane, U pani muku ai ekeakei’inave, Eloi inu eve miki mekai U pa’anave.
20Oro elenave, makomako ai omoro kurunave ane, Amua oro kiripai iaki limakei’inave, i vupu e’e’okamakei’inave U omoro voa evere’emakei’inave. Amene.
Currently Selected:
Mareko 16: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
